Echequié 14:23 - Tupanaarü Ore

²³ Rü ngẽxguma nüxü̃ pedaugügu nax ñuxãcü chixexü̃gu namaxẽxü̃ i nümagü rü ngẽma chixexü̃ i naxügüxü̃ rü taxũtáma pengechaxü̃gü naxca̱x i guxü̃ma i ngẽma Yerucharéü̃maxã changupetüxẽẽxü̃. Rü ngẽxguma i pema rü tá nüxü̃ picua̱xãchitanü nax tama natüca̱xma nixĩ i Yerucharéü̃ca̱x íchanguxẽẽxü̃ i guxü̃ma i ngẽma poxcugü. Rü choma ya Cori ya Tupana nixĩ i cumaxã nüxü̃ chixuxü̃ i ngẽma —ñanagürü.

Echequié 14:23 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 16:6

Yerü nümagü rü nanadai ga curü duü̃xü̃gü rü curü orearü uruü̃gü, rü inanaba ga nagü. Rü ñu̱xma i cuma rü wüxi i mexü̃ nixĩ i cuxüxü̃ nax ngẽma dexá nagüxü̃ cunaca̱xichixẽẽxü̃ nax nawa naxaxegüxü̃ca̱x i ngẽma duü̃xü̃gü i chixexü̃ ügüxü̃. Erü ngẽma nixĩ i norü natanü naxca̱x nax curü duü̃xü̃güxü̃ nada̱i̱xü̃ rü nagüxü̃ nabaxẽxẽxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:4

¿Rü texé taxũtáma cuxü̃ tamuü̃, Pa Corix? ¿Rü texé taxũtáma cuxü̃ ticua̱xüxü̃? Erü cuma rü cuxicatama nixĩ i üünecü quixĩxü̃. Rü guxü̃ma i nachixü̃anecüã̱x rü tá cuxü̃tawa naxĩ, rü tá cuxü̃ nicua̱xüü̃gü, erü nüxü̃ nadaugü nax aixcüma namexü̃ i guxü̃ma i ngẽma nagu curüxĩnüxü̃ rü cuxüxü̃, rü aixcüma tá cunapoxcuexü̃ i ngẽma chixexü̃ ügüxü̃”, ñanagürü ga yema wiyae.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Danié 9:14

Rü yemaca̱x, Pa Cori Pa Tupanax, rü toxca̱x ícunangu̱xẽxẽ ga yema taxü̃ ga guxchaxü̃ ga cumatama tomaxã cuxueguxü̃. Erü cuma rü aixcüma cuyanguxẽxẽ i ngẽma nüxü̃ quixuxü̃. Natürü i toma rü tama cuxü̃́ itarüxĩnüechaü̃.

Danié 9:7

Rü cumax, Pa Cori Pa Tupanax, rü aixcümacü quixĩ. Rü ngẽmaca̱x poraãcü cupe̱xewa taxãnee i toma i Yerucharéü̃cüã̱xgü, rü ngẽma togü i totanüxü̃ i Iraétanüxü̃ i ngaicamawa rü yáxü̃wa to i nachixü̃anegu cuwoonexü̃ nagagu nax tama cuga naxĩnüexü̃.

Ucu̱xẽgüchiga 26:2

Ngẽma weri i nu ne nañamarexü̃, rü ngẽma chiru i ngexchiãxü̃ rü taxuwama nangu erü nangechica. Rü ngẽxgumarüxü̃ ta taxũtáma tüxna nangu i ngẽma chixexü̃ i togü tamaxã ueguxü̃ ega taxuxü̃ma i chixexü̃ ixüxgu.

Neemía 9:33

Natürü tama cugagu nixĩ ga yema guxchaxü̃gü ga toxü̃ ngupetüxü̃ yerü meama niwe̱x i guxü̃ma i ngẽma cuxüxü̃. Natürü toma nixĩ ga chixexü̃ taxügüxü̃.

Wenaxarü naxümatü ga Tupanaarü mugü 8:2

¡Rü nüxna pecua̱xãchie ga ñuxãcü Cori ya Tupana rü 40 ga taunecü yema chianexü̃gu pexü̃ nimugü! Rü pexü̃ naxãneexẽxẽ rü pexü̃ naxü nax nüxü̃ nacuáxü̃ca̱x rü aixcüma naga tá pexĩnüe rü tá peyangu̱xẽxẽ i norü mugü rüe̱xna tama.

Echequié 15:1

Nüma ga Cori ya Tupana rü chomaxã nidexa rü choxü̃ ñanagürü: —¿Ta̱xacüwa yixĩxü̃ i wüxi ya naixmena̱xã i úbanexü̃ namemaexü̃?

Echequié 16:54

Natürü i cumax, Pa Yerucharẽü̃x, rü tá cunaxwa̱xe nax namaxã cuporaxü̃ i ngẽma curü poxcu, rü naxcha̱xwa cuxãnexü̃ ga yema chixexü̃ ga cuxüxü̃. Rü ngẽmaãcü i cuma rü tá cuyanaxoxẽxẽ i ngẽma norü ngechaü̃ ya yima ĩanegü.

Echequié 31:16

Rü ngẽxguma chanayuxẽẽgu ya yima ocayiwa rü tá niwa̱x rü tá natagaxüchi. Rü ngẽxguma ngẽmaxü̃ naxĩnüegu i ngẽma nachixü̃anegü rü norü muü̃maxã tá nidu̱xruxe. Rü ngẽma waixü̃mütüü̃wa ngẽxmagüxü̃ i chorü naigü i Edéü̃cüã̱xgü rü ngẽxma tá nayacua̱x nax nangechaxü̃güxü̃. Rü ngẽxgumarüxü̃ tá ta ya yima naigü ya mexẽchigüne i líbanucüã̱x ya mea mepǘnegüne rü ngẽxma tá nayacua̱x nax nangechaxü̃güxü̃.

Lebítanüxü̃arü puracüchiga 26:40

Natürü ngẽxguma chope̱xewa nüxü̃ pixuxgu i perü chixexü̃ rü penatügüarü chixexü̃, rü yema nax tama chauga pexĩnüexü̃ rü chomaxã perüxuanügüxü̃, rü yema chixexü̃güca̱x perü uanügüarü naanewa pexü̃ chawogü, natürü ngẽxguma chi chopexegu pegü íperüxíragügu rü chi nüxü̃ picua̱xãchiegu i perü pecadugü, rü ngẽxguma i choma rü tá nüxna chacua̱xãchi ga yema uneta ga Acóbumaxã, rü Ichaámaxã, rü Abraáü̃maxã chaxüxü̃. Rü ngẽxgumarüxü̃ tá ta nüxna chacua̱xãchi i ngẽma naane ga noxri pexna chaxãxü̃ nax mexü̃ tá namaxã chaxueguxü̃.

Yox 33:27

Rü ngẽxguma i nümax i ngẽma duü̃xü̃ rü duü̃xü̃güpe̱xewa tá ñanarügü: “Woo pecadu chaxü, natürü Tupana choxü̃́ nüxü̃ narüngüma rü tama ngẽma choxna üxü̃maxã choxü̃ napoxcu.

Echequié 7:27

Rü nüma ya Yudáanecüã̱xarü ãẽ̱xgacü rü ñoma nayutanüxü̃rüxü̃ tá ngechaü̃ nüxü̃́ nangu̱x. Rü ngẽma ãẽ̱xgacü nane i duü̃xü̃gümaxã icuáxü̃ rü tá ta ngechaü̃ nüxü̃́ nangu. Rü nüma i Yerucharéü̃cüã̱x i duü̃xü̃gü rü norü muü̃maxã tá nidu̱xrue. Rü ngẽma nax tama mea namücügümaxã inacua̱xgüxü̃ãcü tátama namaxã ichacua̱x. Rü ngẽmatama poxcu i namücügümaxã naxuegugüxü̃ãcü tátama chanapoxcue. Rü ngẽmaãcü tá nixĩ i nüxü̃ nacua̱xgüxü̃ nax choma rü Cori ya Tupana nax chixĩxü̃” —ñachagürü.