Echequié 14:22 - Tupanaarü Ore

²² Natürü noxretátama nixĩ i íyaxügüxü̃. Rü nümagü rü nanegümaxã rü naxacügümaxã tá Yerucharéü̃wa ínachoxü̃. Rü ngẽxguma tá Babiróniawa nangugügu i nümagü, rü pemax i ngéma pengẽxmagüxü̃ rü tá nüxü̃ pecua̱x nax ñuxãcü chixexü̃gu namaxẽxü̃ i ngẽma duü̃xü̃gü rü ngẽma chixexü̃ i naxügüxü̃. Rü ñu̱xũchi taxũtáma pengechaxü̃gü naxca̱x i guxü̃ma i ngẽma poxcugü i Yerucharéü̃ca̱x íchanguxẽẽxü̃.

Echequié 14:22 Referans Kwoze

Echequié 12:16

Natürü tá íchayaxüxẽxẽ i ñuxre i Yerucharéü̃arü duü̃xü̃gü nax tama daigu nayuexü̃ca̱x, rü tama taiyamaxã, rü tama da̱xaweanegümaxã nayuexü̃ca̱x nax ngẽmaãcü ngẽma nachixü̃anegü i nawa nagagüxü̃wa nüxü̃ yacua̱xãchiexü̃ca̱x nax ngẽma norü chixexü̃gügagu yixĩxü̃ i napoxcuexü̃ rü ngẽmaãcü nüxü̃ nacua̱xgüxü̃ca̱x nax choma chixĩxü̃ ya Cori ya Tupana —ñanagürü.

Echequié 20:43

Rü ngéma rü tá nüxü̃ picua̱xãchie ga yema chixexü̃gü ga ãũãchixü̃ ga chope̱xewa pexüxü̃. Rü pegüwa tátama pexãũxã̱xgü nagagu ga yema chixexü̃gü ga pexügüxü̃.

Miquéa 5:7

Rü ngẽxguma i ngẽma Iraétanüxü̃ i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü Tupana rü tá namaxã inacua̱x ñoma cherenamaxã rü pucü i maxẽétügu puxü̃maxã inacuáxü̃rüxü̃. Rü taxũtáma nanaxwa̱xegü nax duü̃xü̃güarü ngü̃xẽẽca̱x nadaugüxü̃ erü Tupana tá nixĩ i nüxü̃ rüngü̃xẽẽcü.

Echequié 36:31

Rü ngẽxguma tá nüxna pecua̱xãchiegu ga yema pecüma ga chixexü̃ rü yema chixexü̃gü ga pexügüxü̃, rü pema rü tá pegücha̱xwa pexãnee naxca̱x ga yema pecadugü rü chixexü̃gü ga pexügüxü̃.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Echequié 16:54

Natürü i cumax, Pa Yerucharẽü̃x, rü tá cunaxwa̱xe nax namaxã cuporaxü̃ i ngẽma curü poxcu, rü naxcha̱xwa cuxãnexü̃ ga yema chixexü̃ ga cuxüxü̃. Rü ngẽmaãcü i cuma rü tá cuyanaxoxẽxẽ i ngẽma norü ngechaü̃ ya yima ĩanegü.

Yeremía 30:11

Rü choma ya Cori ya Tupana rü ñachagürü: “Choma rü pemaxã changexma nax pexü̃ íchanguxü̃xẽxẽxü̃ca̱x naxme̱xwa i perü uanügü. Rü tá chayanaxoxẽxẽ i guxü̃ma i ngẽma nachixü̃anegü i nagu pexü̃ chawoonexü̃. Natürü i pema rü tagutáma pexü̃ ichayarüxoxẽxẽ. Natürü ngẽma pexna üxü̃ i poxcumaxã tá pexü̃ chapoxcue. Rü taxũtáma nüxü̃ chaxüpetümare nax pexü̃ chapoxcuexü̃” —ñanagürü.

Yeremía 5:19

Rü ngẽxguma ngẽma íyaxügüxü̃ cuxna cagügu rü ñagügu: “¿Rü ta̱xacüca̱x nixĩ i guxü̃ma i ñaa tomaxã naxüxü̃ ya yimá tórü Cori ya Tupana?” ñagügu, rü cuma rü ñaãcü tá cunangãxü̃ rü ñacurügü tá: “Ngẽma nax Cori ya Tupanana pixĩgachixü̃ rü to i nachixü̃anecüã̱xgüarü tupananetachicüna̱xãgüxü̃ picua̱xüü̃güxü̃ i perü naanegüwatama, rü ngẽmaca̱x i pemax rü tá to i nachixü̃anecüã̱xgüaxü̃́ pepuracüe i norü naanewatama”, ñacugürü tá —ñanagürü ya Tupana.

Yeremía 4:27

Rü Cori ya Tupana rü ñanagürü: —Guxü̃táma i ngẽma nachixü̃ane rü chianexü̃ tá nixĩ, natürü taxũtáma ichayanaxoxẽẽxü̃chi.

Ichaía 24:13

Rü ñoma oribu ibuxuxguwena rü noxretama natanüwa yaxügüxü̃rüxü̃, rü ñoma úba ega norü buxguwena naxca̱x idaugügu i ngẽma noxretama i natanüwa yaxügüxü̃rüxü̃ tá nixĩ nax noxretama i duü̃xü̃gü íyaxügüxü̃ nawa i ngẽma nachixü̃anegü i ñoma i naanewa ngẽxmagüxü̃.

Ichaía 6:13

Rü woo chi 100 tanüwa rü 10 i duü̃xü̃gü íyaxüxgu nawa ya yima ĩane rü ngẽma rü tá ta nadai ñoma wüxi i nai i daxüchixü̃rüxü̃. Natürü ñoma wüxi i naixchimewa ngexwaca̱xü̃xü̃ i nane rüxüamaxü̃rüxü̃ tá nixĩ i ngẽma Iraétanüxü̃. Erü noxretama tá ínayaxü, rü ngẽmatanüwa tá ne naxĩ i duü̃xü̃gü i aixcüma chauga ĩnüexü̃ —ñanagürü ga Tupana.

Norü taxre ga to ga popera ga ãẽ̱xgacügüchiga ümatüxü̃ 36:20

Rü yemawena rü yema Yudáanecüã̱xgü ga íyaxügüxü̃ rü Babiróniawa nanagagü nax ãẽ̱xgacüarü rü nanegüarü puracütanüxü̃ yixĩgüxü̃ca̱x. Rü yemaacü yéma namaxẽ rü ñu̱xmata Pérchiaanearü ãẽ̱xgacüme̱xẽgu nayi ga Cadéugü.

Ore i mexü̃ ga Márcu ümatüxü̃ 13:20

Rü ngẽxguma Tupana tama nanoxrexẽẽgu i ngẽma ngunexü̃gü, rü taxúetama tamaxü̃. Natürü Tupana rü marü nananoxrexẽxẽ i ngẽma ngunexü̃gü erü tüxü̃ nangechaü̃ ya yíxema noxrüxü̃ tüxü̃ nadexe.

Echequié 7:16

Rü woo togü rü máxpüxanexü̃wa nabuxmügu ñoma muxtucugü i baixãchiexü̃rüxü̃, natürü guxãtáma tümaarü pecadugagu tayueama.

Echequié 31:16

Rü ngẽxguma chanayuxẽẽgu ya yima ocayiwa rü tá niwa̱x rü tá natagaxüchi. Rü ngẽxguma ngẽmaxü̃ naxĩnüegu i ngẽma nachixü̃anegü rü norü muü̃maxã tá nidu̱xruxe. Rü ngẽma waixü̃mütüü̃wa ngẽxmagüxü̃ i chorü naigü i Edéü̃cüã̱xgü rü ngẽxma tá nayacua̱x nax nangechaxü̃güxü̃. Rü ngẽxgumarüxü̃ tá ta ya yima naigü ya mexẽchigüne i líbanucüã̱x ya mea mepǘnegüne rü ngẽxma tá nayacua̱x nax nangechaxü̃güxü̃.

Echequié 32:31

Rü ngẽxguma nüma i Equítuanearü ãẽ̱xgacü i Faraóü̃ nüxü̃ da̱u̱xgu nax naxmaxü̃wa nangẽxmagüxü̃ i guxü̃ma i ngẽma togü i nachixü̃anegüarü churaragü ga daigu yuexü̃ rü taxũtáma poraãcü nangechaxü̃ naxca̱x nax nayuexü̃ i guxü̃ma i norü duü̃xü̃gü. Erü guxü̃ma i norü churaragü rü tá daigu nayue. Rü choma ya Cori ya Tupana nixĩ i nüxü̃ chixuxü̃ i ngẽma.

Echequié 36:20

Natürü yema Iraétanüxü̃ rü guxü̃ma ga guma ĩanegü ga nagu nawoonenewa rü chixri chauchiga nidexagü rü nanaxãũãchixẽxẽ ga chauéga i üünexü̃. Rü yemaca̱x ga yema togü ga duü̃xü̃gü rü ñanagürügü: “Ñaa nixĩ i Cori ya Tupanaarü duü̃xü̃gü, natürü nachixü̃anewa ínachoxü̃”, ñanagürügü —ñanagürü ya Tupana.