Biblia Todo Logo
Bib sou entènèt

- Piblisite -




Echequié 14:15 - Tupanaarü Ore

15-16 Rü ngẽxguma chi wüxi i nachixü̃anewa chanamugügu i naeü̃gü i idüraexü̃ nax yadaiãxü̃ca̱x i ngẽma nachixü̃anearü duü̃xü̃gü rü chianexü̃xü̃ chi nananguxuchi i ngẽma nachixü̃ane rü chi taxuxü̃ma i duü̃xü̃gü ngéma nachopetü erü chi nüxü̃ namuü̃e i ngẽma naeü̃gü i idüraexü̃, rü ngẽxguma chi ngéma namaxẽgu i ngẽma tomaepü̱x i yatügüx rü nüxica chitama nixĩ i namaxẽxü̃. Natürü nümagü rü taxucürüwachima nanegüxü̃ rü naxacügüxü̃ namaxẽxẽxẽ. Rü ngẽmaãcü chianexü̃xü̃ nananguxuchi i ngẽma nachixü̃ane. Rü choma ya Cori ya Tupana nixĩ i chauégagu cumaxã nüxü̃ chixuxü̃ i ngẽma.

Gade chapit la Kopi




Echequié 14:15
9 Referans Kwoze  

Rü aixcüma pexca̱x tá íchananguxẽxẽ i taiya rü da̱xaweane rü yu. Rü ngéma tá chanamugü i aigü i pexacügü tüxü̃ ngõ̱xcuxü̃. Rü ngẽxgumarüxü̃ ta ngéma tá chanamugü i perü uanügü nax daigu peyuexü̃ca̱x. Rü choma ya Cori ya Tupana nixĩ i chanaxunagüxü̃ i ngẽma’ ” —ñanagürü.


Rü tá pexca̱x íchayachoõchixẽxẽ i naeü̃gü i düraexü̃ nax pexacügüxü̃ nangõ̱xcuxü̃ca̱x rü ngẽmaãcü pingexacügüxü̃ca̱x. Rü perü wocagügu tá nawagüe, rü pegu tá nawagüe ñu̱xmatáta pigú rü ngẽmaãcü taxúetama namagu tixũ.


Rü choma ya Cori ya Tupana rü nüxü̃ chixu rü ñachagürü: —Naxãgümücüraü̃xü̃ i poxcu tá pexca̱x íchanguxẽxẽ. Rü daigu tá pexü̃ nadai, rü airugü tá pexü̃ nitúgü, rü ngurucugü tá pexü̃ nangõ̱xgü, rü ñu̱xũchi naeü̃gü i idüraexü̃ tá pexü̃ nangõ̱xcu.


Natürü yema duü̃xü̃gü ga Achíriaanearü ãẽ̱xgacü yéma mugüxü̃ rü tama Cori ya Tupanaxü̃ nicua̱xüü̃gü. Rü yemaca̱x yexguma yexwacax Chamáriaarü ĩpatagügu nügü yanuxgu, rü Tupana rü yéma nanamugü ga leóü̃gü nax nadaiaxü̃ca̱x ga ñuxre ga yema duü̃xü̃gü.


Rü yexguma nüma ga gumá orearü uruxü̃ rü ñanagürü: —Ñu̱xma tátama nax choxna quixũgachixü̃ rü wüxi i leóü̃ tá cuxü̃ nima̱x erü tama naga cuxĩnü ya Tupana —ñanagürü. Rü yexguma nax gumá orearü uruxü̃na nayaxũgachixü̃ ga gumá yatü rü wüxi ga leóü̃ naxca̱x yéma ne naxũ rü guma yatüxü̃ nima̱x.


Rü yemaca̱x ga nüma ga Cori ya Tupana rü naxca̱x yéma nanamugü ga ãxtapegü nax duü̃xü̃güxü̃ nangõ̱xgüxü̃ca̱x. Rü yemamaxã rü muxü̃ma ga Iraétanüxü̃ rü nayue.


Rü duü̃xü̃gü rü yima ma̱xpǘnegüca̱x rü wocachitaü̃güca̱x naxaxu rü ningü̃necüü, erü nixae rü marü taxúema ngéma taxüpetü. Rü marü taxuxü̃ma i wocagaxü̃ taxĩnü. Rü werigü rü naeü̃gü i idüraexü̃ rü nibuxmü.


Rü choma i Cori ya Tupana rü nüxü̃ chixu rü wüxi i taxü̃ i guxchaxü̃ tá nixĩ i ngẽxguma Yerucharéü̃ca̱x íchanguxẽẽgu i ngẽma ãgümücü i poxcu i ãũcümaxü̃chixü̃; i dai, rü taiya, rü naeü̃gü i idüraexü̃, rü ñu̱xũchi da̱xaweanegü. Rü ngẽmamaxã tá nixĩ i chanadaixü̃ i duü̃xü̃gü rü naeü̃gü.


Ñaa ga taxre ga guxchaxü̃ petanügu nangu, rü perü uanügü nagu napogüe ga pechixü̃ane rü nanadeãcu, rü petanüxü̃ rü daigu rü taiyamaxã nayue. ¿Rü texéaxü̃́ tá ipexauxãchitümüxü̃güxü̃? ¿Rü texé tá pexü̃ taãxẽxẽxẽxü̃?


Swiv nou:

Piblisite


Piblisite