Echequié 14:14 - Tupanaarü Ore

¹⁴ Rü ngẽxguma chi ngẽma nachixü̃anewa namaxẽgu i Noé, rü Danié, rü Yox, rü ngẽma tomaepü̱xica chitama nixĩ i maxẽxü̃ erü aixcüma nayaxõgü. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Echequié 14:14 Referans Kwoze

Yeremía 15:1

Nüma ya Cori ya Tupana rü ñanagürü choxü̃: —Rü woo chi Moiché rü Chamué nua chauxü̃tawa ĩxgu nax naétüwa yachogüexü̃ca̱x i ñaa duü̃xü̃gü, rü marü taxũchima nüxü̃́ ichaxĩnü nax choxü̃́ nangechaü̃tümüxü̃güxü̃ i ñaa duü̃xü̃gü. ¡Rü namaxã nüxü̃ ixu rü choxna yaxĩgachitanü!

Echequié 28:3

¿Rü cumax, Pa Tíruarü Ãẽ̱xgacüx, nagu curüxĩnügu rü Tupanaarü orearü uruxü̃ i Daniéarü yexera nüxü̃ curücua̱xmae? ¿Ẽ̱xna nagu curüxĩnügu rü nataxuma i ta̱xacü i cuxca̱x ẽxü̃guxü̃?

Naanearü ügüchiga 7:1

Rü yemawena ga Tupana rü Noéxü̃ ñanagürü: —Natanüwa i guxü̃ma i ñaa duü̃xü̃gü rü cuxicatama nixĩ i chorü ngúchaü̃ãcüma cumaxü̃xü̃. ¡Rü ngẽmaca̱x guxü̃ma i cunegümaxã nagu ixüe ya yima wapuru!

Yox 1:1

Rü Úxanegu naxãchiü̃ ga wüxi ga yatü ga Yoxgu ãégacü. Nüma rü meama namaxü̃ rü nataxuma ga chixexü̃ ga nachiga. Rü aixcüma Tupanaarü ngúchaü̃ naxü, rü nügüna nadau nax taxúemaxã chixexü̃ naxüxü̃.

Popera ga Yudíugü ga yaxõgüxü̃ca̱x ümatüxü̃ 11:7

Rü yexguma Noémaxã yadexaxgu ga Tupana, rü nüma ga Noé rü nayaxõ rü naga naxĩnü. Rü Tupana rü namaxã nüxü̃ nixu rü tá ínanguxü̃ ga mucü ga taxüchicü ga taguma duü̃xü̃gü nüxü̃ daucü rü tá guxü̃wama inanguanexẽẽcü. Rü Tupana namaxã nüxü̃ nixu nax naxüaxü̃ca̱x ga wüxi ga wapuru ga taxü̃ne nax tama nayuexü̃ca̱x ga nüma rü naxma̱x rü nanegü rü naneã̱xgü. Rü Tupanaga naxĩnü ga Noé, rü nanaxü ga gumá wapuru, rü yemaacü tama nayue ga nüma rü napatacüã̱x yerü Tupanaaxü̃́ nayaxõ. Natürü yema togü ga duü̃xü̃gü rü tama Noérüxü̃ nayaxõgü, rü yemaca̱x Tupana nanapoxcue. Rü nüma ga Tupana rü Noéxü̃ nixu nax nape̱xewa namexü̃, yerü nüxü̃́ nayaxõ.

Danié 10:11

Rü ñu̱xũchi ñanagürü choxü̃: —Pa Daniéx, Tupana rü cuxü̃ nangechaü̃. ¡Rü mea irüxĩnü i ngẽma tá cumaxã nüxü̃ chixuxü̃! ¡Rü inachi! Erü choxü̃ nixĩ i cuxü̃tawa namuxü̃ ya Tupana —ñanagürü. Rü yexguma yagúegagu nax yadexaxü̃ rü choma rü chidu̱xruxãcüma ichachi.

Yox 1:5

Rü yexguma marü nawena ga yema nanegüarü peta ga naxügüüxü̃, rü nüma ga Yox rü nanegüca̱x nangemaxü̃. Rü pa̱xmamaxü̃chima ínarüdaüxü̃ rü wüxichigü ga nanegüégagu rü naxacügüégagu Tupanaca̱x nayama̱x rü nayagu ga wüxi ga naxü̃na nax yemaacü Tupana nüxü̃́ nüxü̃ rüngü̃maxü̃ca̱x ga yema nanegüarü rü naxacügüarü chixexü̃gü. Rü yemaacü nanaxüüxü̃ ga Yox yerü nagu narüxĩnü rü nanegü rü naxacügü rü ngürüãchi marü Tupanape̱xewa guxchaxü̃ naxügüe ga norü ĩnüwa ga yexguma peta naxügüxü̃gu.

Naanearü ügüchiga 6:8

Natürü ga Tupana rü Noéxü̃ nadau nax mexü̃ naxüxü̃ ga nape̱xewa.

Echequié 18:20

Rü yíxema chixexü̃ üxexicatama tá tixĩ ya tümaarü chixexü̃gagu poxcuexe. Rü nüma ya yimá nane ya mecü rü taxũtáma nanatüarü chixexü̃ naxütanü. Rü wüxi i papa i mexü̃ rü taxũtáma nanearü chixexü̃ naxütanü. Rü yíxema mexü̃ ǘxe rü tá tanayaxu i tümaarü ãmare naxca̱x i ngẽma mexü̃ i taxüxü̃. Rü yíxema chixexü̃ ǘxe rü tá tanayaxu i tümaarü poxcu naxca̱x i ngẽma chixexü̃ i taxüxü̃.

Yeremía 11:14

Rü ngẽmaca̱x i cumax, Pa Yeremíax, ¡rü taxṹ i naxca̱x cuyumüxẽxü̃ i ñaa duü̃xü̃gü! ¡Rü taxṹ i choxü̃ naxca̱x cuca̱a̱xü̃xü̃ nax nüxü̃ charüngü̃xẽxẽxü̃ca̱x! Erü ngẽxguma guxchaxü̃ naxca̱x ínguxgu, rü choma rü taxũtáma nüxü̃ chaxĩnü woo chorü ngü̃xẽxẽca̱x ínacagügu.

Norü taxre ga popera ga Pedru ümatüxü̃ 2:9

Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.

Danié 9:21

Rü yexguma íchayumüxẽyane rü cha̱u̱xca̱x nango̱x ga Tupanaarü orearü ngeruxü̃ ga dauxü̃cüã̱x ga Gábi ga ü̃pa cha̱u̱xca̱x ngócü ga yexguma Tupana choxü̃ ngo̱xetüxẽẽgu. Rü yagoeãcü yema íchayexmaxü̃wa nangu. Rü yema ora ga Tupanaca̱x ãmaregü yagugüxü̃ ga yáuanecü nixĩ ga chauxü̃tawa nanguxü̃.

Yeremía 7:16

Cori ya Tupana rü Yeremíaxü̃ ñanagürü: —Cuma Pa Yeremíax, tama chanaxwa̱xe i naxca̱x cuyumüxẽ i ñaa duü̃xü̃gü. Rü tama chanaxwa̱xe i choxü̃ cuca̱a̱xü̃ rü naxca̱x choxü̃ cuchixewe. Rü tama chanaxwa̱xe i chomaxã nüxü̃ quixuecha, erü taxũtáma cuxü̃ chaxĩnü.

Ucu̱xẽgüchiga 11:4

Ngẽma diẽru rü taxúexü̃táma ínapoxü̃ i ngẽma ngunexü̃ i nagu Cori ya Tupana tüxü̃ icagüxü̃gu, natürü ngẽma mexü̃ ixüxü̃ nixĩ i yuwa tüxü̃́ ínguxuchixẽẽxü̃.

Danié 1:6

Rü yema ngextü̱xüxü̃gütanüwa nayexmagü ga Danié rü Ananía rü Michaé rü Acharía. Rü nümagü rü Yudátanüxü̃ nixĩgü.

Echequié 3:19

Natürü ngẽxguma chi cuma rü ngẽma duü̃xü̃ i chixexü̃gu maxü̃xü̃ cuxucu̱xẽgu nax nüxü̃ naxoxü̃ca̱x i ngẽma nacüma i chixexü̃ rü nüma rü tama nüxü̃ naxoxchaü̃gu, rü ngẽma norü pecadugagu tá nayu. Natürü i cuma rü taxuca̱xtama cuxna chaca, rü tá cumaxü̃.

Echequié 16:18

Rü yema cuxchirugü ga imematüxü̃gu cuyacu̱xgüxẽxẽ ga yema naxchicüna̱xãgü, rü nüxna cunaxãmare ga yema chorü chíxü̃ rü chorü pumarate̱xe.

Echequié 16:20

Rü cunadai ga yema cunegü rü cuxacügü ga chomaxã cuxü̃́ yexmaxü̃, rü yema tupananetachicüna̱xãgüca̱x ícunagu nax namaxã naxãwemügüxü̃ca̱x. Rü tama cuxü̃́ ningu nax wüxi ga ngexü̃ ga naxü̃nemaxã taxexü̃wa nax cunguxü̃. Rü yemaca̱x naétü cunadai rü ícunagu ga chauxacügü naxca̱x ga yema tupananetachicüna̱xãgü.

Danié 9:23

Rü yexguma noxritama icunaxügügu nax cuyumüxẽxü̃ rü Tupana rü marü cuxü̃ nangãxü̃. Rü ngẽmaca̱x i chomax rü nua chaxũ nax cumaxã nüxü̃ chayarüxuxü̃ca̱x nax marü cuxü̃ nangãxü̃xü̃, erü nüma ya Tupana rü poraãcü cuxü̃ nangechaü̃. ¡Rü ñu̱xma rü mea irüxĩnü i ngẽma tá cumaxã nüxü̃ chixuxü̃ nachiga ga yema nüxü̃ cudauxü̃ ga yexguma cungo̱xetügu!