Echequié 13:9 - Tupanaarü Ore

⁹ Rü choma rü tá chanapoxcue i ngẽma orearü uruü̃güneta i doramarexü̃ daugüxü̃ rü doramarexü̃ ixugüxü̃. Rü nümagü rü taxũtáma Iraétanüxü̃arü ãẽ̱xgacügütücumüwa naxügü. Rü taxũtáma ngẽma Iraétanüxü̃ nagu iwǘgüxü̃ i poperagu tá niwügü. Rü ngẽxguma to i nachixü̃anewa nagagügu rü taxũtáma wena Iraéaneca̱x nawoegu. Rü ngẽxguma tá nixĩ i nüxü̃ picua̱xãchitanüxü̃ nax choma chixĩxü̃ ya Cori ya Tupana.

Echequié 13:9 Referans Kwoze

Echequié 20:38

Rü ngẽma nachixü̃ane i ñu̱xma nawa pemaxẽxü̃wa tá pexü̃ íchagaxü̃, natürü ngẽma tama chauga ĩnüexü̃ rü tá íchananuxü̃ rü taxũtáma Iraéarü naaneca̱x nawoegu. Rü ngẽxguma i pema rü tá nüxü̃ picua̱xãchie nax choma ya Cori chixĩxü̃ i perü Tupana —ñachagürü.

Wiyaegü 87:6

Rü ngẽma popera i nawa nango̱xégagüxü̃ i duü̃xü̃gü, rü Tupana rü tá nüxü̃ nawǘneta i ngẽma duü̃xü̃égagü i Yerucharéü̃gu buexü̃.

Wiyaegü 69:28

¡Rü ínapiéga nawa i ngẽma popera i nagu naxümatüégagüxü̃ i ngẽma curü duü̃xü̃gü i maxü̃ nüxü̃́ ngẽxmagüxü̃! Rü tama chanaxwa̱xe i ngẽma cuga ĩnüexü̃tanüwa cunango̱xégagüxẽxẽ.

Danié 12:1

Rü ñanagürü ta: —Rü tá ínangugü i ngunexü̃gü i nagu tá nangẽxmaxü̃ i taxü̃ i guxchaxü̃gü i taguma ñuxgu nüxü̃ idauxü̃ ga yexguma noxritama nangóegu ga nachixü̃anegü. Rü ngẽxguma ngẽma ngunexü̃güwa nanguxgu rü tá nango̱x ya Miguére ya dauxü̃cüã̱xarü ãẽ̱xgacü ya curü duü̃xü̃gü i Iraétanüxü̃xü̃ ípoxü̃cü. Rü ngẽxguma ngẽma ngunexü̃güwa nanguxgu rü guxü̃ma i ngẽma curü duü̃xü̃gü i Iraétanüxü̃ i Tupanaarü poperagu ümatüégaxü̃ rü tá namaxẽ naétüwa i ngẽma guxchaxü̃gü.

Édra 2:59

Rü nawoegu ga ñuxre ga Deraíataagü rü Tobíataagü, rü Necodátaagü ga ĩane ga Tex-mérawa, rü ĩane ga Tex-archáwa, rü ĩane ga Querúxwa, rü ĩane ga Adóü̃wa, rü ĩane ga Iméwa ne ĩxü̃. Rü guxü̃wama rü 652 nixĩgü ga norü mu. Rü nümagü ga yemagü rü tama nüxü̃ nacua̱xgü nax aixcüma Iraétanüxü̃ yaxĩgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:15

Rü guma naxtaxa ga üxümaxã iya̱u̱xrachiünewa nawoü̃ ga yema tama nawa ngo̱xégagüxü̃ i Tupanaarü popera i nagu yawǘgüxü̃ i ngẽma nüxü̃́ ngẽxmagüxü̃ i maxü̃ i taguma gúxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:12

Rü nüxü̃ chadau ga yema yuexü̃ ga yaexü̃ rü buexü̃ ga yema tochicaxü̃wa rütocüpe̱xegu chigüxü̃. Rü ningena ga poperagü. Rü yexgumarüxü̃ ta ningena ga yema popera i nagu yawǘgüxü̃ i ngẽma duü̃xü̃gü i nüxü̃́ ngẽxmaxü̃ i maxü̃ i taguma gúxü̃. Rü yema yuexü̃ rü yexgumarüxü̃ ga ñuxãcü nax namaxẽxü̃ ga wüxichigü rü yexgumarüxü̃ ga ñuxãcü nax yema poperagu naxümatüxü̃ ga nachiga ga wüxichigü ga duü̃xü̃ rü yemaacü namaxã nüxü̃ nixu nax ngextá tá naxĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:20

Rü yema nüxíraxü̃xü̃ ga ngo̱xo rü niyaxu. Rü wüxigu namaxã niyaxu ga yema to ga ngo̱xo ga orearü uruü̃neta ixĩxü̃ ga yema nüxíraxü̃xü̃ ga ngo̱xope̱xewa naxüxü̃ ga cua̱xruü̃gü ga duü̃xü̃gü tama nüxü̃ cuáxü̃ nax naxügüãxü̃. Rü yema cua̱xruü̃gümaxã nixĩ ga nawomüxẽẽãxü̃ ga yema duü̃xü̃gü ga nüxü̃ icua̱xüü̃güxü̃ ga naxchicüna̱xã ga yema nüxíraxü̃xü̃ ga ngo̱xo rü nügü ixãgüxü̃ nax yema ngo̱xoégamaxã nax yaxüégagüxü̃. Rü yema nüxíraxü̃xü̃ ga ngo̱xo rü yema to ga ngo̱xo ga orearü uruü̃neta ixĩxü̃, rü wüxigu maxẽxacü̃ma nawa nawoü̃ ga gumá naxtaxa ga achúfremaxã iya̱u̱xrachiüne.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:8

Rü tá ngẽma ngo̱xoxü̃ nicua̱xüü̃gü i guxü̃ma i ñoma i naanecüã̱x i ngeégagüxü̃ nawa i norü popera ya yimá Carnéruxacü ga yama̱xgüãcü. Rü noxritama naanearü ügügu rü yima Carnéruxacüarü poperagu nixĩ i naxümatüxü̃ i naéga i ngẽma duü̃xü̃gü i nüxü̃́ nangẽxmagüxü̃ i maxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 12:23

Rü ñu̱xma i pemax, rü marü natanüxü̃ pixĩgü i guxü̃ma i ngẽma duü̃xü̃gü i noxri Tupanaarü poperawa ngo̱xégagüxü̃. Rü marü nüxna pengaicamagü ya Tupana ya Ãẽ̱xgacü ya Guxãnatáma ca̱xacü. Rü marü nüxna pengaicamagü i naãxẽgü ga yema duü̃xü̃gü ga mecümagüxü̃ ga yuexü̃ ga Tupana imexẽẽgüxü̃.

Filipenses 4:3

Rü cumax, Pa Chomücü ya Mecü i Wüxigu Tupanaarü Puracüwa Chomaxã Puracücüx, rü cuxna naxca̱x chaca nax nüxü̃ curüngü̃xẽẽxü̃ca̱x i ngẽma taxre i taeya̱xgü. Erü nümagü rü wüxigu chomaxã rü Creméntemaxã rü ngẽma togü i chomücügü i Tupanaarü poperawa marü ngo̱xégagüxü̃maxã napuracüe i Tupanaarü orearü uwa.

Ore i mexü̃ ga Luca ümatüxü̃ 10:20

¡Natürü taxṹ i petaãẽgüxü̃ naxca̱x i ngẽma nax pega naxĩnüexü̃ i ngo̱xogü! Rü name nixĩ i petaãẽgü naxca̱x nax marü naxümatüxü̃ i peéga i Tupanaarü poperawa i daxũguxü̃ i naanewa —ñanagürü.

Ochéa 9:3

Rü pemax, Pa Iraéanecüã̱xgüx, rü wena táxarü Equítuaneca̱x pewoegu. Rü Achíriaanewa tá penangõ̱x i õna ya Tupana pexna chu̱xuxü̃. Rü marü taxũtáma nawa pemaxẽ i ngẽma naane ya Tupana pexna ãxü̃.

Echequié 12:20

Rü guxü̃nema ya daa ĩanegü i nawa namaxẽne i ngẽma duü̃xü̃gü rü tá inayarüxogü. Rü ñaa nachixü̃ane rü tá chianexü̃xü̃ nayanguxuchi. Rü ngẽxguma tá nixĩ i pemax rü nüxü̃ picua̱xãchitanüxü̃ nax choma chixĩxü̃ ya Cori ya Tupana’ ” —ñanagürü.

Echequié 11:10

Rü perü uanügü rü taramaxã tá pexü̃ nadai. Rü ngẽma Iraéanearü üyeanewa tá nixĩ i perü chixexü̃ca̱x pexna chacaxü̃ nax pexü̃ chapoxcuexü̃ca̱x. Rü ngẽxguma tá nixĩ i nüxü̃ picua̱xãchitanüxü̃ nax choma chixĩxü̃ ya Cori ya Tupana.

Yeremía 23:20

Rü ngẽma norü nu ya Cori ya Tupana rü taxũtáma ínayachaxãchi ñu̱xmata yanguxẽẽã i ngẽma nagu naxĩnüxü̃. Rü tá ínangugü i ngunexü̃gü i nagu tá aixcüma nagu perüxĩnüexü̃ i ngẽma pexü̃ ngupetüxü̃, rü tá aixcüma nüxü̃ pecua̱x nax ta̱xacüchiga yixĩxü̃ i ngẽma pexü̃ ngupetüxü̃.

Yeremía 17:13

Pa Corix, cuwa nixĩ i ínanguxẽẽgüãxü̃ i Iraétanüxü̃ nax ícunapoxü̃xü̃. Rü guxü̃ma i ngẽma cuxü̃ íta̱xgüxü̃ rü tá naxãnee. Rü guxü̃ma i ngẽma cuxna ixĩgachitanüxü̃ rü ñoma wüxi i duü̃xü̃éga i waixü̃müte̱xegu naxümatüxü̃rüxü̃ inayarüxomare, nagagu nax cuxü̃ ínata̱xgüxü̃, Pa Tupanax. Rü cuma nixĩ i toxna cunaxãxü̃ i maxü̃ ñoma dexá i nutawa chuxchuxü̃rüxü̃.

Ichaía 4:3

Rü ngẽma duü̃xü̃gü i ma̱xpǘne ya Chióü̃wa yaxǘgüxü̃ rü ngẽma Yerucharéü̃wa yaxǘgüxü̃ rü ngẽxma ãpatagüxü̃, rü Tupanaarü duü̃xü̃gügu tá nanaxüégagü.

Wiyaegü 101:7

Rü ngẽma womüxẽẽwa̱xegüxü̃ rü tá nangechica i chopatawa. Rü taxuxü̃táma idorata̱xáxü̃ chauxü̃tawa nangẽxma.

Wiyaegü 69:5

Pa Chorü Tupanax, cuma nüxü̃ cucua̱x nax tama aixcüma chauãẽxü̃ chacuáxü̃. Rü ngẽmaca̱x taxucürüwama cupe̱xewa ichayacu̱xgü i chorü pecadugü.

Neemía 7:64

Rü nümagü ga yema chacherdótegü rü yema natanüxü̃panegu naxca̱x nadaugü ga naéga. Natürü nataxuma ga naéga ga yema natanüxü̃panewa rü yemaca̱x ínanamuxü̃ ga chacherdótegütanüwa.

Neemía 7:62

Yema duü̃xü̃gü rü Deraíataagü, rü Tobíataagü, rü Necodátaagü nixĩgü. Rü guxü̃wama rü 642 nixĩ ga norü mu.

Nüxíraxü̃xü̃ ga popera ga ãẽ̱xgacügüchiga 13:18

Natürü nüma ga guma yacü ga orearü uruxü̃ rü ñanagürü: —Choma rü ta cuxrüxü̃ orearü uruxü̃ chixĩ. Rü Cori ya Tupanaarü orearü ngeruxü̃ i daxũcüã̱x choxü̃ namu nax chauchiü̃wa cuxü̃ chagaxü̃ca̱x rü ngéma cuxü̃ nax chachibüxẽẽxü̃ca̱x, rü cuxü̃ nax chaxaxexẽẽxü̃ca̱x —ñanagürü. Natürü doramare nixĩ ga yema nüxü̃ yaxuxü̃ ga guma orearü uruxü̃ ga yacü.

Yeremía 4:9

Rü Cori ya Tupana rü ñanagürü: —Ngẽxguma nawa nanguxgu i ngẽma ngunexü̃ rü muü̃maxã tá nidu̱xruxe i ngẽma ãẽ̱xgacügü rü norü ngü̃xẽẽruü̃gü. Rü ngẽma chacherdótegü rü tá namuü̃e, rü ñu̱xũchi ngẽma orearü uruü̃gü rü tá naba̱i̱xãchie —ñanagürü.

Echequié 13:14

Rü tá chayawa̱xẽxẽ i ngẽma naxtapü̱x i cómüxü̃maxã pechaxü̃. Rü ngẽxguma yawa̱xgu rü tá nango̱x ya yimá nutagü ya namaxã penaxügücü, rü pemax rü ngẽma naxtapü̱xtüü̃gu tá peyue. Rü ngẽxguma tá nixĩ i nüxü̃ picua̱xãchigüxü̃ nax choma chixĩxü̃ ya Cori ya Tupana.

Echequié 13:23

Rü ngẽmaca̱x i pema rü taxũtáma wena doraxü̃ pedaugü rü doraxü̃ pixugü. Choma rü tá pexme̱xwa íchananguxü̃xẽxẽ i ngẽma chorü duü̃xü̃gü. Rü ngẽxguma i pema rü tá nüxü̃ picua̱xãchitanü nax choma chixĩxü̃ ya Cori ya Tupana’ ” —ñanagürü.

Wiyaegü 95:11

Rü yemaca̱x chorü numaxã namaxã chanaxuegu nax taxũtáma nawa nangugüxü̃ i ngẽma naane i nagu chanangü̃güxẽẽchaü̃xü̃ —ñanagürü ya Tupana.

Yeremía 14:15

Rü choma ya Cori ya Tupana, rü ñachagürü nachiga i ngẽma orearü uruü̃güneta i tama choma chamugüãcüma chauégagu nüxü̃ ixugüxü̃ nax nataxuxü̃táma i dai rü taiya i ñaa nachixü̃anewa. Rü nüma i ngẽma orearü uruü̃güneta rü daigu rü taiyamaxã tá nayue.

Ochéa 4:5

Rü cuma rü ngunecü tátama nagu cungu i ngẽma guxchaxü̃. Rü nüma ya yima orearü uruü̃neta rü chütacü cuxrüxü̃tátama nagu nangu. Rü choma rü tá chanadai i curü duü̃xü̃gü.

Miquéa 3:5

Rü ngẽma chorü duü̃xü̃gü rü nacüma i chixexü̃gu naxĩ nagagu i ngẽma orearü uruü̃güneta i doramaxã nangúexẽẽxü̃. Rü yíxema õna nüxna ãxe rü ngẽma orearü uruü̃güneta taãxẽ tümamaxã naxuegu. Natürü yíxema tama õna nüxna ãxe rü dai tümamaxã naxuegu.

Miquéa 3:6

Rü pemax i orearü uruü̃güneta rü chütacü rü marü taxũtáma pengo̱xetügü. Rü ngẽxguma rü marü taxũtáma nüxü̃ pecua̱x i ngẽma Tupana nagu rüxĩnüxü̃. Rü ñoma üa̱xcü rütaxuxü̃rüxü̃ tá inarütaxu nax pengo̱xetüxü̃ rü taxũtáma Tupana pexü̃ nüxü̃ nacua̱xẽxẽ i ngẽma tá ngupetüxü̃.