Echequié 13:4 - Tupanaarü Ore

⁴ Pa Iraétanüxü̃x, ngẽma perü orearü uruü̃güneta rü ñoma ngowagü ya ĩpatagü ya iwa̱xgünearü nutagütanüwa maxẽxü̃rüxü̃ nixĩgü.

Echequié 13:4 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 19:20

Rü yema nüxíraxü̃xü̃ ga ngo̱xo rü niyaxu. Rü wüxigu namaxã niyaxu ga yema to ga ngo̱xo ga orearü uruü̃neta ixĩxü̃ ga yema nüxíraxü̃xü̃ ga ngo̱xope̱xewa naxüxü̃ ga cua̱xruü̃gü ga duü̃xü̃gü tama nüxü̃ cuáxü̃ nax naxügüãxü̃. Rü yema cua̱xruü̃gümaxã nixĩ ga nawomüxẽẽãxü̃ ga yema duü̃xü̃gü ga nüxü̃ icua̱xüü̃güxü̃ ga naxchicüna̱xã ga yema nüxíraxü̃xü̃ ga ngo̱xo rü nügü ixãgüxü̃ nax yema ngo̱xoégamaxã nax yaxüégagüxü̃. Rü yema nüxíraxü̃xü̃ ga ngo̱xo rü yema to ga ngo̱xo ga orearü uruü̃neta ixĩxü̃, rü wüxigu maxẽxacü̃ma nawa nawoü̃ ga gumá naxtaxa ga achúfremaxã iya̱u̱xrachiüne.

Efesios 4:14

Rü taũtáma ñoma buxü̃gürüxü̃ tixĩgü i tórü õwa. Rü ngẽxguma ta̱xacürü to i ngu̱xẽẽtaexü̃ ixĩnüegu rü taxũtáma naga taxĩnüe nax tama ñoma buanecü ngextámare cuecürüxü̃ tüxü̃ yaxĩgüxẽẽxü̃ca̱x. Rü taxũtáma nawe tarüxĩ i ngẽma duü̃xü̃gü i norü doramaxã tüxü̃ womüxẽẽgüxü̃ rü norü ngu̱xẽẽtaemaxã tüxü̃ ítüexẽẽchaü̃xü̃.

Gálatas 2:4

Natürü nayexma ga ñuxre ga taenexẽgüneta ga bexmamare totanügu chocuxü̃. Rü yemagü nixĩ ga naxwa̱xegüxü̃ nax ínawíü̃cha̱xmüü̃pe̱xechiraü̃xü̃ i ngẽma yaxõgüxü̃ i tama Yudíugü ixĩgüxü̃. Yerü nanangugüchaü̃ rü aixcüma yixĩ nax Cristu nüxna tüxü̃ ínguxü̃xẽẽxü̃ ga yema mugü ga Moiché ümatüxü̃. Rü nanaxwa̱xegü nax wenaxarü nagu ixĩxü̃ ga yema mugü ga guxchaxü̃ ga Moiché ümatüxü̃.

Romanos 16:18

Erü ngẽma duü̃xü̃gü rü tama tórü Cori ya Ngechuchu ya Cristuarü ngúchaü̃ naxügü, natürü noxrütama ngúchaü̃ nixĩ i naxügüxü̃. Norü dexa ga maixcuraxü̃maxã nayaxucu̱xẽgü i duü̃xü̃gü, rü ngẽmaãcü nanawomüxẽẽgü i ngẽma duü̃xü̃gü i tama mea nüxü̃ cua̱xgüxü̃.

Ore i mexü̃ ga Matéu ümatüxü̃ 7:15

Rü naxca̱x pexuãẽgü i ngẽma dorata̱a̱xgüxü̃ i nügü ixugünetaxü̃ nax Tupanaarü orearü uruü̃gü yixĩgüxü̃. Erü nümagü rü ñoma carnérugü i tama ãũcümaxü̃rüxü̃ pepe̱xewa nügü nixĩgüxẽxẽ, natürü norü ĩnüwa rü ñoma dauxchitacüã̱x i airugü i düraexü̃rüxü̃ nixĩgü.

Miquéa 3:5

Rü ngẽma chorü duü̃xü̃gü rü nacüma i chixexü̃gu naxĩ nagagu i ngẽma orearü uruü̃güneta i doramaxã nangúexẽẽxü̃. Rü yíxema õna nüxna ãxe rü ngẽma orearü uruü̃güneta taãxẽ tümamaxã naxuegu. Natürü yíxema tama õna nüxna ãxe rü dai tümamaxã naxuegu.

Miquéa 2:11

Rü ngẽxguma chi ínanguxgu i wüxi i orearü uruü̃neta i doraxü̃mare ixuxü̃, rü ñaxgu: “Rü ñu̱xma rü choma rü chanaxunagü rü marü name i peyaxaxüxü̃ i bínu rü tooma i axchixügü”, ñaxgu, rü pexca̱x rü ngẽma nixĩ i wüxi i mexü̃ma i orearü uruxü̃ ixĩxü̃ —ñanagürü ya Tupana.

Charumóü̃arü wiyae 2:15

Ípenayauxü̃ i ngẽma ngowagü i ngexü̃! ¡Rü naxacügü rü ta ípenayauxü̃! Erü tórü úbaarü o nangõ̱xgü rü nachacugu niwagügü.

Echequié 13:5

Rü ngẽma orearü uruü̃güneta rü taxuxü̃ma naxügü nax Iraétanüxü̃xü̃ ínapoxü̃güxü̃ i ngẽxguma nawa nanguxgu i ngẽma ngunexü̃ i nüxü̃ chaxunetaxü̃ nax naxca̱x íyaxüãchixü̃ i norü uanügü.

Auxexü̃chiga 5:18

Rü ñu̱xma ya yima ma̱xpǘne ya Chióü̃wa rü ĩpatachicagüxica nawa nayaxügü. Rü ngéma naxĩĩxü̃ rü nawoeguxü̃ i ngowagü.