Echequié 13:22 - Tupanaarü Ore

²² Pema rü penaxü i ngẽma tama chanaxwa̱xexü̃ rü perü doramaxã penamuü̃xẽxẽ i ngẽma duü̃xü̃gü i mecümaxü̃. Rü yexera chixexü̃ pexü yerü nüxü̃ perüngü̃xẽxẽ ga yema chixexü̃gu maxẽxü̃ nax tama nüxna yaxĩgachixü̃ca̱x i norü chixexü̃ nax ngẽmaãcü taxucürüwama nüxna chanaxãxü̃ca̱x i maxü̃.

Echequié 13:22 Referans Kwoze

Yeremía 23:14

Rü choma rü marü nüxü̃ chadau i ngẽma Yerucharéü̃arü orearü uruü̃güneta nax poraãcü chixexü̃ naxügüxü̃. Rü ngexü̃gü i ãtéxü̃maxã namaxẽxü̃ rü duü̃xü̃güxü̃ nawomüxẽẽgüxü̃. Rü ngẽma duü̃xü̃gü i chixexü̃gu maxẽxü̃axü̃́ nanangúchaü̃xẽxẽ nax tama nüxna yaxĩgachixü̃ca̱x i ngẽma chixexü̃ i nagu namaxẽxü̃. Rü nümagü i ngẽma orearü uruü̃güneta rü ñu̱xũchi ngẽma ĩanecüã̱xgü rü chope̱xewa rü ñoma Chodómacüã̱x rü Gomóracüã̱xrüxü̃ nixĩgü.

Echequié 13:16

Rü ngẽxgumarüxü̃ ta nixĩ i ngẽma Iraétanüxü̃ i orearü uruü̃gü i doramarexü̃ daugüxü̃ rü doramarexü̃ ixugüxü̃ rü Yerucharéü̃cüã̱xgümaxã nüxü̃ ixugüxü̃ nax guxü̃ma mea ixũxü̃, natürü tama aixcüma ngẽmaãcü nixĩ. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Echequié 9:4

Rü ñanagürü nüxü̃: —¡Ẽcü, nagu ixũãgüchigü ya daa ĩane ya Yerucharéü̃ rü yaxüégacatü i guxü̃ma i ngẽma duü̃xü̃gü i ñaa ĩanearü chixexü̃gagu ngechaü̃güxü̃ rü ngúxü̃ ingegüxü̃! —ñanagürü.

Yeremía 23:17

Rü ngẽma orearü uruü̃güneta rü ñanagürügü nüxü̃ i ngẽma duü̃xü̃gü i tama chorü orega ĩnüexü̃xü̃: “Guxü̃táma mea pexü̃́ ínanguxuchi”, ñanagürügü. Rü ngẽma orearü uruü̃güneta rü ñanagürügü nüxü̃ i ngẽma duü̃xü̃gü i nümatama nagu naxĩnüexü̃gu rüxĩnüexü̃: “Taxuxü̃táma i chixexü̃ pexca̱x ínangu”, ñanagürügü —ñanagürü ya Tupana.

Echequié 18:21

Natürü ngẽxguma wüxi ya yatü ya noxri chixri maxü̃cü rü nüxü̃ naxoxgu i nacüma i chixexü̃, rü naga naxĩnügu i ngẽma chorü mugü, rü aixcüma mexü̃ naxü̱xgu rü tá namaxü̃ rü taxũtáma nayu.

Yeremía 28:16

Rü ngẽmaca̱x ya Cori ya Tupana rü ñanagürü cuxü̃: “Choma rü tá yu cuxca̱x íchanguxẽxẽ nax ngẽmaãcü cuxü̃ ichayarüxoxẽẽxü̃ca̱x i ñoma i naanewa. Rü daa taunecügu tátama cuyu, erü ngẽma curü ore i namaxã nüxü̃ quixuxü̃gagu chomaxã cunanuexẽxẽ i duü̃xü̃gü” —ñanagürü.

Yeremía 23:9

Cori ya Tupana chomaxã nüxü̃ nixu i wüxi i ore i pechiga Pa Orearü Uruxü̃günetax. Rü ngẽmaca̱x i choma i Yeremía rü poraãcü choxü̃́ nangu̱x rü nidu̱xru i chauxune, rü ñoma wüxi i duü̃xü̃ i bínumaxã ngãxü̃xü̃rüxü̃ chixĩ nape̱xewa ya Cori ya Tupana rü norü ore i üünexü̃.

Yeremía 8:11

Rü ngẽma chorü duü̃xü̃gü i poraãcü ngúxü̃ ingegüxü̃ rü íxrarüwatama nüxü̃ narüngü̃xẽẽgü, ñoma wüxi i o̱xri i düxétüwaxica ixüxüxü̃rüxü̃. Natürü woo guxü̃ma ãũcümaxü̃wa nangẽxmagu, rü nüma nüxü̃ yaxugüegu rü guxü̃ma name rü nataxuma i guxchaxü̃.

Yeremía 6:14

Rü ngẽma chorü duü̃xü̃gü i poraãcü ngúxü̃ ingegüxü̃ rü íxrarüwatama nüxü̃ narüngü̃xẽẽgü, ñoma wüxi i o̱xri i düxétüwaxica ixüxüxü̃rüxü̃. Natürü woo guxü̃ma ãũcümaxü̃wa nangẽxmagu, rü nüma nüxü̃ yaxugüegu rü guxü̃ma name rü nataxuma i guxchaxü̃.

Yeremía 4:10

Rü choma rü nüxü̃ ñachagürü: —Pa Corix, poraãcü cuyawomüxẽxẽ i ngẽma Yerucharéü̃cüã̱xgü i duü̃xü̃gü. Rü marü namaxã nüxü̃ quixu nax namaxã icurüngüxmüxü̃, natürü i ñu̱xma rü marü ínamemare i curü tara nax nadaiaxü̃ca̱x —ñachagürü nüxü̃.

Ichaía 28:15

Pemax rü ñaperügügü: —Taxucürüwa i torü uanü toxü̃ nadai erü marü wüxi i uneta taxü nax tama tayuexü̃ca̱x rü togü toxü̃ ínapoxü̃xü̃ca̱x —ñaperügügü. Natürü ngẽma uneta rü yuwa tá pexü̃ nagagü erü wüxi i womüxẽẽmare nixĩ.

Yeremía 29:31

—¡Guxü̃ma i ngẽma Babiróniawa gagüxü̃ca̱x naxümatü i wüxi i popera i nawa nüxü̃ quixuxü̃ nax choma ya Cori ya Tupana rü ñachaxü̃! “Ñu̱xma i Chemeía i Neleáü̃cüã̱x nax chauégagu pemaxã nüxü̃ yaxuxü̃ i ore i tama choma namaxã nüxü̃ chixuxü̃ rü ngẽmaãcü i pema rü nüxü̃́ peyaxõgü i ngẽma ore i doramare ixĩxü̃, rü choma ya Cori ya Tupana rü tá Chemaíaxü̃ chapoxcu. Rü ngẽxgumarüxü̃ tá ta chanapoxcu i guxü̃ma i nanegü rü nataagü. Rü bai i wüxi tá nüxü̃ dauxü̃ i ngẽma mexü̃ i yixcüra tá chorü duü̃xü̃güca̱x chango̱xẽẽxü̃. Erü nüma i Chemaía rü nanaxucu̱xẽ i chorü duü̃xü̃gü nax chomaxã nanuexü̃ca̱x” —ñachagürü. Rü choma ya Cori ya Tupana nixĩ i nüxü̃ chixuxü̃ i ngẽma.

Yeremía 34:16

Natürü i ñu̱xma rü marü nüxü̃ perüngümae ga yema uneta, rü penaxãũãchixẽxẽ i chauéga. Erü wena naxca̱x pedaugü i ngẽma mugüruü̃gü i yatüxü̃gü rü ngexü̃gü ga marü ípenguxü̃ẽẽchiréxü̃, rü wenaxarü pegüaxü̃́ penapuracüexẽxẽ.

Yeremía 34:22

Rü choma, Pa Yeremíax, rü tá chanamu i Babiróniaanearü ãẽ̱xgacüarü churaragü nax wena daa ĩaneca̱x nawoeguxü̃ca̱x. Rü tá naxca̱x ínayaxüãchi rü tá nagu nachocu, rü tá nayagugü. Rü yima naigü ga Yudáanearü ĩanegü rü chianexü̃xü̃ tá nixĩgü rü nataxutama i duü̃xü̃gü i nawa ngẽxmagüxü̃ —ñanagürü.

Echequié 18:27

Natürü ngẽxguma wüxi ya yatü ya noxri chixri maxü̃cü rü nüxü̃ naxoxgu i nacüma i chixexü̃, rü aixcüma mexü̃ naxü̱xgu rü tá namaxü̃ rü taxũtáma nayu.

Amúx 5:12

Choma nüxü̃ chacua̱x nax nataxü̃ i perü chixexü̃gü, Pa Ãẽ̱xgacügüx. Rü ngẽma perü pecadugü rü tama inayacua̱x. Rü ngẽxguma duü̃xü̃gü pepe̱xewa norü guxchaxü̃gü yamexẽẽgüchaü̃gu, rü yíxema aixcümaxü̃ ixuxe rü tama tüxü̃́ ipexĩnüe. Natürü nüxü̃́ ipexĩnüe i ngẽma diẽrumaxã pexü̃́ naxütanüxü̃ nax naétüwaama pechogüxü̃ca̱x. Rü ngẽmaãcü i pemax, Pa Ãẽ̱xgacügüx, rü ngẽxma tüxü̃́ ipeyanaxoxẽxẽ i ngẽma guxchaxü̃ i pexü̃tawa naxca̱x taxũxü̃ ya yíxema ngearü diẽruã́xẽ.