Echequié 13:21 - Tupanaarü Ore

²¹ Rü choma rü aixcüma pexme̱xwa tá íchananguxü̃xẽxẽ i chorü duü̃xü̃gü nax nümagü rü tama yaxõgüãxü̃ca̱x i ngéma nga̱xcueruxü̃arü pora i namaxã penatütachiwegüxü̃ i chorü duü̃xü̃gü. Rü taxũtáma marü wena pexme̱xgu nayi. Rü ngẽxguma i pemax rü tá nüxü̃ picua̱xãchitanü nax choma chixĩxü̃ ya Cori ya Tupana.

Echequié 13:21 Referans Kwoze

Wiyaegü 91:3

Rü Tupanaxicatama nixĩ ya cuxü̃ ípoxü̃cü nüxna i ngẽma ãũcümaxü̃ i cuechita duü̃xü̃gü cuxca̱x ixügüxü̃, rü nüxna i ngẽma da̱xaweanegü i yuwa tüxü̃ gaxü̃.

Wiyaegü 124:7

Rü yemaacü nawa ítanguxü̃ ga yema ãũcümaxü̃ ga tórü uanügü taxca̱x mexẽẽxü̃ ñoma wüxi i weri i norü yauxruü̃wa iñaxü̃rüxü̃. Rü yema yauxruxü̃ ga tórü uanügü taxca̱x mexẽẽxü̃ rü narügáu rü tibuxmü.

Echequié 13:20

Rü ngẽmaca̱x i choma i Cori ya Tupana rü ñachagürü: ‘Choma rü namaxã charüxuanü i ngẽma ngaxcupüxme̱xẽxü̃ rü nga̱xcueruxü̃gü i pema ípexüxü̃xü̃ rü nüxü̃ pixuxü̃ pora nawa ngẽxmaxü̃. Rü ngẽmamaxã nixĩ i ípenayauxü̃xü̃ i duü̃xü̃gü ñoma werigü íyauxü̃xü̃rüxü̃. Natürü i choma rü tá pexme̱xwa íchananguxü̃xẽxẽ i ngẽma duü̃xü̃gü nax tama pema namaxã ipecuáxü̃ca̱x.

Echequié 13:23

Rü ngẽmaca̱x i pema rü taxũtáma wena doraxü̃ pedaugü rü doraxü̃ pixugü. Choma rü tá pexme̱xwa íchananguxü̃xẽxẽ i ngẽma chorü duü̃xü̃gü. Rü ngẽxguma i pema rü tá nüxü̃ picua̱xãchitanü nax choma chixĩxü̃ ya Cori ya Tupana’ ” —ñanagürü.