Echequié 13:19 - Tupanaarü Ore

¹⁹ Pemax rü ñuxretama i chebádaca̱x, rü ñuxretama i paũca̱x nixĩ i choxü̃ pechixechigaxẽẽxü̃ nape̱xewa i chorü duü̃xü̃gü. Rü yu namaxã pexuegu i ngẽma duü̃xü̃gü i mexü̃ ügüxü̃, rü penamaxẽxẽ i ngẽma duü̃xü̃gü i chixexü̃ ügüxü̃. Rü ngẽmaãcü penawomüxẽxẽ i chorü duü̃xü̃gü i naga ĩnüexü̃ i ngẽma perü doragü.

Echequié 13:19 Referans Kwoze

Miquéa 3:5

Rü ngẽma chorü duü̃xü̃gü rü nacüma i chixexü̃gu naxĩ nagagu i ngẽma orearü uruü̃güneta i doramaxã nangúexẽẽxü̃. Rü yíxema õna nüxna ãxe rü ngẽma orearü uruü̃güneta taãxẽ tümamaxã naxuegu. Natürü yíxema tama õna nüxna ãxe rü dai tümamaxã naxuegu.

Ucu̱xẽgüchiga 28:21

Ngẽma guxchaxü̃arü mexẽẽruxü̃, rü tama name nax tama guxãga naxĩnüxü̃. Rü nangẽxma i duü̃xü̃gü i pecadugu nguxü̃ woo wüxi i íxraxü̃ i paũca̱x.

Echequié 22:26

Rü ngẽma curü chacherdótegü rü ínayatoxẽẽgü i ngẽma chorü ngu̱xẽẽtaegü rü nanaxãũãchigü i ngẽma chorü ngẽmaxü̃gü i üünegüxü̃. Rü naxca̱x nawüxigu i ngẽma tama mexü̃ rü ngẽma üünexü̃. Rü tama toguxexü̃ nangúexẽxẽ i ta̱xacü nixĩ i chope̱xewa mexü̃ rü ta̱xacü nixĩ i chope̱xewa ãũãchixü̃. Rü tama nanaxaure i chorü ngü̃chigarü ngunexü̃gü. Rü tama choxü̃ nicua̱xüü̃gü.

Echequié 20:39

Pa Iraétanüxü̃x, choma ya Cori ya Tupana rü ñachagürü pexü̃: —Ngẽxguma tama chauga pexĩnüechaü̃gu, ¡rü ẽcü nüxü̃ picua̱xüü̃gü i ngẽma perü naxchicüna̱xãgü i naxchi chaxaixü̃! Natürü nawa tá nangu i ngunexü̃ nax chauga tá pexĩnüexü̃. Rü ngẽxguma rü taxũtáma wena chope̱xewa chixexü̃ pexü namaxã i ngẽma ãmaregü i naxchicüna̱xãgüca̱x ípeguxü̃ nax ngẽmaãcü nüxü̃ picua̱xüü̃güxü̃ca̱x.

Yeremía 23:17

Rü ngẽma orearü uruü̃güneta rü ñanagürügü nüxü̃ i ngẽma duü̃xü̃gü i tama chorü orega ĩnüexü̃xü̃: “Guxü̃táma mea pexü̃́ ínanguxuchi”, ñanagürügü. Rü ngẽma orearü uruü̃güneta rü ñanagürügü nüxü̃ i ngẽma duü̃xü̃gü i nümatama nagu naxĩnüexü̃gu rüxĩnüexü̃: “Taxuxü̃táma i chixexü̃ pexca̱x ínangu”, ñanagürügü —ñanagürü ya Tupana.

Yeremía 23:14

Rü choma rü marü nüxü̃ chadau i ngẽma Yerucharéü̃arü orearü uruü̃güneta nax poraãcü chixexü̃ naxügüxü̃. Rü ngexü̃gü i ãtéxü̃maxã namaxẽxü̃ rü duü̃xü̃güxü̃ nawomüxẽẽgüxü̃. Rü ngẽma duü̃xü̃gü i chixexü̃gu maxẽxü̃axü̃́ nanangúchaü̃xẽxẽ nax tama nüxna yaxĩgachixü̃ca̱x i ngẽma chixexü̃ i nagu namaxẽxü̃. Rü nümagü i ngẽma orearü uruü̃güneta rü ñu̱xũchi ngẽma ĩanecüã̱xgü rü chope̱xewa rü ñoma Chodómacüã̱x rü Gomóracüã̱xrüxü̃ nixĩgü.

Romanos 16:18

Erü ngẽma duü̃xü̃gü rü tama tórü Cori ya Ngechuchu ya Cristuarü ngúchaü̃ naxügü, natürü noxrütama ngúchaü̃ nixĩ i naxügüxü̃. Norü dexa ga maixcuraxü̃maxã nayaxucu̱xẽgü i duü̃xü̃gü, rü ngẽmaãcü nanawomüxẽẽgü i ngẽma duü̃xü̃gü i tama mea nüxü̃ cua̱xgüxü̃.

Miquéa 3:11

Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.

Nüxíraxü̃xü̃ ga popera ga Pedru ümatüxü̃ 5:2

Rü chanaxwa̱xe i mea nüxna pedau i Tupanaarü duü̃xü̃gü i pexme̱xwa ngẽxmagüxü̃. Rü name nixĩ i perü ngúchaü̃maxã Tupana naxwa̱xexü̃ãcüma penaxü i ngẽma puracü, rü tama texé pexü̃ muxguxica penaxü rüe̱xna diẽruca̱x penaxü.

1 Corintios 8:11

Rü ngẽmaãcü i cuma nax mea Tupanaxü̃ cucuáxü̃, rü tá icuyanatauxẽxẽ i ngẽma cuenexẽ i Cristu naxca̱x yuxü̃ i tauta mea Tupanaxü̃ cuáxü̃.

Romanos 14:15

Rü ngẽxguma ngẽma cungṍxü̃gagu tümaãẽwa cunangu̱xẽẽ̱xgu ya cuenexẽ, rü cumaxã nüxü̃ chixu rü tama name i ngẽmagagu chixexü̃gu tüxü̃ cungu̱xẽxẽ rü tüxü̃ icuyarütauxẽxẽ ya yíxema cuenexẽ ya Cristu tümaca̱x yuxe.

Maraquía 1:10

Rü nüma ya Cori ya Tupana ya Guxü̃étüwa Ngẽxmacü rü pexü̃ ñanagürü: —Chierüx texé i petanüwa tanawãxtagu ya chopata ya taxü̃nearü ĩã̱xgü nax tama natüca̱xmamare chorü ãmarearü guruü̃wa yayauraxü̃ca̱x ya üxü. Erü choma rü tama pemaxã chataãxẽ, rü ngẽmaca̱x taxuxü̃táma i perü ãmaregü i choxna pexãgüxü̃ tá pexü̃́ chayaxu.

Echequié 13:22

Pema rü penaxü i ngẽma tama chanaxwa̱xexü̃ rü perü doramaxã penamuü̃xẽxẽ i ngẽma duü̃xü̃gü i mecümaxü̃. Rü yexera chixexü̃ pexü yerü nüxü̃ perüngü̃xẽxẽ ga yema chixexü̃gu maxẽxü̃ nax tama nüxna yaxĩgachixü̃ca̱x i norü chixexü̃ nax ngẽmaãcü taxucürüwama nüxna chanaxãxü̃ca̱x i maxü̃.

Ucu̱xẽgüchiga 19:27

Pa Chaunex, ngẽxguma tama cunayauxgu i chorü ucu̱xẽ, rü tá nüxna quixũgachi i ngẽma ore i cua̱x nawa ngẽxmaxü̃.

1 Chamué 9:7

Natürü nüma ga Chaú rü nanangãxü̃ rü ñanagürü: —¡Ngĩxã! ¿Natürü ta̱xacü tá naxca̱x ngéma tange i ngẽma yatü? Erü tórü onaxchiü̃wa rü nataxuma i paũ íyaxüxü̃. Rü taxuxü̃ma tüxü̃́ nangẽxma nax nüxna naxãxü̃ca̱x ya yimá orearü uruxü̃ —ñanagürü.

Ichaía 56:11

Rü ñoma airugü i taiyaeechaxü̃ rü taguma ngãxpütüwegüxü̃rüxü̃ pixĩgü. Rü pema rü dauruü̃gü i tama nüxü̃ cua̱xgüégaxü̃ pixĩgü. Rü wüxichigü i pema rü perü ngúchaü̃ama pixü rü pexrütama ngẽmaxü̃guama perüxĩnüe.

Echequié 13:20

Rü ngẽmaca̱x i choma i Cori ya Tupana rü ñachagürü: ‘Choma rü namaxã charüxuanü i ngẽma ngaxcupüxme̱xẽxü̃ rü nga̱xcueruxü̃gü i pema ípexüxü̃xü̃ rü nüxü̃ pixuxü̃ pora nawa ngẽxmaxü̃. Rü ngẽmamaxã nixĩ i ípenayauxü̃xü̃ i duü̃xü̃gü ñoma werigü íyauxü̃xü̃rüxü̃. Natürü i choma rü tá pexme̱xwa íchananguxü̃xẽxẽ i ngẽma duü̃xü̃gü nax tama pema namaxã ipecuáxü̃ca̱x.

Echequié 22:25

Rü ngẽma curü orearü uruü̃güneta rü ñoma leóü̃gü i norü taiyamaxã aixta üexü̃ rü naeü̃gü wagüexü̃rüxü̃ nixĩgü. Rü wüxigu nügümaxã nagu narüxĩnüe nax duü̃xẽgüaxü̃́ napuxü̃güãxü̃ i tümaarü ngẽmaxü̃gü i tatanügüxü̃. Rü muxẽma ya ngexe tüxü̃ yamáxtegüxü̃.

Ucu̱xẽgüchiga 17:15

Nangexma i taxre i nacüma ya Tupana tama namaxã taãẽxü̃: Wüxi nixĩ nax tama napoxcuxü̃ i ngẽma duü̃xü̃ i chixexü̃ üchiréxü̃, rü to nixĩ nax tüxü̃ ipoxcuxü̃ ya yíxema tama chixexü̃ üchiréxe.

Ichaía 5:20

¡Rü pegümaxã pengechaü̃gü! Erü ngẽma nacüma i mexü̃ rü pexca̱x nachixe, rü ngẽma nacüma i chixexü̃ rü pexca̱x name. Rü ngẽma ngóonexü̃ rü pexca̱x waanexü̃ nixĩ, rü ngẽma waanexü̃ rü pexca̱x ngóonexü̃ nixĩ. Rü ngẽma üxüxü̃ rü pexca̱x maixcuraxü̃ nixĩ. Rü ngẽma maixcuraxü̃ rü pexca̱x üxüxü̃ nixĩ.

Echequié 22:27

Rü ñaa nachixü̃anearü ãẽ̱xgacügü rü ñoma dauxchitacüã̱x i airugü i naeü̃gü wagüexü̃rüxü̃ nixĩgü. Rü guxü̃guma ínamegümare nax tümaarü diẽruca̱x duü̃xẽ tüxü̃ yama̱xgüxü̃ nax ngẽmaãcü yadiẽruã́xü̃ca̱x.