Echequié 13:15 - Tupanaarü Ore

¹⁵ Rü ngẽma naxtapü̱xgu rü ñu̱xũchi guxü̃ma i ngẽma cómüxü̃maxã nachagüxü̃gu tá chanaña i chorü nu. Rü ngẽxguma i duü̃xü̃gü rü ñanagürügü tá: ‘Taxuxü̃ma i naxtapü̱x ínayaxü, rü woo ngẽma cómüxü̃maxã nachagüxü̃ rü taxuxü̃ma ínayaxü’, ñanagürügü tá.

Echequié 13:15 Referans Kwoze

Ichaía 30:13

Rü ngẽmaca̱x pegagu nixĩ i ngẽma tá pexü̃ üpetüxü̃. Rü ñoma wüxi i naxtapü̱x i máchanexü̃ rü ngǘxtexü̃ rü ngürüãchi iwáxü̃rüxü̃ pixĩgü.

Wiyaegü 62:3

¿Rü ñuxguratáta nüxü̃ perüchau nax cha̱u̱xca̱x ípeyaxüãchixü̃ nax ngẽmaãcü ichayanguxü̃ca̱x ñoma wüxi ya ĩxtapü̱x iwa̱xgüxü̃rüxü̃, rüe̱xna ñoma wüxi ya poxeguxü̃ iwáxü̃rüxü̃?

Neemía 4:3

Rü naxü̃tawa nayexma ga Tobía ga Amóü̃tanüxü̃. Rü nüma rü ñanagürü ta: —¡Dücax i ngẽma naxtapü̱x i naxügüxü̃! Rü wüxi i cugüruxü̃ nixĩ. Erü woo wüxi i ngowa daxũ nawa ĩxgu rü tá nayawa̱xtapü̱xẽxẽ —ñanagürü.

Ínachoxü̃xü̃chiga 2:3

Natürü taxucürüwa yexü̃cürü tüxü̃ iyacúecha. Rü yemaca̱x inayaxu ga wüxi ga pexchi ga dexnenaxca̱x rü o̱xwümaxã inawacuchita nax tama dexá ixücuxü̃ca̱x. Rü ñu̱xũchi yexma tüxü̃ iyamue ga guxema ngĩne, rü dexnenecügu tüxü̃ iyangütaü̃xẽxẽ ga taxtü ga Nírupechinüwa.

Yox 13:4

Pema rü perü doramaxã peyadüxü i ngẽma aixcüma ixĩxü̃. Rü pema rü dutúrugü i taxúexü̃ma üxü̃güxe pixĩgü.

Echequié 13:14

Rü tá chayawa̱xẽxẽ i ngẽma naxtapü̱x i cómüxü̃maxã pechaxü̃. Rü ngẽxguma yawa̱xgu rü tá nango̱x ya yimá nutagü ya namaxã penaxügücü, rü pemax rü ngẽma naxtapü̱xtüü̃gu tá peyue. Rü ngẽxguma tá nixĩ i nüxü̃ picua̱xãchigüxü̃ nax choma chixĩxü̃ ya Cori ya Tupana.

Echequié 13:16

Rü ngẽxgumarüxü̃ ta nixĩ i ngẽma Iraétanüxü̃ i orearü uruü̃gü i doramarexü̃ daugüxü̃ rü doramarexü̃ ixugüxü̃ rü Yerucharéü̃cüã̱xgümaxã nüxü̃ ixugüxü̃ nax guxü̃ma mea ixũxü̃, natürü tama aixcüma ngẽmaãcü nixĩ. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Yeremía 14:15

Rü choma ya Cori ya Tupana, rü ñachagürü nachiga i ngẽma orearü uruü̃güneta i tama choma chamugüãcüma chauégagu nüxü̃ ixugüxü̃ nax nataxuxü̃táma i dai rü taiya i ñaa nachixü̃anewa. Rü nüma i ngẽma orearü uruü̃güneta rü daigu rü taiyamaxã tá nayue.