Echequié 13:13 - Tupanaarü Ore

¹³ Rü ngẽmaca̱x i choma i Cori ya Tupana rü nüxü̃ chixu rü chorü numaxã tá íchananguxẽxẽ i wüxi ya buanecü ya íxã̱ũ̱xẽmacü. Rü chorü numaxã tá tacü ya pucü íchananguxẽxẽ. Rü gáuxü̃ i tapütaxü̃ tá charüyi̱xẽxẽ nax ngẽmaãcü chorü numaxã chanaxoxẽxẽ i guxü̃ma.

Echequié 13:13 Referans Kwoze

Ichaía 30:30

Rü nüma ya Cori ya Tupana rü tá pexü̃ nüxü̃ naxĩnüxẽxẽ i naga i tagaxüchixü̃ rü tá pexü̃ nanawe̱x i norü pora. Rü perü uanümaxã tá poraãcü nanu. Rü üxüema i guxü̃xü̃ iguxü̃ tá naxca̱x nango̱xẽxẽ, rü ãẽmacügü tá naxca̱x nanaxüxẽxẽ rü taxüchicü ya pucü tá ínanguxẽxẽ rü gáuxü̃püta tá narüyixẽxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:21

Rü daxũwa narüyi ga gáuxü̃ ga itapütaxü̃, rü duü̃xü̃güétügu nayi. Rü wüxipütachigü ga yema gáuxü̃, rü 40 ga quírugu nixĩ ga nayaxü̃. Rü ga duü̃xü̃gü rü Tupanamaxã naguxchigagü nagagu ga yema poxcuruxü̃ ga gáuxü̃, yerü poraãcü nüxü̃́ nangu̱x ga yema poxcu ga Tupana namaxã napoxcuexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:19

Rü ñu̱xũchi Tupanapata ga taxü̃ne ga daxũguxü̃ ga naanewa yexmane, rü niwãxna. Rü yéma norü aixepewa nango̱x ga yema baú ga Tupanaarü uneta nagu nuxü̃. Rü naxãẽmacüane, rü poraãcü nicuxcuane, rü naxĩã̱xãchiane rü poraãcü gáuxü̃ narüyi.

Wiyaegü 148:8

Rü name nixĩ i nüxü̃ picua̱xüü̃gü, Pa Ãẽmacü, rü Gáuxü̃ i Ãpü̱xüxü̃, rü Gáuxü̃ i Ãte̱xexü̃, rü Cherena, rü Tacü ya Buanecü ya Tupanaarü Ngúchaü̃ Ücüx.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:7

Rü yema nape̱xewa yexmaxü̃ ga Tupanaarü orearü ngeruxü̃ rü nüxíra nayacue ga norü cornéta. Rü yexgumatama ñoma ga naaneétügu narüyi ga gáuxü̃pütagü rü üxüẽma ga nagümaxã ãéü̃xü̃. Rü wüxi ga yema norü tomaepü̱xarü üye ga naane rü nixa. Rü yexgumarüxü̃ ta wüxi ga yema norü tomaepü̱xarü üye ga naixnecü rü nixa. Rü guxü̃ma ga natüane rü nixae.

Aguéu 2:17

Rü yemaacü pexü̃ nangupetü yerü choma rü da̱xaweanegümaxã rü gáuxü̃pü̱xümaxã chanadai ga yema perü nanetügüarü o ga poraãcü naxca̱x pepuracüexü̃. Natürü ga pemax rü tama cha̱u̱xca̱x pewoegu ga yexguma. Rü choma ya Cori ya Tupana nixĩ i pemaxã nüxü̃ chixuxü̃ i ngẽma.

Yoná 1:4

Natürü nüma ga Cori ya Tupana rü wüxi ga buanecü ga tacü inanaxǘxẽxẽ ga yexguma már arü ngãxü̃tüwa nanguxgu. Rü guma wapuru rü ñoma yapuxchaü̃xü̃rüxü̃ nixĩ, yerü nataxüchi ga yuape.

Yeremía 23:19

Rü ngẽma norü nu ya Cori ya Tupana rü ñoma wüxi ya tacü ya buanecürüxü̃ nixĩ, rü ñoma wüxi ya tacü ya buanecü ya ixã̱ũ̱xẽmacürüxü̃ nixĩ naxca̱x i ngẽma chixexü̃arü üruü̃gü.

Wiyaegü 107:25

Rü nüma ga Cori ya Tupana rü nanamu nax inaxüxü̃ca̱x ga buanecü rü yexguma rü tacü ga yuape inaxǘ.

Wiyaegü 105:32

Rü pucüchicüxü yema nachixü̃aneétügu nanayixẽxẽ ga gáuxü̃. Rü ãẽmacü inaxüxẽxẽ.

Yox 38:22

¿Rü marü ícuyadauxü̃ i ngẽma nachica i nagu namaxã changuxü̃xü̃ i ngẽma gáuxü̃te̱xe rü gáuxü̃pütagü i tá ngéma chamugüxü̃ i ngẽxguma guxchaxü̃gü ínguxgu rü nachixü̃anegü nügü daixgu?

Echequié 1:4

Rü to ga nüxü̃ chadauxü̃ nixĩ ga wüxi ga buanecü ga íxãũxẽmacü ga nórtewaama ne ũcü. Rü wüxi ga taxü̃ ga caixanexü̃wa nango̱x ga wüxi ga üxüema ga ãẽmacürüxü̃ ixĩxü̃. Rü norü guxü̃cüwawa rü poraãcü nangóone. Rü yema üxüemaarü ngãxü̃wa rü yéma nayexma ga wüxi ga ta̱xacü ga ñoma bróũcherüxü̃ iya̱u̱xracüüxü̃.

Echequié 13:12

Rü ngẽxguma yawa̱xgu i ngẽma naxtapü̱x rü duü̃xü̃gü rü tá nüxna nacagü, rü ñanagürügü tá: ‘¿Ta̱xacü namaxã nangupetü i ngẽma naxtapü̱x i meama calmaxã pechaxü̃?’ ñanagürügü tá.

Auxexü̃chiga 2:1

Cori ya Tupana rü poraãcü Yerucharéü̃maxã nanu, rü yemaca̱x ẽanexü̃ naétügu nanguxẽxẽ ga guma ĩane ga noxri mexẽchine. Rü yima Iraéanearü ĩane ga guxü̃nema ga Yudáanearü ĩanegüétüwa üchiréne rü Cori ya Tupana rü dauxü̃wa ne nanamu nax nagu napogüxü̃. Rü woo ga napata ga Chióü̃wa yexmane rü tama nüxna nacua̱xãchi.

Auxexü̃chiga 2:3

Rü yexguma poraãcü nanuxgu ga Cori ya Tupana rü nüxna nanayaxu ga guxü̃ma ga Iraéanearü pora. Rü yexguma Iraétanüxü̃ norü uanügümaxã nügü nadaixgu, rü nüma ga Cori ya Tupana rü nüxna nixũgachi rü tama norü poramaxã nüxü̃ narüngü̃xẽxẽ. Rü wüxi ga üxüemamaxã nagu nanangixi ga guxü̃ma ga Iraéane.

Auxexü̃chiga 2:4

Rü nüma ga Cori ya Tupana rü ñoma wüxi i uanü i marü norü würamaxã imaxnetachaxü̃xü̃rüxü̃ nixĩ. Rü ñoma wüxi i uanürüxü̃ nanadai ga guma ĩanearü ngextü̱xücügü rü pacügü. Rü ñoma wüxi ga üxüemarüxü̃ nixĩ ga Cori ya Tupanaarü nu ga namaxã yaguãxü̃ ga napata ga guma ĩane ga mexẽchine ga Chióü̃wa yexmane.