Echequié 12:25 - Tupanaarü Ore

²⁵ Erü choma i Cori ya Tupana rü tá chidexa, rü ngẽma nüxü̃ chixuxü̃ rü paxatáma ningu. Rü pema, Pa Duü̃xü̃gü i Tama Chauga Ĩnuexü̃x, rü aixcüma tá nüxü̃ pedaugü. Choma rü tá chidexa, rü tá chayanguxẽxẽ i ngẽma nüxü̃ chixuxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Cori ya Tupana.

Echequié 12:25 Referans Kwoze

Abacú 1:5

Rü nüma ga Cori ya Tupana rü Abacúxü̃ nangãxü̃ rü ñanagürü: —¡Dücax, nüxü̃ pedau i ngẽma nachixü̃anegü i pexü̃ íchomaeguãchixü̃ nax ta̱xacü nüxü̃ ngupetüxü̃! ¡Rü nüxü̃ pedau rü peba̱i̱xãchie! Erü ngẽma tá chaxüxü̃ rü pema rü taxũchima peyaxõgü woo ega texé pemaxã nüxü̃ ixuxgu.

Echequié 12:28

Rü ngẽmaca̱x namaxã nüxü̃ ixu i ñaa ore i ñaxü̃: “Cori ya Tupana rü ñanagürü: ‘Rü ngẽma chorü ore i nüxü̃ chixuxü̃ rü paxatáma ningu, rü aixcüma ngẽma nüxü̃ chixuxü̃ rü ningu tá’. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ga Cori ya Tupana.

Ichaía 55:11

Rü ngẽxgumarüxü̃ ta nixĩ i ngẽma chorü ore i cha̱u̱a̱xwa ixũxũxü̃. Rü taxũtáma ngẽmaãcümare cha̱u̱xca̱x nataegu. Rü ngẽma chorü oregagu rü tá ningu rü tá naxü i ngẽma choma chanaxwa̱xexü̃ rü ngẽma nüxü̃ chixuxü̃.

Ichaía 14:24

Cori ya Tupana ya Guxãétüwa Ngẽxmacü rü nanaxuegu rü ñanagürü: —Ngẽma choma chaxüxchaü̃xü̃ rü aixcüma tá chanaxü rü taxũtáma dora nixĩ. Rü ngẽma nagu charüxĩnüxü̃ rü aixcüma tá ningu.

Ore i mexü̃ ga Matéu ümatüxü̃ 24:35

Rü ñoma i naane rü ngẽma daxũwa nüxü̃ idauxü̃ rü tá nagu̱x. Natürü chorü ore rü tagutáma inayarüxo rü aixcüma tá ningu.

Ore i mexü̃ ga Luca ümatüxü̃ 21:33

Dauxü̃guxü̃ i naane rü ñoma i naane rü tá nagu̱x. Natürü chorü ore rü tagutáma inayarüxo.

Echequié 6:10

Rü ñu̱xũchi tá nüxü̃ nicua̱xãchitanü nax aixcüma choma chixĩxü̃ ya Cori ya Tupana. Rü tá nüxü̃ nicua̱xãchitanü nax tama natüca̱xma yixĩxü̃ i namaxã chanaxueguxü̃ ga yema poxcugü ga naxca̱x íchanguxẽxẽxü̃” —ñanagürü.

Yeremía 16:9

Erü choma ya Cori ya Guxãétüwa Ngẽxmacü ya Iraétanüxü̃arü Tupana ixĩcü, rü nüxü̃ chixu, rü ñachagürü: “Choma rü ñaa nachixü̃anewa tá ichayanaxoxẽxẽ i ngẽma petagüarü wiyaegü rü ngẽma taãẽgüarü wiyaegü, rü ñu̱xũchi ngẽma ngĩgüarü wiyaegü. Rü ngẽma rü perü ngunexü̃gügu tátama nixĩ i nangupetüxü̃, rü pexetügümaxã tátama nixĩ i nüxü̃ pedauxü̃”.

Chacaría 1:6

Natürü yema chorü ore rü yema chorü mugü ga chorü orearü uruü̃güme̱xẽgu chaxüxü̃, rü perü o̱xigüwa nangu. Rü ñuxre ga nümagü rü cha̱u̱xca̱x nawoegu, rü naxca̱x ínicua̱xgü ga chixexü̃ nax naxügüxü̃, rü ñanagürügü: ‘Rü aixcüma nüma ya Cori ya Tupana ya Guxãétüwa Ngẽxmacü rü ngẽma tórü chixexü̃ãcütama tüxü̃ napoxcue’, ñanagürügü” —ñanagürü ga Tupana.

Danié 9:12

Rü yema nax toxca̱x núma cunamuxü̃ ga yema taxü̃ ga guxchaxü̃ rü yemamaxã cuyanguxẽxẽ ga yema poxcu ga tomaxã rü torü ãẽ̱xgacügümaxã cuxueguxü̃. Rü yema poxcu ga Yerucharéü̃na cunguxẽẽxü̃, rü taguma yemaacü cunapoxcu ga to ga ĩane.

Auxexü̃chiga 2:17

Rü nüma ga Cori ya Tupana rü marü nayanguxẽxẽ ga yema nagu naxĩnüxü̃. Rü marü nayanguxẽxẽ ga yema norü ore ga nüxü̃ yaxuxü̃. Rü marü tama nüxü̃́ nangechaü̃tümüxü̃ãcüma nagu napogü ga guma ĩane ga Yerucharéü̃. Rü nüma rü curü uanügüaxü̃́ nanatauxchaxẽxẽ nax cuxü̃ nacugüexü̃. Rü nanaporaexẽxẽ nax cumaxã inacuáxü̃ca̱x.

Ore i mexü̃ ga Luca ümatüxü̃ 21:13

Rü ngẽmaãcü tá pexü̃́ natauxcha nax ãẽ̱xgacügümaxã nüxü̃ pixuxü̃ i chauchiga.

Iraétanüxü̃arü muxchiga 11:23

Natürü nüma ga Cori ya Tupana rü nanangãxü̃ rü ñanagürü: —¿Cuma nagu curüxĩnügu i ngẽma chorü pora rü naxíraxü̃? Rü ñu̱xma tá nüxü̃ cudau nax aixcüma tá yanguxü̃ i ngẽma nüxü̃ chixuxü̃ —ñanagürü.

Echequié 12:26

Rü yemawena ga Cori ya Tupana rü choxü̃ ñanagürü: —Ngẽma Iraétanüxü̃ rü nüxü̃ nixuchigagü nax ngẽma cuxü̃ chawéxü̃ rü taxũtáma paxa ningu.

Abacú 2:3

Rü ñu̱xma rü taxũta nawa nangu nax yanguxü̃ ga yema cuxü̃ chawéxü̃. Natürü taxũtáma nangupetümare nax yanguxü̃. ¡Cumax rü mea ínanguxẽxẽ ega woo tama paxa yanguxgu! Erü aixcüma tá ningu i ngẽxguma norü ngunexü̃wa nanguxgux.

Yeremía 1:11

Rü nüma ya Cori ya Tupana rü choxna naca rü ñanagürü: —Pa Yeremíax ¿ta̱xacü nixĩ i nüxü̃ cudauxü̃? —ñanagürü. Rü choma chanangãxü̃ rü ñachagürü: —Nüxü̃ chadau i wüxi i arméndrachacüxü i paxa dauxü̃ i norü o —ñachagürü.

Echequié 7:13

Rü yíxema tümaarü naanemaxã taxexe rü ngẽxguma tamaxü̃gu rü marü taxucürüwama tümaarü naaneca̱x tataxe. Rü taxucürüwa wena tanayaxu i ngẽma tümaarü naane i namaxã tataxexü̃. Rü ngẽma duü̃xü̃gü i chixexü̃gu maxẽxü̃ rü taxucürüwa norü maxü̃na nadaugü, rü tá nayue.