Echequié 12:20 - Tupanaarü Ore

²⁰ Rü guxü̃nema ya daa ĩanegü i nawa namaxẽne i ngẽma duü̃xü̃gü rü tá inayarüxogü. Rü ñaa nachixü̃ane rü tá chianexü̃xü̃ nayanguxuchi. Rü ngẽxguma tá nixĩ i pemax rü nüxü̃ picua̱xãchitanüxü̃ nax choma chixĩxü̃ ya Cori ya Tupana’ ” —ñanagürü.

Echequié 12:20 Referans Kwoze

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.

Yeremía 25:9

Rü naxca̱x tá changema i guxü̃ma i nachixü̃anegü i nórtewa ngẽxmagüxü̃ rü chorü mugüruxü̃ i Nabucudonochó ya Babiróniaanearü ãẽ̱xgacü. Rü nümagü rü tá nua naxĩ rü tá pexca̱x ínayaxüãchi, rü tá pexü̃ nadai, rü tá nanadai i guxü̃ma i nachixü̃anegü i perü ngaicamana ngẽxmagüxü̃. Rü ngẽmaãcü tá pexü̃ chagu̱xẽxẽ. Rü guxü̃gutáma pechicaxica tá ngéma nayaxǘ. Rü ngẽma duü̃xü̃gü i nüxü̃ daugüxü̃ rü tá poraãcü namaxã naba̱i̱xãchie rü namuü̃e.

Ichaía 3:26

Rü yima ĩanearü duü̃xü̃gü rü tá naxauxe. Rü norü yuetagüca̱x tá naxaure. Rü yima ĩanearü duü̃xü̃gü rü tá naxĩgü.

Danié 9:17

Pa Torü Tupanax, choma rü curü duü̃xü̃ chixĩ. ¡Rü nüxü̃ naxĩnü i chorü yumüxẽ i nawa cuxü̃ chaca̱a̱xü̃xü̃! Rü cugüégagu cuxna chaca nax nüxü̃ cungechaü̃ãcüma nüxü̃ cudauxü̃ nax ñuxãcü poraãcü nachixexü̃ ya yima cupata ya taxü̃ne.

Echequié 15:8

Rü chianexü̃ tá chayaxũxẽxẽ i ngẽma pechixü̃ane, nagagu nax tama choxü̃́ peyaxõgüxü̃. Rü choma ya Cori ya Tupana nixĩ i pemaxã nüxü̃ chixuxü̃ i ngẽma” —ñanagürü.

Echequié 15:6

Rü ngẽmaca̱x i choma i Cori ya Tupana rü ñachagürü: “Rü ngẽma úbane i üxüxétüwa ita̱xcuchixü̃ nax yaya̱u̱xraxü̃ca̱x, rü ngẽxgumarüxü̃ tá ta nixĩ i ngẽma Yerucharéü̃cüã̱xgü nax üxüwa chayawocuxü̃.

Auxexü̃chiga 5:18

Rü ñu̱xma ya yima ma̱xpǘne ya Chióü̃wa rü ĩpatachicagüxica nawa nayaxügü. Rü ngéma naxĩĩxü̃ rü nawoeguxü̃ i ngowagü.

Yeremía 19:11

¡Rü nüxü̃ ñacurügü tá: “Cori ya Tupana ya Guxãétüwa Ngẽxmacü rü ñanagürü: ‘Daa ĩane rü tá nagu chapogü ñoma wüxi i tü̃xü̃ ngĩxü̃ ipuãchixẽẽxü̃rüxü̃ i taxuacüma wena ngĩxü̃ imexẽẽcürüxü̃! Rü nüma i duü̃xü̃gü rü tá ñaa doxonexü̃ i Tópegu nanata̱xgü i norü yuexü̃gü erü marü taxugu nanata̱xgüéga.

Yeremía 16:9

Erü choma ya Cori ya Guxãétüwa Ngẽxmacü ya Iraétanüxü̃arü Tupana ixĩcü, rü nüxü̃ chixu, rü ñachagürü: “Choma rü ñaa nachixü̃anewa tá ichayanaxoxẽxẽ i ngẽma petagüarü wiyaegü rü ngẽma taãẽgüarü wiyaegü, rü ñu̱xũchi ngẽma ngĩgüarü wiyaegü. Rü ngẽma rü perü ngunexü̃gügu tátama nixĩ i nangupetüxü̃, rü pexetügümaxã tátama nixĩ i nüxü̃ pedauxü̃”.

Ichaía 24:12

Rü yima ĩane rü marü nagu napogüe, rü ngẽma norü poxeguxü̃arü ĩã̱x rü marü niwa̱x rü napoü̃gü.

Ichaía 24:3

Rü ñoma i naane rü tá chianexü̃xü̃ nayanguxuchi rü tá nangeãcuanemare. Erü ngẽma nixĩ i Cori ya Tupana nüxü̃ ixuxü̃.

Yeremía 34:22

Rü choma, Pa Yeremíax, rü tá chanamu i Babiróniaanearü ãẽ̱xgacüarü churaragü nax wena daa ĩaneca̱x nawoeguxü̃ca̱x. Rü tá naxca̱x ínayaxüãchi rü tá nagu nachocu, rü tá nayagugü. Rü yima naigü ga Yudáanearü ĩanegü rü chianexü̃xü̃ tá nixĩgü rü nataxutama i duü̃xü̃gü i nawa ngẽxmagüxü̃ —ñanagürü.

Echequié 5:14

Rü chomax, Pa Yerucharéü̃cüã̱xgü rü tá nagu chapogü ya yima perü ĩane. Rü ĩpata ya iwa̱xgünexica tá ngéma nayaxügü. Rü ngẽmaãcü tá guxü̃ i togü i nachixü̃anegüpe̱xewa pexü̃ chaxãneexẽxẽ. Rü guxü̃ma i duü̃xü̃gü i ngéma chopetüxü̃ tá nüxü̃ nadaugü i ngẽma chixexü̃ i pexü̃ ngupetüxü̃.

Echequié 12:15

Rü ngẽxguma marü to i nachixü̃anegügu chanawoonegu tá nixĩ i nüxü̃ yacua̱xãchitanüxü̃ nax choma chixĩxü̃ ya Cori ya Tupana.

Echequié 12:21

Rü nüma ga Cori ya Tupana rü wena chomaxã nidexa rü ñanagürü: —¿Ta̱xacüchiga nixĩ i ngẽma Iraétanüxü̃arü dexa i nügümaxã ñagüxü̃: “Nangupetü i ngunexü̃gü natürü yema nax nango̱xetüxü̃ i Tupanaarü orearü uruxü̃ rü tama ningu”, ñagüxü̃?

Echequié 36:3

¡Rü ñu̱xma rü chauégagu namaxã idexa rü ñanagürü nüxü̃!: ‘Cori ya Tupana rü ñanagürü: Ñu̱xma rü guxü̃ i nachixü̃anewa ne ĩxü̃ i duü̃xü̃gü rü pexca̱x ínayachoõchi nax yadaiãxü̃ca̱x i perü duü̃xü̃gü. Rü guxü̃ma i ngẽma togü i nachixü̃anegüarü duü̃xü̃gü rü noxrüxü̃ pexü̃ nixĩgüxẽxẽ. Rü pexü̃ nacugüe rü pegu nidauxcüraxü̃gü.

Lebítanüxü̃arü puracüchiga 26:31

Rü tá nagu chipogügü i perü ĩanegü rü nachitaxü̃güxica tá ngéma nayaxügü. Rü ngẽxgumarüxü̃ tá ta nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxũtáma namaxã chataãxẽ i naema i ngẽma pumarate̱xe i cha̱u̱xca̱x pigugüxü̃.

Lebítanüxü̃arü puracüchiga 26:33

Rü pema rü togü i nachixü̃anegu tá pexü̃ chawoone. Rü chorü taramaxã tá pewe chingẽchigü. Rü ngẽma pechixü̃ane rü tá chianexü̃xü̃ chayaxĩxẽxẽ. Rü perü ĩanegü rü nachitaxü̃xica tá ínayaxügü.