Echequié 12:19 - Tupanaarü Ore

¹⁹ ¡Rü ñaa nachixü̃anecüã̱xmaxã, rü Yerucharéü̃cüã̱xmaxã, rü ñu̱xũchi guxü̃ma i Iraétanüxü̃maxã nüxü̃ ixu i ñaa ore i ñaxü̃: “Cori ya Tupana rü ñanagürü: ‘Oegaãẽacüma tá penangõ̱x i pewemü, rü muü̃ãcüma tá peyaxaxü i perü dexá! Rü ñaa nachixü̃ane rü tá inayarüxo rü tá nangeãcu nagagu i ngẽma máeta i naxügüxü̃ i norü duü̃xü̃gü.

Echequié 12:19 Referans Kwoze

Miquéa 7:13

Rü ngẽma togüarü naanegü rü chianexü̃ tá nananguxuchi nagagu i ngẽma norü duü̃xü̃güarü chixexü̃gü.

Echequié 6:14

Rü choma rü chorü numaxã tá chawexnagüchacüxü nax chanapoxcuexü̃ca̱x i ngẽma duü̃xü̃gü i íyaxügüxü̃. Rü ngẽma nachixü̃ane rü nachicagü i duü̃xü̃gü nawa ngẽxmagüxü̃ rü tá chianexü̃xü̃ chayanguxuchixẽxẽ. Rü chianexü̃ i súrwaama ngẽxmaxü̃wa tá ichanaxügü rü ñu̱xmata yima ĩane ya Ribá ya nórtewa ngẽxmanewa nangu. Rü ngẽxguma i ngẽma duü̃xü̃gü rü tá nüxü̃ nicua̱xãchitanü nax choma chixĩxü̃ ya Cori ya Tupana —ñanagürü.

1 Corintios 10:28

Natürü ngẽxguma ngürüãchi wüxíe pemaxã nüxü̃ ixuxgu rü ñatagu: “Ñaa namachi rü tupananetachicüna̱xãgüca̱x yama̱xgüxü̃ i naxü̃nawa ne ũxü̃ nixĩ”, ñagügu, rü ngẽxguma i pema rü tama name nax penangṍxü̃ i ngẽma namachi nax tama chixexü̃gu tüxü̃ pengu̱xẽẽxü̃ca̱x ya yíxema pemaxã nüxü̃ ixuxe, rü tama ngẽmaca̱x taxoegaãẽxü̃ca̱x rü nagu tarüxĩnüxü̃ca̱x i tümax nax chixexü̃ cuxüxü̃.

Echequié 7:23

Rü cumax, Pa Echequiéx ¡rü wüxi ya cadéna ínamexẽxẽ naxca̱x i chorü duü̃xü̃gü i Yerucharéü̃cüã̱xgü! Erü tá chanapoxcue naxca̱x nax poraãcü namáetagüxü̃. Rü yima norü ĩane ya Yerucharéü̃ rü poraãcü máetamaxã nanapá.

Yeremía 10:22

¡Dücax, Iperüxĩnüe! Nua nangu i wüxi i ore. Rü wüxi i nachixü̃ane i nórtewaama ngẽxmaxü̃wa inanaxũ i wüxi i taxü̃ i naga i ãũcümaxü̃. Rü ngẽma nachixü̃anearü churaragü rü tá nagu napogüe i Yudáanearü ĩanegü nax wüxi i chianexü̃ yaxĩxü̃ca̱x i ngexta ngowagüxicatama nawa maxẽxü̃.

1 Corintios 10:26

Erü ñoma i naane rü guxü̃ma i nawa ngẽxmaxü̃, rü tórü Cori ya Tupanaarü nixĩ.

Echequié 36:3

¡Rü ñu̱xma rü chauégagu namaxã idexa rü ñanagürü nüxü̃!: ‘Cori ya Tupana rü ñanagürü: Ñu̱xma rü guxü̃ i nachixü̃anewa ne ĩxü̃ i duü̃xü̃gü rü pexca̱x ínayachoõchi nax yadaiãxü̃ca̱x i perü duü̃xü̃gü. Rü guxü̃ma i ngẽma togü i nachixü̃anegüarü duü̃xü̃gü rü noxrüxü̃ pexü̃ nixĩgüxẽxẽ. Rü pexü̃ nacugüe rü pegu nidauxcüraxü̃gü.

Echequié 4:16

Rü yemawena rü choxü̃ ñanagürü: —Yerucharéü̃arü ĩanewa rü tá chanatauxẽxẽ i õnagü. Rü ngẽma õna rü nügü tá nayaxíxra rü ngẽmaãcü tá ngechaü̃ãcü nanangõ̱xgü i duü̃xü̃gü. Rü ngẽma dexá rü ngugügumarexü̃ tá nixĩ, rü oegaãẽãcüma tá nayaxagü.

Yeremía 33:12

Rü nüma ya Cori ya Tupana ya Guxãétüwa Ngẽxmacü rü ñanagürü: —Ñaa nachixü̃ane i ñu̱xma rü wüxi i chianexü̃ nixĩ rü nawa nataxuma i duü̃xü̃gü rü naeü̃gü. Natürü yixcüra rü guxü̃ma ya norü ĩanegüwa rü tá nangẽxmagü i maxẽchitaxü̃gü i ngexta ngẽma carnérugüarü dauruü̃gü nawa nagagüxü̃ i norü carnérugü nax ngẽxma nangü̃exü̃ca̱x.

Yeremía 33:10

Rü nüma ya Cori ya Tupana rü ñanagürü ta: —Ñu̱xma i pema rü nüxü̃ pixu nax wüxi i chianexü̃ yixĩxü̃ i ñaa naane, rü nataxuma i duü̃xü̃gü rü naeü̃gü, rü Yerucharéü̃arü namagü rü Yudáanearü ĩanegüarü namagü rü nangeãcugü rü taxúema nawa tamaxẽ rü bai i duü̃xü̃gü rü bai i naeü̃gü. Natürü pemaxã nüxü̃ chixu rü wenaxarü daa ĩanewa tá nüxü̃ pexĩnüe i duü̃xü̃gü.

Yeremía 32:28

Rü ngẽmaca̱x, Pa Yeremíax, cumaxã nüxü̃ chixu rü ñachagürü: “Choma rü daa ĩane rü tá naxme̱xgu chananguxẽxẽ i Nabucudonochó i Babiróniaanearü ãẽ̱xgacü, rü nüma rü tá nüxü̃ narüporamae.

Yeremía 18:16

Rü ngẽmaãcü nanachianexẽẽgü i ngẽma nachixü̃ane, rü ngẽma togü i duü̃xü̃gü rü namaxã naba̱i̱xãchie. Rü guxü̃ma i ngẽma duü̃xü̃gü i nawa chopetüxü̃ rü baixãchimaxã naneaerugü.

Yeremía 6:7

Rü Yerucharéü̃wa nixĩ i nangóxü̃ i chixexü̃ ñoma wüxi ya puchuwa dexá ngóxü̃rüxü̃. Rü máetachiga rü chixexü̃chigaxicatama taxĩnü i Yerucharéü̃wa. Ngéma rü yapíxexü̃ rü ngúxü̃ ingexexü̃xicatama nixĩ i chadauxü̃.

Yeremía 4:27

Rü Cori ya Tupana rü ñanagürü: —Guxü̃táma i ngẽma nachixü̃ane rü chianexü̃ tá nixĩ, natürü taxũtáma ichayanaxoxẽẽxü̃chi.

Ichaía 6:11

Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Wiyaegü 107:34

Rü ngẽma mairaxü̃ i nanetü nawa baxcaxü̃ rü Tupana rü mairaxü̃ i chixexü̃xü̃ nananguxuchixẽxẽ nagagu i norü chixexü̃ i ngẽma duü̃xü̃gü i nagu ãchiü̃güxü̃.

Wiyaegü 24:1

Cori ya Tupanaarü nixĩ i guxü̃ma i ñaa naane rü guxü̃ma i nawa ngẽxmagüxü̃ rü guxü̃ma i nawa maxẽxü̃.

Yeremía 25:11

Rü ñaa nachixü̃ane rü guxü̃watáma nachixe, rü nachitaxü̃xicatama ngéma nayaxü. Rü ngẽma norü duü̃xü̃gü i ngẽma nachixü̃anegü rü 70 ya taunecü rü Babiróniaanearü ãẽ̱xgacüme̱xẽwa tá nangẽxmagü.