Echequié 12:13 - Tupanaarü Ore

¹³ Natürü i choma rü ngẽma ãẽ̱xgacüétügu tá chanaña i chorü tarapa, rü ngẽmamaxã tá chayayaxu. Rü Cadéugüane i Babiróniawa tá chanaga. Rü ngẽmaãcü tagutáma wena nüxü̃ nadau i norü naane. Rü Babiróniagu tá nixĩ i nayuxü̃.

Echequié 12:13 Referans Kwoze

Ochéa 7:12

Natürü ngẽxguma ngẽma ngü̃xẽẽca̱x nadaugügu rü choma rü tá íchanayauxü̃ ñoma werigü yütagu íyauxü̃xü̃rüxü̃. Rü ñu̱xũchi tá chanapoxcue nagagu i ngẽma norü chixexü̃gü.

Echequié 17:20

Rü choma rü naétügu tá chanaña i ngẽma chorü pücha, rü ngẽmamaxã tá chayayaxu. Rü Babiróniawa tá chanaga, rü ngéma tá chapoxcu nagagu nax tama chauga naxĩnüxü̃.

Yeremía 39:7

Rü yemawena rü nanamu nax Chedequíaxü̃ nacaxü̃xetügüxü̃ rü cadénamaxã yana̱i̱xgüãxü̃ Babiróniawa nagagüãxü̃.

Echequié 32:3

Natürü choma ya Cori ya Tupana rü ñachagürü cuxü̃: ‘Rü woo nax muxũchixü̃ i duü̃xü̃gütanüwa cumaxü̃xü̃, rü choma rü tá chorü püchamaxã cuxü̃ chiyaxu.

Echequié 17:16

Rü choma ya Cori ya Tupana rü chauégagu cumaxã nüxü̃ chixu rü Babiróniaanegu tá nayu i ngẽma unetaxü̃ cugüxü̃, rü tama yanguxẽẽxü̃ ga yema uneta ga naxüxü̃ namaxã ga guma ãẽ̱xgacü ga yangucuchixẽẽcü.

Ore i mexü̃ ga Luca ümatüxü̃ 21:35

Rü ñoma wüxi ya yüta ya ngürüãchi ta̱xacü iyaxúnerüxü̃ tá nixĩ naxca̱x i guxü̃ma i duü̃xü̃gü i ñoma i naanecüã̱x i ngẽxguma wenaxarü núma chaxũxgu.

Auxexü̃chiga 3:47

Rü ngẽmaca̱x poraãcü tamuü̃e erü toxü̃ ínayauxü̃ rü tochicaxica nixĩ i ngéma yaxüxü̃. Rü ngẽma nixĩ i toxü̃ ngupetüxü̃.

Auxexü̃chiga 1:13

Rü Cori ya Tupana rü dauxü̃wa cha̱u̱xca̱x ne nanamu ga wüxi ga üxüema ga choxü̃ ixaxẽẽxü̃ ñu̱xmata chauxchina̱xãwa nangu. Rü choxü̃ nitoxyepe̱xe rü choxü̃ nacu̱xneta nax charünguxü̃ca̱x. Rü marü choxna nixũgachi, rü ngẽma ngúxü̃ i ñu̱xma chingexü̃ rü taguma inayacua̱x.

Yeremía 50:24

Pa Babiróniax, cumatama cugüpe̱xegu cunaxǘ ya wüxi ya yüta, natürü nüxü̃ icurüngüma rü ngẽmaca̱x cumatama nagu cungu. Rü ñu̱xma rü marü taxü̃ i guxchaxü̃wa cungexma, yerü Cori ya Tupanamaxã curüxuanü.

Yeremía 34:3

Rü cumax, Pa Chedequíax, rü taxũtáma naxme̱xwa quiña. Rü norü churaragü rü tá cuxü̃ niyauxgü rü Nabucudonochóna tá cuxü̃ namugü. Rü nüma rü tá cumaxã nidexa rü ngẽmawena tá Babiróniawa cuxü̃ nagagü.

Wiyaegü 11:6

Rü nüma ya Cori ya Tupana rü ñoma pucürüxü̃ tá ngẽma chixexü̃ ügüxü̃étügu nanayixẽxẽ ya ã́xwe rü üxüema i achúfremaxã ãéü̃xü̃. Rü tá naxca̱x ínananguxẽxẽ ya wüxi ya buanecü nax yaxaexü̃ca̱x i guxü̃ma. Rü nüma ya Cori ya Tupana rü ngẽmaãcü tá nanapoxcue i ngẽma duü̃xü̃gü i chixexü̃ ügüxü̃.

Yox 19:6

Rü chanaxwa̱xe i meama nüxü̃ pecua̱x rü Tupana nixĩ i cha̱u̱xca̱x ínanguxẽẽcü i ngẽma guxchaxü̃ i nawa changexmaxü̃. Rü nüma nixĩ i norü yütagu choxü̃ nanguxẽẽxü̃.

Wiyaegü 66:11

Rü cuma rü torü uanügüaxü̃́ cunatauxchaxẽxẽ nax toxü̃ ínayauxü̃xü̃ca̱x rü puracü i yáxü̃wa toxü̃ napuracüexẽẽxü̃ca̱x.

Yeremía 24:8

Natürü i ngẽma Yudáanecüã̱xarü ãẽ̱xgacü i Chedequía rü norü ngü̃xẽẽruü̃gü i ãẽ̱xgacügü, rü ngẽma Yerucharéü̃cüã̱xgü i tama íchoxü̃xü̃, rü ngẽma duü̃xü̃gü i Equítuanewa maxẽxü̃, rü ngẽma igu i chixexü̃ i taxuacüma ingṍxü̃rüü̃ãcü tá namaxã chixĩ nax nüxü̃ chaxoxü̃.

Yeremía 32:5

Rü nüma i Nabucudonochó rü Babiróniawa tá nanaga ga Chedequía, rü ngéma tá nangẽxma ñu̱xmatata nawa nangu nax choma nüxü̃ cua̱xãchixü̃. Rü woo ngẽma Cadéugümaxã pegü pedaixgu, natürü taxũtáma nüxü̃ perüporamaegü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü ga Tupana.

Yeremía 37:17

Rü nüma ga ãẽ̱xgacü ga Chedequía rü norü churaragüxü̃ namu nax ãẽ̱xgacüpatawa Yeremíaxü̃ nagagüxü̃ca̱x. Rü yexguma Yeremía ãẽ̱xgacüpe̱xewa nagagüãgu, rü nüma ga ãẽ̱xgacü rü bexma Yeremíana naca rü ñanagürü: —¿Nangexmaxü̃ i to i ore i Cori ya Tupana cumaxã nüxü̃ yaxuxü̃? —ñanagürü. Rü nüma ga Yeremía rü nanangãxü̃ rü ñanagürü: —Ngü̃, ngẽmáacü nangẽxma. Rü Tupana rü ñanagürü: “Cumax, Pa Ãẽ̱xgacüx, rü naxme̱xgu tá cungu i ngẽma Babiróniaanearü ãẽ̱xgacü” —ñanagürü.

Echequié 12:6

Rü ngẽxguma nachütagu rü tá cugüatügu cunanugü i curü ngẽmaxü̃gü. ¡Rü ñu̱xũchi guxü̃ma i duü̃xü̃güpe̱xewa namaxã ínaxũxũ! ¡Rü tá cugü quidüxchiwe nax ngẽmaãcü tama nüxü̃ cudauxü̃ca̱x i ngẽma waixü̃mü! Rü guxü̃ma i ngẽma cuxü̃ chamuxü̃ nax cunaxüxü̃ca̱x rü wüxi i cua̱xruxü̃ tá nixĩ naxca̱x i ngẽma Iraétanüxü̃ i Yerucharéü̃wa ngẽxmagüxü̃ —ñanagürü choxü̃.

Yox 18:10

Rü ngẽma chixexü̃gu maxü̃xü̃ i duü̃xü̃ rü norü namagu nanaxǘgü i wüxi i bocuparaxü̃ i tama ngóxü̃ nax ngẽxguma ngéma naxüpetügu rü ngẽmagu yayauxgüãxü̃ca̱x.