Echequié 12:11 - Tupanaarü Ore

¹¹ ¡Rü namaxã nüxü̃ ixu nax cuma rü wüxi i norü cua̱xruxü̃ quixĩxü̃ nax naxca̱x naxuãẽgüxü̃ca̱x i ngẽma guxchaxü̃ i naxca̱x tá ínguxü̃ yema cuxca̱x ínguxü̃rüxü̃! Erü norü uanügü rü to i nachixü̃anewa tá nanagagü i ngẽma duü̃xü̃gü.

Echequié 12:11 Referans Kwoze

Yeremía 52:15

Rü ñu̱xũchi nüma ga Nabucharadáü̃ rü Babiróniawa nanagagü ga yema duü̃xü̃gü ga ĩanewa íyaxügüxü̃, rü yema duü̃xü̃gü ga Babiróniaanearü ãẽ̱xgacüwaama ügüxü̃. Rü yexgumarüxü̃ ta yéma nanagagü ga guxü̃ma ga yema duü̃xü̃gü ga ta̱xacü rü puracüxü̃ mea icuáxü̃.

Yeremía 15:2

Rü ngẽxguma tá cuxna nacagügu ¿rü ngextá chi itaxĩxü̃? ñagügu, rü chauégagu tá ñacurügü nüxü̃: “Yíxema marü tümamaxã naxuegugüxe nax da̱xaweanemaxã tayuexü̃, rü da̱xaweanemaxã tá tayue. Rü yíxema marü tümamaxã naxuegugüxe nax daigu tayuexü̃ rü daigu tá tayue. Rü yíxema marü tümamaxã naxuegugüxe nax taiyamaxã tayuexü̃ rü tá taiyamaxã tayue. Rü yíxema marü tümamaxã naxuegugüxe nax ítawoxü̃xü̃ i ñaa nachixü̃anewa rü tá ítawoxü̃” —ñanagürü.

Echequié 12:6

Rü ngẽxguma nachütagu rü tá cugüatügu cunanugü i curü ngẽmaxü̃gü. ¡Rü ñu̱xũchi guxü̃ma i duü̃xü̃güpe̱xewa namaxã ínaxũxũ! ¡Rü tá cugü quidüxchiwe nax ngẽmaãcü tama nüxü̃ cudauxü̃ca̱x i ngẽma waixü̃mü! Rü guxü̃ma i ngẽma cuxü̃ chamuxü̃ nax cunaxüxü̃ca̱x rü wüxi i cua̱xruxü̃ tá nixĩ naxca̱x i ngẽma Iraétanüxü̃ i Yerucharéü̃wa ngẽxmagüxü̃ —ñanagürü choxü̃.

Echequié 4:3

¡Rü ngẽmawena rü nayaxu i wüxi i fierutachinü! ¡Rü yima ĩanechicüna̱xãpe̱xegu rü ñu̱xũchi cugüpe̱xearü ngãxü̃gu naxǘ i ngẽma fierutachinü ñoma wüxi i naxtapü̱xrüxü̃! Rü cuma rü ñoma ĩaneca̱x ícuyagoõchixü̃rüxü̃ tá cugü quixĩxẽxẽ. Rü guxü̃ma i ngẽma rü Iraétanüxü̃ca̱x rü wüxi i cua̱xruxü̃ tá nixĩ.

Echequié 12:3

¡Rü ngẽmaca̱x namexẽxẽ i ngẽma quingexchaü̃xü̃ ñoma to i nachicawa cuxũxü̃rüxü̃! ¡Rü ngunecütama rü guxü̃ma i duü̃xü̃güpe̱xewa ínaxũxũ i cupatawa rü to i nachicawa naxũ! Rü bexmana ngẽmawa tá nügü nicua̱xãchitanü nax duü̃xü̃gü i tama chauga ĩnüechaü̃xü̃ nax yixĩgüxü̃.

Chacaría 3:8

¡Rü dücax, Pa Yochuéx, rü mea rüxĩnü i cuma nax chacherdótegüarü ãẽ̱xgacü quixĩxü̃! Rü ngẽxgumarüxü̃ ta i cumücügü rü name nax mea inaxĩnüexü̃, erü pema rü wüxi i cua̱xruxü̃ pixĩgü nachiga ya yíxema tá nua chanaxũxẽxẽcü. Erü paxa tá nua petanüwa chanamu i wüxi i choxrü duü̃xü̃ i Dabítaxa i perü ãẽ̱xgacü tá ixĩcü.

Norü taxre ga popera ga ãẽ̱xgacügüchiga 25:7

Rü nüma rü norü churaragüxü̃ namu nax Chedequíape̱xegu nanegüxü̃ nadaü̃naxãxü̃ca̱x. Rü ñu̱xũchi Chedequíaxü̃ nacaxü̃xetügü, rü cadénamaxã nayana̱i̱xgü. Rü yemaacü Babiróniawa nanagagü.

Norü taxre ga popera ga ãẽ̱xgacügüchiga 25:11

Rü yemawena ga Nabucharadáü̃ rü Babiróniawa nanagagü ga yema Yudíugü ga Yerucharéü̃wa yaxǘgüxü̃ rü yema duü̃xü̃gü ga Babiróniaanearü ãẽ̱xgacüme̱xẽwa nügü ügüxẽẽxü̃ rü ñu̱xũchi guxü̃ma ga yema íyaxügüxü̃ ga ta̱xacürü yemaxü̃arü üxü̃ cua̱xgüxü̃.

Yeremía 10:17

Rü pema, Pa Iraétanüxü̃, rü marü pexü̃ ínachomaeguãchi i perü uanügü. ¡Rü penade i ngẽma perü ngẽmaxü̃gü!

Echequié 4:1

Rü Cori ya Tupana rü ñanagürü: —Cumax, Pa Echequiéx, ¡rü nayaxu ya wüxi ya ladriyu rü cugüpe̱xegu naxǘ! ¡Rü yimagu naxüxchicüna̱xã ya yima ĩane ya Yerucharéü̃!