Echequié 11:21 - Tupanaarü Ore

²¹ Natürü ya yíxema nagu maxẽamáxẽ i ngẽma nacüma i chixexü̃ i naxchi chaxaixü̃, rü choma rü tá ngẽmaca̱x tüxna chaca. Rü choma ya Cori ya Tupana nixĩ i ngẽma ñachaxü̃ —ñanagürü.

Echequié 11:21 Referans Kwoze

Echequié 9:10

Natürü taxũtáma choxü̃́ nangechaü̃tümüxü̃ i ngẽma duü̃xü̃gü, rü nüxna tá chaca naxca̱x ga yema chixri nax namaxẽxü̃ —ñanagürü.

Ngu̱xẽẽtaeruü̃arü ore 11:9

¡Nataãxẽ Pa Ngextü̱xücüx, rü ñoma rü ta cupora! ¡Rü nataãxẽ namaxã i ngẽma cuxü̃́ mexü̃ ñoma rü ta cuxü̃́ natauxcha! ¡Rü naxü i ngẽma nagu curüxĩnüxü̃, natürü nüxna nacua̱xãchi rü guxü̃ma i ngẽma cuxüxü̃ca̱x rü Tupana tá cuxna naca!

Echequié 22:31

Rü ngẽmaca̱x tá chanapoxcue i ngẽma duü̃xü̃gü. Rü chorü numaxã tá chanadai nax ngẽmaãcü ngẽma íyaxügüxü̃ nüxü̃ yacua̱xãchiexü̃ca̱x i ngẽma chixexü̃ i naxügüxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Tupana.

Echequié 11:18

Rü nümagü rü nachixü̃aneca̱x tá nawoegu rü tá nagu napogüe i guxü̃ma i ngẽma naxchicüna̱xãgü ga ü̃pa nüxü̃ yacua̱xüü̃güxü̃. Rü ngẽmaãcü tá nüxü̃ narüxoe ga yema nacümagü ga chixexü̃ ga nagu namaxẽxü̃.

Yeremía 1:16

Rü ngẽma tá nixĩ i ngẽma poxcu i namaxã chaxueguxü̃ i ngẽma duü̃xü̃gü i chixexü̃ ügüxü̃ rü choxna ixĩgachixü̃. Erü nüxü̃ nicua̱xüü̃gü rü pumarate̱xe naxca̱x ínagugü i ngẽma togü i nachixü̃anegüarü tupanachicüna̱xãgü i nümatama ügüxü̃.

Popera ga Yúda ümatüxü̃ 1:19

Rü ngẽma duü̃xü̃gü nixĩ i pexü̃ itoyexü̃ nax tama wüxigu perüxĩnüexü̃ca̱x rü tama mea peyaxõgüxü̃ca̱x. Rü nümagü rü naxü̃nearü ngúchaü̃we narüxĩ, rü tama nawa nangẽxma i Tupanaãxẽ ya Üünecü.

Popera ga Yudíugü ga yaxõgüxü̃ca̱x ümatüxü̃ 10:38

Natürü yíxema tümaarü õgagu chope̱xewa mexẽ, rü name nixĩ i guxü̃guma tayaxõõcüma cha̱u̱xca̱x tamaxü̃. Natürü ngẽxguma nüxü̃ tarüxoxgu nax tayaxõxü̃, rü choma rü taxũtáma tümamaxã chataãxẽ”, ñanagürü.

Echequié 20:38

Rü ngẽma nachixü̃ane i ñu̱xma nawa pemaxẽxü̃wa tá pexü̃ íchagaxü̃, natürü ngẽma tama chauga ĩnüexü̃ rü tá íchananuxü̃ rü taxũtáma Iraéarü naaneca̱x nawoegu. Rü ngẽxguma i pema rü tá nüxü̃ picua̱xãchie nax choma ya Cori chixĩxü̃ i perü Tupana —ñachagürü.

Echequié 20:31

Rü pemax rü ñu̱xma rü ta ngẽma tupananetachicüna̱xãgüca̱x peyagu i perü ãmaregü rü peyagu i penegü. Rü ngẽmaãcü ngẽma naxchicüna̱xãgümaxã pegü pixãũãchiama. ¿Rü ngẽmaãcü chitama, Pa Iraétanüxü̃x, i penaxwaxexü̃ nax choxna peyacagüxü̃? Rü choma ya Cori ya Tupana rü chauégagu pemaxã nüxü̃ chixu rü tama chanaxwa̱xe nax choxna peyacagüxü̃.

Echequié 16:43

Cumax, Pa Yerucharéü̃x, rü nüxü̃ curüngü̃ma ga yema cuxca̱x chaxüxü̃ ga yexguma cupaxgu. Rü choxü̃ cunuxẽxẽ namaxã ga guxü̃ma ga yema chixexü̃gü ga ãũãchixü̃ ga cuxüxü̃. Rü ngẽmaca̱x i chomax, rü tá cuxü̃ chapoxcu naxca̱x i ngẽma cucüma i chixexü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma’.

Yeremía 17:9

Rü nataxuma i ta̱xacü i duü̃xü̃ãẽrüxü̃ idorata̱xáxü̃ rü chixexü̃gu rüxĩnüxü̃. ¿Rü texé tá nüxü̃ cuáxü̃ i ngẽma nagu naxĩnüxü̃?

Yeremía 2:20

Rü nũxcümacürüwatama nixĩ ga choxna pixĩgachixü̃ rü tama chauga pexĩnüechaxü̃xü̃. Rü ñaperügügü: “Tama cuga taxĩnüechaü̃”, ñaperügügü. Pema rü pechauechitae ñoma wüxi i ngexü̃ i natena ngeãẽxü̃rüxü̃, yerü guxü̃ma ga ma̱xpǘnegüwa rü guxü̃ma ga naigü ga imeetaxü̃tüü̃wa nüxü̃ picua̱xüü̃gü ga yema tupananetachicüna̱xãgü.

Yeremía 16:11

Rü cuma rü ñaãcü tá cunangãxü̃gü: “Cori ya Tupana rü nüxü̃ nixu rü ñanagürü: ‘Rü ngẽma tá pexü̃ nangupetü yerü yema nũxcümaü̃güxü̃ ga perü o̱xigü rü choxna nixĩgachi rü tupananetachicüna̱xãgüwe narüxĩ, rü naxca̱x nangutaque̱xegü rü nüxü̃ nicua̱xüü̃gü. Rü nümagü rü choxü̃ ínata̱xgü rü tama nayanguxẽẽgü ga yema ucu̱xẽgü ga choma namaxã nüxü̃ chixuxü̃.

Yeremía 16:18

Rü nawa tá ichanaxügü nax taxree̱xpü̱xcüna pexü̃ chapoxcuexü̃ naxca̱x i perü chixexü̃gü rü perü pecadugü. Erü penaxãũãchixẽxẽ i chorü naane namaxã i ngẽma perü tupananetachicüna̱xãgü i ingearü maxü̃ã́xü̃. Rü yema naane ga guxü̃guca̱x pexna chaxãxü̃wa rü penaxü ga yema chixexü̃gü ga naxchi chaxaixü̃ —ñanagürü ga Cori ya Tupana.

Echequié 7:4

Rü marü taxũtáma choxü̃́ pengechaxü̃tümüxü̃gü. Rü ngẽma pecüma i chixexü̃gagu tá pexü̃ chapoxcu nax ngẽmaãcü penaxütanüxü̃ca̱x ga yema chixexü̃gü ga pexügüxü̃. Rü pema rü ngẽmaãcü tá nüxü̃ picua̱xãchitanü nax choma chixĩxü̃ ya Cori ya Tupana” —ñanagürü.

Echequié 20:16

Natürü ga nümagü rü nüxü̃ naxoe ga yema chorü mugü rü tama naga naxĩnüe. Rü yexguma ngü̃chigaarü ngunexü̃güwa nanguxgu rü tama choxü̃ nicua̱xüü̃gü, yerü yema norü tupananetagüxü̃ nicua̱xüü̃gü.

Echequié 7:3

Rü marü nawa nangu i perü gu̱x, Pa Iraéanecüã̱x. Rü chorü numaxã tá pexü̃ chapoxcu. Rü pexna tá naxca̱x chaca i ngẽma pecüma i chixexü̃, rü tá pexü̃ chapoxcu naxca̱x ga yema chixexü̃gü ga pexügüxü̃.

Echequié 7:8

Rü ñu̱xmatatama pegu chananguxẽxẽ i ngẽma chorü nu rü ngẽxgumaxica tá nixĩ i charüngüxmüxü̃. Rü pexna tá naxca̱x chaca i ngẽma pecüma i chixexü̃. Rü ñu̱xũchi tá pexü̃ chapoxcue naxca̱x i guxü̃ma i ngẽma chixexü̃gü i nagu pemaxẽxü̃.