Echequié 11:2 - Tupanaarü Ore

² Rü yexguma ga nüma ga Cori ya Tupana rü choxü̃ ñanagürü: —Pa Yatüx, ñaagü nixĩ i ngẽma yatügü i máetagu rüxĩnüexü̃ rü chixexü̃maxã duü̃xü̃güxü̃ ixucu̱xẽgüxü̃ i daa ĩanewa.

Echequié 11:2 Referans Kwoze

Ichaía 30:1

Nüma ya Cori ya Tupana rü ñanagürü: —Wüxi i ngechaü̃ nixĩ naxca̱x i ngẽma chaunegü i tama chauga ĩnüexü̃. Nümagü rü tama choxna nacagüãcüma nanaxü i ngẽma nagu naxĩnüexü̃ rü tama chauxü̃tagu naxca̱x nadaugü i chorü ucu̱xẽ. Rü ngẽmaãcü nanayexeraxẽxẽ i norü pecadugü.

Yeremía 5:5

Rü yemaca̱x nagu charüxĩnü nax yema ãẽ̱xgacügümaxã chidexaxü̃. Yerü ngürüãchi nümagü rü nüxü̃ nacua̱xgü i ngẽma Cori ya Tupana nüxü̃́ naxwa̱xexü̃, rü ngẽma Tupana tüxü̃ muxü̃. Natürü guxü̃ma ga nümagü rü Cori ya Tupanamaxã nanue, rü tama naga naxĩnüechaü̃.

Wiyaegü 52:2

Rü yimá curü conü rü naxãũcüma ñoma wüxi i cüxchi i te̱xechixü̃rüxü̃. Erü yimá curü conü rü nidorata̱x rü chixexü̃ i orexü̃ nixu.

Ichaía 59:4

Rü taxúema i pema mexü̃ i ĩnümaxã ãẽ̱xgacü ya guxchaxü̃arü mexẽẽruü̃pe̱xewa pexĩ. Rü ngẽma guxchaxü̃ ínamexẽẽgüpe̱xewa rü taxúema nüxü̃ tixu i ngẽma ore i aixcüma ixĩxü̃. Rü nüxü̃ tixu i ngẽma dora ixĩxü̃ rü taxúema aixcümaxü̃ tixu. Erü chixexü̃maxã penapagü rü tama aixcüma penango̱xẽxẽ i ngẽma perü chixexü̃gü.

Yeremía 18:18

Rü yema duü̃xü̃gü rü ñanagürügü: —Ngĩxã nagu tarüxĩnüe i ta̱xacü namaxã taxü i Yeremía nax nüxü̃ naxoxü̃ca̱x nax guxchaxü̃chiga tamaxã yaxuxü̃. Erü tagutáma nataxu i togü i chacherdótegü i tüxü̃ ngúexẽẽxü̃, rü tagutáma nataxu i togü i yatügü i nüxü̃ icuáxü̃ i tüxü̃ ucu̱xẽgüxü̃, rü tagutáma nataxu i togü i orearü uruü̃gü i Tupanaarü orexü̃ tamaxã ixugüxü̃. Ngĩxã ãẽ̱xgacüpe̱xewa ítanaxuaxü̃ nax ngẽmaãcü yama̱xgüãxü̃ca̱x. Rü taxũtáma naga taxĩnüe i ngẽma nüxü̃ yaxuxü̃ —ñanagürügü.

Wiyaegü 36:4

Rü ngẽxguma norü pechicaxü̃gu nacaxgu rü ngéma nagu narüxĩnü nax chixexü̃ naxüxü̃. Rü ngẽma nax poraãcü nüxü̃́ nangúchaü̃ i ngẽma chixexü̃ i naxüxü̃ rü ngẽmaca̱x tama ínanangéxchaü̃.

Ester 8:3

Rü ñu̱xũchi ngĩma ga Ité rü wenaxarü ãẽ̱xgacüxü̃tawa ixũ. Rü nape̱xegu iyangücuchi rü ixaxu. Rü nüxü̃ íca̱xaxü̃ nax ínapiãxü̃ca̱x ga yema mu ga Amáü̃ unagüxü̃ ga Yudíugüarü daixchiga nax yemaacü yanaxomarexü̃ca̱x.

Echequié 7:26

Rü nügüwe tá naxãgü i ngẽma guxchaxü̃gü i Yerucharéü̃cüã̱xgüca̱x ínguxü̃. Rü ngẽxgumarüxü̃ ta i ngẽma chixexü̃ i nachigagü rü tá nügüwe naxãgü. Rü tá naxca̱x nadaugü i wüxi i chorü orearü uruxü̃ nax ngẽma namaxã nüxü̃ ixuxü̃ca̱x nax ta̱xacüchiga yixĩxü̃ i ngẽma ngupetüxü̃. Natürü i ngẽma rü tá natüca̱xmamare nixĩ. Rü nataxutama i chacherdótegü i nangúexẽxẽxü̃ rü bai i yaxguã̱xgü i tayaxucu̱xẽgüxü̃.

Naúü̃ 1:11

Pa Nínibex, cuwa nixĩ ga nangóxü̃ i ngẽma ãẽ̱xgacü i chixexü̃gu rüxĩnüxü̃ nape̱xewa ya Cori ya Tupana. Rü nüma i ngẽma ãẽ̱xgacü rü wüxi i ucu̱xẽruxü̃ i chixexü̃ nixĩ.

Wiyaegü 36:5

Natürü i ngẽma curü ngechaü̃, Pa Cori Pa Tupanax, rü daxũguxü̃ i naanewa nangu. Rü ngẽma nax quixaixcümaxü̃ rü ya̱u̱xtüweanexü̃arü yexerawa nangu.