Echequié 11:19 - Tupanaarü Ore

¹⁹ Rü choma rü tá chanaxüchicüxü ya yima norü maxü̃ne ya taixü̃ne ñoma nutarüxü̃. Rü nüxna tá chanaxã ya wüxi ya maxü̃ne ya ngexwacaxü̃ne rü ngexwaca̱xü̃xü̃ i naãxẽ tá nüxna chaxã.

Echequié 11:19 Referans Kwoze

Yeremía 31:33

Rü ñaa tá nixĩ i ngẽma ngexwaca̱xü̃xü̃ i chorü uneta i Iraétanüxü̃maxã chaxüxü̃: “Naãxẽwa tá chanangexmaxẽxẽ i ngẽma chorü mu, rü ngéma tá nangẽxma nax tama nüxü̃ iyanangümaexü̃ca̱x. Rü choma tá nixĩ i norü Tupana chixĩxü̃, rü nümagü rü tá chorü duü̃xü̃gü nixĩgü”. Rü chomatama ya Cori ya Tupana nixĩ i nüxü̃ chixuxü̃ i ngẽma.

Wiyaegü 51:10

Pa Tupanax ¡chowa nangẽxmaxẽxẽ i wüxi i chauãxẽ i aixcüma mexü̃! ¡Rü nangexwaca̱xü̃xẽxẽ i chauãxẽ nax cupe̱xewa wüxi i naãxẽ i aixcüma mexü̃ yixĩxü̃ca̱x!

Yeremía 24:7

Rü cua̱x tá nüxna chaxã nax ngẽmaãcü choxü̃ nacua̱xgüxü̃ca̱x nax choma chixĩxü̃ ya Cori ya Tupana. Rü nümagü rü chorü duü̃xü̃gü tá nixĩgü, rü choma rü tá norü Tupana chixĩ erü guxü̃ma i norü ngúchaü̃maxã tá cha̱u̱xca̱x nawoegu.

2 Corintios 3:3

Rü ñu̱xma rü meama nango̱x nax pema rü wüxi i popera i Cristutama ümatüxü̃ pixĩgüxü̃. Rü torü puracügagu nixĩ i ngẽma. Rü tama wüxi i popera i tíntamaxã ümatüxü̃ pixĩgü, natürü ümatüxü̃ ya Tupana ya Maxü̃cüãxẽ i Üünexü̃ ümatüxü̃ pixĩgü. Rü ngẽma ümatüxü̃ rü tama nutagu ümatüxü̃ nixĩ, natürü duü̃xü̃güarü maxü̃negu nixĩ i naxümatüxü̃.

Wenaxarü naxümatü ga Tupanaarü mugü 30:6

Rü nüma ya perü Cori ya Tupana rü peãẽwa rü petaagüãẽwa tá nayanaxoxẽxẽ i ngẽma chixexü̃ i ngéma ngẽxmaxü̃ nax ngẽmaãcü aixcüma nüxü̃ pengechaü̃güxü̃ca̱x perü maxü̃nemaxã rü peãẽmaxã nax ngẽmaãcü pexü̃́ nangẽxmaxü̃ca̱x i perü maxü̃.

Echequié 18:31

¡Rü noxtacüma nüxna pixĩgachitanü i guxü̃ma i ngẽma chixexü̃gü ga chope̱xewa pexüxü̃! ¡Rü penangexwaca̱xü̃xẽxẽ i ngẽma perü maxü̃, rü ñu̱xũchi ngẽma peãxẽ! ¿Tü̱xcüü̃ penaxwa̱xe nax peyuexü̃, Pa Iraétanüxü̃x?

Chacaría 7:12

Rü ñoma nuta i diamánterüxü̃ nügü nataiarü maxü̃neã̱xgü nax tama naga naxĩnüexü̃ca̱x ga yema Tupanaarü ucu̱xẽ rü norü mugü ga Tupana ya Guxãétüwa Ngẽxmacü Naãxẽ ya Üünecüwa rü nũxcümaü̃güxü̃ ga norü orearü uruü̃gümaxã nüxü̃ ixuxü̃. Rü yemaca̱x ga Cori ya Tupana rü düxwa poraãcü namaxã nanu.

2 Corintios 5:17

Rü ngẽxguma texé Cristuaxü̃́ yaxõ̱xgu, rü ngexwaca̱xü̃xü̃ i duü̃xü̃ tixĩ. Rü nũxcümaü̃xü̃ ga tümacüma rü marü tüxna inayarüxo, rü ngexwaca̱xü̃xü̃ i maxü̃ tüxü̃́ nangẽxma.

Gálatas 6:15

Erü ngẽxguma Ngechuchu ya Cristuarü duü̃xü̃gü ixĩgügu, rü Tupanape̱xewa rü taxuxü̃ma nixĩ i ngẽma nax íiwíecha̱xmüpe̱xechiraü̃xü̃ rüe̱xna tama. Natürü ngẽma aixcüma nape̱xewa mexü̃ nixĩ nax naxüchicüüxü̃ i tórü maxü̃ nax ngexwaca̱xü̃xü̃ i duü̃xü̃gü ixĩgüxü̃ca̱x.

Ore i mexü̃ ga Cuáü̃ ümatüxü̃ 14:26

Natürü Chaunatü rü tá chauégagu núma nanamu i Naãxẽ ya Üünexü̃ nax pexü̃ nangü̃xẽẽxü̃ca̱x. Rü nüma i Naãxẽ ya Üünexü̃ tá pexü̃ nangúexẽxẽ i guxü̃ma, rü tá nüxna pexü̃ nacua̱xãchixẽxẽ i guxü̃ma i ore ga pemaxã nüxü̃ chixuxü̃.

Chofonía 3:9

Rü ngẽxguma tá ngẽma ngunexü̃ ínguxgu rü mexü̃ i oremaxã tá chayadexagüxẽxẽ i duü̃xü̃gü nax ngẽmaãcü guxü̃ma i nümagü norü yumüxẽwa chomaxã yadexagüxü̃ca̱x rü guxü̃ma wüxigu choxü̃́ napuracüexü̃ca̱x.

Ngechuchuarü ngúexü̃gü ga yamugüxü̃arü puracüchiga 4:32

Rü namu ga yema yaxõgüxü̃. Rü guxü̃ma rü wüxigu narüxĩnüe. Rü taxuxü̃ma nagu narüxĩnü nax noxrüxicatama yixĩxü̃ ga norü yemaxü̃gü, natürü guxü̃ma ga ta̱xacü nüxü̃́ yexmaxü̃ rü guxãarü nixĩ.

1 Corintios 1:10

Pa Chauenexẽgüx, tórü Cori ya Ngechuchu ya Cristuégagu pexü̃ chaca̱a̱xü̃ nax wüxigu perüxĩnüexü̃ca̱x. Rü tama name i pegü pitoyex. Rü name nixĩ i aixcüma pegü pengechaü̃gü nax wüxigutama perüxĩnüexü̃ca̱x.

Romanos 11:2

Rü nũxcümamatama Tupana Iraétanüxü̃maxã inaxuneta nax norü duü̃xü̃gü yixĩgüxü̃ca̱x, rü ñu̱xma rü tama Yudíugüxü̃ naxo. ¿Tama ẽ̱xna nüxü̃ pecua̱x nax ñuxũ ñaxü̃ ga Tupanaarü orearü uruxü̃ ga Ería? Rü Tupanaarü orewa nüxü̃ tadaugü rü Ería rü Tupanape̱xewa poraãcü yema Yudíugüxü̃ nixugü.

Ore i mexü̃ ga Luca ümatüxü̃ 11:13

Rü pema nax pichixecümachiréxü̃ rü nüxü̃ pecua̱x nax mexü̃ i ãmare pexacügüna pexãxü̃. Natürü Penatü ya Dauxü̃gucü rü ngẽmaarü yexera i memaexü̃ tá inaxã, rü tá tüxna nanamu i Naãxẽ ya Üünexü̃ ya yíxema naxca̱x íca̱xe —ñanagürü ga Ngechuchu.

Efesios 4:23

Rü ngẽmaca̱x i ñu̱xma nax Cristuarü pixĩgüxü̃ rü name nixĩ nax Tupanagu perüxĩnüexü̃. Rü name nixĩ i Tupanana pegü pexãgü nax Naãxẽ ya Üünexü̃ nangexwacaxü̃xẽẽxü̃ca̱x i perü ĩnü.

Ichaía 48:4

Rü choma rü nüxü̃ chacua̱x nax tama nüxü̃ pecua̱xégaxü̃ rü pitaieruxü̃ rü ñoma fieru rü bróũche i tama irüwe̱xãchixü̃rüxü̃ pixĩgü.

Norü taxre ga to ga popera ga ãẽ̱xgacügüchiga ümatüxü̃ 30:12

Rü nüma ga Cori ya Tupana rü yema Yudátanüxü̃ ga duü̃xü̃güãẽwa nananguxẽxẽ ga ngúchaü̃ nax taãẽãcüma nayauxgüãxü̃ca̱x rü yanguxẽẽgüãxü̃ca̱x ga yema ore ga ãẽ̱xgacü rü norü ngü̃xẽẽruü̃gü namaxã nüxü̃ ixuxü̃, yerü yema ore rü Cori ya Tupanaarü mu nixĩ.

Echequié 37:14

Rü choma rü tá pexna chanamu i Chauãxẽ i Üünexü̃, rü pema rü tá íperüdagü. Rü tá perü naanewa tátama wena pexü̃ changexmagüxẽxẽ. Rü ngẽxguma tá nixĩ i nüxü̃ pecuáxü̃ nax choma ya Cori ya Tupana chixĩxü̃ i pemaxã nüxü̃ chixuxü̃ i ngẽma, rü choma nixĩ i pexü̃ chinguxẽẽxü̃. Rü choma ya Cori ya Tupana nixĩ i ngẽma ñachaxü̃’ ” —ñanagürü.