Echequié 11:16 - Tupanaarü Ore

¹⁶ Natürü i cumax, Pa Echequiéx, rü tá ngẽma Iraétanüxü̃ i to i nachixü̃anegüwa gagüxü̃maxã nüxü̃ quixu i chorü ore i ñaxü̃: “Woo ngẽma to i nachixü̃anegügu pexü̃ chawoone, natürü taxũtáma guxü̃guca̱x nixĩ. Erü ngẽma nachixü̃anegü i nagu pewoonexü̃wa rü chomatátama nixĩ i pemaxã changexmaxü̃” —ñachagürü.

Echequié 11:16 Referans Kwoze

Ichaía 8:14

Natürü ngẽxguma taxũtáma chauga pexĩnüegu rü choma rü tá perü toxyepe̱xeruxü̃ chixĩ. Rü ngẽma Yudáanearü duü̃xü̃güca̱x rü Iraéanearü duü̃xü̃güca̱x rü ñoma wüxi i nuta i nagu ipucutügücürüxü̃ tá chixĩ. Rü wüxi i norü guxcharuxü̃ tá chixĩ i ngẽma Yerucharéü̃cüã̱xgü.

Wiyaegü 90:1

Pa Cori Pa Tupanax, cuma rü woetama torü poxü̃ruxü̃ quixĩ rü guxü̃guma toma rü torü o̱xigüarü o̱xigü rü cuxme̱xwa tangexmagü.

Yeremía 31:10

Pa Duü̃xü̃gü i To i Nachixü̃anecüã̱xgüx, ¡Iperüxĩnüe i norü ore ya Cori ya Tupana, rü penaxunagü nawa i ngẽma pechixü̃anegü i yáxü̃wa ngẽxmagüxü̃ i márpechinüwa! ¡Rü ñapegürügü: “Cori ya Tupana rü noxri rü Iraétanüxü̃maxã nanawoone, natürü i ñu̱xma rü wena nananutaque̱xe. Rü nüma tá nüxna nadau ñoma wüxi i carnéruarü dauruxü̃ norü carnéruna dauxü̃rüxü̃”, ñapegürügü!

Yeremía 30:11

Rü choma ya Cori ya Tupana rü ñachagürü: “Choma rü pemaxã changexma nax pexü̃ íchanguxü̃xẽxẽxü̃ca̱x naxme̱xwa i perü uanügü. Rü tá chayanaxoxẽxẽ i guxü̃ma i ngẽma nachixü̃anegü i nagu pexü̃ chawoonexü̃. Natürü i pema rü tagutáma pexü̃ ichayarüxoxẽxẽ. Natürü ngẽma pexna üxü̃ i poxcumaxã tá pexü̃ chapoxcue. Rü taxũtáma nüxü̃ chaxüpetümare nax pexü̃ chapoxcuexü̃” —ñanagürü.

Ucu̱xẽgüchiga 18:10

Naéga ya Cori ya Tupana, rü wüxi i poxü̃ruxü̃ i poraxü̃ nixĩ. Rü ngẽmaca̱x ngẽma mexü̃gu maxü̃xü̃ i duü̃xü̃, rü naxca̱x nixũ nax naxü̃tagu nügü yanacúxü̃ca̱x.

Wiyaegü 91:1

Tataãxẽ ya yíxema naxme̱xwa ngẽxmaxe ya Yimá Guxãétüwa Ngẽxmacü ya Tupana, erü nüma rü tüxna nadau.

Wiyaegü 44:11

Rü cuma rü nüxna toxü̃ cumugü ñoma carnérugü i daiwa nagagüxü̃rüxü̃. Rü ngẽma togü i nachixü̃anegu toxü̃ cuwoonemare.

Wiyaegü 31:20

Rü yíxema mexü̃gu rüxĩnüxe rü cuma rü cupata ya üünenewa tüxü̃ ícupoxü̃ nüxna i ngẽma duü̃xü̃gü i tümachi aiexü̃ rü chixri tümachiga idexagüxü̃.

Lebítanüxü̃arü puracüchiga 26:44

Natürü woo ngẽma perü guxchaxü̃gügagu perü uanügüchixü̃anewa nax pengẽxmagüxü̃, rü choma rü tama choxü̃́ pewa̱xtümüü̃ rü tama pexü̃ chaxo. Rü ngẽmaca̱x taxũtáma pexü̃ chadai rü taxũtáma íchayanaxoxẽxẽ ga yema uneta ga perü o̱xigümaxã chaxüxü̃, erü choma nixĩ i perü Cori ya perü Tupana chixĩxü̃.

Yeremía 42:11

¡Rü taxṹ i nüxü̃ pemuü̃exü̃ i Babiróniaanearü ãẽ̱xgacü i ñu̱xma poraãcü nüxü̃ pemuü̃exü̃! ¡Rü taxṹ i nüxü̃ pemuü̃exü̃ erü choma rü petanüwa changexma nax peétüwa chachogüxü̃ca̱x rü naxme̱xwa pexü̃ íchanguxü̃xẽxẽxü̃ca̱x! Rü choma ya Cori ya Tupana nixĩ i nüxü̃ chixuxü̃ i ngẽma.

Yeremía 26:11

Rü yexguma ga yema chacherdótegü rü orearü uruü̃gü, rü ãẽ̱xgacügüxü̃ rü ñu̱xũchi guxü̃ma ga duü̃xü̃güxü̃ ñanagürügü: —Ñaa yatü rü name nax yu namaxã pexueguxü̃, erü daa ĩanechiga chixri nidexa. Pemax rü pechi̱xemaxã nüxü̃ pexĩnüe —ñanagürügü.

Yeremía 26:7

Rü yema chacherdótegü, rü orearü uruü̃gü, rü ñu̱xũchi guxü̃ma ga yema duü̃xü̃gü rü nüxü̃ naxĩnüe ga yema ore ga Yeremía Cori ya Tupanapatawa nüxü̃ ixuxü̃.

Ichaía 4:5

Rü ngẽma duü̃xü̃gü i ma̱xpǘne ya Chióü̃gu ngutaque̱xegüxü̃xétüwa rü Cori ya Tupana rü wüxi i caixanexü̃ i waxüxü̃ tá nango̱xẽxẽ i ngunecü. Rü ngẽxguma nachütagu rü tá nangóone erü üxüema i yauraxü̃ tá nango̱xẽxẽ. Rü nüma ya Cori ya Tupanaarü Üüne rü ngẽmaétüwa tá nangẽxma, nax ngẽmaãcü norü duü̃xü̃güna nadauxü̃ca̱x rü ínapoxü̃ãxü̃ca̱x. Rü ngunecü i ngẽma caixanexü̃ i waxü̃ i naétügu chüxüxü̃ rü duü̃xü̃güarü gáuxchipetaruxü̃ tá nixĩ, rü norü poxü̃ruxü̃ tá nixĩ na̱xcha̱xwa ya pucü rü buanecü.

Yeremía 29:7

¡Rü naxca̱x pepuracüe ya yima ĩane ya Babirónia ya nawa pexü̃ nagagüne! ¡Rü yima ĩaneca̱x peyumüxẽgü! Erü ngẽxguma mexü̃ naxca̱x ínguxgu ya yima ĩane, rü pexca̱x rü ta mexü̃ ínangu.

Yeremía 29:11

Rü choma rü nüxü̃ chacua̱x i ngẽma pexca̱x nagu charüxĩnüxü̃. Rü ngẽma chorü ĩnü rü perü mexü̃ca̱x nixĩ rü tama i perü chixexü̃ca̱x. Erü choma rü tá chapexü̃tagu ñu̱xmatáta naxüpetü i ngẽma guxchaxü̃gü i ñu̱xma pexü̃́ ngẽxmaxü̃. Rü ngẽmawena rü tá pexna chanaxã i wüxi i taãxẽ i aixcüma ixĩxü̃’, ñachagürü. Rü chomatama ya Cori ya Tupana nixĩ i nüxü̃ chixuxü̃ i ngẽma.

Chacaría 2:6

Rü nüma ya Tupana rü ñanagürü: —Choma nixĩ ga guxü̃ma ga togü ga nachixü̃anegügu pexü̃ chawoonexü̃. Natürü i ñu̱xmax rü pexü̃ chamu nax nawa ípechoxü̃xü̃ ya yima ĩane ya Babirónia rü Chióü̃ca̱x piwoeguxü̃. ¡Rü pibuxmü i naxme̱xwa i ngẽma nachixü̃ane i nórtewa ngẽxmaxü̃! Rü choma ya Iraéanearü Tupana nixĩ i pexü̃ chamuxü̃ —ñanagürü.

Wenaxarü naxümatü ga Tupanaarü mugü 4:27

Rü nüma ya Cori ya Tupana rü guxü̃ma i nachixü̃anegügu tá pexü̃ nawoone. Rü noxretátama i pema tá nixĩ i ngẽma nachixü̃anegüwa peyaxüxgüxü̃.

Echequié 20:23

Rü yema ínachianexü̃wa rü namaxã chanaxuegu nax guxü̃ma i nachixü̃anegü i ñoma i naanewa ngẽxmagüxü̃gu tá chanawoonexü̃.