Echequié 11:15 - Tupanaarü Ore

¹⁵ —Ngẽma duü̃xü̃gü i Yerucharéü̃wa íyaxügüxü̃ rü nidexagü nachiga i ngẽma natanüxü̃ i Iraéanecüã̱xgü i to i nachixü̃anegu woonexü̃ rü ñanagürügü: “Ngẽma tatanüxü̃ i to i nachixü̃anewa gagüxü̃ rü Tupana ngẽxma nanawoone yerü poraãcü chixexü̃gu namaxẽ. Rü ñu̱xma i ngẽma norü naane rü tóxrü nixĩ erü Cori ya Tupana tüxna nanaxã”, ñanagürügü.

Echequié 11:15 Referans Kwoze

Echequié 33:24

—Pa Yatüx, yima ĩanegü ya Iraéanewa nagu napogüenewa maxẽxü̃ i duü̃xü̃gü rü ñaãcü nidexagü rü ñanagürügü: “Abraáü̃ rü wüxitama ga duü̃xü̃ nixĩ natürü nawa nangu nax noxrü yixĩxü̃ ga guxü̃ma ga ñaa nachixü̃ane. Natürü i yíxema rü tamu i ñu̱xma rü ngẽmaca̱x yexeraãcü tüxna naxǘ nax tóxrü yixĩxü̃ i ñaa naane”, ñanagürügü.

Ore i mexü̃ ga Cuáü̃ ümatüxü̃ 16:2

Rü ngutaque̱xepataü̃güwa tá pexü̃ ínawoxü̃. Rü tá nawa nangu nax texé pexü̃ daixü̃ rü tá nagu tarüxĩnü nax ngẽmaãcü mexü̃ Tupanaca̱x taxüxü̃.

Ichaía 66:5

Rü ñanagürü: —¡Dücax, pema nax Tupanaga pexĩnüexü̃, rü iperüxĩnüe i norü ore! Rü nümaxü̃ i pemücügü i pexchi aiexü̃ rü pewe ingẽxü̃tanüxü̃ naxca̱x nax chorü duü̃xü̃gü pixĩgüxü̃, rü choxü̃ nacugüeãcüma rü ñanagürügü: “Ẽcü Tupana toxü̃ nawé i norü pora erü nüxü̃ tadaugüchaü̃ nax petaãẽgüxü̃”, ñanagürügü. Natürü ngẽma pemücügü i ngẽmaãcü idexagüxü̃ rü Tupana tá nanaxãneexẽxẽ.

Ichaía 65:5

Rü ngẽma duü̃xü̃gü rü ñanagürügü: “Taxṹ i toxna cungaicamaxü̃ erü duü̃xü̃gü i üünexü̃ tixĩgü”, ñanagürügü. Natürü ngẽma duü̃xü̃gü rü ñoma üxü i guxü̃ i ngunexü̃ iyaa̱u̱xraxü̃rüxü̃ nixĩgü. Rü choxü̃ nachixewe ñoma üxüema i taxmaraü̃gu cáixcuemaxü̃rüxü̃.

Echequié 11:14

Rü nüma ga Cori ya Tupana rü wenaxarü chomaxã nidexa rü ñanagürü choxü̃: