Echequié 11:12 - Tupanaarü Ore

¹² Rü ngẽxguma tá nixĩ i nüxü̃ picua̱xãchitanüxü̃ nax choma chixĩxü̃ ya Cori ya Tupana. Pema rü tama ngẽma chorü mugü nüxü̃ ixuxü̃ãcüma pemaxẽ, rü bai nagu pexĩxü̃ ga yema chorü mugü. Natürü nagu pexĩ ga yema pexna ngaicamagüxü̃ ga nachixü̃anecüã̱xgü nagu maxẽxü̃ ga chixexü̃gü” —ñanagürü ga Cori ya Tupana.

Echequié 11:12 Referans Kwoze

Echequié 8:10

Rü yexma chaxücu, rü guxü̃ma ga yema naxtapü̱xarü ma̱xwa nüxü̃ chadau nax yexma naxüchicüna̱xãgüxü̃ ga naguxü̃raü̃xü̃ ga yema waixü̃müanegu nügü itúgüxü̃chicüna̱xãgü, rü ñu̱xũchi naeü̃gü ga ãũãchixü̃chicüna̱xãgü, rü naguxü̃raü̃xü̃ ga Iraétanüxü̃arü tupananetachicüna̱xãgü.

Echequié 8:16

Rü ñu̱xũchi Tupanapata ga taxü̃neã̱xtü ga aixepewaama yexmaxü̃wa choxü̃ naga ga Tupanapataca̱x ixücuxü̃wa. Rü yema ãmarearü guruü̃pe̱xewa nüxü̃ chadau ga 25 ga yatügü ga Tupanapata ga taxü̃nena ãca̱xwe̱xgüxü̃ ga ésteguama caxã́pü̱xügüxü̃. Rü waixü̃müanegu nangücuchitanü rü üa̱xcüxü̃ nicua̱xüü̃gü.

Echequié 8:14

Rü ñu̱xũchi nawa choxü̃ naga ga yema ĩã̱x ga nórtewaama üxü̃ ga Cori ya Tupanapata ga taxü̃neca̱x nawa ixücuxü̃. Rü yéma narütogü ga ñuxre ga ngexü̃gü ga poraãcü auxexü̃ naxca̱x ga norü tupananeta ga Tamú.

Danié 9:10

Rü tama cuga taxĩnüe rü nüxü̃ tacugüe ga curü mugü ga curü duü̃xü̃gü ga orearü uruü̃güwa tomaxã nüxü̃ quixuxü̃.

Echequié 20:24

Yerü nümagü rü tama nagu namaxẽ ga yema chorü mugü rü nüxü̃ naxoe. Rü yexguma ngü̃xchigaarü ngunexü̃wa nanguxgu rü tama choxü̃ nicua̱xüü̃gü. Rü yema naxchicüna̱xãgü ga nanatügü nüxü̃ icua̱xüü̃güxü̃ama nicua̱xüü̃gü.

Echequié 20:21

—Natürü woo i ngẽma nanegü rü naxacügü rü chomaxã nanueama. Rü tama naga naxĩnüe rü tama nayanguxẽẽgü rü tama nagu namaxẽ i ngẽma chorü mugü i maxü̃ tüxna ãxü̃ ya yíxema nagu maxü̃́xẽ. Rü woo chorü ngü̃chigaarü ngunexü̃gü rü tama nanaxauregü. Rü yexguma ga choma rü chorü numaxã nagu charüxĩnü nax wüxicana chi yexma chianexü̃gu chanadaixü̃.

Echequié 20:16

Natürü ga nümagü rü nüxü̃ naxoe ga yema chorü mugü rü tama naga naxĩnüe. Rü yexguma ngü̃chigaarü ngunexü̃güwa nanguxgu rü tama choxü̃ nicua̱xüü̃gü, yerü yema norü tupananetagüxü̃ nicua̱xüü̃gü.

Echequié 18:9

Rü nagu tamaxü̃ i chorü mugü rü aixcüma tayanguxẽxẽ. Rü yíxema tixĩ ya aixcüma mexẽ, rü ngẽmaca̱x taxũtáma tüxü̃ chapoxcu. Rü choma ya Cori ya Tupana nixĩ i nüxü̃ chixuxü̃ i ngẽma.

Echequié 11:21

Natürü ya yíxema nagu maxẽamáxẽ i ngẽma nacüma i chixexü̃ i naxchi chaxaixü̃, rü choma rü tá ngẽmaca̱x tüxna chaca. Rü choma ya Cori ya Tupana nixĩ i ngẽma ñachaxü̃ —ñanagürü.

Yeremía 10:2

Rü nüma ya Cori ya Tupana rü ñanagürü: —¡Taxṹ i nacümagügu pexĩxü̃ i ngẽma togü i nachixü̃anecüã̱xgü! ¡Rü taxṹ i namaxã peba̱i̱xãchiexü̃ ega dauxü̃wa ta̱xacüxü̃ peda̱u̱xgu ngẽma togü i nachixü̃anecüã̱xgü namaxã baixãchiexü̃rüxü̃!

Yeremía 6:16

Cori ya Tupana rü norü duü̃xü̃güxü̃ ñanagürü: —¡Ẽcü namagügu peyachigü rü penadauanegü! ¡Rü naxca̱x ípeca̱x rü ngexü̃rüü̃xü̃ yixĩxü̃ i ngẽma nũxcümaü̃xü̃ i nama, rü ngextá yixĩxü̃ i nangẽxmaxü̃ i ngẽma nama i mexü̃! ¡Rü ngẽmagu pexĩ rü tá petaãẽgü! —ñanagürü. Natürü nümagü rü ñanagürügü: —Tama nagu taxĩchaxü̃ —ñanagürügü.

Wiyaegü 78:10

Rü tama nayanguxẽẽgü ga yema norü uneta ga Tupanamaxã nüxü̃ yaxugüxü̃. Rü yema Tupanaarü mugü rü tama naga naxĩnüechaü̃.

Neemía 9:34

Rü woo tochixü̃anearü ãẽ̱xgacügü rü togü ga yatügü ga tomaxã icua̱xgüxü̃, rü chacherdótegü, rü woo ga torü o̱xigü rü taguma nayanguxẽẽgü ga curü mugü rü taguma naga naxĩnüe ga curü ucu̱xẽgü ga namaxã nüxü̃ quixuxü̃.

Édra 9:7

Rü nũxcümacürüwa ga torü o̱xigü rü chixexü̃gu namaxẽx rü ñomaxü̃cüxü i toma rü ta nagu ítamaxẽ. Rü ngẽma torü chixexü̃gagu rü toma rü torü ãẽ̱xgacügü rü torü chacherdótegü rü naxme̱xgu tayi i ngẽma to i nachixü̃anecüã̱xgüarü ãẽ̱xgacügü i tama cuxü̃́ yaxõgüxü̃. Rü nümagü rü toxü̃ ínayauxü̃ rü toxca̱x nangĩ̱xgü rü duü̃xü̃güpe̱xewa toxü̃ nacugüe. Rü ngẽmatama nixĩ i ñu̱xma toxü̃ ngupetüxü̃.

Norü taxre ga to ga popera ga ãẽ̱xgacügüchiga ümatüxü̃ 36:14

Rü yexgumarüxü̃ ta ga guxü̃ma ga Yudáanecüã̱xarü ãẽ̱xgacügü rü norü duü̃xü̃gü rü chacherdótegü rü ta, rü poraãcü chixri namaxẽ. Rü yema togü ga nachixü̃anegü ga tama Tupanaxü̃ cua̱xgüxü̃arü tupananetachicüna̱xãxü̃ nicua̱xüxü̃gü. Rü yemaacü chixexü̃ nawa naxügü ga guma Tupanapata ga taxü̃ne ga nüma ga Tupana nüxü̃ unetane nax napata yixĩxü̃ca̱x ga Yerucharéü̃wa.

Norü taxre ga to ga popera ga ãẽ̱xgacügüchiga ümatüxü̃ 28:3

Rü doxonexü̃ ga Ben-inóü̃wa Baáca̱x ínanagu ga pumarate̱xegü. Rü ñu̱xũchi Baáca̱x tüxü̃ ínagu ga naxacügü. Rü yemaacü nagu nixũ ga yema nacümagü ga chixexü̃ ga nagu naxĩxü̃ ga yema duü̃xü̃gü ga nüxíra yema naanewa maxẽxü̃ ga Cori ya Tupana ü̃pa Iraétanüxü̃pe̱xewa íwoxü̃xü̃.

Norü taxre ga to ga popera ga ãẽ̱xgacügüchiga ümatüxü̃ 13:9

¿Rü tama ẽ̱xna aixcüma yixĩxü̃ nax pema rü ípenawoxü̃xü̃ ga yema Cori ya Tupanaarü chacherdótegü ga Aróü̃taagü, rü yema Lebítanüxü̃ nax pema rü penamucuxü̃ca̱x ga perütama chacherdótegü ngẽma togü ga nachixü̃anegü i tama Tupanaxü̃ cuáxü̃ naxügüxü̃rüxü̃? Rü ngẽmaca̱x i ñu̱xma i pema rü chacherdóteca̱x tüxü̃ pexuneta ya ngexerüxüxemare ya duü̃xẽ ya nua nagaxe i wüxi i wocaxacü rü 7 i carnérugü nax ãmare naxca̱x tiguxü̃ca̱x i ngẽma tupananetagü i tama aixcüma Tupana ixĩgüxü̃.

Norü taxre ga popera ga ãẽ̱xgacügüchiga 21:22

Rü yemaacü Cori ya norü o̱xigüarü Tupanana nixũgachi, rü tama yema Cori ya Tupana naxwa̱xexü̃ãcüma nanaxügü.

Norü taxre ga popera ga ãẽ̱xgacügüchiga 21:2

Natürü yema Manaché üxü̃ rü Tupanape̱xewa tama name. Rü nagu namaxü̃ ga yema nacümagü ga chixexü̃ ga nagu naxĩxü̃ ga yema duü̃xü̃gü ga nüxíra yema naanewa yexmagüxü̃ ga Cori ya Tupana Iraétanüxü̃pe̱xewa íwoxü̃xü̃.

Norü taxre ga popera ga ãẽ̱xgacügüchiga 18:12

Rü yema nangupetü yerü yema Iraéanecüã̱xgü rü tama Cori ya norü Tupanaga naxĩnüe rü nüxü̃ naxoe ga yema uneta ga norü o̱xigümaxã nüxü̃ yaxuxü̃. Rü tama naga naxĩnüe ga guxü̃ma ga yema mugü ga Cori ya Tupanaarü duü̃ ga Moiché nüxü̃ ixuxü̃ rü ñu̱xũchi tama yema mugügu namaxẽ.

Norü taxre ga popera ga ãẽ̱xgacügüchiga 16:3

Rü nagu nixũ ga yema nacüma ga nüxíraxü̃güxü̃ ga Iraéanearü ãẽ̱xgacügü nagu ĩxü̃. Rü poraãcü chixexü̃ naxü, rü nawa nangu nax norü tupananetaca̱x wüxi ga nane tüxü̃ yaguxü̃. Rü yemaacü nagu nixũ ga yema nacümagü ga chixexü̃gü ga yema duü̃xü̃gü ga Tupana íwoxü̃xü̃ Iraétanüxü̃pe̱xewa.

Nüxíraxü̃xü̃ ga popera ga ãẽ̱xgacügüchiga 11:33

Erü nüma i Charomóü̃ rü choxü̃ ínata̱x rü Chidóü̃cüã̱xarü tupananeta i Ataréxü̃ nicua̱xüxü̃. Rü nüxü̃ nicua̱xüxü̃ i Moácüã̱xarü tupananeta i Quemó. Rü ngẽxgumarüxü̃ ta nüxü̃ nicua̱xüxü̃ i Amóü̃cüã̱xarü tupananeta i Mícoü̃. Rü ngẽma Charomóü̃ üxü̃ rü tama namaxã chataãxẽ erü tama nayanguxẽxẽ i ngẽma chorü mugü. Rü tama nanatü ga Dabí ga chauga ĩnücürüxü̃ nixĩ.

Lebítanüxü̃arü puracüchiga 26:40

Natürü ngẽxguma chope̱xewa nüxü̃ pixuxgu i perü chixexü̃ rü penatügüarü chixexü̃, rü yema nax tama chauga pexĩnüexü̃ rü chomaxã perüxuanügüxü̃, rü yema chixexü̃güca̱x perü uanügüarü naanewa pexü̃ chawogü, natürü ngẽxguma chi chopexegu pegü íperüxíragügu rü chi nüxü̃ picua̱xãchiegu i perü pecadugü, rü ngẽxguma i choma rü tá nüxna chacua̱xãchi ga yema uneta ga Acóbumaxã, rü Ichaámaxã, rü Abraáü̃maxã chaxüxü̃. Rü ngẽxgumarüxü̃ tá ta nüxna chacua̱xãchi i ngẽma naane ga noxri pexna chaxãxü̃ nax mexü̃ tá namaxã chaxueguxü̃.

Lebítanüxü̃arü puracüchiga 18:3

“Pema i Iraétanüxü̃ rü noxri Equítuanewa pemaxẽ, natürü tama chanaxwa̱xe nax nagu pexĩxü̃ i nacümagü i ngẽma Equítuanecüã̱x. Rü Canaáü̃anewa tá pexü̃ chagagü, natürü tama chanaxwa̱xe nax nagu pexĩxü̃ i nacümagü rü norü mugü i ngẽma Canaáü̃cüã̱x.

Echequié 18:8

Rü yima yatü ya mecümacü rü ngẽxguma texé diẽruca̱x nüxna caxgu nax ngĩxü̃ tatáeguxẽẽxü̃ca̱x rü yima yatü tama nanaxwa̱xe nax üétüãcü ngĩxü̃ tatáeguxẽẽxü̃ i ngẽma diẽru. Rü yimá yatü ya mecümacü rü tama texémaxã guxchaxü̃ naxü. Rü yimá yatü rü ngẽxguma namexẽẽãgu i taxre i duü̃xü̃güarü guxchaxü̃ rü taxueétüwama naxǘ.

Norü taxre ga popera ga ãẽ̱xgacügüchiga 21:9

Natürü nüma ga Iraétanüxü̃ rü tama Tupanaga naxĩnüe. Yerü nüma ga Manaché rü poraãcü chixexü̃ nüxü̃ naxüxẽxẽ, norü yexera ga yema duü̃xü̃gü ga nüxíra yema naanewa yexmagüxü̃ ga Tupana norü o̱xigüpe̱xegu daixü̃.

Neemía 9:33

Natürü tama cugagu nixĩ ga yema guxchaxü̃gü ga toxü̃ ngupetüxü̃ yerü meama niwe̱x i guxü̃ma i ngẽma cuxüxü̃. Natürü toma nixĩ ga chixexü̃ taxügüxü̃.

Echequié 5:6

Natürü yema norü duü̃xü̃gü ya yima ĩane ya Yerucharéü̃ rü chomaxã nanue rü tama naga naxĩnüechaü̃ i chorü mugü rü ucu̱xẽgü. Rü guxü̃nema ya yima togü i nachixü̃anegüarü ĩanegü ya nüxna ngaicamanearü duü̃xü̃güarü yexera chixexü̃gu namaxẽ i ngẽma Yerucharéü̃cüã̱x rü tama naga naxĩnüe i ngẽma chorü mugü rü chorü ucu̱xẽgü.