Echequié 10:5 - Tupanaarü Ore

⁵ Rü yema nagape̱xatügü ga yema querubíü̃gü rü natagaxüchi, rü nüxü̃ taxĩnü ñu̱xmata yema Tupanapataã̱xtü ga düxétüwaama yexmaxü̃wa nanguga. Rü ñoma Tupana ya Guxãétüwa Ngẽxmacü idexagurüxü̃ nixĩ.

Echequié 10:5 Referans Kwoze

Echequié 1:24

Rü yexguma inaxĩãchigu rü nüxü̃ chaxĩnü ga naga ga guma naxpe̱xatügü. Rü ñoma natü i nagoxü̃chíüxü̃rüxü̃ nixĩ ga nax natagaxü̃. Rü yimá Cori ya Tupana ya Guxãétüwa Ngẽxmacügarüxü̃ nixĩ ga naga. Rü ñoma muxũchixü̃ i churaragügarüxü̃ nixĩ. Rü yexguma íyachaxãchitanügu rü narüweü̃ ga guma naxpe̱xatügü.

Yox 40:9

¿Ẽ̱xna cugü cucua̱xgu rü chauxrüxü̃ cuporaxüchi, rü ngẽma cuga rü ñoma chauga i duruanexü̃rüxü̃ nixĩ?

Norü taxre ga to ga popera ga ãẽ̱xgacügüchiga ümatüxü̃ 4:9

Rü ínanapoxegu ga yema naa̱xtü ga chacherdótegüarü ixĩxü̃. Rü yexgumarüxü̃ ta ínanapoxegu ga yema naa̱xtü ga taxü̃ ga Tupanapata ga taxü̃ne. Rü ñu̱xũchi nanaxü ga norü ĩã̱xgü. Rü yemagü rü bróũchemaxã nayatügü.

Nüxíraxü̃xü̃ ga popera ga ãẽ̱xgacügüchiga 7:9

Rü guxü̃nema ga guma ĩpatagü ga Charomóü̃ íxüxüne rü nutagü ga itatanüxü̃chi rü guxü̃cüwawa cheramaxã meama ngugügu imexẽẽgücüwamaxã nanaxü. Rü guma nutagümaxã nixĩ ga inaxügüxü̃ ga guma ĩpatagü, rü gumaétüwa nixĩ ga nanucuxü̃ ga naxtapü̱xgüarü nutagü ñu̱xmata dauxü̃wa nangu. Rü yexgumarüxü̃ ta ga yema naa̱xtü ga taxü̃arü poxeguxü̃ rü guxü̃wama guma nutagü ga imexẽẽgücüwamaxã ínapoxegu.

Ínachoxü̃xü̃chiga 19:19

Rü yema naga ga nacornétagaraü̃xü̃ rü yexeraãcü nitagachigü. Rü nüma ga Moiché rü Tupanamaxã nidexa, rü nüma ga Tupana rü nanangãxü̃. Rü yema naga ga Tupana rü ñoma duruanexü̃rüxü̃ nixĩ.

Ínachoxü̃xü̃chiga 19:16

Rü yexguma noxri yangunegu ga pa̱xmaacüarü ngunexü̃gu rü naxãẽmacüane rü nidu̱xruane. Rü wüxi ga caixanexü̃ ga pamüemaxü̃ guma ma̱xpǘneétügu ínarüxĩ. Rü wüxi ga tagaxü̃ ga nacornétagaraü̃xü̃ yéma inanaxũ. Rü yexguma yemaxü̃ naxĩnüegu ga duü̃xü̃gü rü muü̃maxã nidu̱xrue.

Echequié 46:21

Rü gumá yatü rü ñu̱xũchi yema naa̱xtü ga düxétüwa yexmaxü̃wa chomaxã naxũ. Rü yema naã̱xtüarü ãgümücüpe̱xewa choxü̃ naga. Rü nüxü̃ chadau nax wüxichigü ga yema naã̱xtüpe̱xewa nayexmaxü̃ ga naa̱xtü. Rü guxü̃ma ya yema naã̱xtüpexegü rü nawüxigu, rü 20 metru nixĩ ga norü ma̱x rü 15 metru nixĩ i norü tatachinü.

Wiyaegü 77:17

Rü yema caixanexü̃gü rü nanapuxẽxẽ. Rü dauxü̃wa rü nidu̱xruane rü guxü̃wama naxãẽmacüane.

Wiyaegü 68:33

Rü nüma ya Cori, rü ngẽma daxũguxü̃ i naane i nũxcümacürüwa ngẽxmaxü̃gu nixũ. Rü naga rü ñoma duruanexü̃rüxü̃ nataga.

Ichaía 6:8

Rü yexguma rü nüxü̃ chaxĩnü ga naga ga Cori ya Tupana ga ñaxü̃: —¿Texéxü̃ tá ichamuãchixü̃ i ñu̱xmax? ¿Rü texé tá tixĩ ya yíxema tórü orearü ngeruxü̃ ixĩxẽ? —ñanagürü. Rü yexguma ga chomax rü chanangãxü̃ rü ñachagürü: —Daxe chixĩ, Pa Corix. Ẽcü, ¡choxü̃ inamuãchi! —ñachagürü.

Echequié 10:6

Rü yexguma ga nüma ga Cori ya Tupana rü yema yatü ga línuchimaxã ãxchiruxü̃xü̃ namu nax yema querubíü̃güarü ngãxü̃tanüwa yexmagüxü̃ ga caruchicugüarü ngãxü̃wa naya̱u̱xãxü̃ca̱x ga üxü. Rü yexguma ga yema yatü rü yéma naxũ rü wüxi ga yema caruchicuxü̃tagu nayachi.

Echequié 40:17

Rü yemawena ga gumá yatü rü naa̱xtü ga düxétüwaama yexmaxü̃wa choxü̃ naga. Rü yema naa̱xtü rü nacüwawa nutatachinügümaxã ínachauxegu. Rü yéma nacüwawa nayexma ga 30 ga ucapugü.