Biblia Todo Logo
Bib sou entènèt

- Piblisite -




Echequié 10:19 - Tupanaarü Ore

19 Rü yema querubíü̃gü rü niwexechipe̱xatügü rü nayachü̱xüxãchitanü ga waixü̃müanewa. Rü choma rü nüxü̃ chadau nax yema ibochicuxü̃maxã wüxigu yachü̱xüxãchitanüxü̃, rü guma Tupanapata ga taxü̃nearü ĩã̱x ga éstewaama yexmaxü̃wa yachaxãchitanüxü̃. Rü yema Iraétanüxü̃arü Tupanaarü üüne rü naétügu nayachü̱xüxü.

Gade chapit la Kopi




Echequié 10:19
9 Referans Kwoze  

Rü Cori ya Tupanaarü üüne rü napataarü ĩã̱x ga éstewa yexmaxü̃wa nixücu.


Rü nüma ga Tupanaãxẽ ya Üünecü rü choxü̃ nayachü̱xüxãchixẽxẽ rü Tupanapata ya taxü̃nearü ĩã̱x ya éstewaama üxü̃wa choxü̃ naga ga Yerucharéü̃wa. Rü yema ĩã̱xwa nayexmagü ga 24 ga yatügü. Rü yematanüwa nüxü̃ chacuáxü̃ nixĩ ga Yaachanía ga Achúx nane rü Peratía ga Benaía nane. Rü nümagü rü Yerucharéü̃cüã̱xarü ãẽ̱xgacügü nixĩgü.


Yemawena rü yema querubíü̃güétüwa yexmaxü̃ ga naanetüweétüwa nüxü̃ chadau ga wüxi ga ta̱xacü ga natochicaxü̃raü̃xü̃ ga nuta ga nga̱xãẽruxü̃ ya chafírunaxca̱x ixĩxü̃.


Rü ñu̱xũchi Tupanapata ga taxü̃neã̱xtü ga aixepewaama yexmaxü̃wa choxü̃ naga ga Tupanapataca̱x ixücuxü̃wa. Rü yema ãmarearü guruü̃pe̱xewa nüxü̃ chadau ga 25 ga yatügü ga Tupanapata ga taxü̃nena ãca̱xwe̱xgüxü̃ ga ésteguama caxã́pü̱xügüxü̃. Rü waixü̃müanegu nangücuchitanü rü üa̱xcüxü̃ nicua̱xüü̃gü.


Rü yemawena ga gumá yatü rü yema ĩã̱x ga éstewa yexmaxü̃wa chomaxã naxũ.


Rü nüxü̃ chadau ga Cori ya Iraétanüxü̃arü Tupanaarü üüne ga éstewa ne ũxü̃. Rü nüxü̃ chaxĩnü ga wüxi ga naga ga natüarü poraü̃chiüxü̃garaü̃xü̃. Rü ñoma ga naane rü poraãcü nangóone


Swiv nou:

Piblisite


Piblisite