Echequié 10:10 - Tupanaarü Ore

¹⁰ Rü yema ãgümücü ga ibochicuxü̃ rü nawüxigumare. Rü wüxichigü ga yema ibochicuxü̃ rü ñoma to ga bochicuxü̃ naxü̃mawa ixücuchixü̃rüxü̃ nixĩgü.

Echequié 10:10 Referans Kwoze

Echequié 1:16

Rü yema ãgümücü ga ibochicuxü̃ rü nawüxigumare, yerü woetama yemaacü naxügü. Rü ñoma nuta ya nga̱xãẽruxü̃ ya topáchiurüxü̃ niyauracüxü. Rü wüxichigü ga yema ibochicuxü̃ rü ñoma to ga bochicuxü̃ naxü̃mawa ixücuchixü̃rüxü̃ nixĩ.

Romanos 11:33

Rü guxü̃ma i ngẽma Tupanaarü mexü̃gü rü taxúema nüxü̃ tacua̱x i norü mu. Rü ngẽxgumarüxü̃ ta i norü cua̱x rü norü ĩnü rü taxúema nüxü̃ tacua̱x i ngẽma. Rü taxúema nüxü̃ tacua̱x i ngẽma nagu naxĩnüxü̃ rü naxüxü̃.

Wiyaegü 104:24

Rü namuxũchi i ngẽma cuxüxü̃, Pa Corix. Rü guxü̃ma i ngẽma cuxüxü̃ rü namexẽchi erü cumatama curü cua̱xmaxã cunaxü. Rü guxü̃ma i ngẽma cuxüxü̃ rü namaxã nanapá i ñoma i naane.

Wiyaegü 97:2

Rü pamüemaxü̃ i caixanexü̃maxã ínaxümaeguãchi. Rü nüma nixĩ i ãẽ̱xgacü i aixcüma mea nangugüxü̃ i wüxichigü i duü̃xü̃güarü maxü̃. Rü aixcüma nawe̱xgu i ngẽma namaxã naxueguxü̃ i wüxichigü.

Wiyaegü 36:6

Rü ngẽma nax mea guxü̃maxã icucuáxü̃ rü guxü̃guma name, ñoma ma̱xpǘnegü ya taxü̃negürüxü̃. Rü ngẽma curü mugü rü guxü̃guca̱x nixĩ ñoma már i taxü̃rüxü̃. Rü cumax, Pa Cori Pa Tupanax, rü mea nüxna cudau i duü̃xü̃gü rü naeü̃gü.

Echequié 10:9

Rü yema querubíü̃gütüxü̃wa nüxü̃ chadau ga ãgümücü ga ibochicuxü̃. Rü wüxichigü ga yema ibochicuxü̃ rü wüxichigü ga yema querubíü̃gütüxü̃wa niyexmachigü. Rü yema ibochicuxü̃ rü ñoma nuta ga topáchiurüxü̃ niyauratanücüxü.

Echequié 10:11

Rü yema ibochicuxü̃ rü nüxü̃́ natauxcha nax guxü̃cüwawa naxĩxü̃, natürü tama nügüweama naxĩ. Rü yema querubíü̃gü ixĩxü̃wa rü yema ibochicuxü̃ rü nawe narüxĩ, natürü tama nügüweama naxĩ.

Nüxíraxü̃xü̃ ga popera ga ãẽ̱xgacügüchiga 7:30

Wüxichigü ga yema naxta̱xmüxü̃güpara rü nixãchicu. Rü yema nachicugü rü bróũchenaxca̱x nixĩgü. Rü yema naxpawerugü ga nachicugü nawa ngucuxü̃ rü ta rü bróũchenaxca̱x nixĩgü. Rü yema naxta̱xmüxü̃güarü ãgümücütüxü̃pe̱xewa nayexma ga norü tairuü̃gü ga bróũchenaxca̱x ga dexápáxü̃ nagu üxü̃. Rü yema tairuü̃gü rü guxü̃cüwawa ninga̱xãẽgü namaxã ga ngã̱xãẽruü̃gü ga naixatüchicüna̱xãgü.

Echequié 1:1

Rü yexguma marü 5 ga taunecü Babiróniaanewa nayexmagu ga ãẽ̱xgacü ga Yoaquíü̃ ga yéma nax nagagüãxü̃, rü choma i chacherdóte i Echequié ya Buchí nane rü yema Yudíugü ga Babiróniaanewa nagagüxü̃tanüwa chayexma ga natü ga Quebáxcutüwa. Rü yexguma ga choma rü 30 ga taunecü choxü̃́ nayexmagu rü wüxi ga ngunexü̃ meama norü ãgümücü ga tauemacü arü 5 ga ngunexü̃gu rü ngürüãchi cha̱u̱xca̱x ningena ga daxũguxü̃ ga naane rü Tupanaxü̃ chadau.