Echequié 10:1 - Tupanaarü Ore

¹ Yemawena rü yema querubíü̃güétüwa yexmaxü̃ ga naanetüweétüwa nüxü̃ chadau ga wüxi ga ta̱xacü ga natochicaxü̃raü̃xü̃ ga nuta ga nga̱xãẽruxü̃ ya chafírunaxca̱x ixĩxü̃.

Echequié 10:1 Referans Kwoze

Ínachoxü̃xü̃chiga 24:10

rü yéma Iraétanüxü̃arü Tupanaxü̃ nadaugü. Rü yema guma nacutügütüxü̃wa rü nayexma ga wüxi ga yéma iya̱u̱xracüüxü̃ ñoma wüxi ga chafírutachinürüxü̃ ga ñoma daxũguxü̃ ga naanerüxü̃ ngóonexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:13

Rü yema 7 ga omüarü üruü̃güarü ngãxü̃tanüwa nüxü̃ chadau ga wüxi ga duü̃xü̃ ga cha̱u̱xca̱x nax Ngechuchu ga duü̃xü̃xü̃ ixĩcüraü̃xü̃. Nüma rü wüxi ga naxchiru ga mámüxü̃gu nicu̱x rü wüxi ga goyexü̃ ga úirunaxca̱xmaxã nigoyeremü.

Nüxíraxü̃xü̃ ga popera ga Pedru ümatüxü̃ 3:22

Rü nüma ga Ngechuchu ya Cristu, rü daxũguxü̃ i naanewa naxũ, rü ñu̱xma rü Tupanaarü tügünecüwawa nangẽxma. Rü ñu̱xma rü naxme̱xwa nangẽxmagü i guxü̃ma i Tupanaarü orearü ngeruü̃gü i daxũcüã̱x, rü guxü̃ma i ngẽma naãxẽgü i ãẽ̱xgacügü ixĩgüxü̃, rü guxü̃ma i ngẽma naãxẽgü i poraexü̃.

Ore i mexü̃ ga Cuáü̃ ümatüxü̃ 1:18

Taguma texé ñuxgu nüxü̃ tadau ga Tupana. Natürü Nane ya nügümaxã wüxicacü nixĩ ya tüxü̃ nüxü̃ cua̱xẽẽcü. Rü yimá Nane rü Tupanaxü̃chi nixĩ, rü Nanatümaxã wüxiwa nangẽxmagü.

Abacú 2:1

Nüma ga Abacú rü ñanagürü: —Choma rü tá íchaxuãxẽ, ñoma wüxi i dauxü̃taexü̃rüxü̃, nax ngẽmaãcü nüxü̃ chacuáxü̃ca̱x rü ta̱xacümaxã tá choxü̃ nangãxü̃ ya Tupana naxca̱x i ngẽma naxca̱x íchaca̱xaxü̃ —ñachagürü.

Echequié 11:22

Rü yema querubíü̃gü rü naxügü rü yema ibochicuxü̃ rü nawe nayachü̱xüxãchitanü. Rü yema Tupanaarü üüne ga naétügu chüxüxü̃ rü nüxna nixũgachi ga guma ĩane ga Yerucharéü̃. Rü norü éstewaama yexmane ya ma̱xpǘneétüwa nayachaxãchi.

Echequié 10:20

Rü yemagütama querubíü̃gü nixĩ ga Iraétanüxü̃arü Tupanatüxü̃wa nüxü̃ chadauxü̃ ga natü ga Quebáxwa. Rü yexguma nüxü̃ chicua̱xãchi nax yemagütama yaxĩgüxü̃.

Yeremía 13:8

Rü yexguma ga Cori ya Tupana rü wena chomaxã nidexa rü choxü̃ ñanagürü: —Rü ngẽma goyexü̃rüxü̃ tátama ichayanaxoxẽxẽ nax nügü yacua̱xüü̃güxü̃ i Yudáanecüã̱xgü rü Yerucharéü̃cüã̱xgü.

Yeremía 13:6

Rü muxü̃ma ga ngunexü̃guwena ga Cori ya Tupana rü choxü̃ ñanagürü: —¡Ngéma natü i Eufrátewa naxũ rü nua nange i ngẽma goyexü̃ i cuxü̃ ngẽxma chayarücu̱xẽẽxü̃! —ñanagürü.

Wiyaegü 18:10

Rü wüxi ga dauxü̃cüã̱x ga ãxpe̱xatüxü̃étügu naxaunagü rü yema namaxã nigoe. Rü buanecüemaétügu namaxã niña.

Yochué 6:2

Natürü nüma ga Cori ya Tupana rü Yochuéxü̃ ñanagürü: —Choma rü marü cuxna chanaxã ya Yericú norü ãẽ̱xgacümaxã rü norü churaragümaxã.

Naanearü ügüchiga 32:30

Rü yexguma ga Acóbu rü Penuégu nanaxüéga ga yema nachica yerü ñanagürü: —Woo Tupanachiwexü̃ chadau, natürü chamaxãma —ñanagürü.

Naanearü ügüchiga 32:24

Rü yexguma Acóbu nüxicatama yéma yaxüãchigu, rü wüxi ga duü̃xü̃ namaxã nügü nawogü rü ñu̱xmata yangunemare.

Naanearü ügüchiga 18:31

Natürü ga Abraáü̃ rü nüxü̃ nica̱a̱xü̃chigüama, rü ñanagürü: —Pa Corix, marü changupetüxüchiama nax cuxü̃ chaca̱a̱xü̃ ¿natürü ngẽxguma chi 20 icatama i duü̃xü̃gü i mea maxẽxü̃ ngẽxmagu? —ñanagürü. Rü nüma ga Cori ya Tupana nanangãxü̃ rü ñanagürü: —Ngẽma 20 i mea maxẽxü̃gagu rü taxũtáma chanapoxcu ya yima ĩane —ñanagürü.

Naanearü ügüchiga 18:22

Rü taxre ga yema duü̃xü̃gü rü yoxni inaxĩ nax Chodómawa naxĩxü̃ca̱x. Natürü ga Abraáü̃ rü Cori ya Tupanamaxã yexma nayachiãchitanü.

Naanearü ügüchiga 18:17

Rü yexguma ga Cori ya Tupana rü ñaxü̃gu narüxĩnü: “Name nixĩ i Abraáü̃maxã nüxü̃ chixu i ngẽma tá chaxüxü̃.

Naanearü ügüchiga 18:2

Rü nadaunagü ga Abraáü̃ rü nüxü̃ nadau ga tomaepü̱x ga duü̃xü̃ ga nape̱xegu chigüxü̃. Rü yexguma ga nüma rü inachi rü paxa naxca̱x nixũ rü nape̱xegu waixü̃mügu nanangücuchi.

Naanearü ügüchiga 3:24

Rü yexguma ínata̱xüchiã̱xguwena rü Edéü̃maü̃gu nanamugü ga ñuxre ga daxũcüã̱x ga ixãxpe̱xatüxü̃, rü yexma nanaxǘ ta ga wüxi ga naxne ga tara ga iya̱u̱xracüüxü̃ ga yéma idixegucüüxü̃ ga guxü̃cüwagu yawe̱xemaãchixü̃ nax taxúema nawa nguxü̃ca̱x ga yema nanetü ga maxü̃ nawa yexmaxü̃.

Echequié 9:11

Rü yexguma ga yema yatü ga línuchimaxã ãxchiruxü̃ ga norü goyexü̃wa ümatüruxü̃ ingacuchiweü̃xü̃ rü wenaxarü nataegu rü ñanagürü: —Marü chayanguxẽxẽ i ngẽma choxü̃ cumuxü̃ —ñanagürü.

Echequié 1:1

Rü yexguma marü 5 ga taunecü Babiróniaanewa nayexmagu ga ãẽ̱xgacü ga Yoaquíü̃ ga yéma nax nagagüãxü̃, rü choma i chacherdóte i Echequié ya Buchí nane rü yema Yudíugü ga Babiróniaanewa nagagüxü̃tanüwa chayexma ga natü ga Quebáxcutüwa. Rü yexguma ga choma rü 30 ga taunecü choxü̃́ nayexmagu rü wüxi ga ngunexü̃ meama norü ãgümücü ga tauemacü arü 5 ga ngunexü̃gu rü ngürüãchi cha̱u̱xca̱x ningena ga daxũguxü̃ ga naane rü Tupanaxü̃ chadau.