Echequié 1:4 - Tupanaarü Ore

⁴ Rü to ga nüxü̃ chadauxü̃ nixĩ ga wüxi ga buanecü ga íxãũxẽmacü ga nórtewaama ne ũcü. Rü wüxi ga taxü̃ ga caixanexü̃wa nango̱x ga wüxi ga üxüema ga ãẽmacürüxü̃ ixĩxü̃. Rü norü guxü̃cüwawa rü poraãcü nangóone. Rü yema üxüemaarü ngãxü̃wa rü yéma nayexma ga wüxi ga ta̱xacü ga ñoma bróũcherüxü̃ iya̱u̱xracüüxü̃.

Echequié 1:4 Referans Kwoze

Echequié 1:27

Rü yema naayearü daxũwaama rü niyauxra ñoma wüxi i bróũche i meama báixü̃rüxü̃. Rü üxüemamaxã ínanumaegu. Rü naayetüü̃waama rü ñoma wüxi i üxüemarüxü̃ nixĩ. Rü guxü̃cüwawa rü poraãcü nangóone.

Echequié 8:2

Rü nüxü̃ chadau ga wüxi ga nayatüxü̃raü̃xü̃. Rü yema naayetüü̃waama rü ñoma wüxi ga üxüemarüxü̃ nixĩ. Rü yema naayearü daxũwaama rü niyaura ñoma wüxi ga bróũche i baixẽẽxü̃rüxü̃.

Yeremía 23:19

Rü ngẽma norü nu ya Cori ya Tupana rü ñoma wüxi ya tacü ya buanecürüxü̃ nixĩ, rü ñoma wüxi ya tacü ya buanecü ya ixã̱ũ̱xẽmacürüxü̃ nixĩ naxca̱x i ngẽma chixexü̃arü üruü̃gü.

Yeremía 25:32

Rü nüma ya Cori ya Tupana ya Guxãétüwa Ngẽxmacü rü ñanagürü: —Ngẽma taxü̃ i guxchaxü̃ rü nachixü̃anegüwa tá ninguchigü. Rü ngẽma taxü̃ i guxchaxü̃ i ãũcümaxü̃ rü naane íyacuáxü̃wa tá ne naxũ —ñanagürü.

Ichaía 21:1

Ñaa nixĩ i Tupanaarü ore i chianexü̃ i márpechinüwa ngẽxmaxü̃chiga ixĩxü̃. Ñoma buanecü ya tacü ya íxã̱ũ̱xẽmacü ya súrwaama ne ũemacü rü chianexü̃waama ne ũcürüxü̃ tá ngẽma chianexü̃ i ãũcümaxü̃wa ne naxĩ i ngẽma churaragü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:15

Rü nacutü rü ta niyauracüxü ñoma bróũche i meama iya̱u̱xracüüxẽẽxü̃rüxü̃. Rü yexguma yadexaxgu rü natagaxüchi ñoma taxü̃ i dexá i chuxchuxü̃rüxü̃.

Popera ga Yudíugü ga yaxõgüxü̃ca̱x ümatüxü̃ 12:29

Erü tórü Tupana, rü wüxi ya üxü ya guxü̃ma ixaxẽẽcü nixĩ.

Yeremía 25:9

Rü naxca̱x tá changema i guxü̃ma i nachixü̃anegü i nórtewa ngẽxmagüxü̃ rü chorü mugüruxü̃ i Nabucudonochó ya Babiróniaanearü ãẽ̱xgacü. Rü nümagü rü tá nua naxĩ rü tá pexca̱x ínayaxüãchi, rü tá pexü̃ nadai, rü tá nanadai i guxü̃ma i nachixü̃anegü i perü ngaicamana ngẽxmagüxü̃. Rü ngẽmaãcü tá pexü̃ chagu̱xẽxẽ. Rü guxü̃gutáma pechicaxica tá ngéma nayaxǘ. Rü ngẽma duü̃xü̃gü i nüxü̃ daugüxü̃ rü tá poraãcü namaxã naba̱i̱xãchie rü namuü̃e.

Yeremía 6:1

¡Pa Duü̃xü̃gü i Bẽyamíü̃anecüã̱gü, ẽcü paxa ípechoxü̃ nawa ya yima ĩane ya Yerucharéü̃ rü pibuxmü! ¡Rü pema i Tecóawa ngẽxmagüxe rü cornéta picuegü nax naxuãẽgüxü̃ca̱x i duü̃xü̃gü! ¡Rü Bex-aqueréü̃wa rü wüxi i ta̱xacüwa penangĩxichi nax wüxi i cua̱xruxü̃ i caixemaxü̃ pu̱xnagüxü̃ca̱x! Erü wüxi i taxü̃ i ãũcümaxü̃ rü nórtewaama ne naxũ.

Yeremía 4:6

¡Rü penawã̱ĩ̱xnagü ya wonera i Chióü̃wa! ¡Rü naxca̱x pedaugü nax ngexta peyarücu̱xgüxü̃! Erü nórtewaama tá ne chanaxũxẽxẽ i taxü̃ i ãũcümaxü̃ i tá pexü̃ daixü̃.

Ichaía 19:1

Dücax, Cori ya Tupana rü wüxi i caixanexü̃étügu Equítuanewa naxũ. Rü ngẽma Equítuanecüã̱xgüarü tupananetachicüna̱xãgü rü Cori ya Tupanaarü poracha̱xwa nidu̱xrue. Rü duü̃xü̃gü i Equítuanecüã̱xgü rü tá poraãcü inayayiãxẽ.

Wiyaegü 50:3

Rü nüma ya tórü Tupana rü nua naxũ. Natürü tama bexma ínangu erü nape̱xewa nangẽxma i wüxi i üxüema i guxü̃xü̃ma ixaxẽẽxü̃, rü nacüwawa nangẽxma ya buanecü ya taxüchicü.

Norü taxre ga to ga popera ga ãẽ̱xgacügüchiga ümatüxü̃ 5:13

Rü yema wiyaetanüxü̃ rü paxetatanüxü̃ rü wüxigu nawiyaegü rü Tupanaxü̃ nicua̱xüü̃gü rü Cori ya Tupanana moxẽ naxãgü. Rü yemaacü napaxetagü namaxã ga norü cornétagü rü norü platíyugü rü togü ga paxetaruü̃gü. Rü yema norü wiyaewa rü ñanagürügü: —¡Nüxü̃ picua̱xüü̃gü ya Cori ya Tupana erü nüma rü namecüma rü ngẽma norü ngechaü̃ rü taguma inayagu̱x! —ñanagürügü. Rü yexgumatama ga guma Cori ya Tupanapata ga taxü̃ne rü caxixü̃maxã nanapá.

Nüxíraxü̃xü̃ ga popera ga ãẽ̱xgacügüchiga 19:11

Rü nüma ga Cori ya Tupana rü ñanagürü nüxü̃: —¡Ínaxũxũ rü chopexe yachi ya daa ma̱xpǘneétüwa! —ñanagürü. Rü nüma ga Ería rü yemaacü nanaxü. Rü nüma ga Cori ya Tupana rü yéma naxüpetü. Rü wüxi ga poraxüchicü ga buanecü rü nagu nangu ga guma ma̱xpǘne, rü nabu rü ga nutagü rü nipue rü narüyiixü̃chipanü, natürü nüma ga Tupana rü tama gumá buanecüwa nayexma. Rü gumá buanecüwena rü naxĩã̱xãchiane, natürü nüma ga Tupana rü tama yema ĩã̱xãchianewa nayexma.

Echequié 13:11

Rü ngẽma cómüxü̃maxã nachagüxü̃ i ngẽma naxtapü̱x, rü namaxã nüxü̃ ixu rü tá niwa̱x i ngẽma naxtapü̱x. Erü pucü ya tacü tá ínangu, rü gáuxü̃ i ñoma nutapütagürüxü̃ ixĩxü̃ tá narüyi. Rü wüxi ya buanecü ya tacü ya íxãũxẽmacü tá ínangu, rü tá niwa̱x i ngẽma naxtapü̱x.

Echequié 13:13

Rü ngẽmaca̱x i choma i Cori ya Tupana rü nüxü̃ chixu rü chorü numaxã tá íchananguxẽxẽ i wüxi ya buanecü ya íxã̱ũ̱xẽmacü. Rü chorü numaxã tá tacü ya pucü íchananguxẽxẽ. Rü gáuxü̃ i tapütaxü̃ tá charüyi̱xẽxẽ nax ngẽmaãcü chorü numaxã chanaxoxẽxẽ i guxü̃ma.

Echequié 43:3

Rü ngẽma nüxü̃ chadauxü̃ rü nananaraxü̃ ga yema nüxü̃ chadauxü̃ ga yexguma Cori ya Tupana ñoma ga naanewa ũxgu nax Yerucharéü̃ca̱x poxcu ínangu̱xuxẽẽxü̃ca̱x. Rü nananaraxü̃ ga yema nüxü̃ chadauxü̃ ga yexguma yema natü ga Quebáxanacüwa chango̱xetügu. Rü yexguma yemaxü̃ chada̱u̱xgu rü choma rü waixü̃müanegu chayangücuchi.

Chacaría 6:6

Rü yima caru ya cowarugü iwaxüxü̃ itúgüne rü ngẽma nachixü̃ane i nórtewa ngẽxmaxü̃waama naxũ. Rü yima caru ya cowarugü icómüxü̃ itúgüne rü ngẽma nachixü̃ane i oéstewa ngẽxmaxü̃waama naxũ. Rü yima caru ya cowarugü i ãmatüxü̃ itúgüne rü ngẽma nachixü̃ane i súrwa ngẽxmaxü̃waama naxũ —ñanagürü.

Ínachoxü̃xü̃chiga 9:24

Rü yema gáuxü̃pütagü rü guma ãẽmacügü rü tama ínayachaxãchi. Rü taguma ñuxgu yemaacü poraãcü gáuxü̃pütagü narüyiixü̃ ga Equítuanewa ga nũxcüma.

Norü taxre ga popera ga ãẽ̱xgacügüchiga 2:11

Rü yemaacü yadexatanüyane ga nax inaxĩxü̃ rü ngürüãchi naxca̱x nango̱x ga wüxi ga naweü̃ ga iya̱u̱xracüxǘne ga cowaru ga iya̱u̱xratanüxü̃ itúgüne, rü yema taxretanügu nayangaxi. Rü guma nixĩ ga Eríaxü̃ igaxü̃ne ga dauxü̃guxü̃ ga naanewa nagu ga wüxi ga buanecü ga íxã̱ũ̱xẽmacü.

Yox 38:1

Rü Cori ya Tupana rü buanecü ya íxã̱ũ̱xẽmacüwa Yoxmaxã nidexa rü ñanagürü nüxü̃: