Echequié 1:16 - Tupanaarü Ore

¹⁶ Rü yema ãgümücü ga ibochicuxü̃ rü nawüxigumare, yerü woetama yemaacü naxügü. Rü ñoma nuta ya nga̱xãẽruxü̃ ya topáchiurüxü̃ niyauracüxü. Rü wüxichigü ga yema ibochicuxü̃ rü ñoma to ga bochicuxü̃ naxü̃mawa ixücuchixü̃rüxü̃ nixĩ.

Echequié 1:16 Referans Kwoze

Danié 10:6

Rü yema naxü̃ne rü ñoma nuta ya topáchiurüxü̃ niyauracüxü, rü yema nachiwe rü ñoma ba̱i̱xbeanexü̃rüxü̃ nixĩ. Rü guma naxetügü rü ñoma üxüemagürüxü̃ nixĩ, rü guma nachacüügü rü nacutügü rü ñoma bróũche iya̱u̱xracüüxü̃rüxü̃ nixĩ. Rü yema naga rü ñoma muxü̃ i duü̃xü̃gü idexagüxü̃rüxü̃ nixĩ.

Efesios 3:10

Rü yemaacü choxü̃ namu ga Tupana nax ngẽma yaxõgüxü̃wa guxü̃ma i ngẽma daxũcüã̱x i poraexü̃ rü guxü̃ma i ngẽma daxũcüã̱x i ãẽ̱xgacügü ixĩgüxü̃ nüxü̃ cua̱xgüxü̃ca̱x i Tupanaarü cua̱x i naguxü̃raxü̃ãcü ngóxü̃.

Romanos 11:33

Rü guxü̃ma i ngẽma Tupanaarü mexü̃gü rü taxúema nüxü̃ tacua̱x i norü mu. Rü ngẽxgumarüxü̃ ta i norü cua̱x rü norü ĩnü rü taxúema nüxü̃ tacua̱x i ngẽma. Rü taxúema nüxü̃ tacua̱x i ngẽma nagu naxĩnüxü̃ rü naxüxü̃.

Wiyaegü 40:5

Pa Cori Pa Chorü Tupanax, namuxũchima nixĩ ga yema mexü̃gü ga curü poramaxã cuxüxü̃. Rü namuxũchi ga yema mexü̃gü ga toxca̱x cuxüxü̃. Rü yema nax namuxũchixü̃, rü ngẽmaca̱x taxucürüwama nüxü̃ chixu i guxü̃ma ga yema mexü̃gü ga toxca̱x cuxüxü̃.

Wiyaegü 36:6

Rü ngẽma nax mea guxü̃maxã icucuáxü̃ rü guxü̃guma name, ñoma ma̱xpǘnegü ya taxü̃negürüxü̃. Rü ngẽma curü mugü rü guxü̃guca̱x nixĩ ñoma már i taxü̃rüxü̃. Rü cumax, Pa Cori Pa Tupanax, rü mea nüxna cudau i duü̃xü̃gü rü naeü̃gü.

Yox 9:10

Rü nüma ya Tupana rü nanaxü i muxü̃ma i taxü̃gü i mexü̃gü i taxúema nüxü̃ cuáxü̃ nax ñuxre yixĩxü̃.

Ínachoxü̃xü̃chiga 39:13

Rü yema norü ãgümücüchimüü̃wa rü nutaxacügü ga topáchiu rü cornalina rü yáspe nixĩ. Rü guma nutaxacüarü tairuü̃gü rü úirunaxca̱x nixĩ.

Charumóü̃arü wiyae 5:14

Rü nachacüügü rü nimexẽchi ñoma úirumena̱xãgü i topáchiumaxã inga̱xãẽmena̱xãgüxü̃rüxü̃. Rü naxü̃ne rü namexẽchi ñoma marfí i meama ibaixẽẽxü̃ i chafírugümaxã nga̱xãẽxü̃rüxü̃.

Nüxíraxü̃xü̃ ga popera ga ãẽ̱xgacügüchiga 7:33

Rü yema nachicugü rü nanacaruchicugüraxü̃. Rü yema nachicupawerugü, rü naxpenüü̃chicugü, rü naxpenüü̃güarü texcuruü̃gü, rü yema nachicumaxetügü ga norü texcuruü̃gü nawa ngucuxü̃, rü guxü̃ma ga yemagü rü bróũchenaxca̱x nixĩgü.

Danié 7:9

Rü chaunegüwa nüxü̃ chadawenü rü nüxü̃ chadau ga ñuxre ga tochicaxü̃ yexma nuxü̃ rü ñu̱xũchi nüma ya Ãẽ̱xgacü ya Tupana nawa nayarüto. Yema naxchiru rü ñoma gáuxü̃te̱xe i cómüxü̃chixü̃rüxü̃ nixĩ. Rü yema nayae rü nachoxochi ñoma carnérua̱xmü i cho̱xochixü̃rüxü̃. Rü yema toruxü̃ rü nachicugü rü niyauratanücüxü. Rü wüxi ga üxüema ga taxü̃ ga iya̱u̱xraxü̃ nape̱xewa ínaxũxũ. Rü muxü̃ma nixĩ ga yema nüxü̃́ puracuexü̃. Rü muxũchixü̃ma nixĩ ga yema nape̱xegu chigüxü̃. Rü yema poperagü rü nayange̱xgü.