Echequié 1:13 - Tupanaarü Ore

¹³ Rü yema ãgümücü ga querubíü̃gü rü ñoma ã́xwe ya ina̱i̱xgücürüxü̃ nixĩgü rü ñoma omügü i ínaixgüxü̃rüxü̃ nixĩgü. Rü yéma nayexma ga üxüemagü ga norü ngãxü̃tanüwa nu ne naxĩxü̃ rü yexma nayarübaxixü̃tanü. Rü yemaca̱x nangóonexüchi rü yema ínangóonexü̃wa ne naxũ nax yaba̱i̱xbeanexü̃.

Echequié 1:13 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 4:5

Rü yema tochicaxü̃ ga ngãxü̃wa üxü̃ rü yemawa ínaxũxũ ga ãẽmacügü rü duruanexü̃ rü nagagü. Rü yema tochicaxü̃pe̱xewa nayexmagü ga 7 ga omügü ga yéma naigüxü̃. Rü yema omügü nixĩ ga yema 7 ga Tupanaãxẽ ya Üünecü.

Wiyaegü 104:4

Rü yimá buanecü nixĩ i yangegücü i cuga. Rü ngẽma üxüema nixĩ i naxüxü̃ i curü ngúchaü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:1

Rü yemawena nüxü̃ chadau ga wüxi ga to ga orearü ngeruxü̃ ga daxũguxü̃ ga naanewa írüxĩxü̃. Rü nüma rü taxü̃ ga pora nüxü̃́ nayexma. Rü norü ya̱u̱xracüüxü̃maxã nangóone ga ñoma ga naane.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:1

Rü nüxü̃ chadau ga wüxi ga to ga Tupanaarü orearü ngeruxü̃ ga daxũguxü̃ ga naanewa írüxĩxü̃. Rü wüxi ga caixanexü̃arü ngãxü̃wa nayexma, rü wüxi ga chirapa naétügu nabo. Rü nachiwe rü ñoma üa̱xcürüxü̃ niyauracüxü. Rü naparagü rü ta ñoma üxüemarüxü̃ niyauracüxü.

Ore i mexü̃ ga Matéu ümatüxü̃ 28:3

Rü yema orearü ngeruxü̃ rü wüxi ga ba̱i̱xbeanexü̃rüxü̃ niyauracüxü. Rü nacómüxü̃chi ga naxchiru.

Echequié 1:7

Rü guma naparagü rü niwe̱xgümare rü nayawocaxacüpatügüraxü̃, rü ñu̱xũchi ñoma bróũche i meama ípixü̃rüxü̃ niyauratanücüxü.

Naanearü ügüchiga 15:17

Rü yexguma marü nachütagu rü guxü̃wama naxẽanegu, rü ngürüãchi yéma nango̱x ga wüxi ga buetare ga üxüã́xü̃ ga yéma icaixquexü̃. Rü nango̱x ta ga wüxi ga omüema ga iyauraxü̃ ga yema naxü̃na ga dategüxü̃tanüwa gopetüemaxü̃.

2 Tesalonicenses 1:7

Rü pema i ñu̱xma ngúxü̃ pingegüxü̃ rü Tupana tá tüxü̃ inarüngü̃güxẽxẽ. Rü ngẽma tá nanaxü ya Tupana i ngẽxguma üxüemagu daxũwa ne naxũxgu ya tórü Cori ya Ngechuchu ya Cristu wüxigu namaxã i norü orearü ngeruü̃gü i poraexü̃.

Echequié 10:2

Rü nüma ga Cori ya Tupana rü yema yatü ga línuchimaxã ãxchiruxü̃xü̃ ñanagürü: —¡Ngẽma querubíü̃tüxü̃wa ngẽxmagüxü̃ i caruchicuarü ngãxü̃tanügu naxücu, rü ñuxre ya ã́xwe nayaxu i ngẽma querubíü̃gütanüwa rü ñu̱xũchi yimá ĩanegu nawogü! —ñanagürü. Rü nüxü̃ chadau ga yema yatü nax yexma naxücuxü̃.

Danié 7:9

Rü chaunegüwa nüxü̃ chadawenü rü nüxü̃ chadau ga ñuxre ga tochicaxü̃ yexma nuxü̃ rü ñu̱xũchi nüma ya Ãẽ̱xgacü ya Tupana nawa nayarüto. Yema naxchiru rü ñoma gáuxü̃te̱xe i cómüxü̃chixü̃rüxü̃ nixĩ. Rü yema nayae rü nachoxochi ñoma carnérua̱xmü i cho̱xochixü̃rüxü̃. Rü yema toruxü̃ rü nachicugü rü niyauratanücüxü. Rü wüxi ga üxüema ga taxü̃ ga iya̱u̱xraxü̃ nape̱xewa ínaxũxũ. Rü muxü̃ma nixĩ ga yema nüxü̃́ puracuexü̃. Rü muxũchixü̃ma nixĩ ga yema nape̱xegu chigüxü̃. Rü yema poperagü rü nayange̱xgü.