Echequié 1:10 - Tupanaarü Ore

¹⁰ Rü nachiwegü ga yema ãgümücü ga querubíü̃gü rü ñaãcü nixĩ: Rü yema nachametü ga nape̱xewa üxü̃ rü nanaduü̃xü̃chiweraxü̃. Rü yema norü tügünecüwawa üxü̃ rü nanaleóü̃chiweraxü̃. Rü yema norü to̱xwecüwawa üxü̃ rü nanawoca i yatüxü̃chiweraxü̃. Rü yema naxca̱xwe̱xwa üxü̃ rü nanaxĩyüchiweraxü̃.

Echequié 1:10 Referans Kwoze

Echequié 10:14

Rü wüxichigü ga yema querubíü̃gü rü naxãgümücüchiwe: rü yema norü wüxi rü nanawoca i yatüxü̃chiweraxü̃, rü yema norü taxre rü nanaduü̃xü̃chiweraxü̃, rü yema norü tomaepü̱x rü nanaleóü̃chiweraxü̃, rü yema norü ãgümücü rü nanaxĩyüchiweraxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:7

Rü wüxi ga yema daxũcüã̱x ga maxẽxü̃ rü nanaleóü̃raxü̃. Rü yema to rü nanawoca iyatüxü̃rüxü̃. Rü yema norü tomaepü̱x rü nanaduü̃xü̃chiweraxü̃. Rü yema norü ãgümücü rü nanaxĩyü i gonagüxü̃raxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:5

Natürü wüxi ga yema 24 ga ãẽ̱xgacügü, rü ñanagürü choxü̃: “¡Taxṹ i cuxaxuxü̃! Erü yimá Leóü̃ ya Yudátanüxü̃ ya Dabítaxa ixĩcü, rü marü nüxü̃ narüyexera i ngẽma yu. Rü nüma nixĩ i naporaxü̃ nax yagáutanüãxü̃ca̱x i ngẽma 7 i norü ñaxtachipe̱xexü̃ rü íyadixgüãxü̃ca̱x i ngẽma popera”, ñanagürü.

Ore i mexü̃ ga Luca ümatüxü̃ 15:10

Rü pemaxã nüxü̃ chixu rü ngẽxgumarüxü̃ ta nataãẽgü i daxũcüã̱x i Tupanaarü orearü ngeruü̃gü i ngẽxguma wüxi i duü̃xü̃ i pecaduã́xü̃ nüxü̃ rüxoxgu i nacüma i chixexü̃ rü Tupanaaxü̃́ yaxõõgu —ñanagürü ga Ngechuchu.

Danié 7:4

Rü yema nüxíraxü̃xü̃ ga ngo̱xo rü nanaleóü̃raxü̃, natürü nanaxĩyüpe̱xatüraxü̃. Rü yexguma nüxü̃ íchadawenüyane rü nanatúxü̃pe̱xatü. Rü waixü̃müanewa ínanadaxẽẽgü. Rü guma naweama yexmagüne ga naparamaxã inanachixẽẽgü ñoma wüxi i yatü ichixü̃rüxü̃. Rü guma norü maxü̃ne rü naxüchicüxü rü duü̃xẽarü maxü̃ne nüxna naxãgü.

Ichaía 46:8

¡Rü nüxna pecua̱xãchie, Pa Pecadugu Maxẽxü̃x, rü mea nagu perüxĩnüe ga yema nũxcümamatama ngupetüxü̃ rü peãẽgu namaxã penguxü̃! Rü choma nixĩ ya Tupana chixĩxü̃ rü nataxuma i to. Rü choma nixĩ ya Tupana rü tataxuma ya texé ya chomaxã wüxiguxe.

Ichaía 40:31

Natürü yíxema aixcüma Cori ya Tupanaaxü̃́ yaxṍxe rü guxü̃gutáma tüxü̃́ ningexwaca̱xü̃chigü i tümaarü pora. Rü ñoma ĩyügürüxü̃ rü tá taporaama. Rü woo ngẽxguma poraãcü itañaãchigu rü taxũtáma nagu̱x i tümaarü pora. Rü woo ngẽxguma yáxü̃wa taxũxgu, rü taxũtáma tipa.

Ucu̱xẽgüchiga 14:4

Ngẽxguma nataxuxguma i wocagü i puracüruxü̃, rü nataxuma i trigu. Natürü ngẽxguma nangẽxmagu i wocagü i poraexü̃ i puracüwa, rü yexera nangẽxma i trigu.

Yox 39:27

¿Rü cuma yixĩxü̃ ga cunamuxü̃ i ngẽma ĩyü nax ma̱xpǘnetape̱xegu naxüxchiãü̃xü̃ca̱x?

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:8

Rü nayexma ta ga ñuxre ga Gáxtanüxü̃ ga Dabíwa choü̃xü̃ ga yexguma chianexü̃wa nayexmagu ga Dabí. Rü nümagü rü churaragü ga tama muü̃wa̱xegüxü̃ rü daica̱x ngúexü̃ nixĩgü. Rü wocaegümaxã nixãxne rü poxü̃ruxü̃ nüxü̃́ nayexma. Rü nanuchametügü ñoma leóü̃gürüxü̃. Rü yexguma ma̱xpǘnegüwa ínaxüãchigu rü ñoma cowürüxü̃ nixĩgü.

Ãẽ̱xgacügü ga guxchaxü̃güarü mexẽxẽruü̃gü 14:18

Rü yema norü 7 ga ngunexü̃gu ga tauta yanaxücu̱xgu ga üa̱xcü, rü nüma ga Firitéugü rü Chanchóü̃maxã nüxü̃ nayarüxugü, rü ñanagürügü: —Curü ore i ẽxü̃guxü̃ rü ñaxü̃chiga nixĩ, “Rü ngẽma maixcuraxü̃ rü berurechiga nixĩ. Rü ngẽma poraxü̃ rü aichiga nixĩ” —ñanagürügü. Rü nüma ga Chanchóü̃ rü nanangãxü̃ rü ñanagürü: —Cho̱xma̱x pemaxã nüxü̃ iyaxu, rü ngẽmaca̱x nixĩ i nüxü̃ pecuáxü̃ i norü ngãxü̃ga —ñanagürü.

Wenaxarü naxümatü ga Tupanaarü mugü 28:49

Rü Cori ya Tupana rü wüxi i nachixü̃ane i yáxü̃wama ngẽxmaxü̃ i tama nagaxü̃ cucuáxü̃ tá cuxca̱x ínayachoõchixẽxẽ, ñoma wüxi i ĩyü i goexü̃ i poraxüchixü̃rüxü̃.

Iraétanüxü̃arü muxchiga 2:25

Rü chopataarü nórtewaama tá nangẽxmagü i ngẽma churaragü i Dáü̃tanüxü̃arü woneratüxü̃wa ngẽxmagüxü̃. Rü ngẽma Dáü̃tanüxü̃arü churaragü rü 62,700 nixĩ i norü mu. Rü ngẽma namaxã icuáxü̃ rü Aiéche i Amichadái nane nixĩ.

Iraétanüxü̃arü muxchiga 2:18

Rü chopataarü oéstewaama tá nangẽxmagü i ngẽma churaragü i Efraíü̃tanüxü̃arü woneratüxü̃wa ngẽxmagüxü̃. Rü ngẽma Efraíü̃tanüxü̃arü churaragü rü 40,500 nixĩ i norü mu. Rü ngẽma namaxã icuáxü̃ rü Erichamá i Amiúx nane nixĩ.

Iraétanüxü̃arü muxchiga 2:10

Rü chopataarü súrwaama tá nangẽxmagü i ngẽma churaragü i Rubéü̃tanüxü̃arü woneratüxü̃wa ngẽxmagüxü̃. Rü ngẽma Rubéü̃tanüxü̃arü churaragü rü 46,500 nixĩ i norü mu. Rü ngẽma namaxã icuáxü̃ rü Erichú i Chedeú nane nixĩ.

Iraétanüxü̃arü muxchiga 2:3

Rü chopataarü éstewaama tá nangẽxmagü i ngẽma churaragü i Yudátanüxü̃arü woneratüxü̃wa ngẽxmagüxü̃. Rü ngẽma Yudátanüxü̃arü churaragü rü 74,600 nixĩ i norü mu. Rü ngẽma namaxã icuáxü̃ rü Nachóü̃ i Aminadá nane nixĩ.

1 Corintios 14:20

Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.

Echequié 1:6

Rü wüxichigü ga yema rü naxãgümücüpe̱xatü rü naxãgümücüchametü.

Echequié 41:19

Rü yema norü duü̃xü̃chametü rü palmerachicüna̱xãguama nadawenü. Rü yema norü leóü̃chametü rü yema tocüwawa üxü̃ ga palmerachicüna̱xãguama nadawenü. Rü yemaacü nixĩ ga guxü̃ma ga Tupanapata ga taxü̃nemachiãwa.