Wenaxarü naxümatü ga Tupanaarü mugü 9:9 - Tupanaarü Ore

⁹ Rü yexguma ga choma rü guma ma̱xpǘnegu chaxĩnagü nax chayadexü̃ca̱x ga yema nutatachinügü ga nagu naxümatüxü̃ ga yema unetagü ga Cori ya Tupana pemaxã üxü̃. Rü 40 ga ngunexü̃ rü 40 ga chütaxü̃ tama chachibüãcüma rü tama chaxaxeãcüma yéma chayexma.

Wenaxarü naxümatü ga Tupanaarü mugü 9:9 Referans Kwoze

Ínachoxü̃xü̃chiga 34:28

Rü nüma ga Moiché rü 40 ga ngunexü̃ rü 40 ga chütaxü̃ Cori ya Tupanamaxã nayexma ga guma ma̱xpǘnewa. Rü taguma nachibü rü taguma naxaxe. Rü yéma nixĩ ga Moiché nutatachinügu naxümatüxü̃ ga yema Tupanaarü uneta. Rü yema nixĩ ga yema 10 ga norü mugü.

Ínachoxü̃xü̃chiga 24:18

Rü nüma ga Moiché rü naxĩnagü nawa ga guma ma̱xpǘne rü yema caixanexü̃gu nayaxücu. Rü yéma nayexma ga 40 ga ngunexü̃ rü 40 ga chütaxü̃.

Nüxíraxü̃xü̃ ga popera ga ãẽ̱xgacügüchiga 19:8

Rü nüma ga Ería rü ínarüda, rü nachibü rü naxaxe. Rü yema õna rü pora nüxna naxã. Rü 40 ga ngunexü̃ rü 40 ga chütaxü̃ nixũ ñu̱xmata nawa nangu ga guma ma̱xpǘne ga Oréx.

Ínachoxü̃xü̃chiga 24:15

Rü yexguma yema orexü̃ namaxã yaxuxguwena, rü nüma ga Moiché rü guma ma̱xpǘnegu naxĩnagü. Rü wüxi ga caixanexü̃ nayadüxü.

Ínachoxü̃xü̃chiga 24:12

Cori ya Tupana rü Moichéxü̃ ñanagürü: —Ẽcü nagu naxĩnagü ya daa ma̱xpǘne ya nawa changexmane rü ngéma choxü̃ nanguxẽxẽ! Erü tá cuxna chanaxã i nutatachinügü i chorü mugü rü ucu̱xẽgü nagu chaxümatüxü̃ nax Iraétanüxü̃xü̃ nawa cungúexẽẽxü̃ca̱x —ñanagürü.

Ore i mexü̃ ga Matéu ümatüxü̃ 4:2

Rü 40 ga ngunexü̃ rü 40 ga chütaxü̃ taguma nachibü. Rü yemawena rü nataiya.

Wenaxarü naxümatü ga Tupanaarü mugü 9:18

Rü yexguma ga choma rü wenaxarü Cori ya Tupanape̱xegu chanangücuchi. Rü 40 ga ngunexü̃ rü 40 ga chütaxü̃ taguma chachibü rü taguma chaxaxe nagagu ga yema chixexü̃ ga Cori ya Tupanape̱xewa pexügüxü̃ ga namaxã penanuxẽẽxü̃.

Gálatas 4:24

Rü ngẽma orewa nangẽxma i cua̱xruü̃gü i pexca̱x chango̱xẽẽchaü̃xü̃. Rü yema taxre ga ngexü̃gü rü taxre i cua̱xruü̃gü nixĩgü nax ngẽmawa nüxü̃ icuáxü̃ca̱x nax ñuxãcü Tupana duü̃xü̃güxü̃ rüngü̃xẽẽxü̃ nax naxü̃tawa nangugüxü̃ca̱x. Rü yema nüxíraxü̃xü̃ ga norü ngü̃xẽxẽ nixĩ ga yexguma Chinaíarü ma̱xpǘnewa Moichéna naxããgu ga norü mugü nax naga naxĩnüexü̃ca̱x ga duü̃xü̃gü. Rü yema mugü ga Moichéna naxãxü̃ ga Chinaíwa rü Agá iyixĩ ga norü cua̱xruxü̃. Rü yema nge ga Agá rü naxü̃taxü̃ iyixĩ ga Abráü̃ rü yemaca̱x ga ngĩxacügü rü ngĩxrüü̃tama togütüü̃wa nayexmagü rü tama ínanguxü̃. Rü yemaacü ga yema nge rü wüxi i cua̱xruxü̃ iyixĩ nachiga i ngẽma Yudíugü i ñu̱xma maxẽxü̃ rü ngẽma mugüwe rüxĩxü̃. Erü nümagü rü ñu̱xma rü ta natüü̃wa nangẽxmagü i ngẽma mugü ga Moiché yaxuxü̃ ga ma̱xpǘne ga Chinaí ya Arábiaanewa ngẽxmanewa. Rü ñu̱xma rü ta ngẽma mugügu naxĩ rü tama nüxü̃ narüxoe.

Norü taxre ga popera ga ãẽ̱xgacügüchiga 6:22

Natürü nüma ga Erichéu rü nanangãxü̃ rü ñanagürü: —Tama name nax cunadaixü̃, erü tama tacüma nixĩ nax nadaixü̃ i ngẽma duü̃xü̃gü íiyauxü̃xü̃. Rü narümemae nixĩ nax mea cunachibüexẽẽxü̃, rü nax cunaxaxegüxẽẽxü̃. Rü ñu̱xũchi ¡nachixü̃aneca̱x nawoeguxẽxẽ! —ñanagürü.

Wenaxarü naxümatü ga Tupanaarü mugü 9:15

Rü yexguma nawa ícharüxĩ̱xgu ga guma ma̱xpǘne ga iyauracüxüne, rü cho̱xme̱xgu chayana ga yema taxre ga nutatachinü ga Tupanaarü uneta nagu ümatüxü̃.

Ínachoxü̃xü̃chiga 31:18

Rü yexguma Cori ya Tupana nüxü̃ rüchauxgu ga Moichémaxã nax yadexaxü̃ ga ma̱xpǘne ga Chinaíwa, rü nüxna nanaxã ga taxre ga nutatachinügü ga nümatama ga Tupana naxme̱xmaxã norü mugü nagu naxümatüxü̃.

Popera ga Yudíugü ga yaxõgüxü̃ca̱x ümatüxü̃ 9:4

Rü yéma nayexma ga yema mecha ga úirunaxca̱x ga nawa yagugüãxü̃ ga pumara ga yixixü̃. Rü yéma nayexma ta ga yema baú ga guxü̃wama úirumaxã tüxünexü̃ ga Tupanaarü mugü nagu nucuxü̃. Rü yematama baúarü aixepewa nayexma ga wüxi ga napaxü̃ ga úirunaxca̱x ga maná ga daxũwa rüyixü̃maxã ããcuxü̃. Rü yexgumarüxü̃ ta yema baúarü aixepewa nayexma ga Aróü̃arü caxü̃ruxü̃ ga rüxüxü̃ne, rü gumá nutagü ga Tupanaarü mugü nagu ümatügüxü̃.

Wenaxarü naxümatü ga Tupanaarü mugü 8:3

Rü woo ngúxü̃ pexü̃ ningexẽxẽ rü taiya pexü̃́ nangu̱x, natürü yixcüama nüma ga Tupana rü daxũcüã̱x ga paũ ga manámaxã pexü̃ nachibüexẽxẽ woo ga pema rü woo ga nũxcümaü̃xü̃ ga perü o̱xigü rü taguma nüxü̃ nadaugüxü̃ ga yema. Rü yema naxü nax pexü̃ nüxü̃ nacua̱xẽxẽ rü tama õnaxica nixĩ i namaxẽẽxü̃ i wüxi i duü̃xü̃, natürü guxü̃ma i norü ore i Tupanaã̱xwa ixũxũxü̃ nixĩ i aixcüma namaxẽẽxü̃.

Wenaxarü naxümatü ga Tupanaarü mugü 9:11

Rü yema 40 ga ngunexü̃ rü 40 ga chütaxü̃ ngupetüguwena rü nüma ga Cori ya Tupana rü choxna nanaxã ga yema taxre ga nutatachinü ga norü uneta nagu ümatügüxü̃.

Ínachoxü̃xü̃chiga 32:1

Rü yexguma tama paxa ínaxĩ̱xgu ga Moiché ga guma ma̱xpǘnewa, rü yema Iraétanüxü̃ rü Aróü̃ca̱x naxĩ rü ñanagürügü nüxü̃: —Tanaxwa̱xe i toxü̃́ cunaxü i wüxi i naxchicüna̱xã nax namaxã tatupanaã́xü̃ca̱x erü tama nüxü̃ tacua̱x nax ta̱xacü nüxü̃ ngupetüxü̃ i ngẽma Moiché ga Equítuanewa tüxü̃ ígaxü̃xü̃ —ñanagürügü.