Wenaxarü naxümatü ga Tupanaarü mugü 9:2 - Tupanaarü Ore

² Rü ngẽma duü̃xü̃gü i ngéma maxẽxü̃ rü nipora rü nimáchane yema máchanecü ga Anáxtaagürüxü̃. Pemax rü marü nüxü̃ pecua̱x ga yema ore ga ñaxü̃: “Rü texé tapora nax ngẽma Anáxtanüxü̃ imáchanexü̃ daixe”, ñaxü̃.

Wenaxarü naxümatü ga Tupanaarü mugü 9:2 Referans Kwoze

Iraétanüxü̃arü muxchiga 13:22

Rü yema chianexü̃ ga Néguewaama nachocu rü ñu̱xmata ĩane ga Ebróü̃wa nangugü. Rü guma ĩanegu nixĩ ga naxãchiü̃güxü̃ ga Aimáü̃tanüxü̃, rü Checháitanüxü̃ rü Tarmáitanüxü̃ ga Anáxtaagü ixĩgüxü̃. Rü guma ĩane ga Ebróü̃ rü marü nũxcüma naxü. Rü marü 7 ga taunecü nüxíra naxü naxü̃pa ga guma ĩane ga Choáü̃ ga Equítuanewa yexmane.

Naúü̃ 1:6

¿Rü texé tá yáxna namaxã taxĩnü ega tümamaxã nanuxgu ya Tupana? ¿Rü texé tá namaxã tapora i ngẽma norü nu? Erü ngẽma norü nu rü ñoma üxüemaarü naiemaxü̃rüxü̃ nixĩ. Rü nape̱xewa rü narüngǘxtegü ya yimá nutagü ya taxüchicü.

Danié 11:16

Rü ngẽma ãẽ̱xgacü i ngẽxma ücuxü̃ rü nüma nanaxwa̱xexü̃ tá namaxã naxü i ngẽma nüxü̃ naporamaexü̃. Rü taxúetama tapora nax ítayachaxãchixẽẽxü̃. Rü Iraétanüxü̃arü naane i mexẽchixü̃wa tá nangẽxma rü tá namaxã inacua̱x.

Danié 8:4

Rü nüxü̃ chadau ga yema carnéru nax guma naxchata̱xcuregümaxã oésteguama, rü nórteguama, rü súrguama nacua̱i̱xgüxü̃, rü taxúema tiña naxcha̱xwa ga norü pora. Yema carnéru rü nüma nanawa̱xexü̃ naxümare, rü yemaacü yexera niporachigü.

Yox 11:10

Rü ngẽxguma chi Tupana nua ũxgu rü chi cuxü̃ napoxcugu rü cuxna nacagu i curü maxü̃chiga, ¿rü texé tá ítayachaxãchixẽxẽ?

Wenaxarü naxümatü ga Tupanaarü mugü 7:24

Rü ngẽma norü ãẽ̱xgacügü rü Tupana rü tá pexme̱xgu nanayixẽxẽ. Rü pema rü tá ngẽxma peyanaxoxẽxẽ rü ñu̱xmatáta ñoma i naanewa taxúema wena nüxna cua̱xãchigü. Rü taxuxü̃táma i nümagü rü pexü̃ narüporamaegü, rü ngẽmaãcü i pema rü guxü̃xü̃táma ipeyarüxoxẽẽgü.

Wenaxarü naxümatü ga Tupanaarü mugü 2:21

Rü yema duü̃xü̃gü ga Refátanüxü̃ rü naporaxüchi rü namuxũchi. Rü yema duü̃xü̃gü rü ñoma Anáxtanüxü̃rüxü̃ nimáchanexü̃chi. Natürü ga Cori ya Tupana rü Amóü̃tanüxü̃xü̃ namu nax nadaiaxü̃ca̱x. Rü yemaacü ga yema Amóü̃tanüxü̃ rü yexma naxãchiü̃gü.

Iraétanüxü̃arü muxchiga 13:33

Rü nüxü̃ tadaugü ga Anáxtanüxü̃ ga itaxüchixü̃ rü máchanexü̃chixü̃. Rü yemaca̱x ga toma ga naxü̃tawa nax togü tadaugüxü̃ rü tanamunügüraxü̃mare. Rü nümagü rü ta yemaacütama toxü̃ nadaugü —ñanagürügü.

Iraétanüxü̃arü muxchiga 13:28

Natürü ngẽma duü̃xü̃gü i ngẽxma ãchiü̃güxü̃ rü nipora, rü yimá norü ĩanegü rü nita rü meama ínipoxegugü. Rü to ga yéma nüxü̃ tadauxü̃ nixĩ ga gumá Anáxtaagü i naxrüü̃tama imáchanexü̃chixü̃.

Ínachoxü̃xü̃chiga 9:11

Rü yema Faraóü̃arü yuüxü̃gü rü taxucürüwama Moichépe̱xewa nanaxügü ga yema, yerü nümagü rü ta rü nitaixnaxü̃negü naxrüü̃tama ga yema togü ga Equítuanecüã̱xgü.

Wenaxarü naxümatü ga Tupanaarü mugü 1:28

Rü ñaperügügü ta: “Rü ñu̱xma ¿rü ngextá tá taxĩ? Rü tatanüxü̃ i ngugüwa ĩxü̃ rü nüxü̃ nixugügü rü ngéma nax nangemaxü̃ i duü̃xü̃gü i tüxü̃ rüporamaegüxü̃ rü tüxü̃ rümáchanemaegüxü̃, rü nangẽxmaxü̃ ya ĩanegü ya itaxü̃ne ya imáchanearü poxeguã̱xgüne, rü nüxü̃ nadaugüxü̃ ga Anáxtanüxü̃ ga imáchanexü̃chixü̃. Rü guxü̃ma ga yema nixĩ ga toxü̃ íyaxoetanüãchixẽẽxü̃”, ñaperügügü.

Yochué 11:21

Rü yexguma nixĩ ga Yochué ga nadaiãcuãxü̃ ga norü ĩanegü ga Anátanüxü̃ ga ma̱xpǘne ga Ebróü̃gu ãchiü̃güxü̃ rü Debíxgu rü Anáxgu ãchiü̃güxü̃, rü guxü̃nema ga guma ma̱xpǘnegü ga Yudáanewa yexmagünegu, rü Iraéanewa yexmagünegu ãchiü̃güxü̃.

Yochué 11:22

Rü yemaacü bai ga wüxi ga Anátanüxü̃ ga íyaxüxü̃ ga Iraétanüxü̃arü naanewa. Rü Gáchaarü naanewa, rü Gáxarü naanewa rü Adúxarü naanewaxicatama nixĩ ga íyaxüxü̃ ga Anátanüxü̃.

Yochué 15:14

Rü nüma ga Caréx rü guma ĩanewa nixĩ ga ínawoxü̃ãxü̃ ga nataagü ga yema tomaepü̱x ga Anáx nanegü. Rü wüxi nixĩ ga Chechái, rü to nixĩ ga Aimáü̃, rü to nixĩ ga Tarmái.

Amúx 2:9

Natürü ga choma rü chanadaixichi ga yema Amoréutanüxü̃ ga ñoma ocayiwagürüxü̃ imáchanexü̃ rü ñoma castañagürüxü̃ iporaexü̃. Rü yemaacü chanaxü nax pexü̃́ chanatauchaxẽẽxü̃ca̱x nax nagu pechocuxü̃ca̱x i ñaa naane.