Wenaxarü naxümatü ga Tupanaarü mugü 9:1 - Tupanaarü Ore

¹ Moiché rü Iraétanüxü̃xü̃ ñanagürü: —¡Iperüxĩnüe, Pa Iraétanüxü̃x! Marü nawa nangu nax pichoü̃xü̃ i ngẽma natü i Yudáü̃ rü nagu pichocuxü̃ i ngẽma naane rü ípenawoxü̃xü̃ i ngẽma duü̃xü̃gütücumügü i pexü̃ rümumaegüxü̃ rü pexü̃ rüporamaegüxü̃ i nawa maxẽxü̃ ya yima ĩanegü ya itaxü̃ne ya ima̱xtapü̱xarü poxeguã̱xgüne.

Wenaxarü naxümatü ga Tupanaarü mugü 9:1 Referans Kwoze

Wenaxarü naxümatü ga Tupanaarü mugü 11:31

Pemax rü marü pichoü̃chaü̃ i ngẽma natü i Yudáü̃ nax nagu pichocuxü̃ca̱x i ngẽma naane i perü Cori ya Tupana tá pexna ãxü̃. Rü ngẽxguma tá marü peyapuxgu rü nawa pemaxẽgu i ngẽma naane, ¡rü nagu pexĩ i guxü̃ma i ngẽma mugü rü ucu̱xẽgü i ñu̱xma pexna chaxãxü̃!

Wenaxarü naxümatü ga Tupanaarü mugü 4:38

Rü pepe̱xewa ínanawoxü̃ ga yema duü̃xü̃gü ga pexü̃ rümumaexü̃ rü pexü̃ rüporamaegüxü̃ nax ngẽmaãcü norü naanewa pemaxẽxü̃ca̱x rü pexrü yixĩxü̃ca̱x i norü naane ngẽma ñu̱xma íngupetüxü̃rüxü̃.

Wenaxarü naxümatü ga Tupanaarü mugü 1:28

Rü ñaperügügü ta: “Rü ñu̱xma ¿rü ngextá tá taxĩ? Rü tatanüxü̃ i ngugüwa ĩxü̃ rü nüxü̃ nixugügü rü ngéma nax nangemaxü̃ i duü̃xü̃gü i tüxü̃ rüporamaegüxü̃ rü tüxü̃ rümáchanemaegüxü̃, rü nangẽxmaxü̃ ya ĩanegü ya itaxü̃ne ya imáchanearü poxeguã̱xgüne, rü nüxü̃ nadaugüxü̃ ga Anáxtanüxü̃ ga imáchanexü̃chixü̃. Rü guxü̃ma ga yema nixĩ ga toxü̃ íyaxoetanüãchixẽẽxü̃”, ñaperügügü.

Yochué 1:11

—¡Guxü̃ma i duü̃xü̃gütanügu pixĩãgütanü, rü namaxã nüxü̃ pixu nax nanutaque̱xegüãxü̃ca̱x i õna! Erü tomaepü̱x i ngunexü̃wa nanguxgu rü tá tichoü̃ i natü i Yudáü̃ nax nayaxuxü̃ca̱x i ngẽma naane i tórü Cori ya Tupana tá tüxna ãxü̃ —ñanagürü ga Yochué.

Wenaxarü naxümatü ga Tupanaarü mugü 11:23

Rü tá pepe̱xewa ínanawoxü̃ i guxü̃ma i ngẽma duü̃xü̃gütücumügü, rü tá nüxü̃ perüporamae i guxü̃ma i ngẽma duü̃xü̃gü i pexü̃ rümumaexü̃ rü perü yexera poraexü̃.

Wenaxarü naxümatü ga Tupanaarü mugü 7:1

Rü ñanagürü ga Moiché: —Nüma ya Cori ya perü Tupana rü tá nagu penachocuxẽxẽ i ngẽma naane i tá pexrü ixĩxü̃. Rü pepe̱xewa tá ínanawoxü̃ i ngẽma 7 i natücumügü i pexü̃ rümumaegüxü̃ rü pexü̃ rüporamaegüxü̃ i Itítanüxü̃, rü Guerguechéutanüxü̃, rü Amoréutanüxü̃, rü Canaáü̃tanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Wenaxarü naxümatü ga Tupanaarü mugü 3:18

Rü yexguma ga choma rü pemaxã nüxü̃ chixu rü ñachagürü pexü̃: “Pa Rubéü̃tanüxü̃, rü Pa Gáxtanüxü̃, rü Pa Ngãxü̃tücumü ga Manachétanüxü̃x, Cori ya perü Tupana rü marü pexna nanaxã ga ñaa naane. Rü ngẽmaca̱x pexü̃ chamu i ñu̱xma nax guxãma ya yíxema daixü̃ cuáxe rü penadexü̃ ya pexnegü rü naxpe̱xegu pexĩxü̃ i petanüxü̃ i Iraétanüxü̃ nax namaxã pichoü̃xü̃ca̱x i ngẽma natü i Yudáü̃.

Yochué 4:19

Rü nüma ga Iraétanüxü̃ rü meama nüxíraü̃cü ga tauemacüarü 10 ga ngunexü̃gu nixĩ ga nawa yachoü̃xü̃ ga natü ga Yudáü̃. Rü ĩane ga Guirigáarü ngaicamagu nayapexgü ga Yericúarü éstewaama.

Yochué 3:14

Rü nüma ga yema Iraétanüxü̃ rü inaxĩãchi ga yema ínapegüxü̃wa ga natü ga Yudáü̃wa nax yachoü̃xü̃ca̱x. Rü nanetüarü buxgüarü tauemacü nixĩ ga yexguma, rü yema natü ga Yudáü̃ rü poraãcü narübai. Rü nümagü ga chacherdótegü rü duü̃xü̃güpe̱xegu naxĩ namaxã ga yema baú ga Tupanaarü mugü nawa yexmaxü̃. Rü yema chacherdótegü ga baú ingetaü̃güxü̃ rü yexguma yema natü ga Yudáü̃chíüwa nachoü̃gu, rü yema dexá ga dauxquena ne yáxü̃ rü ngürüãchi ínayachaxãchi. Rü gumá dauxquenaxü̃chi yexmane ga ĩane ga Adáü̃ ga dauxü̃taechica ga Charetáü̃arü ngaicamana, rü ngürü nabainagü ga dexá ga yéma, ñoma yapoxyepe̱xexü̃rüxü̃. Natürü yema íyachoü̃xü̃arü tawaama ga dexá rü niiya̱x ñu̱xmata Már ya Ngearü Maxü̃ã́xü̃wa nangu. Rü yemaacü ga yema natü ga Yudáü̃ rü taxregu niyauxye, rü yema Iraétanüxü̃ rü nichoü̃ ga ĩane ga Yericúarü to̱xma̱xtawa.

Yochué 3:6

Rü yexguma ga nüma ga Yochué rü yema chacherdótegüxü̃ ñanagürü: —¡Ẽcü penangenagütaxü̃ i ngẽma baú i Tupanaarü mugüchixü̃, rü namaxã Yudáü̃wa pichoü̃ nape̱xewa i duü̃xü̃gü —ñanagürü. Rü yexguma ga nüma ga chacherdótegü rü nanangenagütaxü̃ ga yema baú ga Tupanaarü mugüchixü̃ rü duü̃xü̃güpe̱xewa namaxã nichoxü̃.

Wenaxarü naxümatü ga Tupanaarü mugü 27:2

Rü ngẽxguma marü natü i Yudáü̃ pichoü̃gu, rü ngẽxguma nagu pechocugu i ngẽma naane i Cori ya perü Tupana tá pexna ãxü̃, rü tá ípenatopǘtaxẽxẽ i ñuxre ya nutagü ya tapǘtacü, rü ñu̱xũchi calmaxã tá peyachapütagü nax yacómüpütaxü̃ca̱x.

Iraétanüxü̃arü muxchiga 13:22

Rü yema chianexü̃ ga Néguewaama nachocu rü ñu̱xmata ĩane ga Ebróü̃wa nangugü. Rü guma ĩanegu nixĩ ga naxãchiü̃güxü̃ ga Aimáü̃tanüxü̃, rü Checháitanüxü̃ rü Tarmáitanüxü̃ ga Anáxtaagü ixĩgüxü̃. Rü guma ĩane ga Ebróü̃ rü marü nũxcüma naxü. Rü marü 7 ga taunecü nüxíra naxü naxü̃pa ga guma ĩane ga Choáü̃ ga Equítuanewa yexmane.

Wenaxarü naxümatü ga Tupanaarü mugü 6:10

Rü nüma ya yimá perü Cori ya Tupana rü nawa tá pexü̃ nangugüxẽxẽ i ngẽma naane i nũxcümaü̃güxü̃ ga perü o̱xigü ga Abraáü̃maxã, rü Ichaámaxã, rü Acóbumaxã naxuegugüxü̃ nax pexna tá naxããxü̃. Rü ngẽma naanewa rü nangẽxmagü i taxü̃ne rü imexẽchine ya ĩanegü ya pema tama pexügüne.

Danié 4:11

Rü yema nai rü naya rü natamena̱xãxü̃chi, rü natanügü rü daxũguxü̃ ga naanewa nangu rü yáxü̃gu nüxü̃ tadau i ñaa naanewa.

Ínachoxü̃xü̃chiga 32:1

Rü yexguma tama paxa ínaxĩ̱xgu ga Moiché ga guma ma̱xpǘnewa, rü yema Iraétanüxü̃ rü Aróü̃ca̱x naxĩ rü ñanagürügü nüxü̃: —Tanaxwa̱xe i toxü̃́ cunaxü i wüxi i naxchicüna̱xã nax namaxã tatupanaã́xü̃ca̱x erü tama nüxü̃ tacua̱x nax ta̱xacü nüxü̃ ngupetüxü̃ i ngẽma Moiché ga Equítuanewa tüxü̃ ígaxü̃xü̃ —ñanagürügü.

Iraétanüxü̃arü muxchiga 33:51

—¡Ẽcü ngẽma Iraétanüxü̃maxã nüxü̃ ixu i ñaa ore!: “Rü ngẽxguma pema tá pichoü̃gu i ngẽma natü i Yudáü̃ rü nawa pichocu̱xgu i ngẽma Canaáü̃cüã̱xgüarü naane, rü ¡ẽcü ípenawoxü̃ i guxü̃ma i ngẽma duü̃xü̃gü nawa i ngẽma naane! ¡Rü nagu pepogüe i guxü̃ma i norü tupananetachicüna̱xãgü i nutanaxca̱x rü úirunaxca̱x rü diẽrumünaxca̱x! ¡Rü ngẽxgumarüxü̃ ta nagu pepogüe i guxü̃ma i norü ãmaregüarü guruü̃gü i ma̱xpǘnegüwa ngẽxmagüxü̃!

Wenaxarü naxümatü ga Tupanaarü mugü 4:1

Rü ñu̱xma Pa Chautanüxügü Pa Iraétanüxü̃x, ¡rü nüxü̃ pexĩnüe i ngẽma Tupanaarü mugü ga pexü̃ changúexẽxẽxü̃ nax aixcüma mea peyanguxẽẽxü̃ca̱x rü nagu pemaxẽxü̃ca̱x rü ngẽmaãcü penayaxuxü̃ca̱x i ngẽma naane i nũxcümaü̃güxü̃ i perü o̱xigüarü Cori ya Tupana tá pexna ãxü̃!

Yochué 1:15

Rü ñu̱xmatáta nüma ya Cori ya Tupana peenexẽgüna naxã i norü naane i nagu tá taãẽãcüma naxãchiü̃güxü̃, yema pexna naxããgurüxü̃, rü ñu̱xmatáta nümagü rü norü yora yaxĩgüxü̃ i ngẽma naane i Cori ya Tupana tá nüxna ãxü̃, rü tá nüxü̃ perüngü̃xẽxẽ. Rü ngẽmawena i pemax rü tá naxca̱x pewoegu i ñaa perü naane i Yudáü̃cutüarü éstewaama üxü̃, nax ngẽmaãcü penayaxuchixü̃ca̱x i ñaa naane ga gumá Tupanaarü duü̃ ga Moiché pexna ãxü̃ —ñanagürü.

Yochué 14:12

Rü ngẽmaca̱x i ñu̱xmax rü cuxna naxca̱x chaca nax choxna cunaxãxü̃ca̱x i ngẽma naane i ma̱xpǘneã́xü̃ ga nümatama ga Cori ya Tupana chomaxã namaxã ixunetaxü̃ nax choxna naxããxü̃ca̱x. Rü cumax, Pa Yochuéx, rü meama nüxü̃ cucua̱x nax ñu̱xma rü ta nangẽxmagüxü̃ i ngẽma nataagü ga gumá Anáx ga taxüchicü rü máchanexü̃chicütanüxü̃. Rü ngẽma norü ĩanegü rü nita rü meama ínapoxegugü. Natürü i chomax rü nüxü̃ chacua̱x nax Cori ya Tupana rü tá choxü̃ nangü̃xẽẽxü̃ nax ngéma ínawoxü̃ãxü̃ca̱x, yema chomaxã nüxü̃ yaxuxü̃rüü̃tama —ñanagürü ga Caréx.

Amúx 2:9

Natürü ga choma rü chanadaixichi ga yema Amoréutanüxü̃ ga ñoma ocayiwagürüxü̃ imáchanexü̃ rü ñoma castañagürüxü̃ iporaexü̃. Rü yemaacü chanaxü nax pexü̃́ chanatauchaxẽẽxü̃ca̱x nax nagu pechocuxü̃ca̱x i ñaa naane.