Wenaxarü naxümatü ga Tupanaarü mugü 8:7 - Tupanaarü Ore

⁷ Erü nüma ya Cori ya Tupana rü wüxi i naane i mexü̃wa tá pexü̃ nagagü i ngextá namu i natüxacügü, rü puchugü, rü bairawegü i ma̱xpǘnearü doxraewa ichuxchugüxü̃.

Wenaxarü naxümatü ga Tupanaarü mugü 8:7 Referans Kwoze

Ínachoxü̃xü̃chiga 3:8

Rü ngẽmaca̱x nixĩ i ñu̱xma ícharüxĩxü̃ nax Equítuanecüã̱xme̱xẽwa íchananguxü̃xẽẽxü̃ca̱x i ngẽma chorü duü̃xü̃gü. Rü ngẽma naane i nawa tá chanagagüxü̃, rü wüxi i naane i taxü̃ rü mexü̃ nixĩ. Rü ngéma rü meama narüxügü i naguxü̃raü̃xü̃ i nanetügü. Rü õna taguma nataxu. Rü ngẽma naanegu nixĩ i naxãchiü̃güxü̃ i Canaáü̃tanüxü̃ rü Itítanüxü̃, rü Amoréutanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Echequié 20:6

Rü yematama ngunexü̃gu rü namaxã nüxü̃ chixu nax Equítuanewa tá íchanagaxü̃xü̃ rü ngẽma naane ga chomatama nüxü̃ chaxunetaxü̃wa tá chanagagü. Rü ngẽma nachixü̃anearü naane rü guxü̃ma i ngẽma togü i nachianexü̃ narümemae. Rü ngéma rü yima lechi rü berure rü ñoma dexárüxü̃ taguma nataxu.

Naanearü ügüchiga 49:11

Rü nüma ya Yudá rü úbanegu nanangãxü̃ i norü búru, rü úbachacüxü i rümemaexü̃gu nanangãxü̃ i norü búruxacü. Rü bínuwa naya̱u̱xchiru. Rü úbatüü̃wa nixĩ ga naya̱u̱xãxü̃ i norü gáuxü̃chiru.

Wenaxarü naxümatü ga Tupanaarü mugü 8:6

¡Ẽcü mea naga pexĩnüe i ngẽma norü mugü ya yimá Cori ya Tupana, rü nüxü̃ picua̱xüxü̃gü rü mea nagu pexĩ i ngẽma ngu̱xẽẽtae i pexna naxãxü̃!

Wenaxarü naxümatü ga Tupanaarü mugü 8:8

Rü ngẽma naanewa rü nangẽxma i trigunecügü, rü chebádanecügü, rü úbanecügü, rü igunecügü, rü boxranecügü, rü oribunecügü, rü taxü̃ i ira.

Norü taxre ga popera ga ãẽ̱xgacügüchiga 18:32

Rü ngẽmawena rü wüxi i nachixü̃ane i pechixü̃anerüxü̃ ixĩxü̃wa tá pexü̃ nagagü. Rü ngẽma nixĩ i wüxi i nachixü̃ane i ngextá trigunecügü nawa ngẽxmaxü̃ nax penaxüxü̃ca̱x i perü paũ, rü nawa ngẽxmaxü̃ i úbanecügü nax penaxüxü̃ca̱x i perü bínu. Rü ñu̱xũchi ngẽma nachixü̃anewa nangẽxma i oribuarü chíxü̃ rü berure rü ta. Rü ngéma rü taãẽãcü tá pemaxẽ rü taxũtáma peyue. ¡Natürü taxṹ i Echequíaga pexĩnüexü̃! Erü nüma rü pexü̃ nawomüxẽxẽ i ngẽxguma nüxü̃ yaxuxgu nax Cori ya Tupana tá pexü̃ ínguxü̃xẽẽxü̃.

Wiyaegü 106:24

Rü yemawena rü nüxü̃ naxoe ga yema naane ga mexẽchixü̃ yerü tama nayaxõgü ga yema Tupanaarü uneta.

Yeremía 2:7

Rü choma nixĩ i ñaa naane i guxü̃ nawa rüxüxü̃wa chanagagüxü̃ nax yemaacü nangõ̱xgüãxü̃ca̱x ga nanetüarü ogü ga rümemaegüxü̃. Natürü i pema rü nua pexĩ rü chixexü̃ nawa pexügü i ñaa chorü naane rü ngẽmaãcü naxchi choxü̃ pexaixẽxẽ i ñaa naane i choxrü ixĩxü̃.

Echequié 17:5

Yemawena rü naanewa nanayaxu ga wüxi ga naxchire, rü ñu̱xũchi wüxi ga mexü̃ ga naanegu nayato ga wüxi ga natüpechinüwa ga taxü̃ ga dexá íyexmaxü̃wa.

Ãẽ̱xgacügü ga guxchaxü̃güarü mexẽxẽruü̃gü 18:10

Rü ngẽxguma tá nawa ingugügu rü pema rü tá nüxü̃ ipeyangau i duü̃xü̃gü i taxuguma rüxĩnüexü̃ rü taarü naaneã̱xgüxü̃ rü taxuxü̃ma nüxü̃́ taxuxü̃. Rü Tupana rü tá pexna nanaxã i ngẽma norü naane —ñanagürügü.

Wiyaegü 104:10

Rü ngẽma bairawegüarü dexá rü natügü i ma̱xpǘneanewa ne dagüxü̃wa cunamugü.

Ichaía 5:1

Rü yimá chomücü i nüxü̃ changechaü̃cüarü úbanecügu tá chawiyae. Rü yimá chomücü rü wüxi ga naane ga mexü̃wa nüxü̃́ nayexma ga wüxi ga úbanecü.

Ichaía 36:17

Rü ngẽmawena rü wüxi i nachixü̃ane i pechixü̃anerüxü̃ ixĩxü̃wa tá pexü̃ nagagü. Rü ngẽma nixĩ i wüxi i nachixü̃ane i ngextá trigunecügü nawa ngẽxmaxü̃ nax penaxüxü̃ca̱x i perü paũ rü úbanecügü nawa ngẽxmaxü̃ nax penaxüxü̃ca̱x i perü bínu.