Wenaxarü naxümatü ga Tupanaarü mugü 8:5 - Tupanaarü Ore

⁵ ¡Rü nüxna pecua̱xãchie rü yimá perü Cori ya Tupana rü pexü̃ inayarüwe̱xãchigüxẽxẽ ñoma wüxi i papa nanexü̃ rüwe̱xãchixẽẽxü̃rüxü̃!

Wenaxarü naxümatü ga Tupanaarü mugü 8:5 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Ucu̱xẽgüchiga 3:12

Erü nüma ya Cori ya Tupana rü tüxü̃ naxuxcu̱xẽ ya yíxema tüxü̃ nangechaxü̃xẽ ñoma wüxi i papa nane ya nüxü̃ nangechaü̃cüxü̃ naxucu̱xẽxü̃rüxü̃.

2 Chamué 7:14

Choma rü tá nanatü chixĩ rü nüma rü tá chaune nixĩ. Rü ngẽxguma nüma chixexü̃ naxü̱xgu, rü choma rü tá chanapoxcu rü tá nüxna chanacuaixca ngẽxgumarüxü̃ i guxü̃ma i papa rü nanena nacua̱i̱xcaxü̃rüxü̃.

1 Corintios 11:32

Natürü ngẽxguma tórü Cori ñoma i tórü maxü̃wa tüxü̃ poxcugu, rü ngẽmaãcü tüxü̃ inayarüwe̱xãchixẽxẽ nax tama yixcüra naanearü gu̱xgu tüxü̃ napoxcuxü̃ca̱x wüxigu namaxã i ngẽma duü̃xü̃gü i tama yaxõgüxü̃.

Wiyaegü 94:12

Pa Corix, rü tataãxẽ ya yíxema ucu̱xẽ tüxna cuxãxe rü yíxema tüxü̃ cungu̱xẽxẽ́xẽ.

Echequié 18:28

Rü ngẽxguma aixcüma naãẽxü̃ yacua̱xãchigu rü nüxü̃ naxoxgu i nacüma i chixexü̃ ga naxüxü̃ rü tá aixcümaxü̃chi namaxü̃ rü taxũtáma nayu.

Wiyaegü 89:32

rü aixcüma tá chanapoxcue nagagu nax tama chauga naxĩnüexü̃ rü poraãcü tá nüxna chanacuaixca.

Wenaxarü naxümatü ga Tupanaarü mugü 4:9

¡Rü ngẽmaca̱x pexuãẽgü nax tama nüxü̃ iperüngümaexü̃ca̱x i ngẽma nüxü̃ pedaugüxü̃, rü woo peãẽwa tagutáma nüxü̃ iperüngümae i ngẽma Tupana pexca̱x üxü̃! Rü name nixĩ i pexacügüxü̃ rü petaagüxü̃ namaxã pengúexẽẽxü̃.

Echequié 12:3

¡Rü ngẽmaca̱x namexẽxẽ i ngẽma quingexchaü̃xü̃ ñoma to i nachicawa cuxũxü̃rüxü̃! ¡Rü ngunecütama rü guxü̃ma i duü̃xü̃güpe̱xewa ínaxũxũ i cupatawa rü to i nachicawa naxũ! Rü bexmana ngẽmawa tá nügü nicua̱xãchitanü nax duü̃xü̃gü i tama chauga ĩnüechaü̃xü̃ nax yixĩgüxü̃.

Wenaxarü naxümatü ga Tupanaarü mugü 4:23

¡Natürü pexuãxẽgü nax tama nüxü̃ iperüngümaexü̃ca̱x ga yema uneta ga Cori ya perü Tupana pemaxã nüxü̃ ixuxü̃! ¡Rü taxũtáma pegüca̱x penaxü i ta̱xacürü naxchicüna̱xãgü nax namaxã petupanaã́xü̃ca̱x! Erü nüma ya Cori ya perü Tupana rü nanachu̱xu i ngẽma.

Ichaía 1:3

Rü ngẽma woca rü norü yoraxü̃ nacua̱x, rü ngẽma búru rü nüxü̃ nacua̱x i norü chibüchica i norü yora naxca̱x üxü̃, natürü ngẽma chorü duü̃xü̃gü i Iraétanüxü̃ rü tama choxü̃ nacua̱xgü rü tama naãẽxü̃ nicua̱x —ñanagürü ya Tupana.

Wenaxarü naxümatü ga Tupanaarü mugü 4:36

Nüma rü daxũguxü̃ i naanewa pemaxã nidexa nax ngẽmaãcü pexü̃ yaxucu̱xẽgüxü̃ca̱x, rü ñoma i naanewa rü pexü̃ nanawe̱x ga taxü̃ ga norü üxüema, rü yema üxüemaarü ngãxü̃wa pemaxã nidexa.

Wenaxarü naxümatü ga Tupanaarü mugü 8:6

¡Ẽcü mea naga pexĩnüe i ngẽma norü mugü ya yimá Cori ya Tupana, rü nüxü̃ picua̱xüxü̃gü rü mea nagu pexĩ i ngẽma ngu̱xẽẽtae i pexna naxãxü̃!

Ucu̱xẽgüchiga 13:24

Texé ya tama tümanexü̃ rüwe̱xãchixẽxẽ, rü tama nüxü̃ tangechaü̃. Natürü yíxema nüxü̃ ngechaü̃xe, rü tanawe̱xãchixẽxẽ.

Ngu̱xẽẽtaeruü̃arü ore 7:14

Rü ngẽxguma mexü̃gü cuxca̱x ínguxgu, ¡rü namaxã nataãxẽ i ngẽma mexü̃gü! Natürü ngẽxguma guxchaxü̃gü cuxca̱x ínguxgu ¡rü nagu rüxĩnü nax Tupanawa nixĩ i ne naxũxü̃ i guxü̃ma i ngẽma. Rü nüma ya yatü rü taguma nüxü̃ nacua̱x i ngẽma yixcüra tá naxca̱x ínguxü̃!

Wenaxarü naxümatü ga Tupanaarü mugü 1:31

Rü yexguma yema chianexü̃wa pichopetü̱xgu rü nüma ga perü Cori ya Tupana rü ñoma wüxi i papa naxacüxe nügüchacüügu tüxü̃ igaxü̃rüxü̃ meama pexü̃ nigagü rü ñu̱xmata ñaa nachicawa pengugü”, ñachagürü pexü̃ ga yexguma.

Ucu̱xẽgüchiga 3:11

Pa Chaunex ¡taxṹ i nüxü̃ cuxoxü̃ i ngẽxguma Cori ya Tupana cuxü̃ iyarüwe̱xãchixẽẽgu! ¡Rü ngẽxguma cuxü̃ naxucu̱xẽgu, rü taxṹ i cunuxü̃!