Wenaxarü naxümatü ga Tupanaarü mugü 7:7 - Tupanaarü Ore

⁷ Rü tama nixĩ nax guxü̃ma i duü̃xü̃gütücumüxü̃ perümumaexü̃ca̱x yixĩxü̃ nax Cori ya Tupana pexü̃ ngechaü̃xü̃ rü pexü̃ dexü̃. Rü pema rü aixcüma guxü̃ma i duü̃xü̃gütücumüxü̃ perünoxremae.

Wenaxarü naxümatü ga Tupanaarü mugü 7:7 Referans Kwoze

Wenaxarü naxümatü ga Tupanaarü mugü 10:22

Rü yexguma Equítuanewa nangugügu ga yema nũxcümaü̃güxü̃ ga perü o̱xigü, rü 70 icatama yema nangugü. Natürü i ñu̱xma i pemax rü perü Cori ya Tupana pexü̃ nimuxẽxẽ, rü ngẽmaca̱x ñoma ẽxtagü i daxũxü̃wa nüxü̃ idauxü̃rüxü̃ pemuxũchi.

Romanos 11:6

Rü ñu̱xma nax Tupana tüxü̃ ngechaü̃xü̃gagu tüxü̃ nadexü̃, rü taxucürüwama texé nüxü̃ tixu nax ta̱xacürü mexü̃ nax ixügüxü̃gagu yixĩxü̃ i tüxü̃ nadexü̃. Erü ngẽxguma chi ta̱xacürü mexü̃ ixügüxü̃gagu yixgu nax tüxü̃ nadexü̃, rü natüca̱xmamare chi nixĩ nax nüxü̃́ ingechaü̃tümüxü̃güxü̃.

Nüxíraxü̃xü̃ ga popera ga Cuáü̃ ümatüxü̃ 4:10

Rü ngẽma ngechaü̃ i aixcüma ixĩxü̃ rü tama Tupanaxü̃ tangechaü̃wa nango̱x. Natürü Tupana rü ñoma ga naanewa nanamu ga Nane nax taxca̱x nayuxü̃ca̱x rü naxütanüãxü̃ca̱x ga tórü pecadugü. Rü yemawa inanawe̱x i ngẽma ngechaü̃ i aixcüma ixĩxü̃.

Romanos 9:21

Rü ngẽma üwechiruxü̃ rü waixü̃müwa nanaxü i ta̱xacü i nüma naxüxchaü̃xü̃. Rü ngẽxguma nanaxwa̱xegu, rü ngẽma waixü̃müwa nanaxü i wüxi i nawechi nax norü meruxü̃ yixĩxü̃ca̱x. Rü ngẽxguma nanaxwa̱xegu, rü ngẽmatama waixü̃müwa nanaxü i wüxi i nawechi nax norü guxchirepáü̃ yixĩxü̃ca̱x.

Wiyaegü 115:1

Pa Cori Pa Tupanax ¡cugütama icua̱xüxü̃ rü taxṹ i toxü̃ quicua̱xüxü̃! ¡Rü cugü icua̱xüxü̃ naxca̱x i curü ngechaü̃ rü naxca̱x i ngẽma nax quixaixcümaxü̃!

Romanos 9:18

Rü ngẽmaãcü ya Tupana rü nüxü̃́ tangechaü̃tümüxü̃ ya yíxema nüxü̃́ ngechaü̃tümüü̃chaü̃xẽ. Rü ngẽxguma tüxü̃ nataiãchiarü maxü̃ã̱xẽẽchaü̃gu rü tüxü̃ nanataiãchiarü maxü̃ã̱xẽxẽ.

Ore i mexü̃ ga Luca ümatüxü̃ 12:32

¡Taxṹ i pemuü̃exü̃, Pa Chauxacügüx! Pema rü noxretama pixĩgü natürü Penatü ya Tupana rü norü ngúchaü̃ nixĩ nax pexna naxããxü̃ i pechica i ngextá nüma ãẽ̱xgacü íyixĩxü̃wa.

Ore i mexü̃ ga Matéu ümatüxü̃ 7:14

Natürü marü naxíra i ngẽma ĩã̱x rü naxímaxü̃ i ngẽma nama i maxü̃wa tüxü̃ gaxü̃, rü noxretama nixĩ i duü̃xü̃gü i nüxü̃ iyangaugüxü̃.

Ichaía 51:2

Rü dücax, penatü ga Abraáü̃ rü peé ga Chára nixĩ ga maxü̃ pexna ãcü. Rü yexguma Abraáü̃ca̱x chacaxgu rü nüma rü nüxicatama wüximare nixĩ, natürü i choma rü nüxü̃ charüngü̃xẽẽxü̃ rü nüxna chanamugü i muxü̃ma i nataagü.

Nüxíraxü̃xü̃ ga popera ga Cuáü̃ ümatüxü̃ 3:1

¡Dücax, Pa Chauenexẽgüx, ñuxãcü poraãcü tüxü̃ nangechaü̃ ya Tanatü ya Tupana! Rü ngẽmaca̱x nixĩ i naxacügümaxã tüxü̃ naxuxü̃ i nümax. Rü aixcüma naxacügü tixĩgü. Rü ngẽmaca̱x ñoma i naanecüã̱x i duü̃xü̃gü rü tama tüxü̃ nacua̱xgüchaü̃ erü Tupanaxü̃ rü ta tama nacua̱xgüchaü̃.

Wenaxarü naxümatü ga Tupanaarü mugü 1:10

Rü nüma ya Cori ya tórü Tupana rü pexü̃ nimuxẽxẽ, rü ngẽmaca̱x i ñu̱xma i pemax rü ñoma ẽxtagü ya daxũguxü̃ i naanetüwewa ngẽxmagücürüxü̃ pimuxũchi.

Wenaxarü naxümatü ga Tupanaarü mugü 4:37

Nüma rü nüxü̃ nangechaxü̃ ga yema nũxcümaü̃güxü̃ ga perü o̱xigü, rü yemaca̱x nayadexechigü ga yema nataagü. Rü norü poramaxã ínananguxü̃xẽxẽ ga Equítuanewa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:19

Rü woo yema tórü o̱xigü rü noxretama ga tóxnamanacüã̱x nixĩgü natanüwa ga yema duü̃xü̃gü ga nua maxẽxü̃, rü woo ñuxre ga nachixü̃anegüwa nichopetüetanü rü ñuxre ga ãẽ̱xgacügüme̱xẽwa íninguxü̃etanü, natürü nüma ga Tupana rü tama nanaxwa̱xe nax texé chixri namaxã icuáxü̃ ga Iraétanüxü̃gü. Rü yemaca̱x yema ãẽ̱xgacügü ga naxme̱xwa nayexmagüxü̃maxã nüxü̃ nixu rü ñanagürü nüxü̃: “Tama chanaxwa̱xe i ngẽma choma nüxü̃ chaxunetaxü̃ i chorü duü̃xü̃gü rü chixri namaxã ipecua̱x rü ngẽma chorü orearü uruü̃gü rü ngúxü̃ nüxü̃ pingexẽẽgü”, ñanagürü.

Wiyaegü 44:3

Rü tama tümaarü poramaxã rü tümanegümaxã nixĩ ga tanayauxgüxü̃ ga ñaa naane. Natürü yema curü poragagu rü curü ngü̃xẽẽgagu nixĩ ga nawa tangugüxü̃ ga yema naane. Yerü cuma rü tüxü̃ cungechaü̃ rü tümamaxã cumecüma.

Wiyaegü 105:12

Rü nümagü ga tórü o̱xigü rü woo noxretama nixĩgü ga noxri rü tóxnamanacüã̱x nixĩgü, rü woo ñuxre ga nachixü̃anegüwa nichopetüetanü, rü ñuxre ga ãẽ̱xgacügüme̱xẽwa íninguxü̃etanü nax ñaa naanewa nangugüxü̃ca̱x, natürü nüma ga Tupana rü tama nanaxwa̱xe nax texé chixri namaxã icuáxü̃. Rü yemaca̱x yema ãẽ̱xgacügü ga naxme̱xwa nayexmagüxü̃maxã nüxü̃ nixu rü ñanagürü nüxü̃: —Tama chanaxwa̱xe i ngẽma choma nüxü̃ chaxunetaxü̃ i duü̃xü̃gü rü chixri namaxã ipecua̱x. Rü ngẽma chorü orearü uruü̃gü rü tama chanaxwa̱xe i ngúxü̃ nüxü̃ pingexẽẽgü —ñanagürü.

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Echequié 36:22

Rü ngẽmaca̱x, Pa Echequiéx, ngẽma Iraétanüxü̃maxã nüxü̃ ixu i ñaa ore: “Cori ya Tupana rü ñanagürü: ‘Choma rü tá pechixü̃aneca̱x pexü̃ chawoeguxẽxẽ, natürü tama ta̱xacürü mexü̃ nax pexüxü̃ca̱x tá nixĩ. Natürü tá pexü̃ chawoeguxẽxẽ nax ngẽmaãcü íchanapoxü̃xü̃ca̱x i chauéga i üünexü̃ i pegagu chixri nachiga yadexagüxü̃ i ngẽma togü i nachixü̃anegü i natanügu pewoonexü̃.

Wenaxarü naxümatü ga Tupanaarü mugü 14:2

Erü pema rü perü Cori ya Tupanaarü duü̃xü̃gü pixĩgü, rü nüma rü pexü̃ naxuneta natanüwa i guxü̃ma i ñoma i naanewa maxẽxü̃ i duü̃xü̃gü nax noxrü pixĩgüxü̃ca̱x.

Echequié 20:5

¡Rü namaxã nüxü̃ ixu i chorü ore i ñaxü̃! “Rü yexguma choma ya Cori ya Tupana nüxü̃ chaxunetagu ga Iraétanüxü̃ nax chorü duü̃xü̃gü yixĩgüxü̃ca̱x rü namaxã chanaxuegu nax choma tá chixĩxü̃ i Acóbutanüxü̃ nanegüarü rü nataagüarü Tupana. Rü Equítuanewa namaxã chidexa rü chauégagu wena namaxã chanaxuegu nax choma chixĩxü̃ i norü Tupana.