Wenaxarü naxümatü ga Tupanaarü mugü 7:4 - Tupanaarü Ore

⁴ Erü ngẽxguma tá ngẽmaãcü penaxü̱xgu rü nümagü i ngémacüã̱x rü tá penegüxü̃ rü pexacügüxü̃ Cori ya Tupanana nixĩgachixẽxẽ. Rü ngẽmaãcü tá norü tupanagüxü̃ pexü̃ nicua̱xüü̃güxẽxẽ, rü ngẽmaca̱x tá poraãcü pemaxã nanu ya Cori ya Tupana, rü noxtacüma tá pexü̃ nadai, rü ngẽxma tá ipeyarüxo.

Wenaxarü naxümatü ga Tupanaarü mugü 7:4 Referans Kwoze

Wenaxarü naxümatü ga Tupanaarü mugü 6:15

Erü yimá perü Cori ya Tupana ya petanüwa ngẽxmacü rü nüxü̃́ pechu̱xu rü ngürüãchi pemaxã nanuxgu rü noxtacüma pexü̃ nadai rü pexü̃ nayarüxoxẽxẽ.

Ãẽ̱xgacügü ga guxchaxü̃güarü mexẽxẽruü̃gü 2:20

Rü yemaca̱x ga Tupana rü Iraétanüxü̃maxã nanu rü ñanagürü: —Ñaa duü̃xü̃gü rü nayanaxoxẽẽgü ga yema uneta ga norü o̱xigümaxã nüxü̃ chixuxü̃, rü tama chauga naxĩnüechaü̃.

Ãẽ̱xgacügü ga guxchaxü̃güarü mexẽxẽruü̃gü 2:11

Rü nüma ga Iraétanüxü̃ rü Tupanape̱xewa chixexü̃ naxügü, rü inanaxügüe ga Baáchicüna̱xãxü̃ nax yacua̱xüü̃güxü̃.

Wenaxarü naxümatü ga Tupanaarü mugü 4:26

Rü ngẽxguma ngẽma chixexü̃ pexü̱xgu, rü choma rü daxũguxü̃ i naanepe̱xewa rü ñoma i naanepe̱xewa pemaxã nüxü̃ chixu rü paxa tá ipeyarüxo nawa i ngẽma naane i nagu tá pechocuxü̃ i Yudáü̃arü tocutüwa ngẽxmaxü̃. Rü taxũtáma mucü ya taunecü nawa pemaxẽ i ngẽma naane rü noxtacüma tá ipeyarüxo.

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

Yochué 23:12

Rü choma rü chanaxwa̱xe i nüxü̃ nax pecuáxü̃ rü ngẽxguma tá Tupanana pixĩgachigu rü ñaa duü̃xü̃gü i petanüwa ngẽxmagüxü̃maxã pexãmücügu, rü namaxã pixãxma̱xgügu, rü pixãtegügu, rü nüma ya Cori ya perü Tupana rü taxũtáma pexü̃ narüngü̃xẽxẽ nax ípenawoxü̃xü̃ca̱x i ngẽma duü̃xü̃gü i petanüwa ngẽxmagüxü̃. Rü nüma ya Tupana rü perü guxchaxü̃ruxü̃ tá nayaxĩgüxẽxẽ i ngẽma duü̃xü̃gü nax ngẽmaãcü naxme̱xgu peyi̱xixü̃ca̱x. Rü ngẽmaãcü ñoma texé pexca̱xwena nacua̱i̱xcaxü̃rüxü̃ tá nixĩ ñu̱xmatáta taxúetama petanüwa íyaxü nawa i ñaa mexü̃ i naane ya tórü Cori ya Tupana pexna ãxü̃.

Ãẽ̱xgacügü ga guxchaxü̃güarü mexẽxẽruü̃gü 3:6

Rü nanegü, rü naxacügü ga yema Iraétanüxü̃ rü yema togü ga duü̃xü̃güacümaxã nixãxma̱x rü nixãte. Rü yemaca̱x yema togü ga duü̃xü̃güarü tupanaxü̃ nicua̱xüü̃gü.

Ínachoxü̃xü̃chiga 34:16

Rü ngẽxgumarüxü̃ ta i ngẽxguma ngẽma penegü rü naxacügümaxã yaxãxma̱xgu rü ngẽma naxma̱xgü norü ngúchaü̃ inaxügügu nape̱xewa i norü tupanagü rü tá nanamu i penegü nax nümagü rü ta naxrüxü̃ naxügüã̱xü̃ca̱x nax ngẽmaãcü norü tupanaxü̃ yacua̱xüü̃güxü̃.

Yochué 22:15

Rü guxü̃ma ga yemagü rü Garaáxarü naanewa naxĩ ga Rubéü̃tanüxü̃ rü Gáxtanüxü̃ rü yema ngãxü̃tücumü ga Manachétanüxü̃ íyexmagüxü̃wa. Rü ñanagürügü nüxü̃: —Toma rü Cori ya Tupanaarü duü̃xü̃güégagu pexna taca: ¿Rü tü̱xcüü̃ guxchaxü̃ca̱x pedau nape̱xewa ya yimá Iraétanüxü̃arü Tupana? ¿Rü tü̱xcüü̃ nüxna pixĩgachi rü penaxü i ngẽma ãmarearü guruxü̃ rü ngẽmaãcü tama naga pexĩnüe?

Nüxíraxü̃xü̃ ga popera ga ãẽ̱xgacügüchiga 16:31

Rü yematama chixexü̃gü ga Yeruboáü̃ ga Nabáx nane üxü̃ naxü. Rü naétü rü Yechabé ga Chidóü̃arü ãẽ̱xgacü ga Ex-baáxacümaxã naxãxma̱x. Rü düxwa ngĩgagu nawa nangu ga norü tupananeta ga Baáxü̃ nax yacua̱xüxü̃xü̃.