Wenaxarü naxümatü ga Tupanaarü mugü 7:23 - Tupanaarü Ore

²³ Natürü i nüma ya perü Cori ya Tupana rü pexme̱xgu tá nanayixẽxẽ i ngẽma duü̃xü̃gü rü tá nanaxĩ̱xãchiãẽgüxẽxẽ rü ngẽmaãcü tá peyagúetanüxẽxẽ.

Wenaxarü naxümatü ga Tupanaarü mugü 7:23 Referans Kwoze

2 Tesalonicenses 1:9

Rü ngẽma duü̃xü̃gü rü poxcu i taguma guxü̃gu tá inarütauxe, rü tórü Cori ya Ngechuchuarü yáxü̃wa tá nawogü. Rü ngéma rü tagutáma nüxü̃ nadaugü i tórü Cori ya Ngechuchuarü mexü̃ rü norü pora.

Joel 1:15

Erü marü ningaica i Tupanaarü poxcu. Rü ngẽma ngunexü̃ rü poraãcü tá naxãũcüma erü Yimá Guxãétüwa Ngẽxmacü rü tá taxü̃ i poxcu taxca̱x ínanguxẽxẽ.

Yeremía 17:18

¡Rü naxãneexẽxẽ i ngẽma chorü uanügü, rü taxṹ i choxü̃ cuxãnexẽxẽxü̃! Rü ngẽmaãcü i nümagü rü tá naxãnee, rü tama i chomax. ¡Rü taxü̃ i guxchaxü̃ naxca̱x ínanguxẽxẽ, rü wüxicana iyanaxoxẽxẽ!

Ichaía 13:6

¡Rü pixauxe, Pa Babiróniacüã̱x, erü Cori ya Tupanaarü ngunexü̃ rü marü ningaica nax ínanguxü̃! Rü nüma ya Cori ya Tupana ya Guxãétüwa Ngẽxmacü rü tá ínangu nax Babiróniagu yapogüxü̃ca̱x.

Wenaxarü naxümatü ga Tupanaarü mugü 9:3

Rü ñu̱xma i pema rü marü nüxü̃ pecua̱x nax tórü Cori ya Tupana yixĩxü̃ ga gumá pepe̱xegu ixũcü, rü nüma rü ñoma üxüema i tüxü̃ imáxü̃rüxü̃ tá pepe̱xegu nada̱i̱xü̃ rü iyanamaãchitanüxẽẽxü̃ i ngẽma duü̃xü̃gütücumügü. Pemax rü noxtacüma ngẽxgumatátama ípenawoxü̃ rü penadai, yema Cori ya Tupana pemaxã nüxü̃ ixuxü̃rüxü̃.

Wenaxarü naxümatü ga Tupanaarü mugü 8:20

Rü ngẽxguma taxũtáma Cori ya perü Tupanaga pexĩnüegu rü nüma ya Cori ya Tupana rü tá pexü̃ nadai yema nachixü̃anegü ga nawa pichopetüetanüxü̃ nadaixgurüxü̃ —ñanagürü ga Moiché.

Wenaxarü naxümatü ga Tupanaarü mugü 2:15

Yerü natanügu nangu ga yema Cori ya Tupanaarü nu, ñu̱xmata guxü̃ma yue.

Ínachoxü̃xü̃chiga 23:27

Rü ngẽma nachixü̃anegü i nawa pechopetüetanüxü̃ rü choma rü tá muü̃ natanüwa íchanguxẽxẽ nax pexü̃ namuü̃exü̃ca̱x rü pexcha̱xwa yabuxmüxü̃ca̱x.

Yochué 10:10

Rü nüma ga Cori ya Tupana rü poraãcü yema Amoréutanüxü̃xü̃ namuü̃exẽxẽ nape̱xewa ga Iraétanüxü̃. Rü yemaca̱x ga Yochuéarü churaragü rü ĩane ga Gabaóü̃gu nanadai ga muxü̃ma. Rü ñu̱xũchi nawe nangẽgü nagu ga yema nama ga Bex-oróü̃wa nadaxü̃. Rü nayadaietanü ga yema Amoréutanüxü̃ ñu̱xmata ĩanegü ga Achecá rü Machedáwa nangugü.

Ãẽ̱xgacügü ga guxchaxü̃güarü mexẽxẽruü̃gü 4:15

Rü yexguma inaxügüãgu ga Chíchara nax Baráxmaxã nügü nada̱i̱xü̃, rü nüma ga Cori ya Tupana rü poraãcü muü̃ naxca̱x ínangu̱xẽxẽ ga Chícharaarü churaragü ga carugu ĩxü̃ rü yema nacutügu ĩxü̃, rü woo nüma ga Chíchara rü norü caruwa ínaxüe rü nacutügumare niña.

Wenaxarü naxümatü ga Tupanaarü mugü 31:5

Rü ngẽxguma Cori ya Tupana tá pexme̱xgu nayixẽxẽgu i ngẽma duü̃xü̃gütücumügü i ngẽma naanewa ngẽxmagüxü̃, rü chanaxwa̱xe nax namaxã peyanguxẽxẽxü̃ nax penadaixü̃ ngẽma pemaxã nüxü̃ chixuxü̃rüxü̃.