Wenaxarü naxümatü ga Tupanaarü mugü 7:21 - Tupanaarü Ore

²¹ ¡Rü ngẽmaca̱x taxṹ i nüxü̃ pemuü̃exü̃! Erü yimá perü Cori ya Tupana rü Tupana ya poraxüchicü rü ãũcümaxü̃chicü nixĩ, rü nüma rü petanüwa nangẽxma.

Wenaxarü naxümatü ga Tupanaarü mugü 7:21 Referans Kwoze

Neemía 9:32

Rü ngẽmaca̱x, ¡Pa Torü Tupanax! cuma nax tacü, rü poracü, rü ãũcümacü nax quixĩxü̃ rü taguma nüxü̃ icuyarüngüma i ngẽma curü uneta rü curü ngechaü̃ toxca̱x. Rü ñu̱xma rü tama tanaxwa̱xe nax cunangupetüxẽẽmarexü̃ ga guxü̃ma ga yema ngúxü̃gü ga yangegüxü̃ ga torü ãẽ̱xgacügü, rü yema ĩanemaxã icua̱xgüxü̃, rü chacherdótegü, rü orearü uruü̃gü, rü torü o̱xigü, rü guxü̃ma ga curü duü̃xü̃gü. Yerü yexguma Achíriaanearü ãẽ̱xgacügüme̱xẽwa tayexmagügucurüwa ngúxü̃ tingegü ñu̱xmata ñaa i ngunexü̃wa nangu.

Neemía 1:5

Rü ñachagürü nüxü̃: —Pa Cori Pa Tupana ya Daxũcüã̱x, cuma rü Tupana ya Guxãétüwa Ngẽxmacü quixĩ, rü cuxãũcüma. Rü ngẽxguma texémaxã cuxunetagu rü aixcüma cuyanguxẽxẽ i ngẽma curü uneta i namaxã nüxü̃ quixuxü̃ i ngẽma duü̃xü̃gü i cuxü̃ ngechaü̃güxü̃ rü yanguxẽẽgüxü̃ i curü mugü.

Wenaxarü naxümatü ga Tupanaarü mugü 10:17

Erü yimá perü Cori ya Tupana rü ngẽma duü̃xü̃gü namaxã tupanaã̱xgüxü̃étüwa nangẽxma, rü guxü̃ma i ãẽ̱xgacügüétüwa nangẽxma. Rü nüma nixĩ i poraxüchicü rü ãũcümacü rü guxü̃maxã icuácü. Rü naxca̱x rü guxãma i yixema rü tawüxigu, rü tama diẽru nayaxu ega texé tügü ütanüchaü̃gu.

Yochué 3:10

Rü ngẽmawa tá nixĩ i nüxü̃ picuáxü̃ ya Tupana ya Maxü̃cü rü petanüwa nax nangẽxmaxü̃. Rü nüma ya Cori rü tá ínanawoxü̃ i Canaáü̃tanüxü̃, rü Itítanüxü̃, rü Ebéutanüxü̃, rü Ferechéutanüxü̃, rü Guerguechéutanüxü̃, rü Amoréutanüxü̃ rü Yebuchéutanüxü̃ nawa i ngẽma naane nax pema nawa pingugüxü̃ca̱x.

Neemía 4:14

Rü yexguma nüxü̃ chicua̱xãchigu ga nax namuü̃exü̃ ga duü̃xü̃gü, rü nüxna chaxu ga guxü̃ma ga ãẽ̱xgacügü rü duü̃xü̃gü nax chomaxã nangutaque̱xegüxü̃ca̱x, rü ñachagürü nüxü̃: —¡Taxṹ i pemuü̃exü̃! ¡Rü nüxna pecua̱xãchie rü nüma ya Tupana rü poraxüchicü rü üünecü nax yixĩxü̃! Rü ngẽmaca̱x name nixĩ nax ípemexü̃ nax perü uanümaxã pegü pedaixü̃ rü ípenapoxü̃xü̃ i pemücügü, rü petanüxü̃ rü pepatacüã̱xgü —ñachagürü nüxü̃.

1 Corintios 14:25

Rü ngẽmaãcü tá nango̱x i ngẽma chixexü̃ i nüxicatama nüxü̃ nacuáxü̃ rü ngẽxma tá nacaxã́pü̱xü, rü tá Tupanaxü̃ nicua̱xüxü̃. Rü tá nüxü̃ nixu nax aixcüma Tupana petanüwa nangẽxmaxü̃.

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Wiyaegü 46:7

Rü nüma ya Cori ya Tupana ya Guxãétüwa Ngẽxmacü rü tatanüwa nangẽxma. Rü yimá Acóbuarü Tupana nixĩ ya tórü poxü̃ruxü̃ ixĩcü.

Wiyaegü 46:5

Rü nüma ya Tupana rü yima ĩanearü ngãxü̃gu naxãchiü̃ rü ngẽmaca̱x ya yima ĩane rü taxúetama tanachixexẽxẽ. Rü nüma rü guxü̃ma i ngunexü̃ i noxri yangunegu rü yima ĩanexü̃ narüngü̃xẽxẽ.

Norü taxre ga to ga popera ga ãẽ̱xgacügüchiga ümatüxü̃ 32:8

Rü nüma i Achíriaanearü ãẽ̱xgacü rü norü churaragüna narüyoe, natürü i yixema rü taxü̃tawa nangẽxma ya Tupana. Rü nüma tá nixĩ i tüxü̃ nangü̃xẽẽxü̃ i ngẽxguma namaxã yigü idaixgu —ñanagürü ga Yudáanearü ãẽ̱xgacü ga Echequía. Rü yexguma yemaxü̃ naxĩnüegu ga duü̃xü̃gü rü nayaporaãchitanü.

1 Chamué 4:8

Rü ñu̱xmax rü poraãcüxüchi ãũcümaxü̃wa tangexmagü. ¿Rü texé tá naxme̱xwa tüxü̃ ítapoxü̃ ya yimá Tupana ya poraxüchicü? Yerü gumátama Tupana nixĩ ga ínachianexü̃wa Equítucüã̱xgüxü̃ poxcucü namaxã ga naguxü̃raü̃xü̃ ga guxchaxü̃gü.

Wenaxarü naxümatü ga Tupanaarü mugü 25:8

Rü ngẽxguma i ngẽma ãẽ̱xgacügü rü tá naxca̱x nangema i ngẽma yatü nax namaxã yadexagüxü̃ca̱x. Rü ngẽxguma nüxü̃ yaxugu nax tama ngĩmaxã naxãxma̱xchaü̃xü̃,

Iraétanüxü̃arü muxchiga 23:21

Rü nüma ya Tupana rü tama nagu narüxĩnü i norü chixexü̃ i ngẽma duü̃xü̃gü i Iraétanüxü̃ i Acóbuarü duü̃xü̃gü ixĩgüxü̃. Rü nüma ya Cori ya norü Tupana rü natanüwa nangẽxma, rü tama chixexü̃ namaxã naxüxchaü̃. Rü nümagü rü norü ãẽ̱xgacüãcü nüxü̃ nacua̱xgü.

Iraétanüxü̃arü muxchiga 16:3

Rü guxü̃ma ga yemagü rü nangutaque̱xegü rü Moichémaxã rü Aróü̃maxã narüxutagagü rü ñanagürügü: —Marütama nax pexica tomaxã ipecuáxü̃. Yerü ga Tupana rü guxãxü̃ma nixĩ ga nadexü̃ rü ngẽmaca̱x ya Cori ya Tupana rü tamaxã nanuxma i guxãma i yixemax. ¿Rü tü̱xcüü̃ i pemax i Tupanaarü duü̃xü̃güétüwa pegü pexügüxẽxẽchaü̃? —ñanagürügü.

Iraétanüxü̃arü muxchiga 14:42

Rü tama name nax ipexĩãmaxü̃, erü ya Cori ya Tupana rü tama napexü̃tagu. Rü ngẽma perü uanügü rü tá pexü̃ narüporamaegü.

Iraétanüxü̃arü muxchiga 14:9

Natürü i pemax rü tama name nax Cori ya Tupanamaxã penuexü̃. Rü tama name i nüxü̃ pemuü̃e i ngẽma nachixü̃anecüã̱x i duü̃xü̃gü. Erü nümagü rü tá ñoma paũ i ngṍxü̃rüxü̃ tá tüxü̃́ nixĩgü i taxca̱x erü nataxuma i texé nax nüxna dauxü̃. Natürü i yixema rü tüxü̃́ nangẽxma ya Cori ya Tupana ya tüxna daucü. ¡Rü taxṹ i pemuü̃exü̃! —ñanagürügü.

Iraétanüxü̃arü muxchiga 9:20

Rü yexguma ñuxretama ga ngunexü̃ Tupanapataétügu nachü̱xü̱xgu ga yema caixanexü̃ rü nüma ga Iraétanüxü̃ rü ínayachaxãchitanü. Rü yexguma yachü̱xüxãchigu rü inaxĩãchi.

Ínachoxü̃xü̃chiga 29:45

Rü choma rü tá natanüwa chamaxü̃ i ngẽma Iraétanüxü̃, rü norü Tupana tá chixĩ.

Wiyaegü 47:2

Erü nüma ya Cori ya Tupana ya Guxãétüwa Ngẽxmacü rü naxãũcüma. Rü nüma nixĩ i Ãẽ̱xgacü i guxü̃wama ñoma i naanemaxã inacuáxü̃.

Wiyaegü 68:35

Pa Tupanax, cupata ya üünenewa rü cuporaxüchi. Rü cuma nax Iraétanüxü̃arü Tupana quixĩxü̃ rü cunaporaexẽxẽ i curü duü̃xü̃gü. Rü cuma, Pa Tupanax rü cumecümaxü̃chi.

Danié 9:4

Rü yema chorü yumüxẽwa rü Tupanamaxã nüxü̃ chixu ga chorü pecadugü rü chautanüxü̃arü pecadugü rü ñachagürü: —Pa Cori Pa Tupanax, cuma rü guxãétüwa cungexma rü cuporaxüchi rü guxü̃guma cuyanguxẽxẽ i curü unetagü. Rü ngẽmawa tüxü̃ cunawe̱x nax tüxü̃ cungechaü̃xü̃ ya yíxema aixcüma cuga ĩnüexe rü nagu maxẽxe i curü mugü.

Iraétanüxü̃arü muxchiga 13:9

rü Bẽyamíü̃tanüxü̃wa inamuãchi ga Patí ga Rapú nane,

Iraétanüxü̃arü muxchiga 21:34

Rü yexguma ga Cori ya Tupana rü Moichémaxã nidexa rü ñanagürü nüxü̃: —¡Taxṹ i nüxü̃ cumuü̃xü̃! Erü choma rü tá cuxme̱xgu chananguxẽxẽ i Óx wüxigu namaxã i guxü̃ma i norü churaragü rü norü duü̃xü̃gü. Rü ngẽmaãcü yema Chióü̃ ga Amoréutanüxü̃arü ãẽ̱xgacü ga Ebóü̃gu ãpataxü̃maxã cuxüxü̃ tátama nixĩ i Óxmaxã cuxüxü̃ —ñanagürü.

Wenaxarü naxümatü ga Tupanaarü mugü 1:21

Rü nüma ya Cori ya tórü Tupana ixĩcü, rü marü pexna nanaxã i ñaa naane. ¡Rü ẽcü nawa pexĩ rü nagu pexãchiü̃gü ngẽma Cori ya perü o̱xigüarü Tupana nüxü̃ ixuxü̃rüxü̃! ¡Rü taxṹ i pemuü̃exü̃, rü bai tá iperümaãchitanüxü̃!” ñacharügü.

Wenaxarü naxümatü ga Tupanaarü mugü 20:1

Rü ngẽxguma tá ipexĩãchigu nax perü uanügümaxã pegü pedaixü̃ca̱x, rü woo ngẽma perü uanügü rü pexü̃ namumaegu rü namuxgu i norü cowarugü rü norü carugü ya daiweü̃gü, rü taxũtáma nüxü̃ pemuü̃e, erü petanüwa tá nangẽxma ya perü Cori ya Tupana ga Equítuanewa pexü̃ ígaxü̃cü.

Wenaxarü naxümatü ga Tupanaarü mugü 31:17

Rü ngẽxguma i choma rü tá namaxã chanu, rü tá nüxna chixũgachi rü nüxica tá ngéma chanawogü. Rü marü taxũtáma marü nüxü̃ chacuáxchaü̃ i ngẽma Iraétanüxü̃. Rü guxchaxü̃gü rü ngúxü̃gü tá naxca̱x ínangugü. Rü ngẽmaca̱x i nümagü rü düxwa tá nügümaxã ñanagürügü: “¿Ẽ̱xna ñaa ngúxü̃ rü taxca̱x ínangu erü tórü Cori ya Tupana rü marü tama taxü̃tawa nangẽxma?” ñanagürügü.

Yochué 8:1

Rü nüma ga Cori ya Tupana rü Yochuéxü̃ ñanagürü: —¡Taxuca̱xma cumuü̃ rü icurümaãchi! ¡Rü inaxũãchi naxca̱x ya yimá ĩane ya Ái, namaxã i guxü̃ma i curü churaragü! Erü choma rü tá pora cuxna chaxã nax yimá ĩane ya Áiarü ãẽ̱xgacüxü̃ rü norü duü̃xü̃güxü̃ curüporamaexü̃ca̱x. Rü yimá norü ĩane rü norü naane rü cuxrü tá nixĩ.

Wiyaegü 27:1

Nüma ya Cori ya Tupana rü chorü omü rü chorü maxẽxẽruxü̃ nixĩ. ¿Rü texéxü̃ tá nixĩ i chamuü̃xü̃? Rü nüma ya Cori nixĩ i ínapoxü̃ãxü̃ i chorü maxü̃. ¿Rü texéxü̃ tá nixĩ i chamuü̃xü̃?

Wiyaegü 46:6

Rü ngẽma nachixü̃anegü rü nügümaxã nanue rü nügü naxãxũnegü. Natürü ngẽxguma Tupana idexagu rü ngẽma ãẽ̱xgacügü rü nidu̱xrue rü ngẽma waixü̃mü rü inachaxichi.

Wiyaegü 89:8

Pa Cori Pa Tupana ya Guxãétüwa Ngẽxmacüx, rü guxü̃ma i pora rü guxü̃ma i ore i aixcüma ixĩxü̃ rü cuwa ne naxũ. Rü nataxuma i ta̱xacü i cumaxã wüxiguxü̃.

Wiyaegü 95:3

Erü nüma ya Cori ya Tupana rü naporaxüchi rü naétüwa naxü i guxü̃ma i ngẽma tupanagüneta ixĩgüxü̃.