Wenaxarü naxümatü ga Tupanaarü mugü 7:2 - Tupanaarü Ore

² Rü ngẽxguma Cori ya perü Tupana pexme̱xgu nayixẽẽgu i ngẽma natücumügü i duü̃xü̃gü, rü ngẽxguma pema rü marü nüxü̃ perüporamaegügu ¡rü noxtacüma tá penadai rü taxũtáma ta̱xacürü unetamaxã pexü̃ narüngüxmüexẽxẽ rü bai tá i pexü̃́ nax nangechaxü̃tümüxü̃güxü̃!

Wenaxarü naxümatü ga Tupanaarü mugü 7:2 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 1:24

Rü yexguma yema ngugütaeruü̃gü nüxü̃ daugügu ga wüxi ga yatü ga guma ĩanewa ixũxũxü̃ rü ñanagürügü nüxü̃: —Ngẽxguma tá tomaxã nüxü̃ quixuxgu nax ñuxãcü tichoxcuxü̃ nawa ya daa ĩane rü toma rü taxũtáma cuxü̃ tima̱x —ñanagürügü.

Yochué 10:30

Rü nüma ga Cori ya Tupana rü Iraétanüxü̃me̱xẽgu nananguxẽxẽ ga guma ĩane namaxã ga norü ãẽ̱xgacü. Rü taxuxü̃ma ga ta̱xacü yéma nayaxüxẽẽgü rü taxúema texé tamaxü̃ ga naãcu. Rü yema Yericúarü ãẽ̱xgacüxü̃ yamáxü̃rüü̃ãcütama Lixnáarü ãẽ̱xgacüxü̃ nima̱x.

Yochué 2:14

Rü nümagü rü ngĩxü̃ nangãxü̃gü rü ñanagürügü ngĩxü̃: —Toma tátama pexü̃ ítapoxü̃ rü pexna tadau nax taxuxü̃ma pexü̃ üpetüxü̃ca̱x, ega cuma rü tama toxü̃ quixuxgu. Rü ngẽxguma Cori ya Tupana toxna naxãxgu i ñaa naane rü aixcüma tá mea cuxna tadau —ñanagürügü.

Wenaxarü naxümatü ga Tupanaarü mugü 23:14

Erü nüma ya Cori ya Tupana rü petanüwa naxũũxü̃ nax pexna nadauxü̃ca̱x rü perü uanügüxü̃ pexü̃ naporamaegüxẽẽxü̃ca̱x. Rü ngẽmaca̱x penaxwa̱xe nax ngẽma ípepegüxü̃wa rü wüxi i nachica i üünexü̃ nax yixĩxü̃. Rü ngẽmaca̱x penaxwa̱xe nax nangemataxü̃ rü nataxuxü̃ma i ta̱xacürü ãũãchixü̃ ya Tupana tama namaxã taãẽxü̃. Erü ngẽxguma taxũtáma ngẽmaãcü penaxü̱xgu rü nüma ya Tupana rü tá pexna nixũgachi.

2 Chamué 21:2

Dabí rü Gabaóü̃cüã̱xgüca̱x nangema rü ñu̱xũchi namaxã nidexa. (Yema Gabaóü̃cüã̱xgü rü tama Iraétanüxü̃ nixĩgü. Rü wüxi ga natücumü ga Amoréugüna íyaxügüxü̃ nixĩgü. Rü yema Gabaóü̃cüã̱xgümaxã nixĩ ga Iraétanüxü̃ ga nügümaxã inaxügagüxü̃ nax nügüga tá naxĩnüexü̃. Rü yemagüxü̃ nixĩ ga Chaú ga nadaixichichaü̃xü̃ yerü tama nanaxwa̱xe nax totücumü ga duü̃xü̃gü natanüwa yexmaxü̃ ga Iraéanecüã̱xgü rü Yudáanecüã̱xgü.)

Ãẽ̱xgacügü ga guxchaxü̃güarü mexẽxẽruü̃gü 1:4

Rü yemaacü wüxigu Canaáü̃tanüxü̃ca̱x rü Ferechéutanüxü̃ca̱x ínayaxüãchi. Rü Tupana nüxü̃ narüngü̃xẽxẽ nax nadaiaxü̃ca̱x ga yema duü̃xü̃gü. Rü ĩane ga Béchexwa nanadai ga 10,000 ga norü uanügü.

Yochué 21:44

Cori ya Tupana rü nayanguxẽxẽ ga norü uneta, rü taãxẽwa nanayexmagüxẽxẽ ga guxü̃wama ga yema naanewa. Rü norü uanügü rü taxuxü̃ma ga ta̱xacürü chixexü̃ namaxã naxüe, yerü Cori ya Tupana rü Iraétanüxü̃me̱xẽgu nanayixẽxẽ ga guxü̃ma ga yema norü uanügü.

Yochué 10:40

Rü Yochué rü norü churaragümaxã nanadaiãcu ga guxü̃ma ga yema ĩanegü ga yema naanewa yexmagüxü̃. Rü nüxü̃ narüporamae ga yema ãẽ̱xgacügü ga máxpü̱xanexü̃wa yexmagüxü̃, rü yema naxnücüane ga Néguewa yexmagüxü̃, rü yema ínadoxonexü̃wa yexmagüxü̃, rü yema ma̱xpǘnepechinü̃güwa yexmagüxü̃. Rü yemaacü nanadai ga guxü̃ma ga yema ãẽ̱xgacügü namaxã ga norü duü̃xü̃gü. Rü bai ga wüxi ga íyaxüxü̃ yema Cori ya Iraétanüxü̃arü Tupana namaxã nüxü̃ ixuxü̃rüxü̃.

Yochué 10:32

Rü moxü̃ãcü rü nüma ga Cori ya Tupana rü Iraétanüxü̃me̱xẽgu nananguxẽxẽ ga guma ĩane ga Láqui, rü guma ĩane ga Lixnárüü̃tama. Rü nüma ga Iraétanüxü̃ rü taramaxã nanadai ga guxü̃ma ga duü̃xü̃gü, rü naxü̃nagü ga yéma maxẽxü̃.

Yochué 10:28

Rü yematama ngunexü̃gu rü nüma ga Yochué rü norü churaragümaxã nayapu ga guma ĩane ga Machedá rü nagu napogüe rü guxü̃ma ga naãcu rü taramaxã nanadai. Rü yema Yericúarü ãẽ̱xgacüxü̃ yamáxü̃rüü̃ãcütama Machedáarü ãẽ̱xgacüxü̃ nima̱x.

Yochué 9:24

Rü nümagü rü Yochuéxü̃ nangãxü̃gü rü ñanagürügü: —Rü ngẽmaãcü pemaxã nüxü̃ tixu erü poraãcü pexü̃ tamuü̃e erü nagu tarüxĩnüe nax toxü̃ pedaixü̃. Yerü nüxü̃ tacuáchigagü ya yimá perü Cori ya Tupana rü norü duü̃ ga Moichéxü̃ namu nax pexna naxããxü̃ i guxü̃ma i ñaa naane rü nadaiaxü̃ i guxü̃ma i duü̃xü̃gü i ñaa naanegu ãchiü̃güxü̃.

Yochué 8:24

Rü yexguma taramaxã nadaiãgu ga guxü̃ma ga Áiarü churaragü ga Iraétanüxü̃we ngẽgüxü̃, rü nüma ga Iraétanüxü̃ rü Áiarü ĩaneca̱x nawoegu rü nanadai ga yema duü̃xü̃gü ga guma ĩanewa yaxǘgüxü̃.

Wenaxarü naxümatü ga Tupanaarü mugü 13:8

Rü taxũtáma namaxã quixãũxãchi rü taxũtáma icuyacu̱x i ngẽma chixexü̃ üxü̃ ¡rü noxtacüma yama̱x! Rü cuma tá nixĩ i cuxíra icunaxügüxü̃ nax cuyamáxü̃. Rü cuwena rü guxü̃ma i duü̃xü̃gü tá nixĩ i yama̱xgüxü̃.

Wenaxarü naxümatü ga Tupanaarü mugü 3:3

Rü yemaacü nixĩ ga Cori ya Tupana rü toxme̱xgu nangu̱xẽẽãxü̃ ga Bacháü̃anearü ãẽ̱xgacü ga Óx rü ñu̱xũchi guxü̃ma ga norü churaragü. Rü guxü̃xü̃ma tadai rü taxuxü̃ma ga maxü̃xü̃ ítayaxüxẽxẽ.

Ínachoxü̃xü̃chiga 22:20

Rü texé ya yíxema tupananetagüca̱xmare ínaguxe i tümaarü ãmaregü rü tama Cori ya Tupanaca̱xicatama ínaguxe, rü name nax yu namaxã pexueguxü̃.

Iraétanüxü̃arü muxchiga 31:17

¡Rü ñu̱xmatama penadai i ngẽma buxü̃gü i yatüxü̃ rü guxü̃ma i ngẽma ngexü̃gü i marü yatümaxã maxẽxü̃!

Wenaxarü naxümatü ga Tupanaarü mugü 2:34

Rü guxü̃nema ga guma norü ĩanegü rü taxme̱xwa nayexmagü rü yemaacü tanadai ga guxü̃ma ga yatüxü̃gü rü ngexü̃gü rü buxü̃gü. Rü taxuxü̃ma ga maxü̃xü̃ ítayaxüxẽxẽ.

Wenaxarü naxümatü ga Tupanaarü mugü 7:16

Natürü penaxwa̱xe nax penadaixü̃ i guxü̃ma i ngẽma duü̃xü̃gü i Cori ya Tupana pexme̱xwa ngẽxmaxẽẽgüxü̃. ¡Rü taxṹ i pexü̃́ nangechaü̃tümüxü̃güxü̃! ¡Rü taxṹ i norü tupanagüxü̃ picua̱xüü̃güxü̃! Erü ngẽxguma ngẽma pexü̱xgu rü tá ipeyarütauxe.

Wenaxarü naxümatü ga Tupanaarü mugü 19:13

Rü taxũtáma pexü̃́ nangechaü̃tümüxü̃ i ngẽma máetaxü̃ nax ngẽmaãcü Iraéanewa nataxuxü̃ca̱xma i duü̃xü̃ i taxuxü̃ma chixexü̃ naxüãcüma yuxü̃. Rü ngẽxguma ngẽmaãcü penaxü̱xgu, rü mea tá pexü̃́ ínanguxuchi i guxü̃ma i ngẽma pexüxü̃.

Wenaxarü naxümatü ga Tupanaarü mugü 31:5

Rü ngẽxguma Cori ya Tupana tá pexme̱xgu nayixẽxẽgu i ngẽma duü̃xü̃gütücumügü i ngẽma naanewa ngẽxmagüxü̃, rü chanaxwa̱xe nax namaxã peyanguxẽxẽxü̃ nax penadaixü̃ ngẽma pemaxã nüxü̃ chixuxü̃rüxü̃.

Wenaxarü naxümatü ga Tupanaarü mugü 33:27

Rü yimá Cori ya Tupana ya guxü̃guma ngẽxmacü, rü nüma nixĩ i perü poxü̃ruxü̃ yixĩxü̃. Rü ngẽma norü pora i guxü̃guma nüxü̃́ ngẽxmaxü̃ rü perü ngü̃xẽẽruxü̃ nixĩ. Rü nüma nixĩ i pexna yabuxmüxẽẽãxü̃ i perü uanügü, rü nüma nixĩ i pexü̃ namuxü̃ nax penada̱i̱xü̃ca̱x.

Yochué 9:7

Rü nüma ga Iraétanüxü̃ rü Ebéutanüxü̃xü̃ nangãxü̃gü rü ñanagürügü: —Bexmana i pemax rü torü ngaicamagutama pipegü rü ñuxãcü tá i pemaxã mexü̃ i ĩnüwa tangugüxü̃ —ñanagürügü.

Édra 10:3

Rü ngẽmaca̱x tórü Tupanape̱xewa tá nüxü̃ tixu nax toxna tixĩgachixü̃ca̱x ya yíxema toxma̱xgü ya tama Tupanaaxü̃́ yaxõgüxe rü yíxema toxocügü ya tümawa toxü̃́ ngẽxmagüxe. Rü ngẽmaãcü ngẽma cuma rü ngẽma togü i duü̃xü̃gü i aixcüma Tupanaga ĩnüexü̃ tomaxã nüxü̃ ixuxü̃rüxü̃ tá naga taxĩnüe ya tórü Cori ya Tupanaarü mugü.

Wiyaegü 106:34

Rü yema tórü o̱xigü rü tama nanadai ga yema Canaáü̃cüã̱x ga Tupana namaxã nüxü̃ ixuxü̃ nax nadaiaxü̃ca̱x.

Iraétanüxü̃arü muxchiga 21:2

Rü yexguma ga Iraétanüxü̃ rü Cori ya Tupanamaxã inaxunetagü rü ñanagürügü: —Ngẽxguma tá toxü̃ curüngü̃xẽẽgu nax nüxü̃ tarüporamaegüxü̃ i ñaa nachixü̃anecüã̱xgü i duü̃xü̃gü, rü toma rü tá nagu tipogügü ya guxü̃nema ya norü ĩanegü —ñanagürügü.

Wenaxarü naxümatü ga Tupanaarü mugü 9:3

Rü ñu̱xma i pema rü marü nüxü̃ pecua̱x nax tórü Cori ya Tupana yixĩxü̃ ga gumá pepe̱xegu ixũcü, rü nüma rü ñoma üxüema i tüxü̃ imáxü̃rüxü̃ tá pepe̱xegu nada̱i̱xü̃ rü iyanamaãchitanüxẽẽxü̃ i ngẽma duü̃xü̃gütücumügü. Pemax rü noxtacüma ngẽxgumatátama ípenawoxü̃ rü penadai, yema Cori ya Tupana pemaxã nüxü̃ ixuxü̃rüxü̃.

Yochué 11:8

Rü nüma ga Cori ya Tupana rü nanaporamaexẽxẽ ga Iraétanüxü̃. Rü yemaca̱x norü uanügüxü̃ nibuxmüxẽxẽ rü nawe nangẽgü ñu̱xmata guma ĩane ga taxü̃ne ga Chidóü̃wa rü Mirepóx-maíü̃wa nangugü rü ñu̱xmata Mispáarü éstewaama yexmaxü̃ ga doxonexü̃wa nangugü. Rü bai ga wüxi ga maxü̃xü̃ ga íyaxüxü̃, rü guxü̃xü̃ma nadai.

Nüxíraxü̃xü̃ ga popera ga ãẽ̱xgacügüchiga 20:34

Rü yemawena nüma ga Ben-adáxü̃ rü ñanagürü: —Cuxü̃́ tá chanawoeguxẽxẽ ya yima ĩanegü ga chaunatü cunatüna puxü̃ne. Rü marü name nax Damácugu cunaxüxü̃ ya curü taxepataü̃gü naxrüxü̃ ga chaunatü ga Chamáriagu norü taxepataxü̃gü naxüxü̃ —ñanagürü. Rü nüma ga Acáx rü nanangãxü̃ rü ñanagürü: —Ngẽxgumarüxü̃ ta i choma rü cumaxã nüxü̃ chixu rü taxũtáma cuxü̃ chima̱x! —ñanagürü. Rü yemaacü ga Acáx rü wüxi ga uneta Ben-adáxmaxã naxü rü nayange̱x nax íyaxũxü̃ca̱x.