Wenaxarü naxümatü ga Tupanaarü mugü 7:16 - Tupanaarü Ore

¹⁶ Natürü penaxwa̱xe nax penadaixü̃ i guxü̃ma i ngẽma duü̃xü̃gü i Cori ya Tupana pexme̱xwa ngẽxmaxẽẽgüxü̃. ¡Rü taxṹ i pexü̃́ nangechaü̃tümüxü̃güxü̃! ¡Rü taxṹ i norü tupanagüxü̃ picua̱xüü̃güxü̃! Erü ngẽxguma ngẽma pexü̱xgu rü tá ipeyarütauxe.

Wenaxarü naxümatü ga Tupanaarü mugü 7:16 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 8:27

Rü nüma ga Yedeóü̃ rü guxü̃ma ga yema úiruwa nanaxü i wüxi i chalecu, rü norü ĩane ya Ofágu nayaxǘ. Rü guxü̃ma ga Iraétanüxü̃ rü yema chalecugagu Tupanana nixĩgachi, yerü yema chalecuxü̃ nicua̱xüü̃gü. Rü yemaacü wüxi ga norü toxyepe̱xe nixĩ naxca̱x ga Yedeóü̃, rü napatacüã̱x.

1 Corintios 15:33

¡Natürü taxũtáma nawe perüxĩ i ngẽma duü̃xü̃gü i ngẽmaãcü chixri idexagüxü̃! Erü aixcüma nixĩ i ngẽma ore i ñaxü̃: “Rü texé ya chixexü̃ i duü̃xü̃maxã ãmücüxe, rü tüxü̃́ inayanaxoxẽxẽ i tümacümagü i mexü̃”, ñaxü̃.

Wenaxarü naxümatü ga Tupanaarü mugü 19:21

Rü taxũtáma pexü̃́ nangechaü̃tümüxü̃ i ngẽma duü̃xü̃ i chixexü̃ üxü̃. Rü ngẽma máetaxü̃ rü tá peyama̱x. Rü ngẽma texéxü̃ ichaíxetüxẽẽxü̃ rü tá peyacháixetüxẽxẽ. Rü ngẽma texéxü̃ ibüepütaxü̃ rü tá peyabüepüta. Rü ngẽma texéxü̃ ibüyechacüüxü̃ rü tá peyabüyechacüxü. Rü ngẽma texéxü̃ ibüyeparaxü̃ rü tá peyabüyepara.

Wenaxarü naxümatü ga Tupanaarü mugü 19:13

Rü taxũtáma pexü̃́ nangechaü̃tümüxü̃ i ngẽma máetaxü̃ nax ngẽmaãcü Iraéanewa nataxuxü̃ca̱xma i duü̃xü̃ i taxuxü̃ma chixexü̃ naxüãcüma yuxü̃. Rü ngẽxguma ngẽmaãcü penaxü̱xgu, rü mea tá pexü̃́ ínanguxuchi i guxü̃ma i ngẽma pexüxü̃.

Wenaxarü naxümatü ga Tupanaarü mugü 13:8

Rü taxũtáma namaxã quixãũxãchi rü taxũtáma icuyacu̱x i ngẽma chixexü̃ üxü̃ ¡rü noxtacüma yama̱x! Rü cuma tá nixĩ i cuxíra icunaxügüxü̃ nax cuyamáxü̃. Rü cuwena rü guxü̃ma i duü̃xü̃gü tá nixĩ i yama̱xgüxü̃.

Wiyaegü 106:36

Rü yema duü̃xü̃güarü tupananetachicüna̱xãgüxü̃ nicua̱xüü̃gü rü yemagagu chixexü̃gu nayi.

Wenaxarü naxümatü ga Tupanaarü mugü 7:2

Rü ngẽxguma Cori ya perü Tupana pexme̱xgu nayixẽẽgu i ngẽma natücumügü i duü̃xü̃gü, rü ngẽxguma pema rü marü nüxü̃ perüporamaegügu ¡rü noxtacüma tá penadai rü taxũtáma ta̱xacürü unetamaxã pexü̃ narüngüxmüexẽxẽ rü bai tá i pexü̃́ nax nangechaxü̃tümüxü̃güxü̃!

Yeremía 21:7

Rü ngẽmawena rü Nabucudonochóme̱xẽwa, rü ñu̱xũchi ngẽma togü i uanügü i máxwa̱xegüxü̃me̱xẽwa, tá chanangexmagüxẽxẽ i Yudáanearü ãẽ̱xgacü i Chedequía wüxigu namaxã i norü churaragüerugü, rü churaragü, rü ñu̱xũchi yima ĩanecüã̱x i duü̃xü̃gü i tama da̱xawemaxã, rü daimaxã, rü taiyamaxã yuexü̃. Rü choma rü tá chanamu i Nabucudonochó nax tama nüxü̃́ nangechaü̃tümüü̃güãcüma, rü tama namaxã yaxãũxãchieãcüma taramaxã nadaiaxü̃ i ngẽma duü̃xü̃gü. Rü choma ya Cori ya Tupana nixĩ i nüxü̃ chixuxü̃ i ngẽma ore.

Ãẽ̱xgacügü ga guxchaxü̃güarü mexẽxẽruü̃gü 3:6

Rü nanegü, rü naxacügü ga yema Iraétanüxü̃ rü yema togü ga duü̃xü̃güacümaxã nixãxma̱x rü nixãte. Rü yemaca̱x yema togü ga duü̃xü̃güarü tupanaxü̃ nicua̱xüü̃gü.

Ãẽ̱xgacügü ga guxchaxü̃güarü mexẽxẽruü̃gü 2:3

Ngẽmaca̱x ñu̱xmax rü pemaxã nüxü̃ chixu: “Rü taxũtáma pepe̱xewa íchanawoxü̃ i ngẽma duü̃xü̃gü. Rü nümagü rü ñu̱xmachi norü tupananetagü rü wüxi i perü toxyepe̱xeruxü̃ tá nixĩgü”, pemaxã nüxü̃ chixu —ñanagürü.

Iraétanüxü̃arü muxchiga 33:55

Natürü ngẽxguma ngẽma naane peyauxgügu i pema rü tama nawa ípenawoxü̃gu i guxü̃ma i ngẽma duü̃xü̃gü i ngẽma naanegu ãchiü̃güxü̃, rü ngẽma ngéma yaxǘgüxü̃ rü tá pexü̃ ngéma nachixewe ñoma wüxi i naixtüchi i pexetügu nguxgurüxü̃, rü ñoma wüxi ya tuxugu pengu̱xgurüxü̃ tá nixĩ.

Ãẽ̱xgacügü ga guxchaxü̃güarü mexẽxẽruü̃gü 2:12

Rü yema Iraétanüxü̃ rü nüxna nixĩgachi ga norü o̱xigüarü Tupana ga Equítuanewa tüxü̃ ínguxü̃xẽẽcü. Rü yema togü ga duü̃xü̃gü ga norü ngaicamagu pegüxü̃arü tupanagüxü̃ nicua̱xüü̃gü. Rü yemaacü Cori ya Tupanaxü̃ nanuxẽẽgü.

Wenaxarü naxümatü ga Tupanaarü mugü 7:25

Pemax rü tá ípenagu i ngẽma norü tupananetachicüna̱xãgü, natürü taxũtáma pegüaxü̃́ penade i ngẽma úiru rü diẽrumü i namaxã yatüxünexü̃. Erü ngẽxguma pegüaxü̃́ penadexgu rü wüxi i taxü̃ i chixexü̃ tá pexü i Cori ya Tupanape̱xewa.

Yochué 11:20

Rü nüma ga Cori ya Tupana rü nananuexẽxẽ ga yema uanügü nax Iraétanüxü̃maxã nügü nada̱i̱xü̃ca̱x. Rü yemaca̱x Iraétanüxü̃axü̃́ nanatauxchaxẽxẽ nax nadaiaxü̃ca̱x ga guxü̃ma ga yema duü̃xü̃gü rü taxuxü̃ma nüxü̃́ ngechaxü̃tümüxü̃güxü̃ yerü yemaacü nixĩ ga Cori ya Tupana ga Moichémaxã nüxü̃ yaxuxü̃.

Wiyaegü 106:34

Rü yema tórü o̱xigü rü tama nanadai ga yema Canaáü̃cüã̱x ga Tupana namaxã nüxü̃ ixuxü̃ nax nadaiaxü̃ca̱x.