Wenaxarü naxümatü ga Tupanaarü mugü 7:1 - Tupanaarü Ore

¹ Rü ñanagürü ga Moiché: —Nüma ya Cori ya perü Tupana rü tá nagu penachocuxẽxẽ i ngẽma naane i tá pexrü ixĩxü̃. Rü pepe̱xewa tá ínanawoxü̃ i ngẽma 7 i natücumügü i pexü̃ rümumaegüxü̃ rü pexü̃ rüporamaegüxü̃ i Itítanüxü̃, rü Guerguechéutanüxü̃, rü Amoréutanüxü̃, rü Canaáü̃tanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Wenaxarü naxümatü ga Tupanaarü mugü 7:1 Referans Kwoze

Wenaxarü naxümatü ga Tupanaarü mugü 31:3

Natürü nüma ya Cori ya perü Tupana tá nixĩ i pepe̱xegu yaxũxü̃ i Yudáü̃arü tocutüwa. Rü nüma tá nixĩ i pexme̱xgu nayixẽxẽãxü̃ i ngẽma duü̃xü̃gütücumügü i ngéma ngẽxmagüxü̃. Rü ngẽxguma i ngẽma norü naane rü pexrü tá nixĩ. Rü Yochué tá nixĩ ya perü ãẽ̱xgacü ya pemaxã icuácü, yema Cori ya Tupana nüxü̃ ixuxü̃rüxü̃.

Ngechuchuarü ngúexü̃gü ga yamugüxü̃arü puracüchiga 13:19

Rü yemawena Tupana nanadai ga 7 ga natücumügü ga Canaáü̃anecüã̱xgü nax tórü o̱xigüna naxããxü̃ca̱x ga yema naanegü nax tümaarü yaxĩgüxü̃ca̱x

Wenaxarü naxümatü ga Tupanaarü mugü 4:38

Rü pepe̱xewa ínanawoxü̃ ga yema duü̃xü̃gü ga pexü̃ rümumaexü̃ rü pexü̃ rüporamaegüxü̃ nax ngẽmaãcü norü naanewa pemaxẽxü̃ca̱x rü pexrü yixĩxü̃ca̱x i norü naane ngẽma ñu̱xma íngupetüxü̃rüxü̃.

Wenaxarü naxümatü ga Tupanaarü mugü 20:1

Rü ngẽxguma tá ipexĩãchigu nax perü uanügümaxã pegü pedaixü̃ca̱x, rü woo ngẽma perü uanügü rü pexü̃ namumaegu rü namuxgu i norü cowarugü rü norü carugü ya daiweü̃gü, rü taxũtáma nüxü̃ pemuü̃e, erü petanüwa tá nangẽxma ya perü Cori ya Tupana ga Equítuanewa pexü̃ ígaxü̃cü.

Wenaxarü naxümatü ga Tupanaarü mugü 9:1

Moiché rü Iraétanüxü̃xü̃ ñanagürü: —¡Iperüxĩnüe, Pa Iraétanüxü̃x! Marü nawa nangu nax pichoü̃xü̃ i ngẽma natü i Yudáü̃ rü nagu pichocuxü̃ i ngẽma naane rü ípenawoxü̃xü̃ i ngẽma duü̃xü̃gütücumügü i pexü̃ rümumaegüxü̃ rü pexü̃ rüporamaegüxü̃ i nawa maxẽxü̃ ya yima ĩanegü ya itaxü̃ne ya ima̱xtapü̱xarü poxeguã̱xgüne.

Wenaxarü naxümatü ga Tupanaarü mugü 9:4

Rü ngẽxguma Cori ya Tupana pepe̱xewa ínawoxü̃gu i ngẽma duü̃xü̃gütücumügü ¡rü taxṹ i pegü picua̱xüü̃güxü̃ rü ñapegügüxü̃: “Ngẽma nax timexü̃gagu nixĩ ya Cori ya Tupana toxna naxããxü̃ i ngẽma naane”, ñapegügüxü̃. Rü pemaxã nüxü̃ chixu rü nüma ya Cori ya Tupana rü tá ngẽma duü̃xü̃güxü̃ ínawoxü̃ nagagu i norü chixexü̃gü.

Ínachoxü̃xü̃chiga 33:2

Rü choma rü tá cupe̱xegu chayaxũxẽxẽ i chorü orearü ngeruxü̃ i dauxü̃cüã̱x nax cumaxã inacuáxü̃ca̱x. Rü ngẽma naanewa tá íchanawoxü̃ i ngẽma Canaáü̃tanüxü̃, rü Amoréutanüxü̃, rü Itítanüxü̃, rü Ferechéutanüxü̃, rü Ebéutanüxü̃, rü Yebuchéutanüxü̃.

Wenaxarü naxümatü ga Tupanaarü mugü 31:20

Erü choma rü tá nagu chanachocuxẽxẽ i ngẽma naane ga chauégagu norü o̱xigümaxã nüxü̃ chixuxü̃ i ngextá yima lechi rü berure rü ñoma dexárüxü̃ taguma ínataxuxü̃wa. Rü ngẽxguma tá marü lechi nixaxgügu, rü berure ne niwexgu, rü nawa nangaxpütüwegügu rü nawa yangüegu, rü ngẽxguma i nümagü rü tá tupananetagüwe narüxĩ rü ngẽmaxü̃ãma tá nicua̱xüü̃gü rü chauxchi rü tá naxaixe. Rü ngẽxguma i ngẽma uneta i pemaxã chaxüxü̃ rü tá nagu narüchixe.

Wenaxarü naxümatü ga Tupanaarü mugü 11:29

Rü ngẽxguma perü Cori ya Tupana tá pexü̃ nagu chocuxẽxẽgu i ngẽma naane i tá peyapuxü̃, rü pema rü tá mexü̃ namaxã pexuegu ya yima ma̱xpǘne ya Guerichíü̃ rü tá chixexü̃ namaxã pexuegu ya yima ma̱xpǘne ya Ebá.

Wenaxarü naxümatü ga Tupanaarü mugü 6:23

Natürü ga toma rü toxü̃ ínagaxü̃ ga yema Equítuanewa, rü mea toxü̃ nigagü ñu̱xmata yema naane ga tórü o̱xigümaxã nüxü̃ yaxuxü̃wa toxü̃ nangugüxẽxẽ.

Wenaxarü naxümatü ga Tupanaarü mugü 6:19

Rü ngẽmaãcü ya Cori ya Tupana rü yema pemaxã nüxü̃ yaxuxü̃rüxü̃ rü tá nayabuxmüxẽxẽ i guxü̃ma i perü uanügü i ngẽma naanewa ngẽxmagüxü̃.

Wenaxarü naxümatü ga Tupanaarü mugü 6:10

Rü nüma ya yimá perü Cori ya Tupana rü nawa tá pexü̃ nangugüxẽxẽ i ngẽma naane i nũxcümaü̃güxü̃ ga perü o̱xigü ga Abraáü̃maxã, rü Ichaámaxã, rü Acóbumaxã naxuegugüxü̃ nax pexna tá naxããxü̃. Rü ngẽma naanewa rü nangẽxmagü i taxü̃ne rü imexẽchine ya ĩanegü ya pema tama pexügüne.

Wenaxarü naxümatü ga Tupanaarü mugü 6:1

Rü ñanagürü ga Moiché: —Yema nixĩ ga mugü rü ucu̱xẽgü ga Cori ya Tupana choxü̃ muxü̃ nax pexü̃ changúexẽẽxü̃ca̱x nax nagu pexĩxü̃ca̱x nawa i ngẽma naane i tá pexna naxãxü̃.

Iraétanüxü̃arü muxchiga 14:31

Rü ngẽma penegü i pema nüxü̃ pixugüegu tá perü uanügüme̱xẽgu yixü̃, rü ngẽmagü tá nixĩ i choma ngẽma nachixü̃ane i pemax nüxü̃ pexoexü̃wa chagagüxü̃, nax ngéma taãẽãcü nawa nangẽxmagüxü̃ca̱x.

Ínachoxü̃xü̃chiga 15:7

Rü curü poramaxã cunadai i ngẽma cumaxã nügü nadaixchaü̃xü̃. Namaxã cunu rü ñoma pacü ya maxẽ ixaxü̃rüxü̃ cuyaxĩgüxẽxẽ.

Ínachoxü̃xü̃chiga 6:8

Rü yema naane ga Abraáü̃maxã rü Ichaámaxã rü Acóbumaxã chaxueguxü̃wa tá pexü̃ chagagü rü tá pexna chanaxã nax pexrüxüchi yixĩxü̃ca̱x i ngẽma naane. Rü choma nixĩ i Cori ya Tupana chixĩxü̃ —ñanagürü.

Ínachoxü̃xü̃chiga 23:28

Rü ngextá íquixüpetüchigüxü̃wa rü tá ichayadaxẽxẽ nax pexü̃ namuü̃exü̃. Rü ngẽmaca̱x tá cuxcha̱xwa nibuxmü i ngẽma Ebéutanüxü̃, rü Itítanüxü̃, rü Canaáü̃tanüxü̃.

Lebítanüxü̃arü puracüchiga 14:34

—Rü ngẽxguma ngẽma naane i pexna chaxãxü̃ i Canaáü̃anewa pengẽxmagügu, rü choma rü ñuxre ya ĩpatagu chananguxẽxẽ nax yachúexü̃ca̱x ya yima ĩpatagü, rü yíxema ĩpataarü yora rü tá chacherdótexü̃tawa taxũ, rü nüxü̃ tá ñatagürü: “Chopata i nawa changexmane rü nichu̱x”, ñatagürü tá.

Wenaxarü naxümatü ga Tupanaarü mugü 20:16

Natürü ngẽma naane ya Tupana tá pexna naxãxü̃ nax perü yixĩxü̃ca̱x rü taxuxü̃táma penamaxẽxẽ i ngẽma duü̃xü̃gü i ngéma ngẽxmagüxü̃.

Yochué 3:10

Rü ngẽmawa tá nixĩ i nüxü̃ picuáxü̃ ya Tupana ya Maxü̃cü rü petanüwa nax nangẽxmaxü̃. Rü nüma ya Cori rü tá ínanawoxü̃ i Canaáü̃tanüxü̃, rü Itítanüxü̃, rü Ebéutanüxü̃, rü Ferechéutanüxü̃, rü Guerguechéutanüxü̃, rü Amoréutanüxü̃ rü Yebuchéutanüxü̃ nawa i ngẽma naane nax pema nawa pingugüxü̃ca̱x.

Yochué 24:11

Rü yemawena ga pema rü pichoü̃ nawa ga natü ga Yudáü̃ ñu̱xmata Yericúarü ĩanewa pengugü. Rü yema duü̃xü̃gü ga guma ĩanegu ãchiü̃güxü̃ rü pemaxã nügü nadai. Rü yexgumarüxü̃ ta ga yema duü̃xü̃gü ga Amoréutanüxü̃, rü Ferechéutanüxü̃, rü Canaáü̃tanüxü̃, rü Itítanüxü̃, rü Guerguechéutanüxü̃, rü Ebéutanüxü̃, rü Yebuchéutanüxü̃ rü pemaxã nügü nadai. Natürü ga chomax, rü pexü̃ charüngü̃xẽẽxü̃ nax nüxü̃ perüporamaegüxü̃ca̱x.

Nüxíraxü̃xü̃ ga popera ga ãẽ̱xgacügüchiga 16:31

Rü yematama chixexü̃gü ga Yeruboáü̃ ga Nabáx nane üxü̃ naxü. Rü naétü rü Yechabé ga Chidóü̃arü ãẽ̱xgacü ga Ex-baáxacümaxã naxãxma̱x. Rü düxwa ngĩgagu nawa nangu ga norü tupananeta ga Baáxü̃ nax yacua̱xüxü̃xü̃.

Neemía 13:23

Rü yema ga ngunexü̃gügu rü nüxü̃ chadau nax ñuxre ga Yudátanüxü̃ rü ngexü̃gü ga Adúxtanüxü̃maxã rü Amóü̃tanüxü̃maxã rü Moátanüxü̃maxã yaxãxma̱xgüxü̃. Rü ngãxü̃ ga naxacügü rü Adúxtanüxü̃gawa nidexagü rü togüama ga nachixü̃anegügawa nidexagü, rü tama Yudátanüxü̃gaxü̃ nicua̱x.

Ínachoxü̃xü̃chiga 23:32

¡Rü taxũtáma namaxã cuxüga nax nüxü̃ perüngü̃xẽẽgüxü̃ca̱x, rü bai i norü tupananetagüxü̃ picua̱xüü̃gü! ¡Rü taxũtáma cunaxwa̱xe nax ngẽma naanewa cunangẽxmagüxẽxẽxü̃ i ngẽma duü̃xü̃gü nax tama chope̱xewa pecadu cuxü̃ naxüxẽẽgüxü̃ca̱x! Erü ngẽxguma ngéma cunangexmagüxẽẽgu rü tá norü tupananetagüxü̃ quicua̱xüxü̃ rü cugütátama icuyarütauxẽxẽ —ñanagürü ga Tupana.

Iraétanüxü̃arü muxchiga 13:29

Rü ngẽma Négueanewa rü ngẽxma naxãchiü̃gü i ngẽma Amaréxtanüxü̃. Rü ngẽma ínamáxpü̱xanexü̃gu rü naxãchiü̃gü i ngẽma Itítanüxü̃ rü Yebuchéutanüxü̃ rü Amoréutanüxü̃. Rü márcutügu rü natü i Yudáü̃cutügu nixĩ i naxãchiü̃güxü̃ i Canaáü̃tanüxü̃ —ñanagürügü.

Wenaxarü naxümatü ga Tupanaarü mugü 9:3

Rü ñu̱xma i pema rü marü nüxü̃ pecua̱x nax tórü Cori ya Tupana yixĩxü̃ ga gumá pepe̱xegu ixũcü, rü nüma rü ñoma üxüema i tüxü̃ imáxü̃rüxü̃ tá pepe̱xegu nada̱i̱xü̃ rü iyanamaãchitanüxẽẽxü̃ i ngẽma duü̃xü̃gütücumügü. Pemax rü noxtacüma ngẽxgumatátama ípenawoxü̃ rü penadai, yema Cori ya Tupana pemaxã nüxü̃ ixuxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:14

Rü Canaáü̃ nixĩ ga norü o̱xi ga Yebuchéutanüxü̃, rü Amoréutanüxü̃, rü Guerguechéutanüxü̃, rü Ebéutanüxü̃, rü Arachéutanüxü̃, rü Chinéutanüxü̃, rü Arbadéutanüxü̃, rü Chemaréutanüxü̃, rü Amatéutanüxü̃.

Norü taxre ga to ga popera ga ãẽ̱xgacügüchiga ümatüxü̃ 8:7

Rü nayexma ta ga duü̃xü̃gü ga tama Iraétanüxü̃ ixĩgüxü̃. Rü yema nixĩ ga nataagü ga yema duü̃xü̃gü ga Iraétanüxü̃arü o̱xigü tama daixü̃ ga Itítanüxü̃, rü Amoréutanüxü̃ rü Ebéutanüxü̃, rü Ferechéutanüxü̃, rü Yebuchéutanüxü̃. Rü nüma ga Charomóü̃ rü yáxü̃ ga puracüwa nanapuracüexẽxẽ. Rü woo i ñu̱xma rü ta rü ngẽmaãcütama nixĩ. Rü nüma ga Charomóü̃ rü yáxü̃ ga puracüwa tüxü̃ napuracüexẽxẽ ga guxema yema naanewa yaxügüxe rü tama Iraétanüxü̃ tüxü̃ daixe ga Amuréutanüxü̃ rü Itítanüxü̃ rü Ferechéutanüxü̃ rü Ebéutanüxü̃ rü Yebuchéutanüxü̃. Rü yemaacü poraãcü tüxü̃ napuracüexẽxẽ rü woo i ñu̱xma rü ngẽmaãcütama nixĩ.

Édra 9:1

Rü yemawena ga yema Iraétanüxü̃arü ãẽ̱xgacügü ga marü nüxíra Yerucharéü̃wa ngugüxü̃ rü cha̱u̱xca̱x naxĩ rü chomaxã nüxü̃ nayarüxugüe rü ñanagürügü: —Muxü̃ma i ngẽma tatanüxü̃ i Iraétanüxü̃ ga nüxíra tomaxã woeguxü̃, rü woo chacherdótegü rü Lebítanüxü̃ rü tama nügüxü̃́ nüxü̃ naxoo̱xgü i nacümagü i chixexü̃gü i nagu naxĩxü̃ i ngẽma togü i duü̃xü̃gü i nua tórü naanegu yaxãchiü̃güxü̃. Rü ngẽma tatanüxü̃ rü woo poraãcü Tupanape̱xewa nachixe nax ngẽma togücümagu naxĩxü̃, natürü nagu naxĩãma i nacümagü i ngẽma Canaáü̃tanüxü̃ rü Itítanüxü̃, rü Ferechéutanüxü̃, rü Yebuchéutanüxü̃, rü Amóü̃tanüxü̃, rü Moátanüxü̃, rü Equítuanecüã̱xgü, rü Amoréutanüxü̃.