Wenaxarü naxümatü ga Tupanaarü mugü 6:7 - Tupanaarü Ore

⁷ ¡Rü guxü̃gutáma ngẽma mugümaxã penangúexẽxẽ i pexacügü! ¡Rü nachigagu namaxã pidexagü i pepatagüwa rü ngextá ípexĩxü̃wa, rü ngẽxguma pepeechaü̃gu rü ngẽxguma íperüdagügu!

Wenaxarü naxümatü ga Tupanaarü mugü 6:7 Referans Kwoze

Wenaxarü naxümatü ga Tupanaarü mugü 11:19

¡Rü ñaa oremaxã penangúexẽxẽ i pexacügü, rü nachigagu namaxã pidexagü i pepatawa, rü namagüwa. Rü ngẽxgumarüxü̃ ta i ngẽxguma pepeechaü̃gu rü íperüdagügu rü ñaa oremaxã penangúexẽxẽ!

Efesios 6:4

Rü pemax, Pa Papagü rü Pa Mamagüx, rü tama name i penanuexẽxẽ i pexacügü. Rü name nixĩ i mea peyaxucu̱xẽgü rü naãxẽxü̃ nüxü̃ pecua̱xẽxẽ rü penangúexẽxẽ i ngẽma tórü Coriarü ore.

Nüxíraxü̃xü̃ ga popera ga Pedru ümatüxü̃ 3:15

Rü name nixĩ i perü Corixü̃ peyaxĩxẽxẽ ya Cristu rü aixcüma naga pexĩnüe. Rü name nixĩ i guxü̃guma ípememare nax mea penangãxü̃xü̃ca̱x i guxü̃ma i ngẽma duü̃xü̃gü i pexna ca̱xaxü̃ nax ta̱xacüca̱x Cristuaxü̃́ peyaxõgüxü̃.

Wenaxarü naxümatü ga Tupanaarü mugü 6:2

Rü ngẽxguma guxü̃ i perü maxü̃gu pema rü penegü rü petaagü nagu pexĩxgu i ngẽma mugü rü ucu̱xẽgü i ñu̱xma pemaxã nüxü̃ chixuxü̃ rü ngẽmaãcü tá penataãẽxẽxẽ ya perü Cori ya Tupana rü tá mucü ya taunecü pemaxẽ.

Efesios 4:29

Rü tama name i chixexü̃ i oremaxã pidexagü. Rü name i ore i mexü̃maxãxicatama pidexagü nax ngẽma duü̃xü̃gü i pexü̃ ĩnüexü̃ yexeraãcü Tupanaga naxĩnüexü̃ca̱x rü nataãẽgüxü̃ca̱x.

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

Ucu̱xẽgüchiga 6:22

Rü ngẽxguma ngextá cuxũxgu rü ngẽma ucu̱xẽgü tá cumaxã inacua̱xgü, rü ngẽxguma cupexgu rü tá cuxna nadaugü, rü ngẽxguma pewa cubaixãchigu tá cuxü̃ naxucu̱xẽgü.

Ore i mexü̃ ga Luca ümatüxü̃ 6:45

Rü wüxi ya mecü ya yatü rü mexü̃ i orexü̃ nixu, erü naãxẽwa rü aixcüma mexü̃gu narüxĩnü. Natürü wüxi i yatü i chixecümaxü̃ rü chixexü̃ i orexü̃ nixu, erü chixexü̃gu narüxĩnü. Rü ngẽma naãxẽwa ngẽxmaxü̃ i chixexü̃ nixĩ i nüxü̃ yaxuxü̃.

Ore i mexü̃ ga Matéu ümatüxü̃ 12:35

Wüxi ya mecü ya yatü rü mexü̃ i orexü̃ nixu, erü naãxẽwa rü aixcüma mexü̃gu narüxĩnü. Natürü wüxi i yatü i chixecümaxü̃ rü chixexü̃ i orexü̃ nixu, erü naãẽwa rü chixexü̃gu narüxĩnü.

Colosenses 4:6

Rü ngẽxguma togü i duü̃xü̃gümaxã pidexagügu, rü name nixĩ i penataãẽxẽxẽ namaxã i ngẽma dexa i namaxã nüxü̃ pixuxü̃. ¡Rü ngẽmaãcü mea penangãxü̃ i ngẽma pexna ca̱xü̃ nachiga i perü õ!

Ucu̱xẽgüchiga 15:7

Ngẽma duü̃xü̃gü i cua̱x nüxü̃́ ngẽxmagüxü̃, rü mexü̃ i oremaxã nidexagü. Natürü ngẽma duü̃xü̃gü i naechitamare maxẽ, rü naãẽwa chixexü̃gu narüxĩnüe.

Ucu̱xẽgüchiga 10:21

Rü yimá yatü ya mecümacü rü naã̱xwa ínaxũxũ i mexü̃ i ucu̱xẽgü tümaca̱x ya duẽxẽgü, natürü ngẽma tama naãxẽxü̃ cua̱xgüxü̃, rü norü chixexü̃gagu nayue.

Maraquía 3:16

Natürü yema duü̃xü̃gü ga Tupanaga ĩnüexü̃ rü wüxichigü namücümaxã nidexa ga Cori ya Tupanachiga. Rü nüma ga Cori ya Tupana rü inarüxĩnü ga yema nüxü̃ yaxugüxü̃. Rü Tupanape̱xewa rü wüxi ga poperagu nanaxümatü ga naéga ga yema duü̃xü̃gü ga naga ĩnüexü̃ rü namaxã taãẽgüxü̃.

Ucu̱xẽgüchiga 15:2

Ngẽma naãẽxü̃ cua̱xgüxü̃ã̱xwa, rü ínaxũxũ i mexü̃ i ore i cua̱x nawa ngẽxmaxü̃, natürü ngẽma naechitamare maxẽxü̃ã̱xwa, rü ínaxũxũ i ore i chixexü̃.

Wiyaegü 129:8

Rü ngẽxguma texé nüxü̃ da̱u̱xgu rü taxúematama ñatagürü nüxü̃: —¡Tupana pexü̃ rüngü̃xẽxẽ! ¡Rü Cori ya Tupanaégagu mexü̃ pexü̃ ngupetü! —ñatagürü nüxü̃.

Wiyaegü 119:46

Rü ãẽ̱xgacügüpe̱xewa tá nüxü̃ chixu i curü mugü rü taxuca̱xtama chaxãne.

Rux 4:11

Rü nüma ga yema ãẽ̱xgacügü rü guxü̃ma ga yema duü̃xü̃gü ga yéma irüdaunüxü̃ rü nanangãxü̃ga rü ñanagürügü: —Aixcüma toma nixĩ i nua itarüdaunüxü̃ rü itarüxĩnüexü̃. Rü nüma ya Tupana i ñu̱xma cuxna imucü i ñaa nge, rü tanaxwa̱xe i ngĩxü̃ narüngü̃xẽxẽ nax naxãxacüxü̃ca̱x ngĩxrüxü̃ ga Raqué rü Léa ga ngĩwa ne ixĩcü i guxãma i yixema i Iraétanüxü̃. Rü cumax, Pa Boóx ¡rü Tupana cuxü̃ rüngü̃xẽxẽ nax wüxi ya yatü ya duü̃xü̃güpe̱xewa mecü quixĩxü̃ i nua Beréü̃wa i Efrátawa!

Wiyaegü 37:30

Rü yimá yatü ya mecü rü mea nüxü̃ nacuáãcüma nidexa, rü ngẽxguma yadexaxgu rü aixcümaxü̃ nixu.

Rux 2:12

¡Rü Tupana cuxü̃́ naxütanü i ngẽma! ¡Rü nüma ya Cori ya Iraéanecüã̱xgüarü Tupana ga norü ngü̃xẽẽca̱x cudaucü cuxü̃́ naxütanü naxca̱x ga guxü̃ma ga yema mexü̃ ga cuxüxü̃! —ñanagürü.

Rux 2:4

Rü yexguma Rux yéma yexmayane rü nüma ga Boó rü ínangu ga Beréü̃wa nax ne naxũxü̃, rü yema naanewa ínayadau. Rü yema buxetatanüxü̃xü̃ narümoxẽ rü ñanagürü: —¡Cori ya Tupana pexü̃tawa ngexma̱x! —ñanagürü. Rü nüma ga buxetatanüxü̃ rü nanangãxü̃gagü rü ñanagürügü: —¡Cori ya Tupana cuxü̃ rüngü̃xẽxẽ̱x! —ñanagürügü.

Wiyaegü 71:17

Pa Chorü Tupanax, yexguma changextü̱xügutama choxü̃ cungu̱xẽxẽ i curü ore, rü ñu̱xma rü ta nüxü̃ chixuama ga yema mexü̃ ga taxü̃ ga cuxüxü̃.

Ichaía 38:19

Rü ngẽma maxẽxü̃xicatama nixĩ i cuxü̃ icua̱xüü̃güxü̃, ñoma ñu̱xma choma chaxüxü̃rüxü̃. Rü ngẽma nanatügü rü nanegümaxã tá nüxü̃ nixu nax aixcüma cuyanguxẽẽxü̃ i ngẽma nüxü̃ quixuxü̃.

Yox 8:10

Natürü yema nüxíraxü̃güxü̃ ga duü̃xü̃gü rü tá cuxü̃ nangu̱xẽxẽ. Rü tá cuxü̃ nüxü̃ nacua̱xẽxẽ i muxü̃tama i cua̱x.

Wiyaegü 119:13

Rü cha̱u̱a̱xmaxã tá nüxü̃ chixu i guxü̃ma i ngẽma curü mugü i nüxü̃ quixuxü̃.