Wenaxarü naxümatü ga Tupanaarü mugü 6:6 - Tupanaarü Ore

⁶ ¡Rü pegüãẽgu namaxã penguxü̃ i guxü̃ma i ñaa ore i ñu̱xma pemaxã nüxü̃ chixuxü̃!

Wenaxarü naxümatü ga Tupanaarü mugü 6:6 Referans Kwoze

Colosenses 3:16

Rü name nixĩ i guxü̃guma peãẽwa nangẽxma i Cristuarü ore i taãxẽ pexna ãxü̃. Rü name nixĩ i nüxü̃ pecuáãcüma ngẽma oremaxã pegü pengúexẽxẽ rü pegü pixucu̱xẽgü. Rü name nixĩ i Tupanana moxẽ pexãgüãcüma nagu pewiyaegü i naguxü̃raü̃xü̃ i norü wiyaegü.

Yeremía 31:33

Rü ñaa tá nixĩ i ngẽma ngexwaca̱xü̃xü̃ i chorü uneta i Iraétanüxü̃maxã chaxüxü̃: “Naãxẽwa tá chanangexmaxẽxẽ i ngẽma chorü mu, rü ngéma tá nangẽxma nax tama nüxü̃ iyanangümaexü̃ca̱x. Rü choma tá nixĩ i norü Tupana chixĩxü̃, rü nümagü rü tá chorü duü̃xü̃gü nixĩgü”. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ucu̱xẽgüchiga 7:3

¡Rü chorü mugümaxã cugü nanga̱xcume̱xẽ rü cugüãxẽgu namaxã nanguxü̃!

Wenaxarü naxümatü ga Tupanaarü mugü 11:18

¡Rü pegüãxẽgu namaxã penguxü̃ i ñaa ore, rü nagu perüxĩnüeecha! ¡Rü pegüchacüüwa, rü pegücatüwa peyanga̱xcuchi i ngẽma mugü nax ngẽmaãcü tama nüxü̃ iperüngümaexü̃ca̱x!

Wiyaegü 37:31

Rü nügüãẽgu namaxã nanguxü̃ i Tupanaarü ore. Rü ngẽmaca̱x i ngextá ínaxũxü̃wa rü naxuãxẽ nax tama chixexü̃gu nanguxü̃ca̱x.

2 Corintios 3:3

Rü ñu̱xma rü meama nango̱x nax pema rü wüxi i popera i Cristutama ümatüxü̃ pixĩgüxü̃. Rü torü puracügagu nixĩ i ngẽma. Rü tama wüxi i popera i tíntamaxã ümatüxü̃ pixĩgü, natürü ümatüxü̃ ya Tupana ya Maxü̃cüãxẽ i Üünexü̃ ümatüxü̃ pixĩgü. Rü ngẽma ümatüxü̃ rü tama nutagu ümatüxü̃ nixĩ, natürü duü̃xü̃güarü maxü̃negu nixĩ i naxümatüxü̃.

Wenaxarü naxümatü ga Tupanaarü mugü 32:46

Rü yemawena ga Moiché rü Iraétanüxü̃maxã nidexa rü ñanagürü: —¡Mea pegüãẽgu namaxã penguxü̃ i ngẽma ñu̱xma pexü̃ changúexẽxẽxü̃! ¡Rü ñu̱xũchi pexacügümaxã nüxü̃ pixu nax nümagü rü ta mea nagu namaxẽxü̃ rü yanguxẽxẽgüãxü̃ i guxü̃ma i ngẽma mugü i ñu̱xma pemaxã nüxü̃ chixuxü̃!

Wiyaegü 119:11

Rü chauãẽgu namaxã changuxü̃ i curü ore nax tama cupe̱xewa chixexü̃ chaxüxü̃ca̱x.

Ichaía 51:7

¡Choxü̃́ iperüxĩnüe i pema nax nüxü̃ pecuáxü̃ i ngẽma nacüma i aixcüma iwéxü̃ rü naga pexĩnüexü̃ i chorü mugü! ¡Rü taxṹ i pemuü̃exü̃ rü perümaãchitanüxü̃ i ngẽxguma ta̱xacü pemaxã yaxugüegu i duü̃xü̃gü! Erü nümagü rü tá nayue rü ñoma naxchiru i naweane ngõ̱xgüxü̃rüxü̃ tá nixĩgü. Rü õ̱xmigü rü tá nanangõ̱xgü ñoma wüxi i naxchiru i carnéruta̱xanaxca̱x nangõ̱xgüxü̃rüxü̃. Natürü chaucüma rü taguma inarüxo rü chorü pora i namaxã íchapoxü̃ i chorü duü̃xü̃gü rü guxü̃guma nangẽxmaecha —ñanagürü ga Tupana.

Ore i mexü̃ ga Luca ümatüxü̃ 8:15

Natürü gumá triguchire ga mexü̃ ga waixü̃mügu yixü̃ne, rü ngẽma nixĩ i duü̃xü̃gü i aixcüma taãẽãcü nayauxgüxü̃ i Tupanaarü ore, rü naga ĩnüexü̃, rü mea naxca̱x maxẽxü̃. Rü ngẽma nixĩ i duü̃xü̃gü i aixcüma Tupanawe rüxĩxü̃ rü naxügüxü̃ i ngẽma nüma nanaxwa̱xexü̃.

Ucu̱xẽgüchiga 3:5

¡Guxü̃ne ya curü maxü̃nemaxã nüxna rüyoe ya Cori ya Tupana, rü taxṹ i nüxna curüyoexü̃ i curü cua̱x!

Ore i mexü̃ ga Luca ümatüxü̃ 2:51

Rü yexguma ga Ngechuchu rü tümawe nataegu ga Nacharétuwa. Rü guxü̃guma mea tümaga naxĩnüecha. Rü naé ga María rü ngĩãẽwa nagu irüxĩnüecha ga guxü̃ma ga yema ngupetüxü̃.

Wiyaegü 119:98

Rü ngẽma curü mugü rü guxü̃guma chauãẽxü̃ choxü̃ nacua̱xẽxẽ. Rü ngẽmaca̱x chorü uanügüarü yexera choxü̃́ nangẽxma i cua̱x.

Wiyaegü 40:8

Rü chomax, Pa Chorü Tupanax, rü namaxã chataãxẽ nax curü ngúchaü̃ chaxüxü̃. Rü chauãẽgu namaxã changuxü̃ i ngẽma curü ngu̱xẽẽtae.

Norü taxre ga popera ga Cuáü̃ ümatüxü̃ 1:2

Pexü̃ changechaü̃ erü toxrüxü̃ nüxü̃ pecua̱x i ngẽma ore i aixcüma ixĩxü̃ i guxü̃gutáma tawa ngẽxmaxü̃.

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

2 Chamué 22:23

Rü chayanguxẽxẽ ga guxü̃ma ga norü mugü rü taguma nüxü̃ chayarüngüma.

Wenaxarü naxümatü ga Tupanaarü mugü 11:20

Rü perü caxtagügu, rü pepataarü ĩã̱xgügu penaxümatü i ngẽma oregü, nax ngẽmaãcü i pemax rü pexacügü rü namáarü maxü̃a̱xgüxü̃ca̱x nawa i ngẽma naane i Cori ya Tupana nũxcümaü̃güxü̃ ga perü o̱xigümaxã ueguxü̃ nax tüxna naxããxü̃ca̱x. Rü ngẽmaãcü tá nama̱x i perü maxü̃, ngẽma dauxü̃wa nüxü̃ idauxü̃ rü ñoma i naaneétüwa ngẽxmagüechaxü̃rüxü̃.

Wiyaegü 119:13

Rü cha̱u̱a̱xmaxã tá nüxü̃ chixu i guxü̃ma i ngẽma curü mugü i nüxü̃ quixuxü̃.

Wiyaegü 119:30

Erü choma rü marü chanayaxu i cucüma i aixcüma ixĩxü̃ rü nagu chixũxchaü̃ i ngẽma curü mugü.