Wenaxarü naxümatü ga Tupanaarü mugü 6:5 - Tupanaarü Ore

⁵ ¡Rü nüxü̃ pengechaxü̃gü ya perü Tupana i guxü̃ne ya perü maxü̃nemaxã, rü guxü̃ i peãxẽmaxã, rü guxü̃ i perü poramaxã!

Wenaxarü naxümatü ga Tupanaarü mugü 6:5 Referans Kwoze

Ore i mexü̃ ga Márcu ümatüxü̃ 12:30

¡Rü nüxü̃ nangechaü̃ ya Cori ya curü Tupana guxü̃ne ya curü maxü̃nemaxã, rü guxü̃ i cuãẽmaxã, rü guxü̃ i nagu curüxĩnüxü̃maxã, rü guxü̃ i curü poramaxã!” ñanagürü.

Ore i mexü̃ ga Matéu ümatüxü̃ 22:37

Rü Ngechuchu nanangãxü̃ rü ñanagürü: —Ngẽma Tupanaarü mu i guxü̃ i norü mugüarü yexera ixĩxü̃, rü ñanagürü: “¡Nüxü̃ nangechaü̃ ya Cori ya curü Tupana i guxü̃ne ya curü maxü̃nemaxã, rü guxü̃ i cuãẽmaxã, rü guxü̃ i nagu curüxĩnüxü̃maxã!” ñanagürü.

Ore i mexü̃ ga Luca ümatüxü̃ 10:27

Rü yema ngúexẽẽruxü̃ ga Moichéarü mugüwa ngu̱xẽẽtaexü̃, rü Ngechuchuxü̃ nangãxü̃, rü ñanagürü: —¡Nüxü̃ nangechaü̃ ya Cori ya curü Tupana i guxü̃ma i curü maxü̃maxã, rü guxü̃ i cuãẽmaxã, rü guxü̃ i curü poramaxã, rü guxü̃ i nagu curüxĩnüxü̃maxã! ¡Rü nüxü̃ nangechaü̃ i cumücü ngẽma nax cugütama cungechaü̃xü̃rüxü̃! —ñanagürü.

Wenaxarü naxümatü ga Tupanaarü mugü 10:12

Rü ñu̱xma Pa Iraétanüxü̃x ¿ta̱xacü nixĩ i perü Cori ya Tupana pexü̃́ naxwa̱xexü̃? Rü ngẽma pexü̃́ nanaxwa̱xexü̃ nixĩ nax nüxü̃ picua̱xüü̃güxü̃ rü aixcüma naga pexĩnüexü̃ rü nacümagu pexĩxü̃, rü nüxü̃ pengechaü̃güxü̃ rü ñu̱xũchi nüxü̃́ pepuracüexü̃ guxü̃ma i perü maxü̃maxã rü guxü̃ i peãẽmaxã.

Wenaxarü naxümatü ga Tupanaarü mugü 30:6

Rü nüma ya perü Cori ya Tupana rü peãẽwa rü petaagüãẽwa tá nayanaxoxẽxẽ i ngẽma chixexü̃ i ngéma ngẽxmaxü̃ nax ngẽmaãcü aixcüma nüxü̃ pengechaü̃güxü̃ca̱x perü maxü̃nemaxã rü peãẽmaxã nax ngẽmaãcü pexü̃́ nangẽxmaxü̃ca̱x i perü maxü̃.

Wenaxarü naxümatü ga Tupanaarü mugü 4:29

Natürü ngẽxguma ngẽma nachixü̃anegüwa pema rü guxü̃ma i perü ngúchaü̃maxã rü guxü̃ma i peãẽmaxã Cori ya perü Tupanaca̱x pewoegugu rü nüxü̃ tá ipeyangaugü.

Nüxíraxü̃xü̃ ga popera ga Cuáü̃ ümatüxü̃ 5:3

Rü ngẽxguma aixcüma Tupanaxü̃ ingechaü̃gügu rü naga taxĩnüe i ngẽma tüxü̃ namuxü̃. Rü ngẽma tüxü̃ namuxü̃ rü tama naguxcha nax naga ixĩnüexü̃.

Ore i mexü̃ ga Márcu ümatüxü̃ 12:33

Rü ngẽma Tupanaxü̃ nax ingechaü̃xü̃ guxü̃ne ya tórü maxü̃nemaxã, rü guxü̃ i nagu rüxĩnüxü̃maxã, rü guxü̃ i tórü poramaxã, rü nüxü̃ nax ingechaü̃xü̃ i tamücü i yigü nax ingechaü̃xü̃rüxü̃, rü ngẽma rü guxü̃ma i carnérugü i Tupanaca̱x ida̱i̱xü̃ rü íguxü̃arü yexera narümemae —ñanagürü.

Wenaxarü naxümatü ga Tupanaarü mugü 11:13

Rü ngẽxguma pema mea peyanguxẽẽ̱xgu i ñaa mugü i ñoma i ngunexü̃gu pexna chaxãxü̃, rü ngẽxguma aixcüma nüxü̃ pengechaü̃gügu ya Cori ya perü Tupana, rü ngẽxguma nüxü̃ picua̱xüü̃gügu guxü̃ne ya perü maxü̃nemaxã, rü guxü̃ i peãxẽmaxã, rü ngẽxguma i nüma ya Tupana rü tá ípetoexü̃gu nanapuxẽxẽ rü ñu̱xũchi ngẽxguma ngexwaca yaxo̱xgu i penetü rü tá wena nanapuxẽxẽ nax mea pexü̃́ nayaxü̃ca̱x rü yaxoxü̃ca̱x, rü pexü̃́ nangemaxü̃ca̱x i perü trigu, rü perü bínu, rü perü chíxü̃.

Norü taxre ga popera ga ãẽ̱xgacügüchiga 23:25

Rü naxü̃pa rü nawena ga Yochía rü nataxuma ga wüxi ga ãẽ̱xgacü ga naxrüxü̃ aixcüma Cori ya Tupanaca̱x taeguxü̃ i guxü̃ne ya norü maxü̃nemaxã, rü guxü̃ i norü ĩnümaxã, rü guxü̃ i norü poramaxã, yema Moiché ümatüxü̃ ga mugüwa nüxü̃ yaxuxü̃rüxü̃.

Ore i mexü̃ ga Matéu ümatüxü̃ 10:37

Rü yíxema choxü̃ nax tangechaü̃xü̃arü yexera tümanatüxü̃ rüe̱xna tümaéxü̃ ngechaü̃xe, rü taxucürüwama chorü duü̃xü̃ tixĩ. Rü yíxema choxü̃ nax tangechaü̃xü̃arü yexera tümanexü̃ rüe̱xna tümaxacüxü̃ ngechaü̃xe, rü taxucürüwama chorü duü̃xü̃ tixĩ.

Wenaxarü naxümatü ga Tupanaarü mugü 11:1

¡Rü nüxü̃ pengechaü̃gü ya perü Cori ya Tupana! ¡Rü peyanguxẽẽgü i norü ngu̱xẽẽtaegü, rü norü ucu̱xẽgü rü norü mugü rü guxü̃ma i ngẽma pemaxã nüxü̃ yaxuxü̃!

Wenaxarü naxümatü ga Tupanaarü mugü 30:16

Rü ngẽxguma tá naga pexĩnüegu i ngẽma mugü i ñu̱xma pexü̃ chamuxü̃, rü nüxü̃ pengechaxü̃gu ya perü Cori ya Tupana, rü nagu pexĩxgu i ngẽma nüma nanaxwa̱xexü̃, rü peyanguxẽẽgu i norü mugü rü ucu̱xẽgü, rü mucü ya taunecü tá pemaxẽ, rü tá pimu, rü nüma ya Cori ya Tupana rü tá pexü̃ narüngü̃xẽxẽ nawa i ngẽma nachixü̃ane i nawa tá pengẽxmagüxü̃.

Wenaxarü naxümatü ga Tupanaarü mugü 30:20

¡Ẽcü nüxü̃ pengechaxü̃ ya Cori ya perü Tupana, rü naga pexĩnüe, rü aixcüma peyanguxẽxẽ i ngẽma pexü̃ namuxü̃! Erü naxme̱xwa nangẽxma i perü maxü̃ rü ngẽma perü ngunexü̃gü i nagu tá pemaxẽxü̃ nawa i ngẽma naane ga perü o̱xigü ga Abraáü̃ rü Ichaá rü Acóbumaxã naxueguxü̃ —ñanagürü ga Moiché.

Nüxíraxü̃xü̃ ga popera ga ãẽ̱xgacügüchiga 3:3

Rü nüma ga Charomóü̃ rü Cori ya Tupanaxü̃ nangechaü̃ rü nayanguxẽxẽ ga yema mugü ga nanatü ga Dabí nüxü̃ ixuxü̃. Natürü Cori ya Tupanaca̱x ãmare nadai rü pumarate̱xe ínagu nawa ga yema nachicagü ga ma̱xpǘnewa yexmagüxü̃.

Wiyaegü 119:2

Rü tataãẽgü ya yíxema naga ĩnüexe i norü mugü rü guxü̃ i tümaarü maxü̃maxã Tupanaca̱x daugüxe.

Wenaxarü naxümatü ga Tupanaarü mugü 13:4

¡Rü perü Cori ya Tupanawexica tátama nixĩ i perüxĩxü̃, rü yima perü Tupanaxü̃xicatata nixĩ i picua̱xüü̃güxü̃! ¡Rü nagu pemaxẽ i norü mugü rü naga pexĩnüe! ¡Rü nüxü̃́ pepuracüe rü guxü̃guma naxca̱xicatama pemaxẽ!

Wenaxarü naxümatü ga Tupanaarü mugü 30:10

Rü ngẽmaãcü tá pemaxã namecüma ega aixcüma perü maxü̃nemaxã rü peãẽmaxã naga pexĩnüegu ya Cori ya Tupana rü peyanguxẽẽgu i norü mugü i ñaa poperagu ümatüxü̃.

Yochué 22:5

Natürü ngẽma pexna naxca̱x chacaxü̃xicatama nixĩ nax aixcüma peyanguxẽẽxü̃ i ngẽma Tupanaarü mugü ga norü duü̃ ga Moiché pemaxã nüxü̃ ixuxü̃ ga ñaxü̃: “¡Nüxü̃ pengechaxü̃ ya perü Cori ya Tupana rü penaxü̱x i ngẽma nüma nanaxwa̱exü̃! ¡Rü naga pexĩnüe i guxü̃ma i norü mugü, rü guxü̃guma naxca̱x pemaxẽ guxü̃ma i perü maxü̃maxã rü perü poramaxã!” —ñanagürü.

Norü taxre ga to ga popera ga ãẽ̱xgacügüchiga ümatüxü̃ 15:12

Rü yemawena rü wüxigu nüxü̃ nixugüe nax guxü̃nema ya norü maxü̃negümaxã tá naga naxĩnüexü̃ ya Cori ya norü o̱xigüarü Tupana.

Norü taxre ga to ga popera ga ãẽ̱xgacügüchiga ümatüxü̃ 34:31

Rü yexguma yema poperaxü̃ nadaumatüguwena ga ãẽ̱xgacü rü Tupanapata ga taxü̃nearü caxtaxü̃tagu nayachi. Rü yéma Tupanape̱xewa nüxü̃ nixu nax aixcümaxü̃chi tá naga naxĩnüxü̃ rü nagu namaxü̃xü̃ i ngẽma Tupanaarü ucu̱xẽgü rü mugü i ngẽma poperagu ümatüxü̃. Rü nüxü̃ nixu rü tá nayanguxẽxẽ ga yema unetagü ga Tupanamaxã nüxü̃ yaxugüxü̃ ga Iraétanüxü̃.

Wiyaegü 31:24

Rü guxãma i pema nax Cori ya Tupanaxü̃ ípenanguxẽẽgüxü̃, ¡rü peporae rü petaãxẽgü!