Wenaxarü naxümatü ga Tupanaarü mugü 6:4 - Tupanaarü Ore

⁴ ¡Rü dücax, iperüxĩnüe, Pa Iraétanüxü̃x! Rü nüma ya Cori ya tórü Tupana rü nüxicatama nixĩ i Cori yixĩxü̃.

Wenaxarü naxümatü ga Tupanaarü mugü 6:4 Referans Kwoze

Ichaía 44:6

Rü choma ya Cori ya Tupana rü perü ãẽ̱xgacü chixĩ rü perü ngü̃xẽẽruxü̃ chixĩ, Pa Iraétanüxü̃x. Rü choma ya guxü̃étüwa ngẽxmaxe rü ñachagürü: “Choma rü woetama changexmaecha rü taguma icharüxo. Rü nataxuma i to ya Tupana.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:5

Erü Tupana rü wüxitama nixĩ rü nataxuma i to. Rü ngẽxgumarüxü̃ ta wüxitama nixĩ i Tupanape̱xewa taétüwa chogüxü̃. Rü nüma nixĩ ya Ngechuchu ya Cristu ya Tupana Nane ga duü̃xü̃xü̃ ixĩcü.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Ore i mexü̃ ga Cuáü̃ ümatüxü̃ 10:30

Chaunatü rü choma rü wüxitama tixĩgü —ñanagürü.

Ichaía 44:8

Natürü, ¡Taxṹ i perümaãchitanüxü̃, rü taxṹ i pemuü̃exü̃! Choma rü ü̃pacürüwa marü pemaxã nüxü̃ chixu i ngẽma tá ngupetüxü̃, rü pema rü meama nüxü̃ pecua̱x i ngẽma. Rü chaxicatama nixĩ ya Tupana chixĩxü̃, rü nataxuma i to i pexü̃ ípoxü̃xü̃. Rü tama toxü̃ chacua̱x”, ñanagürü.

Ichaía 42:8

Rü choma nixĩ ya Tupana i Guxãétüwa Changexmaxü̃, rü ngẽma nixĩ i chauéga. Rü tama chanaxwa̱xe nax ngẽma tupananetagüxü̃mare yacua̱xüü̃güxü̃ i duü̃xü̃gü, erü chaxicatama nixĩ i namexü̃ nax choxü̃ yacua̱xüü̃güxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:10

Rü yexguma ga nüma ga Dabí rü Cori ya Tupanaxü̃ nicua̱xüxü̃ nape̱xewa ga guxü̃ma ga yema duü̃xü̃gü ga yexma ngutaque̱xexü̃ rü ñanagürü: —Pa Cori ya Torü O̱xi ga Iraéarü Tupanax, rü guxü̃gutáma cuxü̃ ticua̱xüü̃gü.

Nüxíraxü̃xü̃ ga popera ga ãẽ̱xgacügüchiga 18:21

Rü yexguma ga nüma ga Ería rü guxü̃ma ga duü̃xü̃gümaxã nidexa rü ñanagürü: —¿Ñuxguratáta i pemax i nüxü̃ perüxoexü̃ nax taxre i ĩnügu perüxĩnüexü̃? Rü ngẽxguma Cori ya Tupana rü aixcüma Tupana yixĩxgu ¡rü nawe perüxĩ! Rü ega Baá yixĩxgu ¡rü ngẽmawe perüxĩ! —ñanagürü. Rü nüma ga duü̃xü̃gü rü taxuxü̃maama nanangãxü̃gagü.

Wenaxarü naxümatü ga Tupanaarü mugü 5:6

“Choma nixĩ i curü Tupana ga Equítuanewa cuxü̃ íchanguxuchixẽxẽxü̃ naxme̱xwa ga Equítuane ga norü mugüruxü̃ íquixĩxü̃wa.

Norü taxre ga popera ga ãẽ̱xgacügüchiga 19:5

Rü yema ãẽ̱xgacügü ga Echequíaarü ngü̃xẽẽruü̃gü rü Ichaíaxü̃tawa naxĩ. Rü nüma ga Ichaía rü nanangãxü̃ga rü ñanagürü: —¡Ãẽ̱xgacü ya Echequíamaxã nüxü̃ pixu rü Tupana rü ñanagürü: “¡Taxṹ i cumuü̃xü̃ naxca̱x i ngẽma ore i chixexü̃ i chauchiga nüxü̃ yaxugüexü̃ i ngẽma norü duü̃xü̃gü ya yimá Achíriaanearü ãẽ̱xgacü!

Ore i mexü̃ ga Matéu ümatüxü̃ 22:37

Rü Ngechuchu nanangãxü̃ rü ñanagürü: —Ngẽma Tupanaarü mu i guxü̃ i norü mugüarü yexera ixĩxü̃, rü ñanagürü: “¡Nüxü̃ nangechaü̃ ya Cori ya curü Tupana i guxü̃ne ya curü maxü̃nemaxã, rü guxü̃ i cuãẽmaxã, rü guxü̃ i nagu curüxĩnüxü̃maxã!” ñanagürü.

Ore i mexü̃ ga Luca ümatüxü̃ 10:27

Rü yema ngúexẽẽruxü̃ ga Moichéarü mugüwa ngu̱xẽẽtaexü̃, rü Ngechuchuxü̃ nangãxü̃, rü ñanagürü: —¡Nüxü̃ nangechaü̃ ya Cori ya curü Tupana i guxü̃ma i curü maxü̃maxã, rü guxü̃ i cuãẽmaxã, rü guxü̃ i curü poramaxã, rü guxü̃ i nagu curüxĩnüxü̃maxã! ¡Rü nüxü̃ nangechaü̃ i cumücü ngẽma nax cugütama cungechaü̃xü̃rüxü̃! —ñanagürü.

Romanos 3:30

Nüxü̃ tacua̱x nax wüxitama yixĩxü̃ ya Tupana. Rü nüma nixĩ i nügüpe̱xewa yamexẽẽgüãxü̃ i guxü̃ma i duü̃xü̃gü i Cristuaxü̃́ yaxõgüxü̃ woo Yudíugü rü woo i tama Yudíugü ixĩgüxü̃.

Efesios 4:6

Rü wüxitama nixĩ ya Tupana ya guxãnatü ixĩcü. Rü nüma rü guxãétüwa nangẽxma, rü guxãxü̃ narüngü̃xẽxẽ rü guxãwa namaxü̃.

Popera ga Chantiágu ümatüxü̃ 2:19

Cuma cuyaxõ nax nangẽxmaxü̃ ya wüxitama ya Tupana. Marü name. Natürü ngẽma ngo̱xogü rü ta ngẽmaãcü nayaxõgü, rü poraãcü muü̃maxã nidu̱xruxe.

Wenaxarü naxümatü ga Tupanaarü mugü 4:39

Rü ngẽmaca̱x mea pegüãẽgu namaxã penguxü̃ nax daxũguxü̃ i naanewa rü ñoma i naanewa rü nüma i Cori rü Tupana yixĩxü̃, rü nataxuxü̃ma i to i naxrüxü̃ ixĩxü̃.

Norü taxre ga to ga popera ga ãẽ̱xgacügüchiga ümatüxü̃ 17:9

Rü yemagü nixĩ ga ãẽ̱xgacü ga Yochapáx yéma mugüxü̃ namaxã ga Tupanaarü mugüpane nax duü̃xü̃gü ga Yudáanecüã̱xgüxü̃ nangúexẽẽgüxü̃ca̱x. Rü nüma ga yema ngu̱xẽẽtaeruü̃gü rü yemaacü nanaxügü. Rü nagu nixĩãgütanü ga guxü̃nema ga Yudáanearü ĩanegü, rü nayangúexẽẽtanü ga yema duü̃xü̃gü.

Neemía 9:6

Rü ñu̱xũchi ga nüma ga Édra rü nayumüxẽ rü ñanagürü: —Pa Tupanax, cuma nixĩ i Cori quixĩxü̃ rü nataxuma i to. Rü cuma nixĩ ga cunaxüxü̃ ga daxũguxü̃ i naane, rü ngẽma daxũguxü̃ i naaneétüwa ngẽxmaxü̃ rü guxü̃ma i ẽxtagü. Rü cuma nixĩ ga cunaxüxü̃ ga ñoma i naane, rü taxtügü, rü guxü̃ma i ta̱xacü i nawa ngẽxmaxü̃. Rü cuma nixĩ i maxü̃ nüxna cuxãxü̃ i guxü̃ma i ngẽma maxẽxü̃. Rü ngẽmaca̱x nixĩ i cuxü̃ yacua̱xüü̃güxü̃ ya ẽxtagü ya dauxü̃wa ngẽxmagüxü̃.

Wiyaegü 78:5

Rü nüma ga Tupana rü tórü o̱xi ga Acóbutanüxü̃na nanaxã ga norü mugü rü namaxã nüxü̃ nixu nax ñuxãcü tá namaxẽxü̃ ga Iraétanüxü̃. Rü tórü o̱xigüxü̃ namu nax naxacügüxü̃ nangúexẽẽxü̃ca̱x nax ngẽma naweama ügüxü̃ i nataagü rü ta nüxü̃ nacua̱xgüxü̃ca̱x rü nümagü rü ta naxacügüxü̃ nangúexẽẽxü̃ca̱x.

Wiyaegü 86:10

Erü cuxicatama nixĩ nax Tupana quixĩxü̃. Rü cuma nixĩ i nüxü̃ cucua̱xüchixü̃ rü cunaxüxü̃ i ngẽma taxü̃ i mexü̃gü i curü poramaxã cuxüxü̃.

Chacaría 14:9

Rü ngẽma ngunexü̃gu rü nüma ya Cori ya Tupana rü ãẽ̱xgacü tá nixĩ nawa i ñoma i naane. Rü nüxica tátama nixĩ ya Tupana yixĩxü̃ rü nataxutama i to i naéga i duü̃xü̃gü nüxü̃ icua̱xüü̃güxü̃.