Wenaxarü naxümatü ga Tupanaarü mugü 6:2 - Tupanaarü Ore

² Rü ngẽxguma guxü̃ i perü maxü̃gu pema rü penegü rü petaagü nagu pexĩxgu i ngẽma mugü rü ucu̱xẽgü i ñu̱xma pemaxã nüxü̃ chixuxü̃ rü ngẽmaãcü tá penataãẽxẽxẽ ya perü Cori ya Tupana rü tá mucü ya taunecü pemaxẽ.

Wenaxarü naxümatü ga Tupanaarü mugü 6:2 Referans Kwoze

Wenaxarü naxümatü ga Tupanaarü mugü 4:40

¡Rü peyanguxẽxẽ i ngẽma norü mugü i ñaa ngunexü̃gu pemaxã nüxü̃ chixuxü̃! Rü ngẽmaãcü tá mea pexü̃ rü petanüxü̃xü̃ nangupetü rü ñu̱xũchi mucü ya taunecü tá nawa pemaxẽ i ngẽma naane i Cori ya perü Tupana tá pexna ãxü̃ nax guxü̃gutáma pexrü yixĩxü̃ca̱x —ñanagürü ga Moiché.

Ngu̱xẽẽtaeruü̃arü ore 12:13

Rü ngẽxma nayacua̱x i chorü dexa. Rü marü guxü̃xü̃ma chixu. ¡Rü Tupanaxü̃ nangechaxü̃ rü naga naxĩnü i norü mugü! Erü ngẽma nixĩ i guxü̃ma i ngẽma Tupana tüxü̃́ naxwa̱xexü̃.

Wenaxarü naxümatü ga Tupanaarü mugü 13:4

¡Rü perü Cori ya Tupanawexica tátama nixĩ i perüxĩxü̃, rü yima perü Tupanaxü̃xicatata nixĩ i picua̱xüü̃güxü̃! ¡Rü nagu pemaxẽ i norü mugü rü naga pexĩnüe! ¡Rü nüxü̃́ pepuracüe rü guxü̃guma naxca̱xicatama pemaxẽ!

Ínachoxü̃xü̃chiga 20:20

Rü nüma ga Moiché rü nanangãxü̃ rü ñanagürü nüxü̃: —¡Taxṹ i peba̱i̱xãchiexü̃! Erü nüma ya Tupana rü núma naxũ nax pexü̃ nawéaxü̃ca̱x i norü pora nax nüxü̃ pemuü̃exü̃ca̱x rü guxü̃guma naga pexĩnüexü̃ca̱x rü tama chixexü̃ pexügüxü̃ca̱x —ñanagürü.

Wiyaegü 128:1

Rü cutaãxẽ i cumax erü nüxü̃ quicua̱xüxü̃ ya Cori ya Tupana rü naga cuxĩnü

Wenaxarü naxümatü ga Tupanaarü mugü 5:16

Rü tüxü̃ nangechaxü̃ ya cunatü rü cué, ngẽma choma i curü Cori ya Tupana cuxü̃ chamuxü̃ãcüma nax ngẽmaãcü namáxü̃ca̱x i curü maxü̃ nawa i ñoma i naane i choma i Cori ya Tupana cuxna chaxãxü̃.

Ucu̱xẽgüchiga 3:16

Ngẽma cua̱x rü norü tügüneme̱xẽmaxã tüxna nanaxuaxü̃ i maxü̃ i máxü̃, rü norü to̱xowemaxã tüxna nanaxuaxü̃ i ngẽmaxü̃gü rü cua̱xüxü̃gü.

Yox 28:28

Rü Tupana rü duü̃xü̃güxü̃ ñanagürü: “Rü yíxema chauga ĩnüxe rü cua̱x tüxü̃́ nangẽxma. Rü yíxema nüxü̃ rüxoxe i chixexü̃gü rü aixcüma tümaãẽxü̃ tacua̱x”, ñanagürü ga Tupana —ñanagürü ga Yox.

Nüxíraxü̃xü̃ ga popera ga Pedru ümatüxü̃ 1:17

Rü pema nax “Pa Tonatüx”, ñapegüxü̃ nüxü̃ ya Tupana, rü ñu̱xma nax ñoma i naanewa pemaxẽxü̃ rü name nixĩ i guxü̃guma naga pexĩnüe rü nüxü̃ pemuü̃exü̃. Erü nüma rü aixcümaxü̃chi nanangugü i wüxichigü i duü̃xü̃güarü maxü̃ rü tüxü̃ napoxcu ya guxãma ya yíxema chixexü̃ ügüxe, rü taxúexü̃ma naxüpetü.

Wiyaegü 111:10

Rü yíxema aixcüma cua̱x tüxü̃́ ngẽxmaxe rü Cori ya Tupanaxü̃ ticua̱xüü̃gü. Rü yíxema Cori ya Tupanaxü̃ icua̱xüü̃güxe rü aixcüma tümaãẽxü̃ ticua̱x. Rü name nixĩ i guxü̃guma nüxü̃ ticua̱xüü̃gü.

Wenaxarü naxümatü ga Tupanaarü mugü 10:20

¡Rü nüxü̃ pengechaxü̃ ya yima perü Cori ya Tupana! ¡Rü nüxü̃xicatama picua̱xüü̃gü rü naga pexĩnüe! ¡Rü ngẽxguma wüxi i uneta pexü̱xgu rü penaxwa̱xe i naégagu penaxü̱x!

Ore i mexü̃ ga Luca ümatüxü̃ 12:5

Natürü pemaxã tá nüxü̃ chixu nax texéxü̃ penaxwa̱xexü̃ nax pemuü̃exü̃. Rü name i nüxü̃ pemuü̃e ya Tupana, erü nüma nüxü̃́ nangẽxma i pora nax yamáaxü̃ i pexene, rü nawena nax pepoxcueãxü̃ nagu ya yimá üxü ya taguma ixoxü̃ne. ¡Rü yimá Tupanaxü̃ tá nixĩ i pemuü̃exü̃!

Ucu̱xẽgüchiga 16:6

Ngẽxguma texé aixcüma tümamücüxü̃ ngechaü̃gu, rü nüxü̃ tarüngüma i ngẽma guxchaxü̃ i tümamücü tümaca̱x ínguxẽẽxü̃. Rü ngẽxguma wüxíe aixcüma Cori ya Tupanaga ixĩnügu, rü nüxna tixũgachi i chixexü̃gü.

Wenaxarü naxümatü ga Tupanaarü mugü 22:7

Rü ngẽxguma tanadexgu i ngẽma naxacügü rü name nax tayañaxẽẽxü̃ i ngẽma naé. Rü ngẽxguma ngẽmaãcü penaxü̱xgu rü tá mucü ya taunecütama taãxẽwa pemaxẽ.

Wenaxarü naxümatü ga Tupanaarü mugü 6:7

¡Rü guxü̃gutáma ngẽma mugümaxã penangúexẽxẽ i pexacügü! ¡Rü nachigagu namaxã pidexagü i pepatagüwa rü ngextá ípexĩxü̃wa, rü ngẽxguma pepeechaü̃gu rü ngẽxguma íperüdagügu!

Wenaxarü naxümatü ga Tupanaarü mugü 4:10

Rü yema ngunexü̃ ga Cori ya perü Tupanape̱xewa peyexmagügu ga ma̱xpǘne ga Oréxwa, rü nüma ga Cori ya Tupana rü chomaxã nidexa rü ñanagürü: “¡Wüxigu nangutaque̱xexẽxẽ i duü̃xü̃gü nax ngẽmaãcü nüxü̃ naxĩnüexü̃ca̱x i chorü ore, rü ñu̱xũchi guxü̃ma i ngunexü̃gü i nagu namaxẽxü̃gu chauga naxĩnüexü̃ca̱x! Rü name nixĩ i nümagü rü naxacügüxü̃ namaxã nangúexẽẽxü̃ i chorü ore nax ngẽmaãcü i ngẽma naxacügü rü ta chauga naxĩnüexü̃ca̱x”, ñanagürü.

Naanearü ügüchiga 22:12

Rü yexguma ga yema daxũcüã̱x i orearü ngeruxü̃ rü ñanagürü nüxü̃: —¡Taxṹ i cuyamáxü̃ ya yimá bucü! Erü marü nüxü̃ chacua̱x nax aixcüma Tupanaga cuxĩnüxü̃ rü tama choxna cunachu̱xu ya yimá cune ya nügümaxã wüxicacü —ñanagürü.

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

Wenaxarü naxümatü ga Tupanaarü mugü 5:33

¡Rü nagu pexĩ i ngẽma ore i Cori ya perü Tupana pexü̃ muxü̃ nax ngẽmaãcü mea pexü̃ nangupetüxü̃ca̱x rü mucüma ya taunecü nawa pemaxẽxü̃ca̱x i ngẽma naane i tá pexna naxãxü̃ nax pexrüxü̃ yixĩxü̃ca̱x! —ñanagürü ga Moiché.

Ínachoxü̃xü̃chiga 20:12

¡Rü tüxü̃ nangechaü̃ ya cunatü rü cué nax ngẽmaãcü namáxü̃ca̱x i curü maxü̃ i ñaa naane i choma i Cori ya Tupana cuxna chaxãxü̃wa!

Wenaxarü naxümatü ga Tupanaarü mugü 4:9

¡Rü ngẽmaca̱x pexuãẽgü nax tama nüxü̃ iperüngümaexü̃ca̱x i ngẽma nüxü̃ pedaugüxü̃, rü woo peãẽwa tagutáma nüxü̃ iperüngümae i ngẽma Tupana pexca̱x üxü̃! Rü name nixĩ i pexacügüxü̃ rü petaagüxü̃ namaxã pengúexẽẽxü̃.

Wenaxarü naxümatü ga Tupanaarü mugü 6:1

Rü ñanagürü ga Moiché: —Yema nixĩ ga mugü rü ucu̱xẽgü ga Cori ya Tupana choxü̃ muxü̃ nax pexü̃ changúexẽẽxü̃ca̱x nax nagu pexĩxü̃ca̱x nawa i ngẽma naane i tá pexna naxãxü̃.

Wenaxarü naxümatü ga Tupanaarü mugü 11:9

Rü ngẽxguma peyanguxẽẽgu i guxü̃ma i ngẽma mugü rü mucüma ya taunecü tá nawa pemaxẽ i ngẽma naane ga Cori ya Tupana nũxcümaü̃güxü̃ ga perü o̱xigümaxã rü nataagümaxã ueguxü̃ nax nüxna naxãgüãxü̃ca̱x. Rü ngẽma naanewa rü yimá lechi rü berure rü ñoma dexárüxü̃ niya̱xmare rü taguma nataxu.

Wiyaegü 91:16

Rü tá chanamaxẽxẽ i tümaarü maxü̃ i ñoma i naanewa. Rü tá tüxna chanaxã i maxü̃ i taguma gúxü̃ —ñanagürü ya Cori ya Tupana.

Echequié 20:19

Rü ñachagürü nüxü̃: —Choma nixĩ i perü Tupana chixĩxü̃ rü ngẽmaca̱x chanaxwa̱xe nax naga pexĩnüexü̃ rü peyanguxẽẽgüxü̃ i chorü mugü.

Wenaxarü naxümatü ga Tupanaarü mugü 6:24

Rü yemawena ga nüma ga Cori ya Tupana rü toxü̃ namu nax mea tayanguxẽẽxü̃ca̱x i guxü̃ma i ñaa norü mugü rü naga taxĩnüexü̃ca̱x nax mea toxü̃ naxüpetüxü̃ca̱x rü nüma toxü̃ namaxẽxẽẽxü̃ca̱x ñu̱xmata ñoma i ngunexü̃wa nangu.

Wenaxarü naxümatü ga Tupanaarü mugü 30:19

Rü ñoma i ngunexü̃gu rü Tupanape̱xewa rü duü̃xü̃güpe̱xewa pexna chaca nax pematama nüxü̃ pixuxü̃ca̱x i ngexü̃rüüxü̃ tá yixĩxü̃ i penaxwa̱xexü̃, rü ngẽma maxü̃ rüe̱xna ngẽma yu. ¿Rü tá penaxwa̱xe i Tupanaarü ngü̃xẽxẽ rüe̱xna norü poxcu? ¡Ẽcü penayaxu i maxü̃ nax pema rü petaagü rü ta namaxẽxü̃ca̱x!

Wenaxarü naxümatü ga Tupanaarü mugü 30:20

¡Ẽcü nüxü̃ pengechaxü̃ ya Cori ya perü Tupana, rü naga pexĩnüe, rü aixcüma peyanguxẽxẽ i ngẽma pexü̃ namuxü̃! Erü naxme̱xwa nangẽxma i perü maxü̃ rü ngẽma perü ngunexü̃gü i nagu tá pemaxẽxü̃ nawa i ngẽma naane ga perü o̱xigü ga Abraáü̃ rü Ichaá rü Acóbumaxã naxueguxü̃ —ñanagürü ga Moiché.

Yochué 4:24

Rü yemaacü nangupetü nax guxü̃ma i ñaa naanewa ngẽxmagüxü̃ i nachixü̃anegü nüxü̃ cuáxü̃ca̱x nax ñuxãcü naporaxüchixü̃ ya Cori ya Tupana, rü pema rü guxü̃gutáma nüxü̃ pengechaxü̃güxü̃ca̱x rü naga pexĩnüexü̃ca̱x —ñanagürü.

Nüxíraxü̃xü̃ ga popera ga ãẽ̱xgacügüchiga 8:40

Rü ngẽmaãcü i curü duü̃xü̃gü rü ngẽxguma namaxẽyane nawa i ñaa naane i torü o̱xigüna cuxãxü̃ rü tá cuxü̃ namuü̃e rü tá cuga naxĩnüe.

Ucu̱xẽgüchiga 9:11

Nagagu i ngẽma cua̱x rü tá nama̱x i curü maxü̃, rü tá nimuetanü ya curü taunecü.

Yeremía 32:39

Rü tá mea nagu chanaxĩnüexẽxẽ, rü mexü̃ i nacüma tá nüxna chaxã nax guxü̃guma choxü̃xicatama yacua̱xüü̃güxü̃ca̱x nax ngẽmaãcü mexü̃wa nangẽxmagüxü̃ca̱x i nümagü rü nanegü rü naxacügü rü nataagü.