Wenaxarü naxümatü ga Tupanaarü mugü 6:12 - Tupanaarü Ore

¹² Rü ngẽxguma ngẽma mexü̃wa pengẽxmagügu ¡rü pexuãẽgü nax tama nüxü̃ iperüngümaexü̃ ya Cori ya Tupana ga nawa pexü̃ ínguxü̃xẽẽcü ga Equítuane ga norü mugüruü̃gü ípixĩgüxü̃wa!

Wenaxarü naxümatü ga Tupanaarü mugü 6:12 Referans Kwoze

Ínachoxü̃xü̃chiga 6:6

¡Rü ngẽmaca̱x i ñu̱xma rü namaxã nüxü̃ yarüxu i Iraétanüxü̃, rü choma ya Cori ya Tupana rü tá Equítuanecüã̱xme̱xẽwa íchananguxü̃xẽxẽ! Rü ngẽma yáxü̃ i puracügü i Equítuanecüã̱x naétüwa ngẽxmaxẽẽxü̃wa tá íchananguxü̃xẽxẽ. Rü tá ichanawe̱x i chorü pora, rü taxü̃ i ãũcümaxü̃gümaxã tá íchananguxü̃xẽxẽ.

Iraétanüxü̃arü muxchiga 15:39

Rü ngẽxguma nüxü̃ pedaugügu i ngẽma perü nga̱xãẽpechinüchiru rü ngẽmawa tá nüxna pecua̱xãchie i chorü mugü i pexna chaxãxü̃. Rü ngẽmaãcü i pema rü tá nagu pemaxẽ i chorü mugü. Rü taxũtáma perü ĩnügumare pemaxẽ rü taxũtáma perü ngúchaü̃gumare pemaxẽ, yerü yemagagu nixĩ ga choxna pixĩgachitanüxü̃.

Wenaxarü naxümatü ga Tupanaarü mugü 4:9

¡Rü ngẽmaca̱x pexuãẽgü nax tama nüxü̃ iperüngümaexü̃ca̱x i ngẽma nüxü̃ pedaugüxü̃, rü woo peãẽwa tagutáma nüxü̃ iperüngümae i ngẽma Tupana pexca̱x üxü̃! Rü name nixĩ i pexacügüxü̃ rü petaagüxü̃ namaxã pengúexẽẽxü̃.

Norü taxre ga popera ga ãẽ̱xgacügüchiga 17:38

Rü tama chanaxwa̱xe nax nüxü̃ perüngümaexü̃ ga yema uneta ga pemaxã chaxüxü̃, rü tama name i ta̱xacürü tupananetagüca̱x pengutaque̱xegü nax nüxü̃ picua̱xüü̃güxü̃ca̱x.

Wiyaegü 59:11

¡Natürü taxṹ i cunada̱i̱xü̃! ¡Rü curü poramaxã namaxã nawoone rü naxãneexẽxẽ nax ngẽmaãcü i chautanüxü̃ tama paxa nüxü̃ iyanangümaexü̃ca̱x i ngẽma cuxüxü̃! Erü cumax, Pa Corix, rü torü poxü̃ruxü̃ quixĩ.

Wiyaegü 78:7

Yerü nüma ga Tupana nanaxwa̱xe nax yema tórü o̱xigüweama ügüxü̃ ga duü̃xü̃gü rü ta nagu nax yaxõgüãxü̃ca̱x nax tama nüxü̃ iyanangümaexü̃ca̱x ga yema taxü̃ ga mexü̃ ga nũxcüma naxüxü̃ rü ngẽmaãcü naga naxĩnüexü̃ca̱x i ngẽma norü mugü.

Wiyaegü 103:2

Rü guxü̃ma i chorü ĩnümaxã tá nüxü̃ chicua̱xüxü̃ ya Cori ya Tupana rü taxũtáma nüxü̃ icharüngüma i norü ngü̃xẽẽgü i cha̱u̱xca̱x naxüxü̃ rü bai i wüxi.

Ichaía 51:13

¿Ẽ̱xna marü choxü̃ curüngümae nax choma yixĩxü̃ ga cuxü̃ chango̱xẽxẽxü̃ rü chayangeechixü̃ ga daxũguxü̃ ga naane rü chanaxüxü̃ ga ñoma ga naane? ¡Rü taxṹ i nüxü̃ cumuü̃exü̃ i ngẽma uanügü i norü numaxã cuxü̃ daixchaü̃xü̃! ¿Natürü ngexü̃ nixĩ i guxü̃ma i ngẽma norü nu?

Ínachoxü̃xü̃chiga 13:3

Rü nüma ga Moiché rü Iraétanüxü̃xü̃ ñanagürü: —¡Nüxna tá pecua̱xãchie i ñaa ngunexü̃ i nagu Cori ya Tupana taxü̃ i norü poramaxã pexü̃ ímuxü̃xü̃ ga Equítuanewa i ngexta chixri pemaxã inacua̱xgüxü̃wa rü norü puracütanüxü̃xü̃ pexü̃ yaxĩgüxẽẽxü̃wa! Rü ngẽmaca̱x i ngẽxguma penaxüchigagügu i ñaa ngunexü̃ rü taxũtáma paũ i pu̱xẽẽruü̃ã́xü̃ pengõ̱xgü.

Ínachoxü̃xü̃chiga 13:14

Rü ngẽxguma tá penegü pexna cagügu rü ñaxgu: “¿Ta̱xacüchiga nixĩ i ñaa pexüxü̃?” ñaxgu, rü pema rü ñaãcü tá penegüxü̃ pengãxü̃: “Yexguma Equítuanewa tayexmagügu, rü nüma ga Cori ya Tupana rü norü poramaxã toxü̃ ínanguxü̃xẽxẽ. Yerü ga Equítuanecüã̱xgü rü ngúxü̃ toxü̃ ningexẽẽgü rü poraãcü puracü toétü nanugü.

Wenaxarü naxümatü ga Tupanaarü mugü 4:23

¡Natürü pexuãxẽgü nax tama nüxü̃ iperüngümaexü̃ca̱x ga yema uneta ga Cori ya perü Tupana pemaxã nüxü̃ ixuxü̃! ¡Rü taxũtáma pegüca̱x penaxü i ta̱xacürü naxchicüna̱xãgü nax namaxã petupanaã́xü̃ca̱x! Erü nüma ya Cori ya perü Tupana rü nanachu̱xu i ngẽma.

Wenaxarü naxümatü ga Tupanaarü mugü 8:10

Natürü ngẽxguma pechibüeguwena rü pengãxpütüwegügu, rü name nax nüxü̃ picua̱xüü̃xü̃ ya Cori ya Tupana naxca̱x i ngẽma mexü̃ i naane i pexna naxãxü̃.

Wenaxarü naxümatü ga Tupanaarü mugü 32:18

Rü pema, Pa Iraétanüxü̃x, rü nüxü̃ perüngümae ya penatü ya Cori ya Tupana ya perü poxü̃ruxü̃ ixĩcü rü maxü̃ pexna ãcü.

Ãẽ̱xgacügü ga guxchaxü̃güarü mexẽxẽruü̃gü 2:12

Rü yema Iraétanüxü̃ rü nüxna nixĩgachi ga norü o̱xigüarü Tupana ga Equítuanewa tüxü̃ ínguxü̃xẽẽcü. Rü yema togü ga duü̃xü̃gü ga norü ngaicamagu pegüxü̃arü tupanagüxü̃ nicua̱xüü̃gü. Rü yemaacü Cori ya Tupanaxü̃ nanuxẽẽgü.

Norü taxre ga popera ga ãẽ̱xgacügüchiga 17:36

¡Rü cha̱u̱xca̱x ngutaque̱xe pexü̱x! Erü choma nixĩ i perü Cori ya Tupana ga Equítuanewa pexü̃ íchanguxü̃xẽẽxü̃ chorü poramaxã. Rü ngẽmaca̱x name i cha̱u̱xca̱xicatama pengutaque̱xegü, rü choxü̃ picua̱xüü̃gü rü ãmare choxna pexãgü rü pexü̃nagü cha̱u̱xca̱x pedai.

Yox 8:13

Rü ngẽmatama nixĩ i nüxü̃ ngupetüxü̃ i guxü̃ma i duü̃xü̃gü i chixexü̃arü üruü̃gü i Tupanaxü̃ rüngü̃maexü̃. Rü guxü̃ma i nagu naxĩnüexü̃ rü ngẽxma narüxomare.

Wiyaegü 44:17

Rü ngẽma ñu̱xma toxü̃ ngupetüxü̃ rü tama ngẽma cuxü̃ nax itarüngümaexü̃gagu nixĩ rü tama nax ta̱xacürü chixexü̃ cupe̱xewa taxüxü̃gagu nixĩ.

Ucu̱xẽgüchiga 30:9

Erü ngẽxguma chi chamuarü diẽruã̱xgu rü íyaxüxgu, rü ngürüãchi ngẽmagagu cuxü̃ icharüngüma. Rü ngẽxguma chi changearü diẽruã̱xgu, rü chi changĩ̱x, rü ngẽmagagu chi chixri cuchiga nidexagü i duü̃xü̃gü.

Ichaía 17:10

Erü pemax, Pa Iraétanüxü̃x, rü nüxü̃ perüngümae ya Tupana ya pexü̃ ípoxü̃cü. Rü tama nüxna pecua̱xãchie nax nüma yixĩxü̃ i pexna nadauxü̃ nax taxúema pexü̃ chixewexü̃ca̱x. Natürü i ñu̱xma rü ípenato i mexẽchixü̃ i perü nanetügü rü úbagü nax ngẽmamaxã nüxü̃ picua̱xüü̃güxü̃ca̱x i tupananetagü.

Yeremía 34:13

—Choma ya Cori ya Iraétanüxü̃arü Tupana rü perü o̱xigümaxã ichaxuneta ga yexguma Equítuanewa íchanagaxü̃gu ga ngexta mugüruxü̃ íyaxĩgüxü̃wa. Rü ñachagürü nüxü̃:

Ochéa 2:13

Rü tá chanapoxcue i ngẽma duü̃xü̃gü naxca̱x ga yema ngunexü̃gü ga nagu norü tupananeta ga Baáchicüna̱xãgüca̱x pumarate̱xe yagugüxü̃. Rü yexguma rü ãneramaxã rü nachagümaxã nügü ninga̱xãẽgü nax nüxü̃ yacua̱xüü̃güxü̃ca̱x ga yema norü tupananeta ga Baáchicüna̱xãgü. Rü yemaca̱x choxü̃ inarüngümae. Rü chomax ya Cori ya Tupana nixĩ i nüxü̃ chixuxü̃ i ngẽma —ñanagürü.

Colosenses 2:8

¡Rü naxca̱x pexuãẽgü i ngẽma duü̃xü̃gü i pexü̃ womüxẽẽgüchaü̃xü̃ namaxã i norü ore i tama aixcüma ixĩxü̃ rü taxuwama mexü̃! Rü nümagü rü tama Cristuchigaxü̃ nixugü, natürü pexü̃ nangúexẽẽchaü̃ i ngẽma nũxcümaü̃güxü̃ i nacümagü ga duü̃xü̃gü nagu ĩxü̃ rü ngẽma ngu̱xẽẽtaegü i ñoma i naanearü ixĩxü̃. Natürü nüma ya Cristu rü Tupanaxü̃chi nixĩ rü guxü̃ma i Tupanaarü pora rü Cristuwa nangẽxma.