Wenaxarü naxümatü ga Tupanaarü mugü 5:12 - Tupanaarü Ore

¹² ¡Rü nüxna nacua̱xãchi i ngẽma ngü̃xchigaarü ngunexü̃ nax cha̱u̱xca̱xicatama ícunaxüxüchixü̃ca̱x yema curü Cori ya Tupana cuxü̃ muxü̃ãcüma!

Wenaxarü naxümatü ga Tupanaarü mugü 5:12 Referans Kwoze

Ichaía 58:13

Rü tama name i pepuracüe rü petaxegü i ngü̃xchigaarü ngunexü̃gu. Rü ngẽma chanaxwa̱xexü̃ nixĩ nax pexca̱x rü wüxi i ngunexü̃ i üünexü̃ nax yixĩxü̃ rü wüxi i ngunexü̃ i nagu petaãẽxü̃ nax yixĩxü̃. Rü ngẽma ngunexü̃ rü cha̱u̱xca̱xica tá ípenaxüxüchi. Rü ngẽxguma ngẽmaãcü penaxü̱xgu, rü tama ngẽma ngunexü̃gu pepuracüegu rü tama petaxegügu rü tama dexagü i taxuwama mexü̃maxã pidexagügu, rü ngẽxguma i choma i perü Tupana rü tá pexü̃ chataãẽxẽxẽ. Rü tá pexna chanaxã i ñaa naane ga perü o̱xi ga Acóbumaxã nüxü̃ chixuxü̃ rü tá pexü̃ charüngü̃xẽẽxü̃ nax ñaa nachixü̃anemaxã ipecu̱axgüxü̃ —ñanagürü ga Tupana. Rü Cori ya Tupanatama nixĩ i ngẽma ñaxü̃.

Ichaía 56:6

Rü ngẽma duü̃xü̃gü i to i nachixü̃anecüã̱xgü i choxü̃ icua̱xüü̃güxü̃ rü tama puracüeamaxü̃ ega ngü̃xchigaarü ngunexü̃wa nanguxgu rü aixcüma yanguxẽẽgüxü̃ i chorü uneta rü choma rü tá chorü ma̱xpǘne ya üünene ya Chióü̃wa chanagagü. Rü chorü yumüxẽpataxü̃wa tá chanataãẽxẽxẽ. Rü choma rü tá chanayaxu i norü ãmaregü i chorü ãmarearü guruü̃wa cha̱u̱xca̱x ínagugüxü̃, erü yima chopata rü Guxü̃ma i Duü̃xü̃güarü Yumüxẽpataxü̃ tá nixĩ i naéga.

Ore i mexü̃ ga Márcu ümatüxü̃ 2:27

Rü ñanagürü ta ga Ngechuchu: —Ngẽma ngü̃xchigaarü ngunexü̃ rü duü̃xü̃güca̱x nixĩ ga naxüxü̃. Rü tama ngü̃xchigaarü ngunexü̃ca̱x nixĩ ga naxüxü̃ ga duü̃xü̃gü.

Ínachoxü̃xü̃chiga 16:23

Rü nüma ga Moiché rü namaxã nüxü̃ nixu rü ñanagürü: —Ngẽma nixĩ i Cori ya Tupana tamaxã nüxü̃ ixuxü̃. Erü moxü̃arü ngunexü̃ rü ngü̃chigaarü ngunexü̃ nixĩ rü ngẽmaca̱x tá Cori ya Tupanaca̱x itarüngügü. Rü ngẽmaca̱x name nixĩ i ñu̱xma penaxü i ngẽma pewemü i pexüxchaü̃xü̃ rü penamuxra i ngẽma perü õna i pemuxrachaü̃xü̃, rü namaxã penguxü̃gü i guxü̃ma i ngẽma pexü̃́ íyaxüxü̃ perü moxü̃ãcüruxü̃ —ñanagürü.

Ínachoxü̃xü̃chiga 31:13

—¡Namaxã idexa i ngẽma Iraétanüxü̃ rü ñacurügü tá nüxü̃!: “Rü name nixĩ i perüngü̃gü nagu i ngẽma ngunexü̃ i choxrü ixĩxü̃. Erü ngẽma nixĩ i cua̱xruxü̃ i guxü̃gutáma yigümaxã ixüxü̃ nax ngẽmaãcü guxãma i pema nüxü̃ pecuáxü̃ca̱x nax choma yixĩxü̃ i pexü̃ chadexü̃.

Ínachoxü̃xü̃chiga 31:15

Rü marü name i 6 i ngunexü̃ pepuracüe, natürü ngẽma norü 7 i ngunexü̃ rü cha̱u̱xca̱x tá ípenaxüxüchi rü nagu tá perüngü̃gü. Rü texé ngẽma ngunexü̃gu puracüxe rü tá tayu.

Wenaxarü naxümatü ga Tupanaarü mugü 5:13

Rü 6 i ngunexü̃gu tá nixĩ i cupuracüxü̃ rü cunaxüxü̃ i guxü̃ma i curü puracü i cuxüxchaü̃xü̃.

Neemía 13:15

Rü yema ngunexü̃gügu rü Yudáanewa nüxü̃ chadau ga duü̃xü̃gü ga ngü̃xchigaarü ngunexü̃gu úba pu̱xgüxü̃ nax bínu naxügüxü̃, rü tríguarü o nugügüxü̃ rü búrumaxã bínu rü úbaya̱xa, rü igugü, rü guxü̃raü̃xü̃ i naxweta nugügüxü̃. Rü yexgumarüxü̃ ta nüxü̃ chadau nax ngü̃xchigaarü ngunexü̃gu Yerucharéü̃wa nanaaxü̃ ga naxweta. Rü yemaca̱x chayangagü, yerü ngü̃xchigaarü ngunexü̃gu norü yemaxü̃gümaxã nataxegü.

Yeremía 17:22

¡Rü taxṹ i pepatagüwa pexwetagü ípenuxü̃xü̃ i ngü̃xchigaarü ngunexü̃gu! ¡Rü ngẽma ngunexü̃gu rü taxuxü̃táma i puracü pexü! ¡Rü penaxaure i ngẽma ngü̃xchigaarü ngunexü̃ yema nũxcümaü̃güxü̃ ga perü o̱xigüxü̃ chamuxü̃rüxü̃!

Ínachoxü̃xü̃chiga 16:30

Rü yemaca̱x ga yema duü̃xü̃gü rü norü 7 ga ngunexü̃gu narüngü̃e.