Wenaxarü naxümatü ga Tupanaarü mugü 5:1 - Tupanaarü Ore

¹ Rü nüma ga Moiché rü nanangutaque̱xexẽxẽ ga guxü̃ma ga Iraétanüxü̃ rü ñanagürü nüxü̃: —¡Iperüxĩnüe, Pa Iraétanüxü̃x, i ñaa mugü rü ucu̱xẽgü i ñu̱xmata pemaxã nüxü̃ chixuxü̃! ¡Rü nawa tá pengúe rü nagu tá pexĩ!

Wenaxarü naxümatü ga Tupanaarü mugü 5:1 Referans Kwoze

Wenaxarü naxümatü ga Tupanaarü mugü 4:1

Rü ñu̱xma Pa Chautanüxügü Pa Iraétanüxü̃x, ¡rü nüxü̃ pexĩnüe i ngẽma Tupanaarü mugü ga pexü̃ changúexẽxẽxü̃ nax aixcüma mea peyanguxẽẽxü̃ca̱x rü nagu pemaxẽxü̃ca̱x rü ngẽmaãcü penayaxuxü̃ca̱x i ngẽma naane i nũxcümaü̃güxü̃ i perü o̱xigüarü Cori ya Tupana tá pexna ãxü̃!

Ore i mexü̃ ga Matéu ümatüxü̃ 23:3

Rü ngẽmaca̱x name i naga pexĩnüe i guxü̃ma i ngẽma pemaxã nüxü̃ yaxugüxü̃. Natürü tama name i nüma namaxẽxü̃ãcüma pemaxẽ, erü nüma nüxü̃ nixugü i mexü̃ i ore natürü chixri namaxẽ.

Wenaxarü naxümatü ga Tupanaarü mugü 29:10

Rü ñu̱xma i guxãma i pema, rü nua Cori ya perü Tupanape̱xegu pengutaque̱xegü namaxã i wüxichigü i natücumüarü ãẽ̱xgacügü, rü perü ãẽ̱xgacügü i yaxguã̱xgü, rü togü i yatügü i pemaxã icua̱xgüxü̃, rü guxü̃ma i yatügü i Iraétanüxü̃, wüxigu namaxã i buxü̃gü, rü ngexü̃gü, rü duü̃xü̃gü i to i nachixü̃anecüã̱xgü i petanüwa ngẽxmagüxü̃, rü woo duü̃xü̃ i perü üxüarü yauxruü̃gü rü duü̃xü̃ i perü dexáarü yauxruü̃gü.

Wenaxarü naxümatü ga Tupanaarü mugü 29:2

Rü nüma ga Moiché rü nanangutaque̱xexẽxẽ ga guxü̃ma ga Iraétanüxü̃ rü ñanagürü nüxü̃: —Pema rü marü nüxü̃ pedau ga guxü̃ma ga yema Cori ya Tupana Equítuanewa Faraóü̃maxã rü norü ngü̃xẽẽruü̃gümaxã rü ñu̱xũchi guxü̃ma i norü duü̃xü̃gümaxã naxüxü̃.

Wenaxarü naxümatü ga Tupanaarü mugü 1:1

Rü ñaagü nixĩ ga yema ore ga Moiché nüxü̃ ixuxü̃ namaxã ga guxü̃ma ga Iraétanüxü̃ ga yexguma Arabáarü chianexü̃wa nayexmagügu ga natü ga Yudáü̃arü éstewa ga Chúxarü to̱xma̱xtawa. Rü yema Arabáarü chianexü̃ rü nachicagü ga Paráü̃ rü Tópere rü Labáü̃ rü Acheróx rü Dichaáarü ngãxü̃wa nayexma.

Ínachoxü̃xü̃chiga 18:20

¡Rü ngẽma duü̃xü̃gü rü nangúexẽxẽ i ngẽma Tupanaarü mugü rü norü ngu̱xẽẽtaegü rü namaxã nüxü̃ ixu nax ñuxãcü tá namaxẽxü̃ rü ta̱xacü tá naxügüxü̃!

Wenaxarü naxümatü ga Tupanaarü mugü 5:2

Rü nüma ga Cori ya Tupana rü wüxi ga uneta tamaxã naxü ga ma̱xpǘne ga Oréxwa.

Wiyaegü 78:7

Yerü nüma ga Tupana nanaxwa̱xe nax yema tórü o̱xigüweama ügüxü̃ ga duü̃xü̃gü rü ta nagu nax yaxõgüãxü̃ca̱x nax tama nüxü̃ iyanangümaexü̃ca̱x ga yema taxü̃ ga mexü̃ ga nũxcüma naxüxü̃ rü ngẽmaãcü naga naxĩnüexü̃ca̱x i ngẽma norü mugü.

Ínachoxü̃xü̃chiga 15:26

Rü Tupana rü ñanagürü nüxü̃: —Ngẽxguma chi ipexĩnüegu i ngẽma pemaxã nüxü̃ chixuxü̃, rü penaxü̱xgu i ngẽma namaxã chataãẽxü̃, rü naga pexĩnüegu i ngẽma chorü ucu̱xẽgü, rü peyanguxẽẽ̱xgu i ngẽma mugü, rü taxuxü̃táma núma pexca̱x chanamu i ngẽma da̱xaweanegü ga Equítuanecüã̱xgüca̱x yéma chamuxü̃. Erü choma nixĩ i perü Cori ya Tupana i pexü̃ charümeexẽẽxü̃ chixĩxü̃ —ñanagürü.

Wenaxarü naxümatü ga Tupanaarü mugü 4:5

Choma rü marü pexü̃ changúexẽxẽ ga guxü̃ma ga yema mugü ga Cori ya chorü Tupana chomaxã nüxü̃ ixuxü̃ nax ngẽmaãcü aixcüma nagu pemaxẽxü̃ca̱x nawa i ngẽma naane i nagu tá pechocuxü̃.

Wenaxarü naxümatü ga Tupanaarü mugü 6:17

¡Rü aixcüma peyanguxẽxẽ̱x i ngẽma Cori ya perü Tupanaarü mugü rü norü ucu̱xẽgü ga pemaxã nüxü̃ yaxuxü̃!

Wenaxarü naxümatü ga Tupanaarü mugü 11:1

¡Rü nüxü̃ pengechaü̃gü ya perü Cori ya Tupana! ¡Rü peyanguxẽẽgü i norü ngu̱xẽẽtaegü, rü norü ucu̱xẽgü rü norü mugü rü guxü̃ma i ngẽma pemaxã nüxü̃ yaxuxü̃!

Wenaxarü naxümatü ga Tupanaarü mugü 12:1

Rü ngẽxguma nawa pemaxẽgu i ngẽma naane i Cori ya perü Tupana perü o̱xigümaxã unetaxü̃ rü penaxwa̱xe nax guxü̃guma naga pexĩnüexü̃ rü nagu pexĩxü̃ i ngẽma mugü rü ucu̱xẽgü i pemaxã nüxü̃ chixuxü̃.

Wenaxarü naxümatü ga Tupanaarü mugü 17:19

Rü ngẽma norü napane i ngẽma mugü rü guxü̃gutáma naxme̱xwa nangẽxma nax guxü̃ma i ngunexü̃gü i nagu namaxü̃xü̃gu nawa nangúxü̃ca̱x. Rü ngẽmaãcü i nüma ya ãẽ̱xgacü rü tá Cori ya Tupanaxü̃ nangechaxü̃ rü tá naga naxĩnü rü nagu namaxü̃ i guxü̃ma i ñaa mugü.

Wenaxarü naxümatü ga Tupanaarü mugü 28:15

Natürü ngẽxguma taxũtáma naga pexĩnüegu, rü taxũtáma nagu pemaxẽgu i ngẽma Cori ya perü Tupanaarü mugü i ñu̱xma pemaxã nüxü̃ chixuxü̃, rü tá pexca̱x ínangu i guxü̃ma i ñaa guxchaxü̃gü:

Yochué 1:8

¡Rü guxü̃gutáma nawa cungu̱x i ngẽma nüxü̃ chixuxü̃ i chorü mugüpanewa! Rü name nixĩ i cuma rü chütacü rü ngunecü rü nagu curüxĩnü i ngẽma chorü ore nax ngẽmaãcü mea cunaxüxü̃ca̱x i ngẽma cumaxã nüxü̃ chixuxü̃, rü mea cuxü̃́ ínanguxuchixü̃ca̱x i guxü̃ma i ta̱xacü ícuxüxü̃wa.